المشاركة الأصلية كتبت بواسطة chokirina (المشاركة 3059189)

أم هبة الله معاك نقدر نقول بسببك متي باش زعمت و دخلت لهاد النتدى كنت متبعة فترة الحمل ديالك فصمت حيت أي حاجة كانت كضرني فالحمالة كنت نيشان google وكان كيعطيني بزاف ديال المواقع و لكن حوامل كان هو اﻷول صافي تنشوف داكشي علاش كنقلب حتى بانت ليا تجمع بنات المغرب دخلت كنت كنلفا أم هبة بزاف و عجلني احترام و الطريقة باش كيهدرو و مكنتش نلقا كيف نشارك و عمرني مدخلت للتجمعات اﻵخرين تيقولك ميحك لك غير ضفرك بتات البلاد نفس التقاليد نفس اللغة

المشاركة الأصلية كتبت بواسطة chokirina (المشاركة 3059220)

أم هبة واخا مسبقليش دويت معاك ولكن الله اجعل ربي يشفي لك بنيتك و كنضن عندك بنيات ثانيين الله اخليهم لك وتفرحي بهم وربي اللي كتب لك هادشي

المشاركة الأصلية كتبت بواسطة ام اية (المشاركة 3059340)

سلام عليكم البنات
ام هبة الف مبروك احبيبة وعلى سلامتك وسلامة بنتك وان شاء الله تخرج من الحضانة سالمة منويناش نكوني ولدتي احبيبة لان مزال الوقت ولتكن مكتاب الله على سلامتك
ليلى متخافيش احبيبة ان شاء الله يكون كلشي مزيان غير خلي توكلك على الله
انا هد نهار كانت عندي عكوزتي وفلعشية مشيت عند طبيبة وشافت تحاليل وقالتلي كلشي مزيا ولاكن قلتلي خاصك كل شهر ديري تحليل ديال مرض القظط لاني معنديش المناعة وان صراحة مقتنعتش بهدشي لان فالحمل ديال سابق درتو غير جوج مرات مشي كل شهر وقالتلي عاودي تحليل البول وتحليل بول اخر كتحدمعي البول ديال 24 ساعة فشي قرعة وعاد تدار عليه تحليل باش تشوف منين جا الدم فالبول اوا هحنا مع لمشي ولمجي حتا نولد الله معانا
لبنات واش معقول كانت عندي المناعة ومبقاتش ديال هد داء القظط واش شي وحدة درت تحليل البول ديال 24 ساعة

المشاركة الأصلية كتبت بواسطة oumdarda2 (المشاركة 3061760)

ام هبة السلام عليكم اختي كنت تانسمع بيك من البنات القدام ولكن ما سبقش ليا تعرفت عليك قؤيت شنو كتبتي وشنو وقعليك
الحمد لله على سلامتك اختي نتي وبنيتك
نسال الله العظيم ان يردها اليكي مردا سليما وتكمل الفرحة وتخرج باذن الله من الحضانة بتمام الصحة والعافية

المشاركة الأصلية كتبت بواسطة ام اية (المشاركة 3061729)

سلام عليكم البنات كيف بقيتو
ام هبة شكرا احبيبة على دعوة والله يفرحك بشوف بنتك فدارك ان شاء الله
وسيمة كيف بقيتي لاباس الله يسهل عليك هد شهر يارب وتبشرينا ان شاء الله بحال سناء
ضحى كيف بقى نجم دين لاباس
ام مروة كيف بقيتي لاباس وكيف بقات بنوتة
سمرة كيف بقيتي لاباس
باقي البنات كاع مبانو هد النهار

المشاركة الأصلية كتبت بواسطة oumdarda2 (المشاركة 3061754)

بنوتات السلام عليكم اش خباركم كيف بقيتو واش خبار الكريشات والوليدات والاميرات

اليوم البنات خرجت بقا عليا راجلي حتى خرجني قالي يلاه نبدلو الجو ونرفعو المورال شوية المهم من خرجنا داني للمحلات ديال الملابس ديال الوليدات الصغار وتقديت تقريبا كلشي انا غادي نحاول نصورهم ونحطهم ليكم شوفوهم وقولولي رايكم فيهم

الصراحة هاد الخرجة نفعاتني وعطاتني القوة والامل باني غادي نشوف بنتي فاحسن حال
الله يفك كل المسلمات على خير ويرزق كل منتظرة الذرية الصالحة ويستر بنات المسلمين بالازواج الصالحين