منتديات حوامل النسائية - بنات المغرب أجي نتجمع كيف كنا

هههه ولا انا سولت على داك النعاس اللي كيفيقوا مخربق متلا بنتي اول نهار كل ساعة كتفيق ومن بعد ولات كتنعس متلا مع 12 وتفيق مع 4 واليوم نعست وفاقت بنهار بالزاف فحالوالايام اااخرى ولكم فقت مع و نعست مافاقت حتى 5 اما انا عااااارفة السهير لااااا مفر منه

اقتباس:

المشاركة الأصلية كتبت بواسطة أم شّهد (المشاركة 3499460)

ضحكيتيني اسناء ولاهيلا هههههههههههههههه ارى ما تسهري واحد 3 شهور عاد يتقاد ليها النعاس ولا عام كاع مالكي زربانة ماباغاش تسهري ههههههههههههه

اقتباس:

المشاركة الأصلية كتبت بواسطة ام مروة (المشاركة 3499462)

khti sanae lhemdolah 3la slamtek oslamet jory treba f3ezkom inchallah, ghir sebri akhti rah ila ma3endek ras lbezola hakda ghayetra lik htta twelefha chwiya bchwiya , ghir la te3tiha sekata w hta kifma gelti ila 3serti liha lehlib ferda3a rah ghatwelef lik jelda derda3a ola sekata omatebghir terde3 lbezoula ghir chwiya desber hita darori hasha terde3 menek
lah ikheliha lik

اللهويبارك فيك اختي نتي لباس البنوتة اش خبارها فيم غبرتي علينا ان شاى الله غيابك يكون فيه الخير انا درت ليها السكاتة شدتها ليا غير البارح والليل باش متبكيش ليا على القرعة حنت من البارح بالليل ماخدات القرعة وعطيتها بالليل غير شويكيكة ديال اللويزة باش من بعد تشد البزولة وحلفت لا شدتها وليت نقر ليها داك الشي غير في فمها

اقتباس:

المشاركة الأصلية كتبت بواسطة أم شّهد (المشاركة 3499463)

شتي ياختي شتي وغير عطيها البزولة حاولي معاها راني قلتها للوالدة قلت ليها واحد البنت بنتها كاعما بغات تشد ليها البزولة قالت ليا كيقولو الناس الى ماكنتيش باغاها في الاول ما كتبغيش تشد ليك البزولة ومانعرف شوفي مع راسك

اقتباس:

المشاركة الأصلية كتبت بواسطة أم شّهد (المشاركة 3499466)

ولا شوفي دهني ليها الراس بشوية ديال العسل على الله تشدها ليك

لااا ياهتي بالعمى بالفرحااات عليا نرضعها قبل منولدها كنت نعري على صدري ونبدأ نقول هاد الصدر هادا كيغندير معاه في الرضاعة وهو مافيهش الراس والمشكل اللبا البارح خرج وبزز باش قطرتوا ليها ودابا كنحس بصدري وااقف ومحجر كيعكرنييييي والراس ماشكيت عليك هاداك بوحدواوايواو الحمد الله على كل حال

اقتباس:

المشاركة الأصلية كتبت بواسطة oumdarda2 (المشاركة 3499495)

مسهرتي والو ياسناء وكتسولي ايمتا يتقاد ليها النعاس انا بنتي دارت ست شهور وباقية كتفيق بالليب غير صبري اختي دااابا تولفي وترجعيىغير تسمعيها دارت اه تنةضيى كطيري وراهيا ماماك عندها الحق ﻻتعطيهاش الرضاعة وﻻ عطيها شي قطيرات داللويزة بالمعلقة الله يخليها ليك اختي

اه اختي اللويزة مرة مرة كنعطيها ليها مابغيتش نقوي ليها حنت قالوا كدير ليهم الوجيعات