|
رد: تجمع حوامل ليبيا
ربي يسهلك حبل الوصل لا 3 شوية متخافيش ان شاء الله وببركة رمضان يارب تحملي وانشوفو عندك احلى توووأم
ام رفيدة ان شاء على قريب تعزمينا علي العصيدة والله صدقتي صحيح رمضان ليبيا ماكيفه رمضان بس معليش سلم راجلك واللي معاك وان شاء الله رمضان اللي بعده تكوني هني باذنه تعالى |
رد: تجمع حوامل ليبيا
ام رفيدة يارب تجيبي هالايام هادي وتفتكي اسمعي يا اوخيتي مادامك بكريه وما تعرفيش
كثري مشي وجماع وكولي تمر واشربي حليب سخون واقري عليه قران واغتسلي بحمام سخون وادهني جسمك بزيت دافي ولما يجيك الوجع انشاءالله ادهني جسمك بزيت زيتون دافي مع حبة البركة بطنك وظهرك رح ترتاحي انشاءالله ويارب يخلصك بالسلامه اهم شي الصحه ليك وللبيبي لازم تجيبي في مصحة معروفه صاحبتي بكريه ساكنه في نيوكاسل القابلة ولدتها طبيعي وما شقتش العجان لانهم يبوا كل شي طبيعي عندهم تعرفي وربي يحفظك رجلها لتوا شبه عرجة من الجبد |
رد: تجمع حوامل ليبيا
يابنات اقترحوا اعليا شن ادير
عندي صاحبات المانيات يبوا يتغدوا عندي قبل رمضان وشارطين يبوا اكل عربي اقترحوا شن انديرلهم بالزبط |
رد: تجمع حوامل ليبيا
انا ناوية اندير
رز بلاو +طاجين جبن + امبطن + بوريك السلايط: سلاطة فتوش + سلاطة خضرا الحلو: بسبوسه + محلبية شن رايكم طبعا القهوة رح انقدمها عربيه مش نسكافه ولا كابتشينو |
رد: تجمع حوامل ليبيا
عيون زوجك لو منك اندير اكل ليبي
يعني بما انهم يبو اكل عربي الاولى انك اديري اكل كله من الالف للياء ليبي الشربة الليبية بس ديريها خفيفة شوية كطبق اولي وديري امبطن ايوة كانك فالحه فيه يجيك روعه ان شاء الله ومثلا رز بالخضرة اللي يشبه حشو العصبان لانه خفيف وفي نفس الوقت حلو والسلاطة لو درتي سلاتة عربية احسن من الفتوش والمتوش البوريك ايوة كويس ولو تبي اديري لحوم عليك مثلا بمطمور دجاج او لحم وهذا زي العسل ويستر في العزومات يعني متكتريش الحاجات الدهنية لانهم اصلا ميحبوش الدهون هلبة ربي يسترك وتجيك عزومة مقومة وكان تبي مساعده رني عليا في يوم العزومة واني انجيك بطنجرتي كخخخخخخخخ لو درتي رز مثلا ديريه رز بالخضرا اللي زي حشو الع |
رد: تجمع حوامل ليبيا
اقتباس:
نستنى فيك يا سمحه ماتجيبي معاك شي تعالي بزويلك ساعديني وتغدي عندي وندهورك في المدينه وروحي شن رايكhwaml03 بنسألك شن هو مطمور الدجاج قصدك بورديم hwaml13 |
رد: تجمع حوامل ليبيا
يابنات شن تنصحونى ناخذ دوفاستون ولا نصبر hwaml8لانى درت تحليل في الدم وتحليل منزلى وطلع سلبي وانى الدورة متاخرة 6 ايام hwaml15 نستنى في رايكم والله محتارة ومنبيش نمشي للدكتورة كرهتهمhwaml10 |
رد: تجمع حوامل ليبيا
عيون كلام اختى سمحة مزبوط ديري اكل ليبي وما تثقليش ونبو دعوة حتى حنى أهىء أهىء
|
رد: تجمع حوامل ليبيا
ماشالله وين هل الزيطة ياعيون راجالها ديرى كسكسو بالبصلة
|
رد: تجمع حوامل ليبيا
سماح استنى نمشى امعك انا متحشمة من عيون راجالها ديمه اتجينى
|
| الساعة الآن 05:00 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .