|
رد: دردشة بنات ليبيا , دردشة حوامل ليبيا , تجمع بنات ليبيا
هذا يا حنه .. وخيتك سورينام نايضه الساعه 8 اليوم عندي صابون وبطاطين الصغار بنغسلهم و2 ممرات وفرشه صغيره . قلت انكمل قبل ما اينوضو الصغار ونلهى .. المهم كملت حوستي مع 10 ونص ودرت دوره عالشقه (فتحت الرواشن ونفضت المربوعه وكديت الحمام الصغير حاشاك ) وخشيت للكوجينه وتيت الفطور للصغار ونوضتهم وفطرتهم وضميت دارهم وطلعت حوايجهم بنديرلهم دووووشhwaml12 المهم شفت الساعه لقيتها 12 وتلت وأني عندي خضرا بندير محشي فلفل وانخمم شن اندير معاه وحاسه ان الوقت ما ايسدنيش وخاصة ان راجلي ايروح الواحد ونص ويبي ايصلي الضهر ويتغذي .. قلت في خاطري باهي خضرتي امقرضه من البارح والمحشي فيسع ما ايطيب ....
المهم ... كيف دخلت نوور الصغيره بنحممها قبل خوتها وايشرين تليفووووني.... جابتلي سروره التليفووون واذا بيه زوووزي ..خير ان شاءالله ... قاللي على طوووول ومن دون مقدمات : بالله وراس عويناتك يا غزالتي جايب معاي زوز اصحابي عالغدي فتلكيلنا الأمور hwaml02وقوليلي شن انجيب معاي ومع الساعه 2 ونص جايين احني ..... لاااااااااااااااااااااااااااااااااااا hwaml4hwaml4.. خخخخخ عيطت على طول حسي يا كبدي لاه اعليك واني الصغار قاعدين بشمالاتهم ماغيرتلهم .. وليش ماقلتش من بكري يعطيك ...... أخخخخخخخ الواحد شن بيقول توا هي .. نفخني بكلمتين hwaml8(اني عارفك اتهني حتى لما عزمتهم اماخر كنت حاط ايديا ورجليا في اميه بااارده).. المهم يا حنه ماصارش من الدوش للصغار غيرت للصغيرين الزوز شمالاتهم حاشاك .. وغسلتلهم اطرافهم وغيرتلهم حوايجهم واني انخمم شن بنطيب ... 2 رجاله ومعاهم راجلي وعالغدي وهما من الصبح في العمل يعني جعانيييييين ما فيش من ينقدني الا الكسكسي .... |
رد: دردشة بنات ليبيا , دردشة حوامل ليبيا , تجمع بنات ليبيا
خشيت درت البصله عالنار هيا الاولي .. وحطيت اللحم في الطنجره مع دبايره واميه سخووووونه وطلعت عواله المحشي وكملته وحطيته عالنار وشفت الساعه لقيتها 1 وربع باااااااااااااااهي باه ربي باركلي في وقتي الحمد لله وقلت باهي اللي نفت مربوعتي عالصبح هيا وحمامها اتقول من قالي جايينك ضيوف ههههه حتى من المكتبه والكمبيوتر والتلفزيون لمعتهم... والله النوضان بكري الا رحمممممممه لربه البيت ومولات الصغار ...
المهم الحمد لله ربي استرني درت كسكسي بالبصله ومعاه فليفل محشي وسلاطه رقيقه ومخلل وزيتون .. وزوزي جاب معاه مشروب وفواكه وبعد الغذي درتلهم طاسه خضرا ومعاها مقروض والحمد لله |
رد: دردشة بنات ليبيا , دردشة حوامل ليبيا , تجمع بنات ليبيا
ههههههههههههههههههه الله غالب شن بديري
حتى أني إيديلرلي فيها مرات |
رد: دردشة بنات ليبيا , دردشة حوامل ليبيا , تجمع بنات ليبيا
ريتي عمايل الرجاله ريتي ... كاني مرا فالحه راني طلعتله عيونه مش سادني صغاري وحوستهم يمشي ايزيدني هم من براااااااااا
|
رد: دردشة بنات ليبيا , دردشة حوامل ليبيا , تجمع بنات ليبيا
ما شا الله عليك يعطيك الصحة وربي ايخليلك صحيحتك يارب
|
رد: دردشة بنات ليبيا , دردشة حوامل ليبيا , تجمع بنات ليبيا
ايه وهما ولا على بالهم يعزمو ويحلفو للناس واحني نقعدو نتعاركو مع الكوجينه والماعيييين
|
رد: دردشة بنات ليبيا , دردشة حوامل ليبيا , تجمع بنات ليبيا
الله ايبارك فيك وايخليلك صحيحتك حتى انتي وايعمر دارك عن قريب اللهم ’’آآآآآآآآآآآآآآآآميييييييييييييين
|
رد: دردشة بنات ليبيا , دردشة حوامل ليبيا , تجمع بنات ليبيا
شن طيبتي غداك انتي؟؟وشن بتعشينا ؟؟
|
رد: دردشة بنات ليبيا , دردشة حوامل ليبيا , تجمع بنات ليبيا
وين عيون معاش خشت ... شادتها عالفيس وقروب الحايسات وفايته المنتدى!!
|
رد: دردشة بنات ليبيا , دردشة حوامل ليبيا , تجمع بنات ليبيا
اللهم أمين يارب
الغدي ما طيبتيش زوجي اليوم متغدي بره وقاعد إلى توى ما روحش والعشي مازال ما فكرتيش فيه |
| الساعة الآن 09:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .