|
رد: ديوانية البحرين - دردشة حوامل البحرين - البحرينيات
هلا بنووته فتحت تلفون ريلي يوم قمت جيتين جي بيت أبرش محد فيه.
أني ابغي انااااااام بس صلي علي النبي اقري قران وارسليه للحسين ع وانصاره وان شا الله تنامين يارب بنوته تعرفين تسوية كروشيه عجل وايد تمام ابغيش تسوين حقي عندي قطعة من ضريح الحسين سلام الله عليه وابغي اسوي عليها اضافه بالكروشيه وتصير لحاف عفر بفتتح مشروعش وشرايش خخخخخخخخ |
رد: ديوانية البحرين - دردشة حوامل البحرين - البحرينيات
أيوووو أفا عليش خيووو ,, لكن قطعة من الحسين وعليها كروشيه متأكدة بيصير شكلها حليووو ؟؟
ماعندي مانع انتين أم الأفكار وأني أنفذ اني اعرف اسوي الكروشيه ابو السنارة الوحدة مو أبو الثنتين داك صعب وللحين ماتعلمته يمكن في المستقبل .. أبي اقرأ قرآن شكلي لين أذن بصلي وبقعد اقرأ لين تجيني النومة بعد شسوي :( |
رد: ديوانية البحرين - دردشة حوامل البحرين - البحرينيات
هلا بنووته فتحت تلفون ريلي يوم قمت جيتين جي بيت أبرش محد فيه.
أني ابغي انااااااام بس صلي علي النبي اقري قران وارسليه للحسين ع وانصاره وان شا الله تنامين يارب بنوته تعرفين تسوية كروشيه عجل وايد تمام ابغيش تسوين حقي عندي قطعة من ضريح الحسين سلام الله عليه وابغي اسوي عليها اضافه بالكروشيه وتصير لحاف عفر بفتتح مشروعش وشرايش خخخخخخخخ |
رد: ديوانية البحرين - دردشة حوامل البحرين - البحرينيات
طرشت الرد مره ثانيه يالغط يلا تصبحين علي خير
|
رد: ديوانية البحرين - دردشة حوامل البحرين - البحرينيات
خيوو توش كاتبة هالرد رد انكتب مستغربة أني ,,
أحارس الأذان المفروض أحين يأذن .. بعدش مانمتين ؟ عجل صلي ونامي ,, حالش من حالي الليلة الفرق انش بتنامين على طول وأني بتم قاعدة :( مادري لمتى لين الله يفررج |
رد: ديوانية البحرين - دردشة حوامل البحرين - البحرينيات
أكو أذن ,, اذا كنتين قاعدة تصلين أحسن وتنامين عشان لاتصير قضاء عليش ..
ومأجورين ,, |
رد: ديوانية البحرين - دردشة حوامل البحرين - البحرينيات
ههههههههه
أني انام حرااااااام لازالت عيوني مبققه صليت الحمد لله يلا الحين صدق بنام اسكتي بلا فوضي باااي |
رد: ديوانية البحرين - دردشة حوامل البحرين - البحرينيات
أني تسببت لروحي .. قاعدة ومتمللة .. وانجان دقت عليي أمسح على بطني وأتحسسها انجان تقعد البنية وأكي بدا اليوم عندها .. ان شاءالله ترد تنام خخخخخ
|
رد: ديوانية البحرين - دردشة حوامل البحرين - البحرينيات
بنوته
انتي اي شهر |
رد: ديوانية البحرين - دردشة حوامل البحرين - البحرينيات
هلااا بروفكشن ,, اسمش صعب ..
في السابع أحين .. الله يتمم ان شاءالله بحق هالليالي الكريمة |
رد: ديوانية البحرين - دردشة حوامل البحرين - البحرينيات
نسيت أسألش .. وانتين ماعرفتين بنفسش واذا حامل أو لأ وأي شهر ؟
|
رد: ديوانية البحرين - دردشة حوامل البحرين - البحرينيات
انا بدخل التاسع
دعوااااااتك |
رد: ديوانية البحرين - دردشة حوامل البحرين - البحرينيات
الللاااي اللي يتمم عليش ويسهل عليش ولادتش ان شاءالله ..
حدي خاطري أدخل التاسع ,, باقي واجد |
رد: ديوانية البحرين - دردشة حوامل البحرين - البحرينيات
لا والله الشهور تمضي بسرعه
وبتدخلين التاسع والله يسهل عليك انا في الشهر الثقل زاد وتجي نغزات وحكه في البطن شدييييييده |
رد: ديوانية البحرين - دردشة حوامل البحرين - البحرينيات
السلام عليكم شخباركم جميعا حبيت انقل لكم آخر اخباري من الساعه اربع ونص الفجر بدى فيني الطلق لي الحين ورحت المستشفى قالولي واحد سانتي وسوولي تخطيط بين ان فيه طلق بس قالت لي دام بيتكم جريب من المستشفى وقعي انتي وزوجج واذا اشتد الالم تعالي على طول انتي لانج بجر بطولين شوي ، بس حبيت اسألكم دام اني انفتحت 1سم تهقون متى اولد؟
طفلي بخصوص الحبوب انا الدكتورة قالت لي اقطع حبوب الفوليك اسد واتم على هالحبوب اليفيت الي عندي بس انتي استفسري احسن |
رد: ديوانية البحرين - دردشة حوامل البحرين - البحرينيات
سلاام بنات .. مأجوورين
بنت الاياويد .. واايد زين حانت لحظة الصفر ،،الله يسهل عليج ان شاء الله بحق غربة الحسين (ع).. وترى اذا ابتدى الطلق يختلف من وحدة للثانية ونفس ما قالو لج البجر يطول عندها الطلق .. اختي نفسج صادها ورجعوها البيت وزاد عليها الطلق المغرب وديناها ولدت الساعة ثنتين ونص في الليل وايد طولت .. وان شاء الله يارب مايأذن المغرب الا انتي والدة و اذا عندج نبتة مريم اغلي لج ويا الماي تفيد وايد وخل يقرون عليج سورة مريم والزلزلة واكلي اناناس او شربيه عصير والزعفران والعسل بعد وهاذي كلها مسهلات من بعد رب العالمين .. الله يقوومج بالسلامة وشغلي نفسج بأي شي لا اطالعين الوقت واذا زاد عليج الطلق او نزل ماي او دم على طول روحي المستشفى ... وان شاء الله سهالات يارب بس وين رحتي السلمانية او محرق؟؟ طفلوو .. انا مو موجودة وبعد تعقرين علي يا النحيسة يعني ما اسلم من السانج مولية.. هاليومين من الحركة والمشي احس ظهري وايد يعورني واقل شي ماقدر اتنفس حالي حال الاوادم .. وصاير لي حرار في بطني وحكة لانه جلدي مشدوود وما في جانس يتمدد زود.. الله المستعاان وعليه المعول في الشدة والرخااء .. انا بعد ابي اجرب حبوب الي قالت عنه بنت الاياويد بس خايفة ابلع شي بدون ماا استشير دكتورة وانتي بسج من الوسواس ترى ما تحسين بالزيادة في الوزن الا في نهاية الاشهرر وانتي توج في السادس الزيادة تكون جرامات بس .. وانتي تبين ياهل دبدوب عشان يتعبج في الولادة hwaml02.. الله يتمم لج ولنا على خير بحق هذا اليوم ان شاء الله ولا تنسونا من الدعاء .. واهم شي الخلقة التامة مابي اعور قلبي ولد او بنت الحمدلله نعمة من رب العالمين سلامتنه احلاام ام وبنوتة ... ماعليكم شرر والله يشافيكم من كل مكرووه بس شربو اشياء دافية وحتى الماي خلوه دافي افضل وعصير اليمون والنعناع يفيد وحتى البرتقال فيتامين سي طبيعي.. ولبسو ثياب شتوية لانه وايد بررد شموووس ... حلوووين تجهيزاتج وعجبني الفراش الوردي الي فيه فراشات من وين اخذتيه ما فهمت عليج مذركير او اشراقة رضيع ؟؟ ملبوووس العاافية ان شاء الله .. وفكرتج حق التوزيعات حلووة وايد بس يبيلها مزااج وانا احين من الثقل يالله اخف بعمري حق شغل البيت ورووحة الماتم .. حنوون .. وايد حلووو الستاااند وحتى شغلج في الفراش البرتقالي نعوومي .. بلى انا قلت لج ابي اجوف شغل ام زينب باطرش لج ايميلي وباجوف شغلهاا لانه ما لي خلق اشتغل على شي برووحي .. ان شاء الله بادش وبتجوفنيني عقب هاللوية ام ميثمي والباقي شخبارركم ؟؟ |
رد: ديوانية البحرين - دردشة حوامل البحرين - البحرينيات
اقتباس:
مأجورين اي خيوتي يصير انش ما يتغير وزنش والبيبي طبيعي اني لحد اسبوعين كان نمو البيبي طبيعي واني وزني مو متغير ابدا بس الحين بدا يوقف نموها في البداية اني كان كلش عادي لكن بعدين تغير الحال ان شاء الله البيبي ما فيه الا العافية ولا توسوسين واذا تحبين روحي سوي التراساوند عشان تطمنين ان كل امور البيبي زينة والله يطمن قلبش ان شاء الله |
رد: ديوانية البحرين - دردشة حوامل البحرين - البحرينيات
بنت الاياويد الله يسهل عليش ان شاء الله وتولدين بالسلامة ياااااااااا رب
هانت هاانت ماباقي ان شاء الله الا ساعات بسيطة وتشوفين النونو في حضنش فلونة ماعليش شر ان شاء الله وربي يسهل عليش يبي ليش ترتاحين في هالفترة عشان ظهرش لا يتعب وبالنسبة للحكة والحرار في البطن استخدمي زيت زيتون طبي ادهني فيه مكان الحرار واذا كان قصدش حكة تصيدش من تمدد الجلد استخدمي كريم التشققات من بالمرز واجد زين يلين الجلد ويروح الحكة واذا ماعندش وماليش خلق تاخذينه استخدمي اي كريم دهني انتين تحبينه بعد يفيد اني كنت احسب هالكريم يمنع التشققات وما يتشقق الجلد طلع بس يلطف الجلد واكو تشققت دبتي كلها الله يعين لو بتي حجمها طبيعي ودبتي كبيرة جان راحت علي |
رد: ديوانية البحرين - دردشة حوامل البحرين - البحرينيات
اي فلونة نسيت بعد
هذا اليفيت فيتامين عادي تقدرين تستخدمينه اذا انتين حاليا تستخدمين حبوب حديد وما تستخدمين اي شي ثاني اسألي الدكتورة اذا تاخذينهم مع الفيتامين او تقطعينهم اني عموما كنت اخذ اليفيت وحبوب الحديد الوردي اللي وياهم فوليك اسيد قالت لي الدكتورة مايحتاج تواصلين على الحديد لأن جسمش مو قاعد يمتص الحديد والفوليك اسيد اصلا موجود في نفسه الفيتامين (اني عندي الفا تلاسيميا فجسمي ما يمتص الحديد) فصاير اني بالنسبة لي الفيتامين اليفيت بروحه كافي |
رد: ديوانية البحرين - دردشة حوامل البحرين - البحرينيات
صارت الساعة 1 وما انتبهت اكيد الحين امي رجعت من الماتم
مثلا اني هالسنة انحرمت من الماتم يوم اروح ويومين اتعب واقعد في البيت اول يوم رحت افتر راسي واغمى علي في الماتم وجابوا لي ماي وحالة واللي تجيب لي حلاوة واللي تهمز راسي والحالة قايمة وبس خفت اروح الصبح قمت اروح في الليل وبعد الله ماكتب اواصل كل يوم يالله وش بيدنا نسوي الله كريم بروح بيت ابوي بقعد ويا امي شوي >>> شوي يعني الى الليل خخخخ مأجورين والله يعودكم |
رد: ديوانية البحرين - دردشة حوامل البحرين - البحرينيات
هلا دمع الحنين .. ان الله لا يكلف نفسا الا وسعها واذا على روحة الماتم الله يكتب لج الاجر ان شاء الله وانتي نيتج تروحين بس ما تقدرين ..
وبالنسبة حق هالكريم باروح اجوفه في الصيدلية وان شاء الله تخف الحكة وخصوصا احين الجو بارد واقل شي يتشقق الجللد .. وانا اوردي صار لي تشققات ومضايقتني والحبووب انا خوافة حدي بداية حملي عطتني الدكتورة فوليك اسد يومين ما خذيته كنت خايفة.. واحين اخذ حديد الحبوب الوردي ومادري اذا يصير اخذهم مع بعض او اوقف الحبوب الوردي .. حيرررة يختج لانه انا دمي بسرعة ينقص وهليومين انسى ولا ابلعه.. انا سمعت معلومة الي فيهم الثلاسيميا لازم يكثروون السوائل واذا ما تشتهين الاكل سوي لج عصاير فرش في البيت .. جربي عصير الكيوي .. عالاقل يعوض جسمج وان شاء الله بحق الحسين وغربته وعطشه و وحدته ان يرزقنا الذرية الصالحة تامة الخلق والخلقة من غير زيادة ولا نقصان وان يثبت حملنا ويسهل ولادتنه وان يرزق كل محرومة ... |
رد: ديوانية البحرين - دردشة حوامل البحرين - البحرينيات
هلا والله مشكورين على الدعاء ، انا يالسه اكل رطب وشربت دارسين شوي وماي ورد والله يسهل ان شاء الله ، رحت المحرق لان السلمانيه على حظي مسكرين جناح الولادة
دعواتكم |
رد: ديوانية البحرين - دردشة حوامل البحرين - البحرينيات
بنت الاياويد
الله يسهل عليج وتولدين بالسلامة واتجوفين احلى بنوتة |
رد: ديوانية البحرين - دردشة حوامل البحرين - البحرينيات
شلون بنعرف اذا ولدت بنت الاأاياويد؟؟
الله يسهل عليها ان شاءالله بحق هالليالي الكريمة |
رد: ديوانية البحرين - دردشة حوامل البحرين - البحرينيات
هلا فلونة
جربي الكريم وان شاء الله تستفيدين منه وترتاحين عليه وبالنسبة للعصاير ان شاء الله احاول ازيد شرب لأني في البرد ما احب اشرب واجد بس عشان خاطر البنوتة لازم بشرب.. واني ماكنت ادري ان عندي ثلاسيميا الا قبل اسبوعين كان موعد تطيعم ولدي وقالت لي انه هو واني عندنا فما ادري شلون لازم اتصرف مع هالمرض واللي اعرفه عنه ان يخلي الجسم ما يستفيد من الحديد ويخزنه وعن الحبوب هذي عادي تاخذينهم مع الحديد الوردي اني كنت اخذهم اثنينهم الدكتورة وصفتهم لي مع بعض بس بعدين لما قلت ليها عندي ثلاسيميا قالت عجل ما يحتاج الحديد وهالفيتامين بيعطيش الفوليك اسيد اللي تحتاجينه وربي يسمع دعواتش خيو ويسلم حملنا واطفالنا ويجيبهم بالسلامة بنت الاياويد الله يسهل عليش ان شاء الله ويرزقش الولادة السهلة الميسرة |
رد: ديوانية البحرين - دردشة حوامل البحرين - البحرينيات
بنت الأياويد
ربي يسهل عليش الطلق والولادة وتقومين بالسلامة مع المولودة تبخري بدارسين مطحون يقولون يوسع العنق إذا في ولادة |
رد: ديوانية البحرين - دردشة حوامل البحرين - البحرينيات
السلام عليكم شخبار وحشتونا ووحشتنا دبيبكمhwaml02
حشة لو اغيب شهور ماحد يسال عني الله كريم الظاهر ما حبيتون تواجدي حتى روز واعدتني واخلفت الوعد حتى ما اتصلت فيني اني زعلانه حديhwaml4 بنت الاياويد الله يسهل عليش حبيبتيhwaml7وتقومين بالسلامه يالغلا |
رد: ديوانية البحرين - دردشة حوامل البحرين - البحرينيات
مشكورين وماقصرتوا انتظر يزيد الالم عشان اروح الحين قاعد يزيد دعواتكم
|
رد: ديوانية البحرين - دردشة حوامل البحرين - البحرينيات
السلام عليكم
عظم الله اجورنا واجوركم وعسى ربي يبلغنا لسنة الجاية نلبس اولادنا ثياب خضران ونشاركهم في عزاء امامنا بنت الاياويد يااااااري يسهل ولادتش وتقومين بالسلامة بس نشلون بنطمن عليها احنه يبي لنا نجوف لنا حل عشان نطمن على بعض اذا ولدنا ونخبر بعضنا ام السادة اش هالكلام حبيبتي انتي مكانش في القلب مو على صفحة المنتدى وربي الشاهد اجين في بالي بس انتي تغبين مرة وحدة واترجعين لنا عقب فترة طويلة من جدي يمكن بعض الاعضاء يغفلون يسألون عنش على العموم طمنينا على السيد شخباره؟؟ سويتي سونار صح؟؟؟ احلام ام وشموسة ماجوفون شر عسى ربي يلبسكم لباس الصحة والعافية وتقومون بالسلامة فلونة مشكورة حبيبتي عيونش الحلوة حاضرين ليش في اي وقت بنوتة وطف طف اش عندكم مع هالاكتئاب؟؟؟ طف طف لو احصلش جان اكفخشhwaml02 يعني انتي ادورين بس ورى شيء عشان تقعدين توسوين ترى حده عادي وزن الوحدة مايتغير لمدة والبيبي يكون بخير الله هداش تركني عنش هالوسواس وخلي فرحان مادري فرحانه بحالهم لا تزعجينهم بافكارش الناريةhwaml02 ام حماني وروز من زمان مابينوا وحشوناhwaml02 فتاة شخبارش حبيبتي؟؟ شخبار الثقل وياش؟؟؟؟ |
رد: ديوانية البحرين - دردشة حوامل البحرين - البحرينيات
هلااا خيوو ,, مادري حقويش ضاربني الاكتئاب ..
يوم السبت زوجي بيسافر اسبوع مطرشينه الشغل دورة .. وهالشي مزيد اكتئابي بعد :( بنت الأياويد قاعدة أفكر فيش اقول ان شاءالله تولد وتفتك كريه المحارس والمحاتى , الله يسهل عليش ان شاءالله |
رد: ديوانية البحرين - دردشة حوامل البحرين - البحرينيات
هلا بنااااااااات
وينكم شخباركم بنوته |
رد: ديوانية البحرين - دردشة حوامل البحرين - البحرينيات
صباح الخير ، شكلها بنتي ماتبي تطلع هههههههههههه حاليا فيني الم خفيف اسفل الظهر وريولي واذا امشي يرجع الالم اما الحين مافيني شي شكله صج طلق البنيه بارد
الله يسمع منج بونة ، ويعينج على الاكتئاب ترى انا وايد كان يصيدني من بداية السابع احس جني كارهه حياتي بس شعور كلش كريه |
رد: ديوانية البحرين - دردشة حوامل البحرين - البحرينيات
سلااااااااااااااام لكل الحوامل الحلوات
جمعه مباركه والله يعودنا وياكم ان شاءالله ويارب كلكم تكونون بخيرررر |
رد: ديوانية البحرين - دردشة حوامل البحرين - البحرينيات
سلام
بنت الأياويد ماعليه هانت تتدلع البنوتة ما تبي تطلع الظاهر بردانة الله يسهل عليش ان شاء الله وتولدين بالسلامة |
رد: ديوانية البحرين - دردشة حوامل البحرين - البحرينيات
الله يعينا ويصبرنا يارب
انا حاليا نهاية 8 عمر بنتي 34 سبوع سبوع الياي ادخل التاسع والله يسهل علينا يارب خايف احس كل ما قرب موعد الولاده مدري شلون مشتاقه لشوفه بنتي بس خايفه اول مرة بحياتي بجرب الولاده وغير جذي الالم والتقلصات الي تصير تألم مع ان الحمدالله ماتنفخ جسمي بس مدري احس بألم ببطني اكثر شي الله يستر من اعراض التاسع احسها تخرع |
رد: ديوانية البحرين - دردشة حوامل البحرين - البحرينيات
اخر موعد لي قلت للدكتورة ان خلص حبوبي
وعطت حبوب جديد كنت اشرب فولد اسد وحديد لونه وردي عشان كان دمي ناقص وزاد شوي فقالت لي واصلي عليه وعطتني حبوب صغار حدهم لونهم اصفر خفت اشربه لان مب مثل القبلي وما فيني ما اواصل اخاف يرد دمي ينقص مب ناقصه فالي عندها من هالحبوب تقولي مال شنو وليش؟ |
رد: ديوانية البحرين - دردشة حوامل البحرين - البحرينيات
شخباركم
اني من أمس كل ألم بظهري وبطني وبطني يمشيني اشوي على خفيف واليوم الألم أزيد يروح ويجي احس اني تمللت ما اعرف اقعد لو انبطح واذكرش بنت الأياويد لان انتين صار ليش على هالحاله أكثر من أسبوع واني من امس واحس نفسي طفشت من الألم الله يسهل يا رب |
رد: ديوانية البحرين - دردشة حوامل البحرين - البحرينيات
الله يسهل عليج يارب
الالم كريه اناا قمت اروح الماتم واقعد ع الارض واختنق احسها قاعده بجبدي وبطني وايد يعورنيي وخفت احس تنزل مني افرازات مهبليه بكثره ووقات مثل الماي |
رد: ديوانية البحرين - دردشة حوامل البحرين - البحرينيات
الله يسهل علينا وعليج يا بنت الاياويد
يا رب سهل على كل حامل وقومها بالسلامة |
رد: ديوانية البحرين - دردشة حوامل البحرين - البحرينيات
كروشات اليوم حلمت
ان ولدت وكان تاريخ 15 شهر 1 وكانوو يقولون ليييي في الحلمة ان يصادف يوم السبت لمن صحيت من النوم قعدت وعلى طو ل رحت حق التقويم عشان اجوف تاريخ 15 شهر واحد يصادف أي يوم ولمن جفت انصدمت ان صج يصادف يوم السبت تخيلووو بنات حلمتي تصير صج خخخخخخخخخخخخخخ خفت حدي |
| الساعة الآن 08:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .