|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا وغلا حياكم الله وبياكم(معزوفة حزن وحبلى)
معزوفة حزن ،،اسأل الله الكريم رب العرش العظيم ان يبدلك ويعوضك عن ابنك اللي فقدتيه بابن آخر ويجعله شفيع لك في الآخره اما بخصوص الكيس المفروض الحين يكون فيه نبض انا لما رحت اكشف كنت في شهرين النبض على طول بين وقالت لي فيه كيس وداخله جنين يمكن انتي لسى صغير علشان كذا مايبان اسأل الله ان يثبت حملك ويرزقك الطفل السليم المعافى ويقر عينك بشوفة عيالك.. حبلى// انا من الدمام ماعرف مستوصفات الخبر للاسف انا اراجع بالصحه والحياه عند دكتوره فريال عسسسل وممتازه وخبره في كل شي لدرجة لما رحت فتحت ملف عند عزه باسطون قالت لي وين كنتي تراجعي قلت بالصحه والحياه قالت عند فريال قلت ايوه قالت فريال مشهوره ماشاءالله عليها بس صار عليها زحمممه مو طبيعيه والله يتمم لك حملك ع خير.. |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
الدكتوره حنان مرررره شاطره
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
تسلمون حبايبي امين يارب يعوضني بخير ويصبرني
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اقتباس:
اقتباس:
انتضروني بكره يكتب تجرنتي |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اهلا وسهلا معزوفه كيف الحال وحياك ويانا في التجمع والله يصبر قلبك ويجعل لك ولدك شفيع والله قرات رسالتك وسالت دمعتي الله يعوضك بلي في بطنك ويسعدك فيه اللهم امين والله يثبت حملك بس مثل ماقالت امووله هوه يبين من اول اسبوع في الثاني القلب يشتغل بس انتي اصبري وشوفي والله قادر على كل شي الله وياش..
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
يا حلوات اليوم موعدي مع الدكتوره وانا مرره خائفه تكفوووووون أدعو لي يكون كل شي بخير ويكون طفلي بصحه وعافيه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلااااااااااااااا ام يونس وامولة وحبلي ومعزوفة فررررررررررررررررح دوم
والله لو علم العبد ما الله مخبئة له من الخير ما حززززززززززززن ما تدرين وين الخير ربي يعوض عليك ويرزقك الخير بالدنيا والاخيرة امولة بالله طمنيني عليك لا رحتي يا رب يا ام يونس تخلصين الاربعين وبنهاية الشهر تقولي انك حامل علشان اطنز عليك اكون مطوفة عليك واحرك يارررررررررررررررررررررررررررررررررررب يحملك بعد الاربعين بتوم قولوا امين |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
شموووووووووووووووووووووووووووووووووووووووووووووووو ووووووع وينك اجي اكلك واعصر عليك ليمون حرام عليك والله اطلعت عيوني لما شفت ردك تكفين لاتدعين علي والله صحتي مو متحمله الله لايقول لا واقراء والاذن ياذن لصلاة الفجر... خفت لايستجيب الله لالالالايارب تمزح شموووووووع ....
حبيبتي انتي على عيني وراسي وانتي اصلا خلاص مخلصه الثامن مو صح ههههههه صح يابنات حرررررررررررره بعدك في البدايه حررررررررررررررررررررررررررررررررررررررررررررررررر رررررررررررررررررررررررررررررررررررررررررام.. |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
عاد انا صالحتك برد من اول وقلت لك الايام راح تجري ومارح تحسين بحالك الا وانتي في غرفة الولاده مو صح وش فيش قلبتي علي 180 درجه لا وتدعين بتوم اخ ان كيدكن عظيم......خلاص بنعقد اتفاقيه جديده ونسميها هونيها وهيه تهون هههههه
ولا زعل بعد اليوم هههههههه. |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
امووله وينك وايش اخبارك طمنيني عنك والله وحشتيني عسى خير ..
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
مشكرين حبايبي يعطيكم العافيه دعواتكم لي اليوم موعدي تكفووون ادعولي انه ربي يسر امورري يارب الله يسترررر
بليزززززز دعواتكم |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
السلام عليكم
كيفــــــكم يا صبايا كيف الحمل معاكم ان شاءالله أموركم كويسه ام يونس شخبارك يابطه هههههههه لك وحشه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا وغلا فيكم كروشات
ابشركم دخلت التاسع وربي يهونها عليه وعليكم بالنسبه للمراجعه عيت تتسهل زوجي مرره انشغل هالاسبوع واجلنا المراجعه للاحد الجاي الظاهر اني ناويه اشوفك ياام يونس شمووع العلم كيفك ياحلوه اخاف ينقلب السحر ع الساحر وترجعين انتي وتحملي بعد الاربعين ههههههه بس شوفي اليوم قابلت وحده تقول خالتها ووحده ثانيه قريبتها اولدوا عند عزه طبيعي وهي الي ولدتهم بس لما اروح عندها بستفسر واطمنك ان شاءالله |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
لولي // وش اخبارك ياحلووه
الله يسهل علينا يااارب ويعطينا ساعه طيبه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
لولي هلا ياعمري والله انتي اكثر وحشتينا وش اخبارك واخبار الحمل انا كويسه ولله الحمد والمنه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
معزوفه الله ييسر امرك ويفرح قلبك وتروحين من المراجعه مستااااااااااااااااااااااااانسه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا امووله شكلنا ربنا يبي يجمعنا في المستشفى انا رايحه الصبح لانه العيال يكونوا في المدرسه وانتي ان شاء الله الصبح
..شفتي شموع وش دعت علي الله لايستجيب والله اطلعت عيوني ومثل ماقلتي يمكن ينقلب السحر على الساحر ههههههههههه والف الف مبروك كللللللووووووووووش الله يتمم لك وتولدين على خير وعقبالي يارررررررب يله الحين ابداي بلمشي عشان الله يسهل عليك....... |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا ام يونس ياقلبي
انا بروح الصبح كمان لاني عيالي بيكونوا في المدرسه مابيهم يطفشون ويطفشوني انا اي خلاص راح ابدأ مشي بإذن الله من اليوم اول ماشفت الشريط اني دخلت التاسع بطني مغصني الله يسهل علينا يااااارب هههههههه انتبهي من دعوة شموع اخذي موانع في الاربعين الله يسعدكم ياارب |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
امووله ياعمري لاتخافين الله بيسهلها لك ان شاء الله انا مثلك امس شفت وحده تولد حاطته وحده بنفس المنتدى
والله خفت كثير مع انها فظيعه ماتتالم وش الولاده هذي مريحه شكلهم عطوها ابرة الظهر وش رايك فيها انا افكر اخذها هلمره حتى كلمت نعيمه وقالت في عندهم والي تعطيك ياها دكتوره حنان وسمعت عنها انها مريحه جدا لسى افكر فيها .... وينها شمووووووووع والله تخوف هشموع ياكثر الشموع في بيتي حتى مطبخي فيه شموع وكل ماشوفهم اتذكر دعوت شموع ههههههههههههه تدرين باخذ مانع من وانا لسى والده من الخوف يمه..... |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هههههههههه انتبهي من الشموع
اي شفت مقطع الولاده اللي هنا ايوه مآخذه ابرة ظهر انا قلت لزوجي علشان آخذها قالي ليش تحرمي نفسك الأجر بس شوفي والله تتعبي بعد الولاده تعب مو طبيعي راح يجيك صداع منها والم في ظهرك ورجولك فخلي ولادتك طبيعيه بحته بس مين هذي دكتوره حنان ... |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
مرحبا بنات انا محتاجه شغاله وسمعت عن طريق الكويت ارخص 5000 شرايكم مو مؤقته
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
للاسف والله ماعندي اي معلومه
اذا تعرفي احد بالكويت يجيب لك رقم مكتب وتسألين افضل لك |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلااااااااااااااااا ام يونس ليش الذرية زينة الدعوة هذا فية والله خير لك هههههههههههههه اختي دايم تقول علي مديرتها جعلها تحمل بتؤم لانها عندها توم ومعقدة في حياتها جابوا لها الهم
ربي يكتب لك الخير زين تذكريني علشان تقول ربي يتم حملها زوجي يبي بنت انا ابي ولد وحررررررررررب والله اليوم تعبانة احس بمغص شديدوالم باسفل ظهري اتوقع انها من المسالك ما غير طايحة اليوم وفيني لوعة ونفس منسدة من الاكل شكله المكيف اخذت شاور امس ونمت امووووووووووولة ربي يسرلك وطمنيني عليك وبالعافية من دخلتي التاسع ايام وان شاء الله تظمينة علي صدرك والعقبال عندي وام يونس يا رب |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اهلين بنات الدمام
كيف الحال ان شا الله بخير جيتكم ضيفه تقبلوني ولا لا. دعواتك ربي يخفف علي الوحام وحابة اسالكم عن احسن دكتورة تولدني وتتابع معي فالدمام انا مغتربة وماعرف شي وخايفه اول حمل لي |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا شموع العلم الله يعافيك حبيبتي وعقبال ماكلنا نضم
عيالنا ياااارب ياكريم اما بخصوص المسالك فلعبت فينا كلنا لعب انا من اول شهر لحد السابع وانا معي التهابات بس اهم شي اشربي ماي واجد وانتبهي من المكيف احنا الحوامل مناعتنا ضعيفه يعني اقل شي يأثر فينا وسلامتك يالغلا ماتشوفين شرر |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا وغلا thalia20
حياك الله بينا اخت عزيزه وغاليه الله يتمم لك حملك بخير ويثبته يارب بخصوص اللوعه اشربي ليمون ع الريق مرره حلو عن تجربه اما افضل دكتوره ماكنت اعرف احد لاني ولدت بجده وآخر شي رسيت عند عزه في اسطون استشاريه والكل يمدحهاا |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
مساكم الله بلخير كيف كل الكروشات
امووله كيف حالك اليوم وكيف المشي وياك الله يسهل عليك ونسمع سمع خير عنك صادقه حتى زوجي يقول نفس الكلام خليكي عطبيعي احسن لكن هم مايدرون وش يصير معانا اخ اخ اخ الله يسهلها لنا كلنا ..مااعرف مين الدكتوره حنان بس قالت لي نعيمه عنها هيه الي تعطي الابره بس ... شموع كيف الحال اليوم ايه اختك تدعي على مديرتها وانتي تدعين علي اش دعوه هههههههه.الله يتم حملك وحملي وحمل امووله وكل البنات سلامتك ماتشوفين شر ترا كل الالام الي تحسين فيها انا كنت احسها في بداية الاشهر بس لما تدخلين الخامس بيروح كل شي حتى دكتورتي كذا قالت لي وفعلا الله يهونها عليك وعلينا .... هلا حبلا كيف الحال اليوم انا بصراحه ماعندي فكره عن الشغالات لاني مااحب الشغالات ابد السموحه.... thalia20 هلا وغلا وحياش ويانا كيف مانقبلك ويانا اسفرت وانورت بس عاد انتي ماحصلتي اسم بلعربي عاد انا بكتب اسمك تاليا صح كذا ولا انا غلطانه المهم ياعمري انتي مو غريبه في بلد الحرمين وهذي بلدك الثانيه وهلا ومسهلا..اما من ناحية المستشفى انا زي امووله في اسطون اراجع عند دكتوره نعيمه الله يسعدها زي العسل وانتي الله يوفقك بلي فيه خير لك... |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا ام يونس من اللي بحب الشغالات
الحاجه حدتني عليهم بنات ابي اسئل شرايكم بكريم فيت الوردي |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
امووله كللللللللللوووووووووووووووووووووووش باركيلي سويت شريط حمل والله ماادري كيف صار خربطنا انا وبنتي الين طلع هههههههههههههههههههههههههههههههههه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
اهلين وسهلين حبلا كيف الحال والله صادقه منو يحبهم بس انا ريحت دماغي وجبت لي غسالة صحون والرتحت واييييييييد ماشاء الله والحمدلله اما الكريم ليش يستخدم ماعندي فكره...
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
تسلمي امولة يعطيك العافيه بجرب الليمون ان شا الله مع اني ماحب الحموضه
ام يونس الله يسعدك صح اسمي ههههه الله يسلمك ماقصرتي بس مافيه زي الوطن والاهل الغربه والبعاد صعب مرره بالاخص الوحده ادا هي حامل طيب بسالك نعيمة عندها سونار فالغرفه ولا لا لان المكان الي اراجع فيه الدكتورة مالها سونار مشوار عشان اسويه والدكتورة نعيمة تولد طبيعي ولا قيصري لاني سمعت انهم يحبون يولدون قيصري حتى لو الوحده فيه امكانية تولد طبيعي عشان الفلوس من جد محتاره بين المانع والاسطون كيف تعامل الدكتورة بالله لان الي اتابع عندها ترفع ضغطي ماتتكلم ولا تهتم ولا تسال تبغا تصرف وبس |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
بعد ابي اسئل عن حمام السونا عادي
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلا تاليا ياعمري انا ادري ان الغربه كربه وترا انا زيك مغتربه واهلي في بلد ثاني مو في بلدي وكل ولادتي وانا لحالي ماعندي غير الله ثم زوجي الله يعافيه لي وهونيها والله بيهونها عليك..اما من ناحية الدكتوره ايوه عندها سونار في غرفتها وكبير ماشاءالله شاشه بلازما كبيره وتشوفين البيبي بوضوح توني الاسبوع الي فات شفت جنيني فديته الله يبلغني ويبلغ كل الي في المنتدى شوفت اجنتنا اللهم امين واما انهم يولدون قيصري لالا كله كلام توها وحده اعرفها والده فيه قريب مع انها مو مراجعه فيه بس ولدت عندهم وكلها مكتوب من الله والدكتوره نعيمه احلا من العسل تعاملها معي وطيبه مره وخلوقه والشاهد الله فيها حتى روحي وجربيها وشوفي والله يوفقك
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
والله شجعتيني مررره خلاص ان شاء الله بروح لها
وبرد عليك خبر ابي اسالك عندها زحمة ؟؟؟ اكره زحمة هههههههه وكمان فيه شي السونار الي تسويه لك ما يحتاج موافقه من الشركة لان الي متبعه معها الحين تقول لي استني ساعه عشان تجي موافقه من الشركة وكمان عندهم سونار قديم تقول لي اشرب 3 لتر ماي عشان يبين خلاص بمووت وانا اشرب احس بنفجر وسونارها لونه ازر ما شوف غير الاسود والازرق |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
طيب يام يونس شالفايده من غساله الصحون ماتغسل الصحون الكبيره والقدور
ولايتها ع كذا بس انا ابي وحده اتأمر عليها ههههه كل شي تسويه حتى يخليها كوفيرا كريم فيت الوردي لازاله الشعر قريت وحده تقول استعمله بحملي عادي من جربه |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
تاليا انا اروح الصبح لان مافي زحمه والحريم كسالا من طلعة الصبح بس شويه الزحمه لكن العصر عليه العوض ومنه العوض لا تروحين..اما من ناحية الموافقه اول زياره لي عندها في الشهر الثاني بس وبعدين ابد كل اسبوعين اروح وتسوي لي سونار من دون اي موافقه بس من ناحية المويه يمكن لانك في الاشهر الاولى ماادري بس والحلوا عندهم كل بداية شهر لك تحولك عند دكتوره ثانيه تسوي سونار بس متخصص لكشف كل شي عن الجنين من الداخل يعني تطمن على الكلى والراس والعمود الفقري واشياء ثانيه مره حلو نظامهم ....وخلاص طولت عليك لاني احب اشرح بتفصيل هههههههههه
|
رد: دردشة حوامل أهل الدمام - دردشة بنات الدمام - تجمع حوامل مدينة الدمام
حبلا انتي شكلك تبغي بس تامري وتنهي هههههههههه صح بس انا احس انها تقيدني في بيتي من ناحية لبسي واشاء كثيره
اما الغساله ماشاء الله تبارك الله يدخل قدر الطبخ الي اطبخ فيه وعاد حسب انا شفت بعضهم صغار من داخل انا احيان احط قدر الضغط ماشاء الله بس اغسل بيدي الصواني ولاشياء الكبيره |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
والله حمستيني لها بقوة
تخيلي والله ما اكل وزني نقص اربع كيلو وانا الحين بدخل الشهر الثالث اقولها يادكتورة عطيني شي فيتامين اي شي ترا ما اكل تقول عادي من حد استغربت عشان كدا بغيرها بروح لدكتورتك ان شاء الله اسمها نعيمة ولقبها ايش ومعليش ازعجتك باسالتي والله ما عرف شي اول حمل لي ومضطربة |
رد: دردشة حوامل أهل الدمام - دردشة بنات الدمام - تجمع حوامل مدينة الدمام
هلاااا حوامل كيفكم عساكم بخير ان شاءالله
الحمدلله اليوم رحت ررجعت عند عزه والحمدلله مافي زحمه مرره وحصلتها موجوده وفحصتني وقالت كل شي تمام ووزن البيبي مرره ممتاز وقالت لي خلاص دخلت التاسع ووصتني امشي بس مرره اتعب من المشي ظهري وكمان اظلاع القفص الصدري مرره متعبتني بس كنت بسألها اذا انها ماصارت تولد بس قال زوجي انا السبت امرهم واكلم مدير العيادات واتأكد لان زوجي مرره مو راضي اغيرها وهي حبوبه وحنونه مرره وشفت نعيمه مره فاضيه هي ودعاء ماعندهم احد حتى عيادتهم مفتوحه ع الآخر وووبس ونعيمه لقبها نعيمه شرنوبي |
| الساعة الآن 07:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .