منتديات حوامل النسائية - .·¤ تجمع الحوامل اللي ولادتهم في محرم¤·.

انا الحمدلله بخير وغايبه لان الكلية ضغط حييل ابحاث وعروض بور بوينت وكل ماسويت شي قالو الدكاتره خطء ولعيد
حتى الاجازه ماتهنيت فيها لزم كل يوم اجلس اكتب اشوي
وحمود مادري عنه ههه زمان عنه موعدي الاثنين
نوقا عمريا سمعت انتي عمليه
ان شاء الله حزت الولاده ماتحتاجين

ربي يعطيج الصحه والعافيه يالغلا ..
ويوفقج في دراستج انتي ومشاعل .. ونشوفكم متخرجات ..

ان شاء الله تجين من موعدج وتطمنينا .. انا موعدي بعد الاسبوع الجاي يوم الثلاثاء او الاربعا هههههه ما اذكر ..

Marawy

10-24-2012 04:51 PM

رد: .·¤ تجمع الحوامل اللي ولادتهم في محرم¤·.

اقتباس:

المشاركة الأصلية كتبت بواسطة mariam mohammd (المشاركة 2653373)

صباح الخير ياكروشات
بنات بدات اكره دولابي كله جلابيات من يوم ماحملت وعندي اي مناسبه اروح اخذ جلابيه
انا في االاسبوع 33 وحابدا امشي نص ساعه ايش رايكم في ضرر ولا كويس

ان شاء الله بعد النفاس اكشخي والبسي .. ما بقى شي فديتج..

مافي ضرر انا الدكتورة قالت لي امشي من نهاية السادس .. بس طبعا شوي شوي .. ومشيت بدبي
لين انقص ظهري ههههههه .. حتى اول ما رجعت قالت لي الراس نازل تحت بدري ! ههههههه ولما قلت لها
اني مشيت هالكثر فتحت عينها وقالت من عذر ..! ههههه

امشي بالعكس المشي ما بيولدج .. بس لياقه للجسم .. والتعب يخف عنج لو مشيتي ..

Marawy

10-24-2012 04:57 PM

رد: .·¤ تجمع الحوامل اللي ولادتهم في محرم¤·.

اقتباس:

المشاركة الأصلية كتبت بواسطة اللهم سترك وعفوك (المشاركة 2653505)

مايا الف مبروك وعقالنا ياارب

بنات جهزت شنطة المستشفى لي وللنونو ربي يقومنا بالسلامه وياكم بعلمكم ايش حطيت وعطوني النواقص

غيار لي قميص ستيان كلوتات استخدام واحد وكلوت عادي سروال طويل لفه لراس وشراب وشبشب وفوط صحيه شاش وميبو مزيل عررق صابونه مشط كريم جسم فرشاة معجون مرطب شفايف حفايض للصدر احتياط

للنونو

غيارين كاملين قبعه مع لفه وبطانيه وبربتوز وافرهول ومقاط وقفاز لليد ومسحات طبيه ومصاصه مع السلسسله حقتها وحفايض ومناديل مبلله فازلين سودو كريم

علموني كذا تمام ولا

حلوه الاغراض اللي حطيتيها .. واحسها معقوله .. تقريبا نفس اغراضي بس انا خليها لثلاث ايام احتياط..
لاني ما ادري شلون بتكون ولادتي والمستشفى بعيد مافيني اطرش حد يجيب لي من البيت لو نقصني ..

وكريم ميبو وكريم صودو ما حطيتهم لان بالمستشفى هم بيعطوني .. وهم بيبدلون البيبي لان بيكون عندهم ..
واخذي فوط صغيره اللي تجي للزوع .. هذي حطيها تحت راس البيبي عشان لو رجع ما يدمر المفرش .. حرام جديد هههه

بس بشكل عام شنطتج وشنطة النونو كاملين ماشاء الله .. ربي يقومج بالسلامه ..

ام اسكندر

10-24-2012 05:01 PM

رد: .·¤ تجمع الحوامل اللي ولادتهم في محرم¤·.

ام يارا

مبروك المولودة لأختك
ليه ماتسموها يارا :)

.
.
.
.

مراوي

كثري المشي عشان يتوسع الحوض عندك
انا مع اني مشيت باسكندر طول الثامن والتاسع بس مافي فايدة
لكن غيري فاد معاهم وعجل ولادتهم كمان

وربي ييسرها عالجميع يارب

Marawy

10-24-2012 05:02 PM

رد: .·¤ تجمع الحوامل اللي ولادتهم في محرم¤·.

اقتباس:

المشاركة الأصلية كتبت بواسطة اعز الناس عافوني (المشاركة 2653129)

قصيميه .. ربي يسهل عليك والحمدلله انك تطمنتي^^

ميشوو.. هههه فديتك اناودي اولد اليوم قبل بكره بس قلقانه هع
كل يوم اطالع بشنطتي وشنطه المستشفى واقول متى

ربي يسسهل ><

ولاتستغربين ازواجنا مسويين حريصين يبونا جنبهم اقوى شي هههههه -)مسويين فيها
انااشوف يالوحده تتنفس في بيتها ولابيت اهلها وبس امااعند اهل زوجها صعبه ><

بيجي هاليوم هههههه ووقتها بتقولين وش سويت بحالي انا << على قولة امي ..
كل ما اقول لها شي عن الولاده تقول هاليوم بتذكريني فيه لانج بتقولين وش سويت بعمري انا ! ليش حملت اساسا ههههههه
لما تقول لي اقعد اضحك اقول معقوله توصل اقول هالكلام !

ربي يسهل علينا ان شاء الله وما نخوره هناك ونجيب العيد هههههه عاد انا المستشفى اللي بولد فيه
كل الممرضات اجانب .. ايرلنديين وكنديين هههههه اتخيل اخربط واسوي اكشن يفشل وهم حولي hwaml03 الله يستر ..

وصح الوحده تتنفس في بيتها او بيت اهلها افضل .. اما بيت اهل الزوج صعبه وماراح تاخذ راحتها ..

Marawy

10-24-2012 05:06 PM

رد: .·¤ تجمع الحوامل اللي ولادتهم في محرم¤·.

اقتباس:

المشاركة الأصلية كتبت بواسطة قصيميه وافتخر (المشاركة 2653131)

مبروووووووك الي دخلو التاسع عقبال الولاده يارب

نوقا سلامتك حبيبتي ما تشوفي شر ولا تهملي نفسك وربي ييسرلك كل عسير

بنات وش فيكم على رجالكم انا عكسكم احس ما ابيه يزعل ولا يروح بعيد عني

ابي حنان هع مع انه ينرفز بس امشي مالي حيل هواش خلي اخلص واتفرغ له

ان ما خليته بدال ابو سروال وفنيله يحول لو زار هههههههههههه

لنا يومين البيت ازعاج خوات زوجي جو عند اهلهم وازعاج

ورفعة ضغط وتعب وثقل الله يعين

ههههههههههههههه حبيت سالفة الوزار بدل السروال والفانيله ..
ههههه الله يقطع ابليسج .. انا نفسج من اول حملي وانا اطنش واعدي شغلات كثيره ..
وصايرين سمنه على عسل .. بس لا يجي يوم وافكر اني ما اعديها ههههههههه تقوم حرب البسوس ..

ربي يعينج على الازعاج .. انا احس مودي هالايام مو مود ازعاج وزحمه .. مدري شبسوي في العيد مع الجمعات ..

شنسوي هذي هي الحياة .. لازم اكشن شوي .. اوقات نمل ونطفش من الروتين هههه

Marawy

10-24-2012 05:08 PM

رد: .·¤ تجمع الحوامل اللي ولادتهم في محرم¤·.

ام اسكندر ..
ربي يسمع منج .. ان شاء الله احاول امشي واسوي تمارين الحوض وتسهيل الولاده من النت..
وان شاء الله ما يكون حوضي صغير .. بحاول بس ادخل رسمي التاسع امشي اكثر ..

Marawy

10-24-2012 05:10 PM

رد: .·¤ تجمع الحوامل اللي ولادتهم في محرم¤·.

ام اسكندر ..
فكرتي بأسم للبنوته والا للحين ؟

وشلون التجهيزات معاج ؟ خلصتي التوزيعات والماي وكل شي ؟

انا جهزت توزيعات شواخه .. والحمدلله وصلوها للبيت .. وريحوني من الطلعه حتى ..

ان شاء الله بحط لكم الصور عشان اخذ رايكم فيهم وفي طريقة ترتبيهم لانها مو عاجبتني شوي .. احس ناقصها شي ..

Marawy

10-24-2012 05:17 PM

رد: .·¤ تجمع الحوامل اللي ولادتهم في محرم¤·.

اقتباس:

المشاركة الأصلية كتبت بواسطة مسكّ العطورّ (المشاركة 2653199)

ياحليلكم

ملكتني شكلي بشتريه اخاف اتوهق

اعز بقايا

واللي زوجها موو راضي تنفسسس عند اهلها

لاتولد خخخخحخ <<برى برى

من جد عوشرو وقالوو بنروح لااهلنا يومين ونرجع واذا رحتوو اولدو هناك. وانتهينا <<باللهي

غير سسسلامات اولد عند ام زوجي مابعد انجنيت عشان اروح لها

مسسستحيل تهتم فيك نفسس ماتهتم بناتها

لانوو الام تتعب طبخ 24سسساعه والبيبي الي يصيح لازم احد ياخذه منك عششان تنامين وترتاحين

الله يعينا بسسس

ههههههههههههههههههه ااممماااا ما يولدون ههههه فكرتج هبله مسك .. hwaml03
حسستيني انهم بيضغطون على حبه في بطنهم النونو ينزل هههههههههههههههههه سهل الموضوع ياليته جي ..

بس صج ما ينفع الوحده تتنفس بيت اهل زوجها .. العنايه تختلف وتفرق ..
وغير هذا كله الوحده تكون حساسه اكثر من فترة الحمل وبتتحسس من كل كلمه او نظره تجيها .. والا تجي لولدها ..
واحتمال كل يوم تتهاوش معاهم والا تحط الحره في زوجها هههههه ..
ومعروف ان النفسيه تكون مش ولابد من التعب والسهر وصياح النونو والم الخياط.. ... ..

ما اقول غير الله يعين اللي بتتنفس ف بيت اهل زوجها ..

Marawy

10-24-2012 05:20 PM

رد: .·¤ تجمع الحوامل اللي ولادتهم في محرم¤·.

اقتباس:

المشاركة الأصلية كتبت بواسطة maya hany (المشاركة 2653250)

باركولي اخيرررا ولدت بعد طووووول عناء وصبررر وعقبال الكل انشاللله

الف الف مبروك ولادتج فديتج .. وعقبالنا يارب ..
يتربى بعزكم ان شاء الله ..

الساعة الآن 06:05 AM.

صفحة 1593 من 2323

1593

عرض 40 مشاركات من هذا الموضوع لكل صفحة

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .