|
رد: تجمع حوامل (( مكة المكرمة ))
ملكه ادعيلي لانك بتولدي قبلي
انا في الاسبوع الاول من الشهر التاسع |
رد: تجمع حوامل (( مـــكة المكـــرمـــة ))
غنوجه الله يسعدك على الدعاء ويسهل حملك وولادتك يارب
وكل الحوامل |
رد: تجمع حوامل (( مـــكة المكـــرمـــة ))
مساء الخير يا بنات كفكم وكيف النونو معاكم ان شاء الله تكون بخير
كروزة وملكة الاحساس الله ييسر ولدتكم في يوم واحد وتكون ميسره من دون تعب وتقول قصة ولدتكم ونسمعه وحقق امنيكم بشوفة اطفالكم غنوجه . تسلمي حبيبتي كلك ذوق معنى الاسم .نوع من انوع الغزال ويقال نهر ايضا |
رد: تجمع حوامل (( مـــكة المكـــرمـــة ))
سلاااااااااام انا جيييييييت اخيرا من يوم التلوت الحمدلله وصلت لمكة وجالسة عند اهلي ... وحشتوني كتير ان شاءالله تكونو كلكم بخير ونوانيكم كمان يارب يوصلو بالسلامة ...
مبروك لكل الحلوات الي ولدو بالسلااامة ... الله يجعلهم من الذرية الصالحة .. حبيبتي كوكب الله يعينك ويصبرك ويجبرك يارب ... مرة زعلت لما عرفت ... مني عارفة اش اقول اكيد مافي كلام يهون عليكي الا الصبر واحتساب الاجر من ربنا ... وان شاءالله تحملي على طووووول يارب والمره دي اختاري دكتورة وحددددده ولاتهجولي نفسك .. ومو شرط رجال في دكتورة مرة رحتلها في مستشفى ام القرى في الرصيفة كبيرة في السن وباكستانية ومررة طيبة وحنونه مررررة ورقيقة حتى لما تجي تكشف كدا ماتحب تألمك .. اسمها ناهيد ... انا مرررة نفسي اولد عندها بصراحة بس المستشفى احسها ماهي على مستوى جيد من النظافة يعني عاادية جداا ماقولك وسخة لكن عادية وماعرف بصراحة امكانياتهم الطبية كيف .. وانا من النوع الي اقرف واهم شئ عندي كل شئ نظيف .. لكنها دكتورة جدا شاطرة .. حتى ممكن تروحيلها دحين ازا بتسوي تنظيف والله صدقيني مره ح ترتاحي لها مرررررررة وخدي الكلام من وحده مرره مدلعه ومايعجبها العجب ... واسأليها سبب الاجهاض وكلللللل شئ في بالك .. بس عيب المستشفى انو زحمه مره عليها طلب ماشاءالله وغير كدا انو اغلب الي يجي لللمستشفى حقون تأمينات وشركات وحتى اجانب باكستانيات ولاهنود بس والله مره ح ترتاحي عندها اشتكيلها كللل شئ حتى لو تبي تبكي عندها ابكي والله مره حنونه .. الله يعينك ويصبرك وماتعرفي يمكن دي خيره لكي؟ سبحان الله الواحد مايعرف ياما ناس حملو وتعبو وجاهم ولد مشوهه او معوق او عاااق ! ماتعرفي اكيد لله حكمة في ان الجنين دا نزل ... الله يهون عليكي .. ادري طولت بس والله مره قلبي معاكي .. |
رد: تجمع حوامل (( مـــكة المكـــرمـــة ))
ينات باقيلي اسبوعين بالزبط واولد ادعووووولي ... مرررة طفشت والله نفسي اولد وارتاح احس اني سايرة قد البرميل زي الطلي :(
قرفت من نفسي والله خلاااااص مررررا !! نفسي اولد اليوم قبل بكرة :( وتصدقو مدري ليش ماني جالسة افكر بالولادة ولا المها لاني تعبت كل مافكر مااوصل لشئ! لاني بكرية وماني عارفة اش ح احس واش ح يسير اهم شئ ابا اولد وابغا البيبي سليم ومعافى واقوم بالسلامة بس .. الدكتورة قالتلي 5 القعدة والدكتور قالي 14 القعدة مدري مين اصدق هههه بس ابغا الشهر دا ناقص عشان يجي القعدة بسرررعة واختي الكبيرة تضحك وتقولي ح تندمي ع الكلام دا لما يجد الجد ح تقولي مابغاا اولد خخخخ الله يستر بعدين لما كشفت قبل اسبوع قالتلي الدكتورة موية الجنين زايدة اول مرة اسمع بكدا؟ في احد يقدر يفيدني؟؟ بس تقول مافي ضرر بس الضرر الوحيد انها تعجل الولادة بس مو اكثر .. وقالو يمكن سكر حمل وقالو يمكن زايده عشان تحت صدري الجهه اليمين مررره تجيني طزاات ووخز مررره قوي مرره ماقدر اجلس ولا اميل نفسي وماانام الا على جمبي اليمين عشان يستكن الالم ... بس الحمدلله لما حللت مافي سكر ولا خرابيط يارب لك الحمد .. ادعووولي ... كرووزة انا ح اسبقك ان شاءالله واولد قبلك ... اتحداكي خخخخ انا احتمال اولد الخميس الجي يعني بعد اسبوع d: |
رد: تجمع حوامل (( مـــكة المكـــرمـــة ))
Nana.1985 حمدلله على السلامه ياقمر نورت مكه
روح الانوثه اهلين فيك بينا |
رد: تجمع حوامل (( مـــكة المكـــرمـــة ))
أختي ثلجه فوشيه مشكوره أختي تعبتك معاي لكي مني كل الشكر
الله يسهلك ولادتك ويفرحك بشوفة النونو سليما معافا أشكر كل من رحب فيني من الاخوات ولاتنسوني من دعائكم واتمنى اني اكون خفيفة الظل عليكم رغم أن زوجي امتحني يالدبه خخخخخخخخخخ |
رد: تجمع حوامل (( مـــكة المكـــرمـــة ))
مشكورات ياقلبي ادعولى في الولادة
ان شالله احمل عن قريب يارب وقتها ان شالله اغلبكم صاروا امهات اتعلم منكم |
رد: تجمع حوامل (( مكة المكرمة ))
هلا ومليون غلا نانا
كيفك يادبه ؟؟؟؟؟؟ يله اولدي قبلي بس شرط ادعيلي انا موعد ولدتي 26 ذو القعده بس احس اني مرررررررررره ثقيله كوكب يارررررررررب قريب تحملي ويسهل حملك ويثبثه ام رانسي مشكوره ياقلبي على الدعاء |
رد: تجمع حوامل (( مكة المكرمة ))
الله يصبرني بس احس في شئ ناقص فيه ان الله قريب اكمله هو الحمل باذن الله
|
| الساعة الآن 04:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .