رد: دردشة بنات فلسطين* دردشة حوامل فلسطين* تجمع بنات فلسطين
 

اهلا حبيباتي ، الحمد لله كانت حلوة بس تطاوشنا انا وزوجي واحنا مروحين بالطريق ههههههههههه طبعا متل كل مشوار بخصني هههههه

صبايا بدي احكيلكم هيك موقف ملاحظاه انا وامبارح صارت مشكلة بيني وبين زوجي عليه ،
كل ما نروح ع بيت اهلي ، وبيت اهلي بعيد عني يعني بده ساعه بالطريق ، بيتصلو اهله بدهم منه شي ، تعال خدنا عالمحل الفلاني ، تعال وصلنا هون ، تعال بدنا ابصر شو ، هلا امبارح اتصلو عليه واحنا كنا لسا ما النا نص ساعه ، انه بدهم ياه يوصلهم من مكان هم فيه ، طبعا قلهم انه لسا واصل قالوله طيب كمان ساعه ، يعني حددولي قديش انا بقدر اضل عند بيت اهلي !!!!
ما بعرف بحس انه مقصود ، بس ممكن يكون صدفة ، انه كل مرة بنطلع يكون بدهم شي ؟؟ شو رايكم صبايا ، كيف بدي اوصل لزوجي او افهمه انه هالموضوع غلط ، يعني لما يروح ع بيت اهله ، يكونو بدهم ياه بأي شي ما بتصل عليه بالمرة لحد ما يرنلي ، خوف يقول اني بدي ياه الي لحالي
مش عارفه كيف بدي احل هالموضوع ؟؟؟ خبراتكم صبايا

رد: دردشة بنات فلسطين* دردشة حوامل فلسطين* تجمع بنات فلسطين
 

حبيبتي دودو والله انا تمام الحمدلله ،، متشوقة ترجع حواء تخبرنا عن زيارتها لسلفتها هههههه

رد: دردشة بنات فلسطين* دردشة حوامل فلسطين* تجمع بنات فلسطين
 

حيفا

شوفي يا قمر
هلا ممكن تكون صدفة وممكن لا اكيد ما بدي اظلمهم
بس انا لو منك بقعد مع زوجي وبحكيه بكل هدوء
بقلله انه يوم ما بدي اروح عند اهلي احكي لاهلك انه انا بكرا بدي اروح انا ومرتي عند اهلي
ورح نضل عندهم طول اليوم عشان ازا عندكم مشاوير تاجلوها لبعد ما ارجع
او لتاني يوم لانه ما بيهون عليا ما اجي اوصلكم ولا بيهون عليا انه مرتي ما تلحق تشوف اهلها
عادي يعني الحكي بسيط وزوق وما فيو حساسية ولا تجريح
انتي ما تفهميه انه انتي شيفاهم قاصدين انته قوليله لانها صدفة وانا شيفاها تكررت وعشان نعرف ناخد راحتنا بالطلعة عند اهلي

ولو هو فهم عليكي اكيد ما حيزعل
ولو هم قاصدينها طبعا رح يزعلوا اما لو صدفة بيتقبلوا عادي

رد: دردشة بنات فلسطين* دردشة حوامل فلسطين* تجمع بنات فلسطين
 

ام جودي

اه صحيح زكرتيني وانا كمان عندي فضول اعرف كيف سلفتها حتكون ههههه

رد: دردشة بنات فلسطين* دردشة حوامل فلسطين* تجمع بنات فلسطين
 

اهلين حيفا
طولي بالك ولا يهمك و بعدين ممكن زي ما حكيتي صدفة و بس
و عادي انتي احكيلة " حبيبي انا لما بروح على اهلي بحب اخد راحتي عندهم و ما اكون مرتبطة بشي يخليني اروح و استعجل و الله كتييير بكون مشتاقتلهم " و لو سألك ليش صار شي معين ؟
حاولي ما تحسسيه انو الموضوع بتعلق بأهله عشان ما يزعل و احكيلو لا بس اجت على بالي و حبيت احكيلك اياها
بس يعني حاولي ما تحكي شي و هو معصب بلأول خليه يروق و بعدها احكيلو
ما بعرف اذا جوزك طبعه و عقله شبه طبع جوزي رح ينفع معو هاد الاسلوب hwaml02
و ربنا ما يجيب زعل

رد: دردشة بنات فلسطين* دردشة حوامل فلسطين* تجمع بنات فلسطين
 

يسعد مساكم يا أحلى صبايا

رد: دردشة بنات فلسطين* دردشة حوامل فلسطين* تجمع بنات فلسطين
 

اهلا عسوولة نورتي

يسعد مساكي حبيبتي كيفك وكيف دوامك انشالله كلو تمام ؟

رد: دردشة بنات فلسطين* دردشة حوامل فلسطين* تجمع بنات فلسطين
 

حبياتتيي والله زوجي عاقل عالاخر ، بس ما بعرف مبارح شافني زعلت لما روحنا زعل هوا كمان ، وبقلي انه هو ما بقدر ما يرد ع اهله ، وهم مالهم غيره ومن هالحكي ، انا ما حكيت شي بس قلت انه مرة تانيه بدي اروح قبلك شو ما كان الوضع ، وبتيجي انت ع راحتك وبنروح وقت ما بدك بس بهمني اروح وانبسط عند اهلي ، واخد راحتي

اقلك انا كمان مش حابه اظلمهم واقول مقصوده ، لانهم ما الهم غيره ، وحيدهم يعني ، وحماي مريض يعني معتمدين عليه كليا !
بس والله شي بيقهر ، وزعلت كثييير ، ومديت بوزي هههههههههه ، وهو بلش لحاله يحكي ما حكيت هههههههههه * بس تصالحنا واتفقنا اني اصير اسبقه ويجي علي هناك هيك اريحلي واريحله .

رد: دردشة بنات فلسطين* دردشة حوامل فلسطين* تجمع بنات فلسطين
 

اهلين عسولة شو اخبارك
انا زهقااااانة و جوزي هلأ طالع في واحد صاحبو بدو اياه بموضوع و بده يطلع يشوفه

رد: دردشة بنات فلسطين* دردشة حوامل فلسطين* تجمع بنات فلسطين
 

حيفا

مزبوط اكيد معك حق اللي ماله خير باهله ماله خير بحدا وانتي اخترتي الطريق الاسهل وتفاهمتوا الحمدلله
يعني خلص هاد اهم شي يا قمر التفاهم وبس
ومتل ما قلتي روحي لحالك بكير وهو بيجي بيقعد شوي وبيروحك وخلص هيك افضل الكم انتوا التنين
الله يخليكم لبعض ويبعد عنكم الخناق والمشاكل ياااااارب :)