|
رد: دردشة بنات فلسطين* دردشة حوامل فلسطين* تجمع بنات فلسطين
اهلا اهلا حيفا مسا الورد
كيفك اليوم وشو الاخبار |
رد: دردشة بنات فلسطين* دردشة حوامل فلسطين* تجمع بنات فلسطين
يسعد مساكم يا حبيباتي ،،، كيفكم اليوم ؟؟
عيون المها حبيبة قلبي والله فرحت انك رجعتي تنورينا ،، ما شاء الله عليهم لانا واسيل يا رب من تقدم لتقدم ودايما يضلهم رافعين راسك انتي وباباهم وعقبال ما يسير ادوم العسل متلهم كمان ،، برافووو عليهم بوسيلي اياهم :)) والله يا عيون شو بدنا نعمل هيك نصيبنا والحمدلله على كل شي ويا رب ياسميناا تكون شفيعة الك بالاخرة ويخليلك ادوم والصبايا الحلوين يا قلبي ع فكرة انا زوجي تقريبا متل زوجك حكيوا تقريبا قليل ،، بتحسيه هادي ورايق ههههههه ،،، بس لما بكون متدايق من شي برا بيحكي وبيطلع الي جواته او لما يكون فرحان من شي شغلة بردو بيسير يحكي يحكي بيعبر عن فرحه هههههه بس بالاوقات التانية عادي يعني وانا كتير مرتاحة هيك انا بردو ما بحب الحكي الكتير ،،، هيك وهيك يعني بس مو متل الي بيحكوا بيحكوا عالفاضي والمليان ،، فيه ناس بيصدعوا من كتر حكيهم :(( |
رد: دردشة بنات فلسطين* دردشة حوامل فلسطين* تجمع بنات فلسطين
دودو و حيفا و ام جودي و كل المجوجين مساكم فل * منورين
ههههه دودو انا موعدي يوم الثلاثاء مش الجاي * الي بعده و انا كمان عندي امل اعرف جنس الجنين بس اتوقع لسا بدري عيون اه هاد تقلريبا اول حمل لأني حملت و اجهضت قبل هاد الحمل مرتين بس قبل كان الحمل ما يكمل شهرين * الله لا يعيدهم ششششششششششو الاخبار ؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
عيون يا قلبي وانتي طيبة يا عسل وعقبال ما نهنيكي بعيد ميلاد الامور ادم ،،
احساس حبيبتي خيرها بغيرها ومعوضة ان شاء الله :)) |
رد: دردشة بنات فلسطين* دردشة حوامل فلسطين* تجمع بنات فلسطين
دودو هههه هاد زوجك مو بس هااادي و ذكي كمان ههههه لانو بيضحك الك بهاي الطريئه يعني فاهمك خلص تعودنا عليهم رايئين و عائلين شو بدنا اكتر من هيك احسن ما يكونو نكديين انتو فيكم تسوقو في الامارات و إلا متل قانون السعوديه ممنوع السيدات يسوقو؟ كتير حلو انو الك صديقات تقضي معهم وئت خصوصا في الغربه الواحد بحتاج لصديقات و الله انا اول ما تزوجت على طول زوجي علمني السواقه لاني كنت ادرس و لهيك كان صعب على زوجي انو يروح شغلو و اروح جامعتي و بفضل الله زوجي متل زوجك كان يحكيلي اي وئت بتحسي حالك زهئانه اطلعي و تسلي مع صديقاتك او انك تيجي عندي على الشركه او احكي مع اهلك و كان يترك شغلو تئريبا كل يوم و يجي يتغدى معي حتى لا ازهق فكانت الي علاقات كتيره مع صديقات بس مع الوئت و الاولاد و المسؤوليه خفت كتير علاقاتي الاجتماعيه بس اكيد بضل بلد عربي افضل من بلد اجنبي من كتير نواحي |
رد: دردشة بنات فلسطين* دردشة حوامل فلسطين* تجمع بنات فلسطين
حيفاااا ودودو ولولو يسعد مساكم حبيباتي ،، كيف كان نهاركم ؟؟
دودو صحة وهنا عالبيتزااا يمي يمي شو بحبهااااا حيفااا كيف كانت زيارتك لبيت اهلك ؟؟ ان شاء الله انبسطتي حبيبتي ؟؟ |
رد: دردشة بنات فلسطين* دردشة حوامل فلسطين* تجمع بنات فلسطين
مرحبا بنات
الي كم صفحة بتابع بصمت ليه مابعرف ههههههههه ع العموم منوووووووورين |
رد: دردشة بنات فلسطين* دردشة حوامل فلسطين* تجمع بنات فلسطين
ام جودي
اهلا حبيبتي على قلبك ياااارب تسلميلي انا بخير تمام انتي شو اخبارك ؟ لولو يا ستي مو مشكلة انشالله الموعد اللي بعدو انا وانتي بنعرف جنس البيبي وربنا يثبت حملنا وحمل الجنيع ويرزقنا ويرزق الجميع يااارب عيون المها هههه شفتي الحمدلله اكيد متاقلمين ومتفقين ربنا يدين هالنعمة علينا وعليكم وعالجميع يارب احنا عنا مسموح طبعا السواقة نسوان ورجال وكلو هون الامارات متفتحين كتير لانه البلد اكتر من 80 بالمية من سكانها اجانب يعني مش اماراتيين انا اخدت الرخصة عالصيف تقريبا قبل رمضان وبسوق من وقت للتاني لما يقدر زوجي يتركلي السيارة بس هلا مع الحمل شوي موقفة لما اعدي التالت انشالله بدي ارجع اسوق الحياة بدها تمشي بالغربة لانه لو ضل الواحد منعزل ومكتئب بينكد ع حاله وع بيته بس الحمدلله انا تاقلمت بوقت قياسي ومبسوطة هون وكل اموري بخير الحمدلله |
رد: دردشة بنات فلسطين* دردشة حوامل فلسطين* تجمع بنات فلسطين
مسك يسعد مسااكي
كيفك وكيف وليدووو انشالله تمام ومش مغلب، بعد الطهور وكيف الرضاعة ؟؟ طمنينا عنك |
رد: دردشة بنات فلسطين* دردشة حوامل فلسطين* تجمع بنات فلسطين
هلاااا مسوووكة كيفك يا قمر وكيفوو وليدووو ؟؟ حبيبي شو زاكي ربي يحميلك اياه ،،
احكيلنا شو عاملين معه ؟؟ |
| الساعة الآن 04:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .