|
رد: تجمع حوامل العراق واتمنى اكو احد موجود
شلونكم بنات اخباركم ان شالله مرتاحين
رضوانيه قريت مشاركتج صدك ضجت عليج لاني مريت بنفس التجربه قبل سنه حصلي اجهاض وكان نبض الجنين ماكو بس الله كرمني بغيرها حمل ثابت هسه اني بالسابع راح اجيب بنوته بأذن الله واهل بيته ........... حبيبتي انصحج اتغيرين الدكتوره اكثر من وحده وشوفي سونار مضبوط وتاكدي زين واذا لاسامح الله ..الله لايكولها لاتنقهرين لان ربج كريم ويشوفنا واني متاكده راح يكرمج بحمل ثابت ....اني انتظرت سنه بعد ماعانيت من بجي واني بغربه لان اهلي بالاردن اني ازوجت بكربلاء والله روحي طلعت لحد ماسافرت للاردن وشفت اهلي ورحت للطبيب شاطر ويفتهم ورتاحيت نفسين وضعفت والله شهر بعدها وحبلت وهسه اني انتظر مولودتي .... الحياة مستمره لازم نعيشها بمرارتها وحلاتها اكو دواء اكو طب اكو رب كريم يرحمنا ادعيلي الله يكملي على خير...خلينا نسمع اخبارج ان شالله خير بجاه مصاب الحسين (ع) |
رد: تجمع حوامل العراق واتمنى اكو احد موجود
هلا بنجوله حبي الله يسهلج وساعه سهله
بس انا اخذت الخروع وجان عمق الرحم مسدود وصارت عندي ولاده ثانيه يوم والحمدلله على كل حال ام تمار شلونج عيني اخبارج الله يتمم حملج على خيرررررررررررر وتجيبين احلى بنوته بالعراق |
رد: تجمع حوامل العراق واتمنى اكو احد موجود
ها اسمعي نسيت شي لازم بعدها تعملين فحوصات حتى تعرفين السبب بس كل شي بوكته حلو نحجي بالموظوع بعدين بعد مانطمان على النبض ويارب تكون الامور بخير ويكون السونار او الدكتوره خطا لان لازم تعطيكي متابعه لمده عشره ايام بعدها يبين لاني بالحمل الثاني همات رحت للدكتوره كان ماكو بيض وبعد عشرة ايام تبين النبض يارب تكونين بخير خلينا نسمع اخبارج
|
رد: تجمع حوامل العراق واتمنى اكو احد موجود
روضانيه عيني شوفي غير دكتوره انقهرت عليج
لانج نفسي بس يكولون مبيه نبض اكضيها بجي وانحيب الى ان يصير صدك ديري بالج وان شاء الله خيررررررررررررر قمر عيني ديري بالج من الالتهابات وماتشوفين شرررررررررر بس الالتهابات تاخر الحمل |
رد: تجمع حوامل العراق واتمنى اكو احد موجود
اهلا بيج حبيبه ماما ...
شلونج اختي اشكرج على الدعوه الحلوه يارب يسهل لكل البنات |
رد: تجمع حوامل العراق واتمنى اكو احد موجود
وهلا بيج حبيبتي
انا ايمان عمري 26 سنه متزوجه من 5 سنين وعندي بنوته وحده و3 اسقاطات سولفيلي سيرتج الذاتيه ههههههههههههههه |
رد: تجمع حوامل العراق واتمنى اكو احد موجود
بنات شاركوني حسب تجربتكم يعني الي (جايبه قبلي)....العمليه القيصريه احسن لو الطبيعي
اني بالنسبه اليه افضل القيصريه لاني خوافه ومااريد اتالم ولان امي مويمي لهذا رايدها قيصري اشتريها بفلوس يعني حسب تجربتكم او سامعين اني صحيح لو الطبيعي افضل .... اريد منكم جواب يقنعني ويشجعني لاني خوافه...خوافه............الى ابعد الحدود |
رد: تجمع حوامل العراق واتمنى اكو احد موجود
انا قيصري بس انصحج الطبيعي اكيد احسن
القيصري اله فوائده واله مضاره والطبيعي نفس الشي بس الافضل الطبيعي هذا رائيي وانتي حررررررررررره |
رد: تجمع حوامل العراق واتمنى اكو احد موجود
اليوم البنات ماكوووووووووووووووووووووو
|
رد: تجمع حوامل العراق واتمنى اكو احد موجود
مشكوره حبيبه ماما....الله كريم للتاسع ..
|
| الساعة الآن 08:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .