|
رد: دردشة بنات ليبيا , دردشة حوامل ليبيا , تجمع بنات ليبيا
بسررررررررررررررررررعة بنغير لولدي وزوزي خش للدار فيسععععععععععععععععععععع
|
رد: دردشة بنات ليبيا , دردشة حوامل ليبيا , تجمع بنات ليبيا
بسم الله هاذي قصة بنت جيراننا مسكينه الله لا ايوريكم ما جرالها :
اسمها نجوى .. كانت عايشه مع امها وازوج امها وخوتها من امها وبوها متزوج ومداير عيله وعايش في حاله ومش مدورها نهااااائيا .. المهم نجوى وصلت للثلاثين وما اتجوزت ولا خدمت مسكينه وكانت عايشه في حوش امها زي الشغاله اتضم واتطيب وخلاااص ومليون حاجة ناقصتها وفمها امسكر وخواتها من امها امعيشهم بوهم في دلااااااال ومش حاسبينها وكلهم انانيات لنفسهم وبس . بعد فتره جت خطبتها بنت جيراننا لخوها اللي بحوشه وخدمته واخلاقه كويسه حسب ما باين للناس بس هو اسمر البشره وهيا بيضا . في البدايه اماليها عارضو وبعد اصرارها وعنادها اقنعتهم بانها معاش عنها علاش قاعدة وحتى لو اسمر المهم ليبي وخادم على راسه ويصلي ويعرف ربي وبعدين هيا مش جميله يعني بنت عااااديه اماليها وافقو رغم ان بعض اقاربها قاطعو الفرح وما جوش لانهم معترضين .. المهم اتجوزت نجوى ومشت امورها تمااااام وزوجها بدل الخدمه حصل 3 ماشاءالله عنده لغات ووين ما يمشي يخدم وزادت اتحسنت حالته وجابت نجوى زوز ولاد على روس بعض وكانت اتدير في لمات رووووعه والناس تحكي وتتحاكى بيهم وما اتخلي ما تهدي واتحط للناس وقبل كل حد كانت اتبشبش في الخير على امها وخواتها اللي كانو مش امعبرينها وقت حاجتها وحتى بعد ما اتبحبحت كانو ياخذو منها الفايده وديما نازلين فيها وحتى من صغارها كانو اينادو فيهم بالعبيد تعالة يا عبد برا يا عبد لا حول ولا قوة الا بالله العلي العظيم . |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ،،،، ياهلا بالليبيات حبيباتي ،،،،،،،،،، كيف الحال والأحوال ؟؟؟؟؟؟؟؟؟ انقطعت فترة ،،، وأني من الأصل مانيش مكثرة طلات ،، بس أهو خير من بلاش بكل ~~~ ولكن تغيبت إجباري ،، وحااااااااااااااااااااااااااااااام الله لا يوريكم شهر وزيادة في دار مظلمة وزيادة ملحقات الوحم كلها ،،، وتوا أفضل حال ،،،، وربي يعين ويسهل كيف حالك { سورينام } وحال الصغيويرة ؟؟؟ وشن أخبارك " حبل الوصل " وأخبار العويلة ؟؟؟ وكيف حال البنات في التجمع كلهم على بكرة أبيهم ؟؟؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
المهم استمر الحال هكي وشورها نجوى من كتر ماهي نيه بدت حتى ابسط مشكله بينها وبين راجلها اتدخل امها واماليها في النص وكل ما تحرج ايجي ايردها يلقى اماليها ما ايخلو ما ايسمعوه ايقولوله ياسر ارضينا بيك اسود حتى لو امعيشها في عز (استغفر الله) المهم الراجل شوره كره روحه .. ومشت السنين على هالحاله والراجل زاد اتبحبح ودارلها فيلا امقومه في السراج وذهب ولبس واثاث شيء لا يوصف ...وزادت جابت 3 بنات بعد الولدين الاولين ..
بعد سنوات بدت المشاكل بينهم اتزيد الله اعلم علاش .. والراجل دار حوش تاني وبدي ايدور في مرا تانيه ونجوى ما تندريش لين وصلتها اخبار ولما واجهاته في الاول انكر وبعدين قالهالها بكل وقاحه انتي معاش عاجبتني لا انتي ولا عيلتك وعاجبك باهي مش عاجبك ايجيبك الباب ... انصدمت نجوى صدمة عمرها واسودت الدنيا في وجهها وكل يوم الراجل معاملته اسوأ من اللي قبله لين بدي ايبات برا الحوووووش !! |
رد: دردشة بنات ليبيا , دردشة حوامل ليبيا , تجمع بنات ليبيا
ولما ايروح اتقوله وين ايقوللها مادخلكش .. وبدي ايقصر حتى على حوشه .. يرميلها الفلوس ويطلع ومعاش ايبان باليومين والتلاثه وهيا تاكل في روحها وكامده ومش قاره تحكي لحد على أمل ان الراجل يتصلح . لكن ما فيش فايده وبعدها اكتشفت انه اتجوز وسمعو اماليها وبدو اينقو عليها طلقيه وقوليله يكتبلك الحوش باسمك وهيا خشت في سريب النكد وكل ما ايجيها بعد غياب يومين واكثر تستلمه .. اني مريضه .. حاذفلي الصغار وماشي .. طلقني .. اكتب الحوش باسمي باش نربيلك فيه صغارك ... وهلما جرا ..
في مره كانو متعاركين ضاربها أو متعاركين عركه قويه.. حسب ماتحكي قالت انه هددها في التليفون انه كان وصل الحوش ولقاها انه حيدبحها .. هربت المسكينه من الحوش وخلت صغارها الخمسه حاشاكم .. وبنتها الصغيره غمرها عامين بس يا كبدي شن ذنبها .. وصلت لحوش اماليها وحكت لأمها قالتلها معاش اتروحيله وخليه واحل في المفرخ تو ايطيح عليك نادم . .. الراجل القاها فرصه خدي الصغار وباع الحوش واختفي .. وقعدت نجوى تاكل في بعضها وتسحن على صغارها والراجل اختفى نهااااائيا .. ارفعهم لمرته الثانيه اشبح وين .. وكل ما نمشي لحوش اماليا كنت لازم نمشيلها نلقاها يا روحي اقريب اتموت اتقول ما نبي شي غير انشوف اصغاري بخير بس والله العظيم اتسخف اتقطع القلب...نصحوها الناس ترفع عليه دعوى وتتهمه بخطف الصغار من امهم .. وارت ي ما قالولها .. لكن المشكله ان ما عنهاش عنوانه والقاضي قالها لما بنديرله جلب لازم اتجيبلنا عنوانه .. |
رد: دردشة بنات ليبيا , دردشة حوامل ليبيا , تجمع بنات ليبيا
والله ياسوري قصة مؤترة وهي عندها الحق تتجوز وحتي وان كان اسمر ماهي عايشة والحمد لله وربي فتح عليها والله اهلها الا حاسدينها
|
رد: دردشة بنات ليبيا , دردشة حوامل ليبيا , تجمع بنات ليبيا
معليش اني رديت قبل ما تم القصة خخخخخخخخخخخخخخخخخ
|
رد: دردشة بنات ليبيا , دردشة حوامل ليبيا , تجمع بنات ليبيا
وبعد فتره عن طريق عمله انشد واتقم للمحكمه .. وقال للقاضي اني صغاري ما يبوهاش امهم وتقدر تسألهم بروحك وفعلا جابو الصغار الكبار ولدين وبنت اعمارهم 15 - 13 - 10 وسألهم القاضي والمصيبه انهم قالو ما نبوهاش قدام اعيونها اتخيلو ..
لكن القاضي ما اخذاش بكلامهم على اساس انهم صغار وماال حضانتهم لامهم مهما كان.. وحكملها بالصغار والحوش وفرحت مسكينه وقالت حتى ما يبونيش هذا هو اللي منكرهم اعليا تو نعرف كيف انفهمهم .. طبعا راجلها مانفدش الحكم وهرب بصغاره تاني واختفي وخشت احداث الثوره في البلاد ومعاش لقت لا محكمه ولاقاضي تشكيله .. وقعدت في حوش امها وهو هارب بالصغار لمده سنه وقبلها الهربه الاولى ممكن سنه ونص او اكثر يعني اتخيلو البنيه اللي خلتها عمرها سنتين وشويه جابوهالها عمرها 5 سنوات باهي اللي عرفت امها واتعيط تبي خوتها مسكينه .. وفتتكم بالكلام : الفتره اللي قعدتها عند امها ما لقت من يصرف عليها وهيا ما عندهاش شهاه مسكينه بت اتدور في عمل .. وحصلت عمل في عياده اتنظف وتمسح وهذا كله في الاحداث .. وفيهم يوم امروحه من عملها وقفت سياره نزلو منها زوز اولاد وبو يضربو فيها وريشوها وامرغولها شعرها في التراب وخذو تليفونها واللي في شنطتها (اوراق القضيه متاعها) وهربو .. واتخيلو الاولا هاذم من ايكونو ... ماتنصدموووووش (اولادها) اتخيلو اولاها جايبهم بوهم واشبح شن حاكيلهم اعليها باش هكي ايديرو ف امهم الله المستعان والله يا اخواتي شورا الدنيا جابت ما عندها زي ما اتقول امي .. وبعد الاحداث طاحت في محاميه ممتازة عرفت كيف اتجيب عنوانه ورفعت عليه قضيه طلاق وحضانه اطفالها وفعلا حكملها القاضي بالطلاق وبحضانه بنتها الصغيره بس لان التانيين ما يبوهاش !!!!! واتفرقو الصغيويره غن وخيتهم اللي جت لامها والنيا متلخبطه عليها مسكينه وطبعا جابوها خوتها اللي ضربو امهم واحد منهم شاد البنيه والتاني شاد الصاكو حذفوهولها وقالولها اتهنيتي توا !!!! قعدت نجوى تخدم في العيادة وبنتها اتخلي فيها عن امها . مااتحملوهاش اسبوع وارولها عركه هكي كبرها .. طلعت ببنتها في الليل مسكينه وخشت لحوش بوي مسطينه في الفتره اللي كانت فيها امي امروحه من تونس واني كنت غادي وحكتلي القصة بالتفصيل وهيا تبكي مسكينه واتقوللي مش عارفه امتا بتفرحني الدنيا.. قلتلها ماعندك الا ربي يا اوخيتي ادعي وهو وحده قادر على رفع الضيم عنك.. المهم توا طلعت من عن اماليها ومشت لمرا معروفه في المنطقه سمعتها مش أوي (استغفر الله استغفر الله) واني خايفه عليها انها تمشي في سكه غلط .. والله نعرفها من صغرها بنت كويسه رغم ضروفها لكن عمرها ما غلطت .. ربي يحفضها هيا وبنتها من اولا الحرام وايجازي اللي كان السبب قولو أمين . وبالله ادعولها يابنات .. وبعد ما تدعولها ادعو ربي ان ايعم عليكم الخير والتفاهم والصحه مع ازواجكم وصغيويرتكم وانتم يما اتنقو نبي هاذي ما عنديش هاذي ومش عاجبكم حااااال واني اولكم ....واللهم لك الحم ملئ السموات وملء الأرض وملء ما بينهما وملء ما شئت من شيئ بعد على كل حااااال ياااارب |
رد: دردشة بنات ليبيا , دردشة حوامل ليبيا , تجمع بنات ليبيا
وهااااااذي القصة وان شاءالله نعتبرو كللللنا ياااارب...
أثري في مدادي .. مرحبتين بيك وعوده ميمونه ان شاءالله .. وربي ايخفف عنك التعب واينوضك بالسلامه واتشوفي البيبي علي خييير .... |
رد: دردشة بنات ليبيا , دردشة حوامل ليبيا , تجمع بنات ليبيا
الحمد لله علي كل حال ، والله اتخسف لاحول ولا قوة الا بالله
|
| الساعة الآن 09:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .