رد: تجمع حوامل ليبيا
 

في قروب في الفيس مش طبيعي ناخد منه

رد: تجمع حوامل ليبيا
 

صدقتي يا ميمونة الراجل لما يبي يدهور بي مرته
يدورها في طريق الشط لين يدوخها ويدوخ ويقولالها معيتيش
هيا نروحو .بلاش من الدهويرة الي هكي اوكان خلها في الحوش خير اخخخخخخخخخخخخ

رد: تجمع حوامل ليبيا
 

نصائح للزوجه

اياك والنكد..وافتعال المشاكل لان سياسة النكد اللي تتبع فيها هلبة ليبيات ماليهاش اي فايدة..ونتيجتها الوحيدة انك تنكدي على روحك وتهججي الراجل..لان الراجل بطبيعته يكره من ينكد عليه واول مايطلع يغير جوه وانتي تقعدي في النكد بروحك..

- لما راجلك مروح من الخدمة مش لازم تكزمي في وجهه..وتقوليله ( اكيد نسيت اللي وصيتك عليه) ..حاولي تبتسمي في وجهه وتو تشوفي الفرق في المعاملة..
- الاكل مهم هلبة عند الراجل..فلهذا مش لازم تسحنيله كبده بالمبكبكة والطبيخة يومك وتاليك..مافيها شي لو مرة مرة درتيله حاجة يحبها

-لما تبي تطلبي حاجة استني للحظة المناسبة..مش لازم تكلميه وهو مقيل..ولا وهو كيف بيطلع..استني لما يبدا جوه حلو واخلعيه بطلبك ..

- خلي روحك رياضية..لما يقولك لا مش لازم تقلبي وجهك..لان الراجل الليبي اول كلمة على لسانه ( لا) لكن طيب وبسرعة يغير رأيه..لكن لو قلبتي وجهك وعششتي فاحلمي مستحيل يغير رأيه لانه عنايدي درجة اولي..فلما يقول لا خليك عادية ..وبروحه تو يغير رايه ..

رد: تجمع حوامل ليبيا
 

اهداء لزوجة رجل ليبي منكد

(( حياتي معاك))

ديري غدي ..جيبي معاك امية ..
هذا اللي فالح فيه..ولا يوم عمرك خلعتني بهدية..
هاتي الريموت..ديري الشاهي..حطي معاه الكيكة..اليوم يفوت وانت لاهي..وماتهدرز معاي حتي دقيقة
فالح تاكل..وماتخلي حاجة..ولا يوم تعرف تشكر..
وكان مالح ولا ناقص حاجة..فمك معاش يتسكر..
وكان قلت بنطلع..ولا اليوم عندي حفلة..تحاول تمنع..وفلمح البصر تطلع سبلة..
وكان نبي حاجة ..للحوش تقول راني تاعب..
وكان صحابك بيلعبو كورة ..تقول راني معاكم لاعب..
وكان وصيتك..على شي ليا ..تقول نسيت..وكان لغيري ..تقعد اتدور ومكان ماخليت..
هذا طبعك ..طيب كريم..لكن منكد
خلوقك في خشمك ..وتنق لين تفدد
نحلم في يوم تجيب فايدك وردة..وتقول ارتاحي ..اليوم راهو زردة..وتقولي صحيتي راني بدونك خردة..
وهاذي حياتي معاك..ديمة تعب ومرات لحظة حلوة..لكن مانقدر على فراقاك

رد: تجمع حوامل ليبيا
 

رد: تجمع حوامل ليبيا
 

Iiiiiiiiiiiiiهههههههههههههههه ياناري سخفتني حتي انا

رد: تجمع حوامل ليبيا
 

هل تعلـــــــــــــم

هل تعلم ان الطوبة التي تضعها بعض البنات على روسهم او ما يعرف ب( حجاب ابو كركوبة) قد يصنع احيانا من اغرب الاشياء..فلا تستغرب اذا رايت بنت ماشية وطايحة منها حكة طماطم فاضية..او طاسة ياغورت اواذا رايت بنت يتدلل من راسها شخشير لحمي..فكل هذه الاشياء قد تستعمل في صناعة الكركوبة.

المصدر( شاهدة عيان) من داخل احد حمامات جامعة ناصر



[IMG]http://forum.hwaml.com/imgcache2/hwa...779834_951.jpg[/IMG]

رد: تجمع حوامل ليبيا
 

ايوته شكلها رقدت ههههههههههههههههه

رد: تجمع حوامل ليبيا
 

السلام عليكم
كيف حالكم ياخفافيش هههههههههههه

رد: تجمع حوامل ليبيا
 

انا هدا وين وصلت لحوشي
راجلي كان طالع وانا مشيت لحوش عمي طلعت عزيت انا وحماواتي
وبعدين رجعت لحوش عمي هدرزنا