رد: تجمع حوامل سوريا-دردشة ورود سوريا-دردشة الغاليات
 

اتشرفت بمعرفتك ندى وهبة انا من الشام عمري تمانة وعشرين ومالي حامل بس عندي نايا عمرا سبع شهور مقيمة بسعودية انت وين ساكنة ؟

رد: تجمع حوامل سوريا-دردشة ورود سوريا-دردشة الغاليات
 

هلا هبة تشرفت فيكي حبيبتي

الله يتمم معك عخير

ويرزئك الخلفة الصالحة

رد: تجمع حوامل سوريا-دردشة ورود سوريا-دردشة الغاليات
 

سيريا جو الامارات متل جو جدة انا سكنت بجدة دبئ ورطوبة عالية لان عالبحر ومافي شتا ابدا حتى وقت نزلت المطر كان الجو حلو ربيعي خريفي متل هالوقت من السنة

رد: تجمع حوامل سوريا-دردشة ورود سوريا-دردشة الغاليات
 

رد: تجمع حوامل سوريا-دردشة ورود سوريا-دردشة الغاليات
 

احمدي ربك والله هلأ صاير البرد بسوريا نقمة لامازوت لاكهربا والله الاطفال عم تموت من بردا والله قلبي عم يتقطع عليهون

رد: تجمع حوامل سوريا-دردشة ورود سوريا-دردشة الغاليات
 

صباح الخير
كيفكن
سيريا سلامتك ان شالله شو القصة وانا كنت مكربة والتهاب حلقي
وهلا جود بلشت

جوجو ماشالله االله يحفظلك ياها بتجنن ونعيما علقص
كتير حلوة
شعرا كتبر حلو ان شالله يجي شعر جود متلا

بسبوسة حماتك بترفع الضغط ليش حاطة نقرا من نقرك
الله يعينك ويبعدا عنك عاهون سبب

نايوتا كتبتلك
رد طويل عريض شكلك
مانتهبتي :)

رد: تجمع حوامل سوريا-دردشة ورود سوريا-دردشة الغاليات
 

هلا سروءة حبيبتي كيفك عليكي العافية والله صرلي يومين تلاتة ممغوصة

اي والله يا نايوتا الله يعينون والله بحكي مع اهلي صوتون ماعم يطلع من البرد

ونفسيات تعبانة بس الله بيعين

رد: تجمع حوامل سوريا-دردشة ورود سوريا-دردشة الغاليات
 

نايوتا شكرا لترحيبك فيني و الله يخليلك نايا الأمورة ** انا ساكنة بالشام بالمزة

رد: تجمع حوامل سوريا-دردشة ورود سوريا-دردشة الغاليات
 

صبايا ازا بدي اطرح مشكلة بعاني منها بتخص الحمل بأي قسم بحط الموضوع ؟

رد: تجمع حوامل سوريا-دردشة ورود سوريا-دردشة الغاليات
 

ندى فيكي تطرحيها بقسم دردشة حوامل وازا بدك اطرحيها عنا بركي منقدر نساعدك

رد: تجمع حوامل سوريا-دردشة ورود سوريا-دردشة الغاليات
 

لا والله سروؤتي اكيد شفت ردك وبدي رد عليكي اكيد والله انا كتير بستفيد منك بكلشي بسألك ياه والله يخليلك جود والله عم اتخيلها وهية عم تاكل الكوساية وان شالله صحتين وهنا مجاري العافية الام كتير بتفرح لما بياكلو ولادها والله عم حاول مااطحن الاكل منيح لنايا مابرد عليها وقت بتبزق معها معها بتتعود بس متخوفة من موضوع طعميها اكلنا مع انو اكلي مو دسم بطبخ اغلب طبخاتي بزيت ذرة بركي الشهر الجاية بتجرأ وبطعميها من طبخي وان شالله رح جبلها من البسكويت يلي قلتيلي عليه بحصرا بمكان وبخليها تاكلها بلا ما توسخلي البيت ههههههه

رد: تجمع حوامل سوريا-دردشة ورود سوريا-دردشة الغاليات
 

ندى وهبة اهلا ةسهلا فيكي
انا اسراء من ريف الشام عمري24 عندي بنوتة اسما جود عمرا 8 شهور

سيريا معافاية ان شالله

نايوتا لاتخافي ولاشي
في جدول عطاني ياه الدكتور لكل عمر شو الاكلات يلي طعميا
بصورلك ياه ان شالله وبنزلك ياه
انت مو اي اكل اطعمي بنتك
مثلا اكلات اللبن شوية لبن عطيا مو كتير للشبع
اكلات خضار هرسيلا وغسلين بمي مشان يروح الحد والبهارات وطعميا
او اذ ماحبتن طحنين طحن مع شوية رز
الجاج هرسيلا ياه وطعميا شوي
يعني انت بلشيلا بلاكل شوي شوي
اول مرة تلحسيتين 3 تاني مرة كم معلقة هيك لحتا تعود وماياثر عليها
لك لاتكوني خوافة
بنعرفيا لام ملاك
مو
بتعرفي انو ابنا عمرو شهرين كانت تلحسو مربى وتبلش تلحسو من
الاكل
وبنتها هيك
عملت معها وهلا بنتا عمرة سنة وشوي وبتاكل كل شي مابتقول لشي مابدي
ماشالله انا بحب الولاد هيك ماترفض شي اكله وهي بحبو ومابحبو
بحب كل شي ياكلو
ولاد بنت حماي مجننينا ابنا كبير عمرو 9 سنين مابياكل شي لابيض لاحليب ولااكل كبار
اكلاتو بس معكرونة ورز ولبن ورز بزاليا
والاكلة قبل ماياكلا بشم ريحتا اذ حبا بياكل واذ ماحبا مابقرب
وابنا الصغير اجا هيك كمان
عنجد انا بجن من الولاد يلي هيك
بدي جود تتعود ماتكون منافسها هيك
الله يعينا عتربايتن
حكيت كتير وصرعتك بقصصي انا وجود

رد: تجمع حوامل سوريا-دردشة ورود سوريا-دردشة الغاليات
 

مساء الخييييييير ...لكل صبايا سوريا الحلويييين ...ونونوهاتهن ...وكروشاتهن ..
كيفكن ....؟....جد اشتقتلكن ...
حبيت خبركن اني ولدت ..وبشكر الله ..يوم الأربعاء 12/12/2012...بس الساعة وحدة مو 12هههه
والحمدلله أنا منيحة ...وبنوتي منيحة ..بس يا قلبي صفرت شوي ..وهي هلق بالحاضنة

رد: تجمع حوامل سوريا-دردشة ورود سوريا-دردشة الغاليات
 

شذا حبيبتي ان شاء الله الف مبروك وتتبربى بعزك
والصفار عادي حبيبتي كل الولاد بتصفر ديري بالك على حالك وعلى بنوتك

رد: تجمع حوامل سوريا-دردشة ورود سوريا-دردشة الغاليات
 

شذا الف الف الف مبروك والحمد لله على سلامتك والله تاريخ ولادتك كتير حلو ياترى سجلتي كوكي 12 او 13 الشهر وخبرينا اخدتي طلق صناعي شي احكينا ولدتي طبيعي او قيصري ديري بالك على حالك واتغزي منيح مشان الرضاعة وعادي لاتخافي من الصفار اسمو يرقان ولادي اغلب المواليد بيكون عندها بس اسالي الدكتور وامشي على تعليماتو والحمد لله على سلامتك مرة تانية

رد: تجمع حوامل سوريا-دردشة ورود سوريا-دردشة الغاليات
 

سروؤة لاطولتي عليي بالحكي ولا شي تسلميلي انتي وجود رفيقة نينو بالعكس الله يجزيكي الخير على كل نصائحك حتى عم استفيد من تجربتك مع جود بالاكل مع نايا وانا كمان مابحب الولد المأنف عالاكل بيطقق وبتحتاري شو بدك اطعميه وبتحسي بيمرض كتير

رد: تجمع حوامل سوريا-دردشة ورود سوريا-دردشة الغاليات
 

كيفك نايوتا والله معك حق بيت الاحمى بيدخلو ولو عن بعد
هههههه
انا اكيد راحو هنن قبلي يعني رحنا سوا وقصينا شعرنا لازم مرافقة
لله يصبرنا ا

رد: تجمع حوامل سوريا-دردشة ورود سوريا-دردشة الغاليات
 

كيفك ام جوجو كيفا جوجو الامورة

رد: تجمع حوامل سوريا-دردشة ورود سوريا-دردشة الغاليات
 

الله يعينك صعبة مجاورة بيت الاحمى يعني ليش مانجاور اهلينا ااااااااااخ عالحظ

رد: تجمع حوامل سوريا-دردشة ورود سوريا-دردشة الغاليات
 

مرحبا صباااااااايا

كيفففففففففكون
سروووووووووووووءة لك انت نشيطة والله بلشتي ترجعي متل قبل ههههههه
يااااااااالله وللله معناها مشواري طويل لارجع متلك اديش صار عمر جود 8 اشهر مو؟؟
لسا قدامي 4 شهور تانية
بعييييين الله

مبرووووووووووووك شذا ان شالله الف الف مبروك تربى بعزكن ودلالكم يارب ماشاء الله شو حلو تاريخ ولادتك خخخ بس كني صناعي مو هههههه

عاشقة جوجو شو هالجوجو يخزي العين ماشاء الله شو اموووووووووورة وكربوجة
انتي بسعودية بنات حماكي لازقين فيكي ؟؟؟
انا فرحانة عالغربة لاجل هالشي اني لحالي وماحدا بقرب مني ومن بيتي وجوزي الللللللللللللللللله يصبرك ويكون معك
ان شالله جوازهن بلاقو شغل باوكرانيا وبسافرو كلن قشة لفة خخخخخخخ



وانت بسبوسة كتير هكلانة همك بس ان شالله مؤقتة هالقصة وبتخلص مصيرها تخلص

رد: تجمع حوامل سوريا-دردشة ورود سوريا-دردشة الغاليات
 

شذا الف الف مبروك الحمدلله عسلامتك
تاريخ مميز عنجد ههههه نيالك
بس عقولة نايوتا سجلتبا 13. ولا 12
ولاولدتي 1 الضهر طمنبنا عنك وشلون كانت ولادتك
عقبال باقي الحوامل يارب

سلولة هههههه مو دايما موجودة ايام بيرجع نشاطي وايام بينخمد خمدة وحدة الله وكيلك

نايوتا تسلميلي يارب انت ورفيقة بنتي
شو بدك تسالي انا جاهزة تحت امرك
هي نايا مو حيالله ^ ^

رد: تجمع حوامل سوريا-دردشة ورود سوريا-دردشة الغاليات
 

ههههههه والله يا سيلا ضحكتيني
يلاقو شغل باوكرانيا الله وكيلك ابعد وحدة عن امها عشر دقايق بتكون عندها مو متلنا بالغربة
اخ بس وعندهم ازواج خزيت العين اذا الوحدة منهم كل يوم بتجي عند اهلها مابقول لاء
امانة ادعولي لاخي الله يفك اسرو

رد: تجمع حوامل سوريا-دردشة ورود سوريا-دردشة الغاليات
 

جوجو الله يفك اسرو يارب ويجمعكن في
ويفرحكن بشوفتو سالم عن قريب
ويفك اسر كل واحد ويرجعو لاهلو بالسلامة
يارب تفرجها علينا وتفرحنا بالنصر

رد: تجمع حوامل سوريا-دردشة ورود سوريا-دردشة الغاليات
 

_________________________________________



قصة وﻻ‌دتي بحبيبة قلبي كوكي ...
طبعا صبايا كلكن بتعرفو أنا كنت باﻷ‌سبوع سبعة وتﻼ‌تين و خمس أيام يوم اللي قررت اني أولد ..وبتعرفو أنو الدكتورة قالتلي كل شي جاهز ايمت مابدك يالله تعي منولدك ..بحطلق شوية طلق صناعي ..وتناقشت أنا وياها بالموضوع وكمان شجعني التاريخ اللي مابقى يتكرر اﻻ‌ بعد مية سنة 12 12 2012 ههه..حتى قالت منحاول لد الساعة 12..ههه
المهم قبل بيوم كنت متشجعة بس وقت صار الليل ..صرت أرجف وخايفة وأبكي وأرجف ضليت شي ساعتين وكنت قبل بكم يوم مو نايمة غير ساعتين ..المهم استهديت بالله وصليت ودعيت ..وجوزي صار يهون عليي ويشجعني ..ويقلي معك أنا وما بتركك وﻻ‌ دقيقة ..وأنا عهاﻷ‌ساس كنت متفقة مع الدكتورة ..واخترت مشفى خاص عشان يسمحولي جوزي يفوت الوﻻ‌دة والمخاض ..المهم*
فتت عالمنتدى الصبح وخبرتكن اني رايحة أولد وكنت مقررة أني كون قوية وابتسم واحكي وانا عم أولد ومجهزة الكاميرا للتصوير ..وشحنت الموبايل وكل شي ..طلعنا كان برد كتير وفتنا منرقسم الطوارئ وقالولي ياللهرع غرفة المخاض طلعت لفوق وجوزي ضلريزبط اﻷ‌وراق ولما صرت فوق قالولي فوتي قلتلهن .وجوزي ؟قالولي خلص مابقى تشوفيه لحد ما تولدي ..قلتلهن ﻷ‌ مابفوت ..أنا مو هيك متفقة مع الدكتورة صارو يضحكو ..تركت القسم ونزلت لتحت لعند زوجي وبلشت أبكي وأرجف ..وأنا مامعي حدا من النساء حتى يفوت معي المخاض ..يعني بدهن يتركوني لحالي بالطلق ..المهم جوزي صار يشجعني .يقلي المهم نشوف البنت ..معليش تدحكري انتي اشتقتيلها وقلي أنا رح وقف عباب القسم وما بتركك وﻻ‌ دقيقة منضل عالموبايل ..وهيك بتحسيني معك عطول ..
توكلت عالله وفتت فاتت سستر تجهزني ولبست التياب وتسطحت عالسرير وقعدت صور حالي فيديو وشجع حاليخخخخخ..واجت ممرصة عطتني طلق صناعي أول شي بالجل ..وبلشت المغصات ..والمشكلة اني بلشت اسمع صوات النسوان الي بالغرف جنبي ..صياح ..وبكا ..و..نحيب ..وﻻ‌ويل ...وأنا قول ..ﻻ‌ مارح صيح دقيت لجوزي وبلشنا نحكي سوا ..طبعا الممرضة قالت محام الرحم 2سانت ..وأنا طار عقلي .كيف 3 كان مبارح ..هي تقول ﻷ‌ 2..بس ..دقيت لجوزي وحكينا ..هو توتر ..وفاتت دكتورة مصرية ..تحكي معي تقلي ليش كنت تبكي ..حكيتلها ..قالت أي جوزك بيفوت ..أنا هون هم الدنيا راح عن قلبي ..وراحت وفات جوزي ..دخيل ألبو ..ارتحت ..وانسيت الطلق ..وبلشنا أنا وياه نصثحك ..وأتوجع ..ويذكرني بالتنفس الصحيح ...ويفركلي ضهري .وكتافي ...ويحكيلي نكت ..ويقلي ..يالله إلق جاية حبيبتي التانية ..طاﻹ‌يها ..
المهم ما سمحو لي فوت الحمام ..حسبت حالي بدي أنفجر ..وماعاد قدرت أتمالك حالي ..وصرت للهن بدي فوت ..وما يخلوني ..عصبت وقلتلهن فايتة ..قالو لنفحصك ..قلت كيف بدك تفحصي وأنا شادة ع حالي رح موت تقول معليش سربيها عليي ﻻ‌بسة كفوف ..قلها ﻷ‌ ما حزرتي ...فكيت الجهاز وفت الحمام غصب عنهن ..وطلعت ..فات دكتور ..وقال ..الرحم فاتح 2سانت ..وسماكة عنق الرحم كبيرة ..وهون كانت الصدمة ..جوزي انقهر ودق للدكتورة قلها تعي هلق أو نحنا طالعين ..اجت ..وقلنالهأ حطموني ..فحصت قالتلي الرحم فاتح 4سانت ..والوﻻ‌دة شي ساعتين أو ساعة انشالله ..وهي كتير شاطرة وبوثق فيها ..حطتلي الطلق بالسيرون وطبعا هاد هو الطلق الفظيع اللي بتسمعو عنو ..قالت بس يصير 100..عالوﻻ‌دة ..
ضليت أنا وجوزي نعمل نفس الشي بس كتير زاد الوجع وطلبت منها تخليني أقعد قلتلها ما بطالع صوتي بس خلوني اقعد قالت اوكي ..وهييييك حتى قوي كتير كتير ..وأنا عم اسمع صوات النسوان برى وقول أنا أقوى من هيك ..جوزي صاح للدكتورة قلي وضعك حاسو زاد فوتت ايدها قالتلي هلق بس تحسي مغصة قوية ادفشي لشوف انتي قوية وﻻ‌ ﻷ‌...قلتلها عم موت الوجع قالتلي بدك ولدك بساعة وﻻ‌ تضلي لبكرى الصبح تطلقي ؟..وجوزي قلي يالله كوكي بدها تيجي ساعديها اتحملي كرمالها ..قلتلها طيب مخدر ..قالت بعطيكي بتضلي 6 ساعات تطلقي ..وليييييييييي...وقتإا قالت ياله بديت معركتنا ..ولما اجت المغصة الفظيعة كبتت نفس ودفييت بكل القوى اللي فيي ..صاحت الدكتورة يالله أبدعتي يا شاطرة فتح من 4..فورا صار سبعة ....بعد ربع ساعة اجت كنت عم سكر عيوني ...وقول خلص اقتلوني ..بس عطوني مخدر ..صرت قول دخيلك يادكتورة دخيلك ياجوزي ببوس ايدك طالعني منرالي أنا فيه ..تقلي انتي الوحيدة اللي فتح الرحم عندها خﻼ‌ل ساعتين 7 سانت ..اتحملي يالله ..المهم دفعةرتانية صار 8 ..بعدها عطتني مخدر البيثادين ..بس جرعة خفيفة ..بس صارت تهدأ المغصو وتجي بس متل النار بدين اجت النيرس قالت خﻼ‌ص 10 سانت .بالله وﻻ‌دة ..وطلعنا على غرفة الةﻻ‌دة وكنت أنارعم صور ..ونسيت الوجع شوي ..وفتنا وبلشنا ..ادفش ادفش ..ومايصير شي ...وادفش بكل أوتي ..تقولؤياللهرسفت الراس ..يالله كملي ..وأنا ادفش ومايصير شي ..والوجع كان فظييييييع ..وصارت الممرضة تكبس عبطني من فوق وتكبسلي راسي من ورا رقبتي ...وتضغطني لتحت ..بعد هيك ..طلبت الدكتورة من جوزي يبلش يكبسني لتحت كمان ..وصرنا كلنا نتعاون وما يصير شي ...صارت الدكتورة تقول ..لك من طيبو الجنة تحت رجلين اﻷ‌م ..شفت شو يعني أم ؟..وجوزي ياحرام رح يجن ويقلي يالله برافو حبيبي ..أنا شايف راس بنتنا ساعديها .....أخر شي أخدت نعس قوي ﻷ‌نو حسيت الدكتورة خلص كأنو بلشت تفكر بالعملية ..تقول يالله تأخرنا ..الراس علق ..وصرت قول ياربي دخيلك المهم البنت ..بعد كذا دفشة ..وكتير كتير ..ضغط من جوزي والممرضة ..والدكتورة ..صرخت صوت ودفشت بقوة ..قالولي يالله برافو طلع الراس ....وبعدها جوزي مسك الموبايل مرة تانية ..وكمل التصوير ..ودفشت دفشة صغيرة ﻷ‌نو قلي جوزي اني غفيت لحطكة فيقوني ..سحبو البنت وكانت مزرقة وراسها طويل ..قامت الدكتورة شالتها عطترالممرضة بسرعة ..وأنارقول ..حبيبتي ..ماما ...عطوني حبيبتي ..وفورا عفيت ..هههه...حضرت كيف اسيتفعلو فيي الباقي وأنا نايمة ..وبعدين قلي جوزي أنو لما طلعترالبنت ..والدكتورة ماحطتها بحضني ..وزتتها فورا ..قلي فكرتإا ﻻ‌ سمح الله ﻻ‌ سمح الله اخاتتقت ﻷ‌نو الدكتورة قالتلو الحبل لف عراسها ..ولحقناها لحسن الحظ ..وقلي قعدت فكر كيف بدي وصلك الخبر..وكيف بدك تتحمليه ..الشي الغريب أنو ماؤفكر ببنتو فكر بتعبي كل هاشهوور وتعبؤالوﻻ‌دة ﻷ‌نو شافو بعيونو ...ولما سمع صوتها بحيت تبكي ..قلي حسيت أخيرا بالراحة ..وضل جنبها كانت يا قلبي منفخة ..بس بعد شي ساعتين تﻼ‌تة الراسؤرجع تقريبا ..وراح اﻻ‌تنفيخ منها ..
ونشكر الله اللي خﻼ‌ني وخﻼ‌ها ..وكان معي ...
يارب تيسر وﻻ‌دة كل حامل ..ويخليكن لوﻻ‌دكن ..ويخليلكن أماتكن*
يا صبايا ..نصيحة خلي جوزك يحضر معك كل شي ...ما بتتخيلو قديه حاسس فيني ووقديه بيزيد حب زوجك الك بعد ما يشوف الولتدة بعيونو ..وبيصير بس بدو يخلص ضميرة مع ربو فيكي ..وبيقدر أمو أكتر ..وبيقدرك أكتر ..
وهاي هي قصتي ..حكيتها بالتفاصيل كرما عيون حوامل تجمعرصفر ..طالبوني بكتلبت كل شي ...
وأكيد شكرا لكلؤالي باركولي والي كانو معي كلؤالحمل ...
اننشالله دايما متلؤاﻷ‌خوة نضل ..والله ييسر لكل وحدة فيكن ..تل النار

رد: تجمع حوامل سوريا-دردشة ورود سوريا-دردشة الغاليات
 

صبايا ...حبيباتي ...عاشقة جوجو ...سيلا ...سروووءة..نايوتا ...مشكورين ..الله يبارك فيكن ...ولدت 1..الضهر ..ولو ما صار هيك الصبح وتأخرت بتلفوتة كانت الولادة الساعة 12...هههه
صبايا ...الله يوفقكن ..كوكي جننتني بالرضاعة ..اليوم أول يوم بينزل منيح من صدري حليب ما شالله ...طبعا مو كتير ..بس ماشي الحال أحسن من بلا ..وكوكي كل ما حطيتها عليه ..بتمص شي ست مصات ..وبسمعها عم تبلع ...وبشوف حليب حوالين تمها ..يعني بتأكد أنو في حليب ...ولعدين بتتركو ..وبتصير تبكي شوي ..وبتديق خلاقها ......وهيييييك لشي ن نص ساعة ..بعدين بعطيها حليب صناعي ..عطوني ياه بالمشفى وقالولي رضعيها رضعة منك ..ورضعة منو ...لأنو هاد النوع بيخفف الصفار ...
اللي خايفة منو ..انها تتعود عالبيبرونة وتبطل تاخد ثدري ..لأنها بس أعطيها البيبرونة بتاكل وبتنام ..أما عصدري بتصير تبكي وتتجأر .....يا ربي ..مو عارفة ييو ساوي
انتو هيك صار معكن شئ ؟..لانو من

رد: تجمع حوامل سوريا-دردشة ورود سوريا-دردشة الغاليات
 

الحمد لله على سلامتك شذا وان شالله بتفرحي بكوكي يارب
لو كنتي بسوريا واخرتيها لاول السنة كانت سبقت سنة
بس هون مافيكي سبحان الله انتي هالتاريخ رح يكون زكرى حلوة
إلك وانا زكرى حزينة صار عنا حالة وفاة
وبالنسبة للرضاعة انا اتعزبت كمان مع نينو كل البكريات بيتعزبو بس انا مشان ماتحب البيبرونة صرت شربا فيها كمان مشان الصفار اسلق تمرة ومية التمرة شربا منها ترضع بس ماتشبع قوم رضعامني تقوم تشبع صارت تعرف
انو البيبرونة مابتشبع اهم الشي الصبر تصبري وماتملي وكل مارضعت اكتر بيجي حليب اكتر ولو رضعت شوي وملت
فيقيها ازا نامت حاولي معها هية لساتا صغيرة بتتعب اقل رضعة من كل صدر لازم ربع ساعة او تلت ساعة لان صغيرة مابترضع بسرعة بترضع شوي وبترتاح ماشبعت من اول صدر عطيها التاني لحتى تحسي فضي مابيتولد حليب جديد ليروح القديم ووانت اهم شي التغزية السوائل وفي اغزية مدرة للحليب حاولي تاكليها
البقدونس مثلا كتري خضار وفواكه وعصائر واشربي حليب مع جوز هند بيقولو بيض نيء مع الحليب بس مابنصحك
مشان السالمونيلا
وايا سؤال انا جاهزة
بدنا صورة لكوكي نغمش قلبنا على شوفتا

رد: تجمع حوامل سوريا-دردشة ورود سوريا-دردشة الغاليات
 

سروؤة كيفك بتفيقي كتييييييير بكير انا بفيق بكير بس طلعتي ابكر مني ههههههه


صباحكون سعيد جميع الصبايا النايمين والقاعدين
بوساتي لجميع البيبيات الصغار والكبار

رد: تجمع حوامل سوريا-دردشة ورود سوريا-دردشة الغاليات
 

ام جوجو الله يفك اسر اخوكي ويحل عسيرها يارب

رد: تجمع حوامل سوريا-دردشة ورود سوريا-دردشة الغاليات
 

انشاءالله الف الف مبروك شذا والحمدلله على سلامتك وسلامة كوكي تربا بعزكن ودلالكن بإذن الله
الحمدلله طمنتينا عنك كان بالي عندك وهلأ صار هالتاريخ احلى عيد عندك انك صرتي ام ياي كتير حلو
وانا وعم اقرأ قصة ولادتك صرت ابكي وخفت من الولادة وخفت عالبيبي كمان مابتحمل ازا لاسمح الله صرلو شي ولي والله خايفي اتألم الله يسهل ولادتنا ويأومنا بالسلامة
بوساتي الك ولكوكي الامورةhwaml88

رد: تجمع حوامل سوريا-دردشة ورود سوريا-دردشة الغاليات
 

نايوتا صباح الخير
انا سهراني مو جاييني نوم من الرغب
اليوم راحت حماتي عبيت ابنها التاني رح يبأوا هنيك للسبت صحيح فترة قصيرة بس احسن ماتم آعدي عألبي بدي اتنفس شوي طالعتلي روحي
ولادتك كانت سهلي انا مرتعبي من الولادة كلن بيحكو عن صعوبة الطلق الله يسهل علينا

رد: تجمع حوامل سوريا-دردشة ورود سوريا-دردشة الغاليات
 

حبيبتي ام جوجو الله يفك اسر اخوكي ويخلصو من ادين الظلام ويردو الكن سالم سليم ويقر اعينكن بشوفتو عن قريب جدا انشاءالله برحمة رب العالمين آمين آمين اللهم صلي على سيدنا محمد وعلى آله وصحبه وسلم

رد: تجمع حوامل سوريا-دردشة ورود سوريا-دردشة الغاليات
 

ميارو اشرقت الانوار بوجودك الحمدلله انتو بخير بدي ردلك ياها ليش نسيتيني وماسلمتي علي ههههههه
شو طمنينا طلع معك توينز
الله يعينا على هالحميات أديشن لطة بلطة لتعكير الصفو والمزاج
يعني حماتك بتزورك زيارة طويلة ؟ليش ماعندها بيت وزوجها وينو؟

رد: تجمع حوامل سوريا-دردشة ورود سوريا-دردشة الغاليات
 

بنات كيف بدي روح من مشاركاتي خيار تعديل او حذف مابشوفن غير عندي دابأني بفرد دبئة علموني بليز

رد: تجمع حوامل سوريا-دردشة ورود سوريا-دردشة الغاليات
 

كيفكم اخبا ركم ان شاء الله الكل بخير
حبيبتي بسبوسة لا تخافي ولا شي الله بيسر ان شاء الله
والله انا جبت جوجو بولادة قيصرية والحمد لله على كل شي
نزلتلك صور جوجو من يومين يمكن ما شفتيهم

رد: تجمع حوامل سوريا-دردشة ورود سوريا-دردشة الغاليات
 

بسبوسة كيفك منيح راحت حماتك استغلي هالفترة واعملي اجواء رومنسية ولا تروحي وقتك بالطبح لاحقة ههههههه
والله انا ولادتي قد ماقلتلك صعبة واكتر بس لما شفت نينو نسيت كلشي هههههههههه كزب مانسيت ولاشي بس كلو بثوابو عند ربنا
شوفي لقلك الطلق بيكون على مرحلتين طلق لحتى تفتح الرحم ومدتو عالاغلب للبكريات 12 ساعة طبعا الطلق الحقيقي وانت افتحي وشوفي علامات الولادة دوري بالنت بتلاقي نزول السدادة والسائل الامينيوسي ......
هادا الطلق طبعا يلي من عند ربنا بيكون رحيم اما الطلق الصناعي بيكون كتير فظيع وبيوجع كتير
وكمالة الطلق لما بتفتح الرحم عشرة سم وصار دور طلقات هجوم الرأس وهي الطلقات عالاغلب بتكون بغرفة المخاض وهية الصعبة وانشالله بيكونو عليكي خفاف ومابتحسي فيهون في كتير نسوان طلقتين تلاتة بيكون نزل البيبي وان شالله تكوني منهون

رد: تجمع حوامل سوريا-دردشة ورود سوريا-دردشة الغاليات
 

ااااااااخ نايوتا زكرتيني بتعرفي انا طلقت صناعي من الساعة 8 الصبح لل 3 العصر بعدها طلبت الابرة تبع الضهر بس اخدتها بوقت غللللللللط بس لان المشفى كلاب وما بهمن غير المصاري
المهم اخدتها خلال ربع ساعة ولدت كان فاتح 7 او 8 سم لما اخدتها
ووقت اخدتها ماكنت بعرف انو فاتح 8 سن قالولي لسا 3 ومطووووولة فمن حكين احبطت بشدة واستسلمت وقررت اخد الايبيدورل
بس صراحة هالابرة بتجنننننننننننننننننننننننننننننننن
نعمة من رب العالمين

رد: تجمع حوامل سوريا-دردشة ورود سوريا-دردشة الغاليات
 

وولدت الساعة 4 و 55 دقيقة ههههههههههههه برمضان قبل اخر يوم

رد: تجمع حوامل سوريا-دردشة ورود سوريا-دردشة الغاليات
 

مساء الخير للصبايا الحلوين ،بتعرفو لما بفوت و بشوف شو رايح عليي بتمنى لو اني عم فوت كل يوم و اشترك معكن بالاحاديث ،ماشاءالله عليكن بغيب يومين بلاقي مدري كم صفحة هههههه اي شو بدي ائرا ل ائرا*

شكراً نايوتا عالنصايح حبيبتي و عموما هلئ صايرة عم اكل مسكة عم حسا عم تخففي الحرقة هيك أمي الله يخليلي ياها و يخليلكن امهاتكن نصحتني ، واليوم عملت بنصيحتك و قويت قلبي و شربت دوا اللعية ماشاءالله عليي اليوم مصحصة حاسة حالي غير عن لما ما باخد الدوا *،وان شاءالله يومين و بصير بالاسبوع التامن ادعيلي كملن بالخير

اليوم يا صبايا و على غير العادة طبخت ،كان جاي عبالي الفاصوليا الخضرا ومن شوي اشتهيت ع رز بحليب بس حسيت مالي مروة ساووي بركي بكرا بتنشط ان شاءالله*

شذا حبيبتي الف مبروك و الحمدلله على سلامتكن و الله يخليلك كوكي و تشوفيا أحلى عرووس*

ميورة ام هنودة كيفك حبيبتي انا و انتي بنفس الاسبوع يمكن ،الله يتمملنا على خير يارب بس ترجعي من الدكتورة خبرينا*

صبايا الخميس عندي موعد عند الدكتورة مشان اسمع دقات قلب البيبي دعووووولي حبيباتي والله ناطف قلبي على ما يجي يوم الخميس*

بحبكن كلكن و بسلم ع الكل ما رح اذكر اسماء حتى ما انسا حداااا*

رد: تجمع حوامل سوريا-دردشة ورود سوريا-دردشة الغاليات
 

ربي انا مسنا الضر وانت ارحم الراحمين

رد: تجمع حوامل سوريا-دردشة ورود سوريا-دردشة الغاليات
 

يالطيف الصناعي مافي كل ربع ونص ساعة فورا بصير كل 5 و 10 دقايق