رد: بنات المغرب أجي نتجمع كيف كنا
 

رد: بنات المغرب أجي نتجمع كيف كنا
 

السلام عليكم يا احلى و اغلى امهات هاني جييييت و اخيرا طفات عليا الشمعة
توحشتكم بزاااااااف بزااااااف اش خباركم و خبار البيبيهات و الكريشات كنتمى تكون اموركم كلها تمام
ما شاء الله الصفحات فيهم البركة عادة جوري غتكون شرفات وياربي نلقىى شي وحدة ونسات سهام فالحمالة نمشي نقرا شوية نشوف خباركم و هاني راجعة

رد: بنات المغرب أجي نتجمع كيف كنا
 

اهلن اهلن اهلن بلالة خديجة وغبرة غبرتي علينا ياختي ان شاء الله سبب الغيبة خير واحد اش خباك وخبار مروتي كلشي لاباس
ايه اختي لالة جوري شرفات نهار السبت مع 8 دالليل او ولدات عادي الحمد لله ودابة راهية فدارها وكلشي داز مزيان
او سهومة فعلا جا اللي يونسها ختنا كوتر من قنيطرة حاملة ببنيتة وعندها 5 شهور
سهام شفتي ياختي على قباحات تيجيبو منين تايشوفو الزايد انا بنتي مكانتش هكا حتى رجعنا من المغرب يسحابليها غادي يبقى داك السهير وداك الهزان ونزيدك دابة اكتشفات ليا شي حاجة منين تانوكلها كتبقا ديرليا تتتتتتتتتف تتتتتتتتتتتتف وتسوط الماكلة تخرجها من فمها وماشاء الله وصافي حرنا مع هاد الولاد الله يحفظهم

رد: بنات المغرب أجي نتجمع كيف كنا
 

masae nour w lmahaba w sada9atayiba

sanoua alfff alffff mabrouk a hbiba dyali w ala slamtk w slamt jory rabi ykhalihalk w traba f 3izik w 3iz babaha

9rit blil bentik makatebrich dchibar bizoula r hawli maaha wakha yjik hrik w sabri ana anass bqa 48 walo makayrda3 w r bechwiya hta wolf yechibra wakha ma3andech ras
zidi hawli w lah y3awnk ala shir

رد: بنات المغرب أجي نتجمع كيف كنا
 

lbnat twahachtkom bzaf bzaf kif ntoma w kif 3amlin l3yal dyalkom hhhhhh safi db tla9t lsani b lahja dyalna maba9itchi kankhalet hhh mhm ana jit nhar lhad apres midi w lhamdlh daz kolchi mzyn choft hbabi w nset chwiya ghorba w db ha na maa bni anas wolif li lyedin w rja3 kay9om b lil khaso nhizo wahd tamara r khaliwha ala lah lmhm hta nrad w nkimil likom 9isa dyali
bn nuit a ts et a demain inchaa allah

رد: بنات المغرب أجي نتجمع كيف كنا
 

بناااااااات السلااااام كيف دايرين اش خباركم على السلامة شيماء الحمد لله اللي خليتي الحباب بخير خديجة ختي الله يا ربي الله مالكي على هاد الغيرة ياك لباس مروة بخير الدار و مول الدار شطنتينا عليك سهام فين غبورك ولادكم قباح هههههه ولفو الهزان عبرو عليكم زيدو عليهم حتة السي نجم الدين تاهو بخبيزتو سناء مسكينة بدات السهير و الليالي الملاح مع جوري انا نجم الدين الا سد فمو على الماكلة و الله لا حلو بحالا سادو بالقفل كوثر اش خبارك عبرتي والله غدا فيه فطور و غدا كووووولي مع راسك مزيان سهام اش خبارك مع آدم اشمن فيلم داير ليك حتى نتي

رد: بنات المغرب أجي نتجمع كيف كنا
 

على سلامة شيمائو صافي ياختي مشينا حلمنا ورجعنا على سلامة سيدي انس شاف الحباب وشم ريحة البلاد
ياختي هاديك النمرة اللي عييت منتصل بيك فيها او والو متيجاوب حتى حد وااله كنت باغيا نتلاقة بيك مكتابش الله يعطينا طول العمر ونتلاقاو مرة اخرى باذن الله الحمد لله على سلامتكم مرة اخرى

رد: بنات المغرب أجي نتجمع كيف كنا
 

ضحى يكما السنان داكشي لاش مسيكين متياكلش وعطيه بعدا غير الرضاضع فبلاصة الماكلة ياختي هاد الولاد غادي يحمقونا والله

رد: بنات المغرب أجي نتجمع كيف كنا
 

Msa l anwar welmasarrat, esewel fikom lkhir werbeh, ewa nertah chi chiwiya men leqraya wenred mahed lehbab hnaya
ewa ya lalliyati le3zizat nesbeq hiya lewla b sanae l om jdida lhemdollah 3la slametha oslamet lalla jori li welfat liha lekricha trebba f 3azhom inchallah, lah yihdiha wi3iyecheha wikheliha lwalidiha hiya w ga3 lewlidat
khti layla msa lkhir 3lik w chokran 3la lma3lomat welhemdollah 3la slamtek men reje3a ldarek ach khbarek okhbar jana
chayma lhemdolah 3la slamtek kif dayra w ach khbar anas labas 3lih,hiya anas we jana welfo le3mara okhlas w hantoma wahlin daba walakin kolchi ihon lmohim bedelto ljew ochefto lehbab ama lewlidat daba it aqlmo m3a nidam d darhom
doha hbiba msa lkhir ach khbarek okhbar si najm dine iwa ghir sebri okhlas rah dak chaghab howa li kayzidhom lehlawa lah ihdihom okhlas hani kaneqra mazal ma3reft wach khtentih olla baqi
nemchi neqra chwiya binma tredo
nsit makhebertkom bsabab delghiba dyali semholi rah babat maroua ja mora l3id nichan yallah dewezna chi iyamat osaferna chwiya ana wiyah w maroua hit kanet 3endha 3otla odaba 3ad rje3na leddar hada makan

رد: بنات المغرب أجي نتجمع كيف كنا
 

عرفتو يا البنات راني حاااااااااااااااااااالتي وربي اللي عالم بحالي كون لقيت كون طررت للمغرب نطل على خويا الصغير مسكين مريض اااااااااااااااااااااه ياربي ومنين نبدا ليكم
خويا عندو 20 عام هو الصغير فينا ماشاء الله عليه تيحمق بالزين رجع حالتو كنا تانقولو را غير الشباب راه مفتون داكشي لاش رجع فحال هكا من رجعت من المغرب شدو ابي قرا عليه دار ليه الرقية لقاه فيه لمس اللي مسخر عن طريق السحر نهار الاحد كنت معاهم فالسكايب من كان ابي تيقرا عليه مسيكين تيدير فحال شي عجل دبحتيه تيخرخر واليوم عاود ليه داكشي اللي فيه هضر وقال لابي شكون داير لخويا السحر فنطركم يا البنات شكون ما كتجيك غير من اللي قريب ليك *مرات جدي *هي اللي اقلو لابي بانها سحرات لخويا الله ياخد فيها الحق دابا ابي قلنا ليه لا مقدرتتيش بوحدك شوف الامام دالمسجد يعاونك طلبو مع خويا الله البنات راني تنكتب ليكم ودموعي عمرو الحاسوب ربي اللي عالم بيا وبميمتي وابي وخوتي كلنا حالتنا خايفين على خويا بزاف لهلا يحرق قلب شي حد علامن عز عليه ياربي تشفي ليا خويا وجميع ابناء المسلمين