|
رد: تجمع حوامل العراق واتمنى اكو احد موجود
هلوووووو حبايب شلونكم اخباركم
امونة ليش هيج تحجين استغفري ربج ترة الله سبحانه وتعالى من يبلي شخص يعني ديختبره وديشوف ايمانة قوي لو لا فانتي كولي الحمد لله الذي لا يحمد على مكروه سواه حتى الله يقوي ايمانج ان شاء الله لتستسلمين ابد كولي عندي ربي يحققلي كل الي اريده خلي عندج ثقة بالله قوية كلشي بوكته حلو حب والله يرزقج الذرية الصالحة عاجلا غير اجلاً |
رد: تجمع حوامل العراق واتمنى اكو احد موجود
هلو ام ردونة شلونج حبيبتي انشاء الله بخير
امونة اصبري الصبر الجميل لانه به الثواب العظيم |
رد: تجمع حوامل العراق واتمنى اكو احد موجود
هلا يسرى عيني انا ثقتي بربي عاليه بس تعبت من تزوجت لليوم مارتاحيت من تعب لتعب والحمدلله رب العالمين
قبل شويه رحنا سوينا تحاليل هرمونات وحجزت عند دكتوره ورده الاسو حتى اسوي الاشعه الملونه يوم السبت الجاي الله يسهل علي صحيح منو تعرف هاي الدكتوره وزينه لو لا لان حجزنه عندها بدون مانعرفها بس بطريقنا من رجعنا من التحليل شفنه الافته مالتها وحجزنا |
رد: تجمع حوامل العراق واتمنى اكو احد موجود
شكرا عذوره الحمدلله على كل حال
|
رد: تجمع حوامل العراق واتمنى اكو احد موجود
دكتورة وردة لاسو الي بساحة الواثق كلش غالية ومواعيدها ممظبوطة
اني اخذت يمه سونار دوبلر كلف 100 الف منغير البخشيش لاختها السكرتيرة |
رد: تجمع حوامل العراق واتمنى اكو احد موجود
هلووووووووو بنات شلونكم
اموووووووووونه حبيبتي الله يسهلج وتفرحين ان شاءالله ماضيق اله تفرج وانتي ع كيفج وي نفسج لانه هذا الشي مو بيدج |
رد: تجمع حوامل العراق واتمنى اكو احد موجود
هلو بنات شلونكم؟
نجوله شنو هاي طلعتي مناضله مثلي خخخخخخخخخخخخخخخخ امونه عمري لا تضوجين وكل تأخيره وبيها خيره ...وصدكي من تلغين تفكيرج بالحمل يصير حمل بأذنه تعالى... ايوته طولي خلكج وعلى كيفج ويه نفسج وحاولي تغيرين من الوضع شويه هو المره دائما تتحمل وامرها لله تعالى.. باقي البنات شلونكم؟ عذروني ماقريت بس اخر صفحه ..والله ميته من التعب اسم الله عليكم.. |
رد: تجمع حوامل العراق واتمنى اكو احد موجود
اليوم انكسر ظهري بالعزيمه والله من البارحه اشتغل بيها ومن كثر مانسطرت حشاكم نسيت الدجاجتين بالفرن خخخخخخخخخخخخخخخخخخخخخ
بس الحمدلله اني مسويه كل انواع اللحوم يعني مابين شي ناقص.. شوفوا شسويت احم احم هههههههههه -برياني عراقي -مرقه سبزي ع الطريقه الايرانيه (قورمه سبزي) -2 سمك شوي -تمن شعريه -لحم بعجين -فطائر نقانق ساده ونقانق بالجبن -سمبوسك لحم -تشريب دجاج -والدجاجتين الي نسيتهن بالفرن خخخخخخخخخخخخخخ تصوروا شنو اكثر شي عجبهم؟؟ ههههههههههه الفطائر واللحم بعجين هههههههههههه |
رد: تجمع حوامل العراق واتمنى اكو احد موجود
عيني عذوره 100 الف دوبلر عندها هههههههههه ماادري انا بقيت بالسياره
زوجي نزل وكالتله السكرتيره تعالوا الساعه 2 ونص ويصير خير وكتله سئلت عن السعر كال لا بس هسه السعر مو مهم المهم هيا مضبوطه وليش مواعيدها مو مضبوطه ههههههههههه خوفتيني |
رد: تجمع حوامل العراق واتمنى اكو احد موجود
كوكي اذكر مره ردتي عجينة الفطائر ..
المقادير 3كوب طحين-ملعقة كوب خميره فوريه-نص ملعقة كوب بيكنك باودر-3 مكياله سكر(المكياله الي موجوده بقوطية الحليب)-ثلث كوب زيت زيتون-ماء دافي-رشة ملح العمل -تخلطين المقادير الجافه كلها سوه وبعدين تحطين نص كمية زيت الزيتون وفوكها ماي دافي وعجني وظلي ديري الزيت والماي لحد ماتتكون عندج عجينه ترتاح بأيدج حطيها بطاسه بلاستك مدهونه بزيت الزيتون (اقصد العجينه) وغلفي الطاسه بعلاقه نايلون وغلقيها زين وخمريها لمدة ساعه او اكثر وطبعا بعدين شكلي العجينه براحتج بس اشتغلي على طاوله مرشوشه بطحين والف عافيه |
| الساعة الآن 11:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .