|
رد: دردشة حوامل القطيف- تجمع بنات القطيف
اقتباس:
تخيلي بحناء خالتي الكل يطلع فيني واني مندعسه عنهم بزاويه هههههههه الان على طول قبل مايجي احد رزيت وجهي عشان مايشوفوا دبتي الى جيت فجلست بدري ولاقمت من الزاويه هههههههههههه ولافي عجوز تطلع وااااااااااااااجد واني اخز فيها ولاتستحي ماتشيل عيونها وقلبت وجهي عليها ولافااد وكل شوي الزق بطوف وهي تتقرب واني الزق وهي تتقرب حسيت نفسي بدخل بطووف وهي ولاهمها بس كنت رافعه رجولي ومغطيه بطني فيها ولمن بطلع لبست عباتي واني جالسه هي تبين بس احسن من كدا وطلعت عنهم وفي يوم الزواج في الكوافير عيطوا عليي ورحت ووحدة غصب بتوي بنها قبلي واني مارضيت صراحه خليت واجد قبلي واني اول وحدة رحت الكوافير يعني المفروض اني اول وحدة اخلص المهم لمن جيت الاتقول بل هذاي بتولدhwaml03 تخيييييلي اني انربط لساني وش هلوقاااااااااااحه وقلالت الادب معقووله يعني تتكلم وقدامي ماتستحي hwaml4 وسكت عنها الان شكلها لو برد عليها بطول السالفه ولابتسكت فسكت اني ولاتكلمت ليها وصليت على محمد وآل محمد اللهم صلي على محمد وآل محمد وجلست ولاكاني سمعتها بس والله بهديك اللحظه مادري كيف حسيت نفسي ادعي عليها نفسي اكفخها بس ماقدرت ادعي عليها الان كان المغرب وقلت حرام لكن ربي يجزيها والله نفسي ادعي عليها لكن مادري احس شي يمنعني بعدين رحنا الصاله والكل يطع ببطنا اني وخالتي اقول ياربي لو لابسين مشمر مواحسن ههههههههههههههههه كانا عجايز عفر هع بس الكل يقول ليي انتفخت بقوووه على الاقل صلوا على محمد وقول الله يسهل عليش وخلاص ماله داعي انفخت مانتفخت موبيدي اني بعد استغفر الله اللهم صلي على محمد وآل محمد |
رد: دردشة حوامل القطيف- تجمع بنات القطيف
اقتباس:
وكان وزن البيبي كيلوين |
رد: دردشة حوامل القطيف- تجمع بنات القطيف
اقتباس:
اي مره قهر ولااليوم متشيطره مطلع اللحم من الصباح اول ماجلست اقول عشان اللحم يطول وسويته ونمت وباقي بس الرز وماتنشف بسرعه وطولت عليه شوي ومامداني رحت الااشم الريحه اهئ اهئ اللهم صلي على محمد وعلى آل محمد |
رد: دردشة حوامل القطيف- تجمع بنات القطيف
اقتباس:
وانا انقهرت بس سكت قلت مالي خلق ادخل هواشات وحده تدفني واروح فيها هههههه واحيان اكون جالسه باماكن عامه والعبايه لما اجلس تتخصر عند الدبه وتقوم بنتي ترفس بقوووه حتى يكون باين الترفيس من العبايه احس يطالعو الدبه وهي ترفس بصراحه اخاف حززتها من الحسد واغطي الدبه باللفه |
رد: دردشة حوامل القطيف- تجمع بنات القطيف
اقتباس:
كريهين لي كدا ويقهرو بعد مرره http://forum.hwaml.com/imgcache2/hwa...690225_922.gif من كم يوم كنت رايحه سيتي ماكس وشفت وحده من البنات لي صارو وياي في فصل هي عرفتني واني ماعرفتها لانه متغطيه جت وضربتني على بطني تقول وااااااال لحد الحين ماولدتي قهرتني زفيتها ومشيت hwaml4 قلت له بله قلة ادب ومره ثانيه لاتمدي ايدش على بطني وثاني شي هدا شي مايخصش ولدت لو بعدني ومشيت عنها سخيفه حدها hwaml4 والله تقهر ماصار لي شي وكله بااال ماولدتي http://forum.hwaml.com/imgcache2/hwa...690225_928.gif الله يحفظنا من العيون ,,من قبل كم يوم دقت عليي ورسلت رساله تتآسف انها سوت ديك الحركه حقرتها مارديت على رسالتها إله رسلت ليي يووو لايكون ولدتي صار ودي اروح بيتهم وافقع راسها http://forum.hwaml.com/imgcache2/hwa...690225_238.gif |
رد: دردشة حوامل القطيف- تجمع بنات القطيف
كروشات طولوا بالكم
والله صار عندي زواجين قبل اسبوع وقبل 3 اسابيع ومااحس احد يطالعني الوضع عااااادي بس في وحده تقول لي ماعرفتك اول شي متغيره متناته؟؟؟؟ تخيلوا واني في نهاية الثامن واصلاً شكلي بالذات في هالحمل ماتغير ابد وكل الي زدتهم 8 كيلو قلت لها والله متنانه؟؟؟ لابق علي المتن صح؟؟؟ وابتسمت لها يعني واضح اني حامل بس ماهميت نفسي ابداً ورديت عليها بكل روقااااان بس حسيتها انحرجت ولا اقهر نفسي ولا شي وشكل الحامل بين الناس طبيعي وحلو بعد |
رد: دردشة حوامل القطيف- تجمع بنات القطيف
الهاجس
حبيبتي تقدري تكتبي الدعاء من الحين والماي تحطيه في الثلاجة في( قنينة ماي ) ووقت الولاده انشاء الله تشربي منه وتكبي الباقي ع بطنك |
رد: دردشة حوامل القطيف- تجمع بنات القطيف
شبيه الريم
هلا وغلا فيكِ بينا والله يتمم لك بكل خير وعافيه |
رد: دردشة حوامل القطيف- تجمع بنات القطيف
مفاهيم
تسلمي ع الكلام الحلو وخلاص يالله ابدي المشي وكلي رطب او تمر عشان السهالات |
رد: دردشة حوامل القطيف- تجمع بنات القطيف
ع فكره فهوووووم
جلسة القرفصاء مهمة جداً للحامل وبالذات في الشهر التاسع تنزل راس الجنين للاسفل وتسهل الولاده وكثير من الاطباء ينصحوا الحامل بها بس الي ابغى اقوله ان هذه الجلسه هي نفس جلسة ( الحمام العربي) اللهي كرم السامع فإنشاءالله ولادتك تكون سهله لان انتي متعوده ع هالجلسه |
| الساعة الآن 02:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .