|
رد: تجمع حوامل ليبيا
آية القفطاااان روووعة يهبل ... وخاطري نشري قفطان مناسبة أحمر ...
وبالنسبة للخياطة في نحضري خيطت عند وحدة لقبها منكوسة .... المعمل امتاعها اسمه " درب الحرير " خياطتها روووعة والكل عجبه القفطان .. طبعا نعتتها مانعرفهاش بالضبط ... لكن لو تعرفي محل الشريف امتع المجوهرات مش اللي في بن عاشور الشريف اللي في شارع ... تعرفي والله نسيته لكن المهم يجي بعده .. و كان تبي اندورلك رقمها وكلميهم وخودي منهم العنوان وديري معاهم موعد ... وفي خياطة ثانية شابحة هللبة مخيطين عندها ومشكورة اسمها نعيمة الكريكشي هادي حتى هيا روووعة وننصحك بيها مانعرفش نعتتها لكن كان تبي رقمها نبعتهولك على الخاص ... وفي وحدة اجنبية اسمها ناتاشا الفترة اللي فاتت كانت مشكورة لكن توا طغت عليها الكريكشي اللي قلتلك عليها ودرب الحرير .. طبعا هادوا افضل اثنين من تجربة ومانسمع من الناس بالرغم من انهم غاليات في خياطتهم لكن خدمتهم متقنة .. |
رد: تجمع حوامل ليبيا
متفائلة لو تحصليلي رقمها تعملي فيا معروف
هو العرس مازآل بس من توة نخيطة يكون افضل أعطيني رقم احسن خياطة فيهم مش مهم السعر المهم خياطتها باهية ابعتيه في رسالة : |
رد: تجمع حوامل ليبيا
خيطتي عندها قفطان كبير ؟؟؟والتفصيلة منك ولا منها؟؟
|
رد: تجمع حوامل ليبيا
السلاااااااااام عليكم
ايه و اميرة التجمع مساااااااااااااااااء الخيرااااااااااااات |
رد: تجمع حوامل ليبيا
اقتباس:
خيطت عندها قفطان كبير ... وانتي تقوليلها كيف تبي التفصيلة تجيبيها معاك او تتفرجي على مجلات عندها .... وبعد ماتقوليلها على التفصيلة كيف تبيها تقولك هيا قداش تحتاج ميترو من القماش المطروز والسادة وانتي تشريهم وتجيبيهملها ... وطبعا احسن محل قماشات اللي ماليشي منافس هوا كشمير ... والأرقام بإذن الله غدوة نبعتهملك تلقيهم على الخاص .... وننصحك نصيحة كيف تقولك آمتى تبيه ماتقوليلهاش على موعدك المضبوط قوليلها على موعد قبله بالراحة لأن مرات يصير منهم تأخير ... |
رد: تجمع حوامل ليبيا
عيون اهلا كيف الحال ؟؟
كيف قلت شكلها متفائلة رقدت خالي نسكر ونرقد حتى انا شن الجو وشن كنتي اديري؟؟وشن اتعشيتي وشن صار في حمودي كيف حال فمه؟؟ااااااااااااااااااااااه دهشت ههههههههههههههههه |
رد: تجمع حوامل ليبيا
متوصيش حريص في هادي الحاجات نعجبك
خلاص نستنى رقمها ...وبارك الله فيك انردهولك في حوايج البيبي يارب عااااااااجل غير اجلللللللللللللل امييييييييييييييييييييييييييييييين |
رد: تجمع حوامل ليبيا
اقتباس:
|
رد: تجمع حوامل ليبيا
النت عفلقني هادي رابع مرة نكتب هلبه كلام ولما اندير كليك تتمسح
|
رد: تجمع حوامل ليبيا
يا ستي محمد حاله كويس وياما راح ياكل على راسه على قولتك من ترييش
عشاي بيتزا طلعت بعد صلاة العشي لمحل اسراء في قرجي نبي حوايج شتويه للصغار ما لقيتش عندهم بضاعه وانتي كيق حال عويلتك وشنو عشاك انتي واميرة التجمع وحتى اني نبي ارقام الخياطة مرات نضطرله اميرة التجمع عقبال جهاز وليدك يارب وايه امتى ماشيه لميمونه |
| الساعة الآن 05:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .