|
رد: 【ツ】أحلى تجمع لأحلى حوامل التوائم 【ツ】 الجزء الثالث
صباح الخير
يارب مع هالصباح تفرح قلب ام منصور وتهون عليها وتقر عينها بشوفة مولودها يارب صفاء الروح ايوه صح ذكرت انتي في 1 / 7 في تعرفين الذاكره لك عليها مع التعب وربي يقومك بالسلامه الله يعينك ويقويك على على هالتعب بس مو كانهم طولوا عليك في موعد العمليه ؟ انا طفشت والله من سدحت السرير و الجلسه بالبيت الله يهون علينا ولايضيع لنا تعب * رامان والله الشهر الثامن متعب جسدياً ونفسياً الله يقوينا بس كل ماتعبت قلت هانت مابقى الا القليل واذا على التشققات عادي حبيبتي انا فيني خرايط حتى ساقي ماسلم خلينا نولد بالسلامه وبعدين نلتفت لنفسنا بس حاليا انتي حاولي تدهنين بطنك وفخوذك بزيت جونسون بعد كل حمام واذ عندك كرم تشققات استعمليه على الاقل يخففهم مو يمنعهم انا الله مع الصابرين الله يسخر لك وتنقلين ملفك للحرس بسهوله عباير الله يعينك على هالتحليل وان شا الله تحاليلك كلها تكون سليمه سارونه انا بالبدايه علمت امي وخواتي طبعا صديقاتي الصدوقات علمتهم وبالغلط عرفوا حمواتي مع انه ماودي انهم دروا ويوم اخذت لي اربع شهور علمت ام زوجي خاصه اني معها بنفس البيت فحسيتها مو حلوه انها تتفاجأ وانا اكل واشرب معها * |
رد: 【ツ】أحلى تجمع لأحلى حوامل التوائم 【ツ】 الجزء الثالث
مرحبا كروشات
ابي اسألكم عن النوووووم كيف وضعياتكم في النوم انا انام على جنوبي واحط مخده بين فخوذي لكن اصحى على الم شديد في عظام الحوض الداخليه يعني بين الفخوذ وظهري يكون متكسر انتوا كلكم جذي والا في طرق ثانيه تخفف من هالمشكله عباير طمنينا على نتايج الفحص صفاء الروح حبيبتي الله يتمملج على خير وتولدين بالسلامه يارب مكعبات الغند طمنينا عليج شو صار ام عبدالوهاب مختفيه طمنينا عليج |
رد: 【ツ】أحلى تجمع لأحلى حوامل التوائم 【ツ】 الجزء الثالث
غلا
هي افضل نومه للحامل على الجنب والافضل على الجنب اليسار وللاسف مافي وضعيه ثانيه انا انام على جنبي اليمين احس اريح لي واحط مخده تحت رجليني واحيانا بين فخوذي مع ذلك نفس الوضع النوم مو مريح |
رد: 【ツ】أحلى تجمع لأحلى حوامل التوائم 【ツ】 الجزء الثالث
قلت لكم قبل فترة أن جاني نزيف ومات الجنين وقالو لي خليــه ينزل لـ وحدة بعدهــا حسيت بعذاب ألم مو طبيعي حسيت روحي تطلع ورحت المستشفى حكومي واخذو اشعه وسونار مهبلي وقالو لي حمل خارجي والطفل انفجر وتضررت الأنابيب وعملية مستعجلة وطلبــو مني توقيع على العملية ورفضتها وجلست ابكي كيف حياتي انتهت وكلمت امي قالت لي لاتسويها الحين بجي اخذك مستشفى ثاني .. وتجمعــو علي الأطباء يقنعوني اسوي العملية قبل لاأموت وجى استشاري ثاني وقال لي بعيد لك الاشعه وعادهـا وقال مو حمل خارجي وخطأ تقررون عملية ..واعطوني ابرة ونمت وصحيت ونزل طبيعي .. والحمد لله ماسويت العملية وضيعــو مستقبلي وجاني دكتور ثاني يعتذر وقال لي انسي الموضوع نصيحــة لاتصدقون كل مايقال بالمستشفيات كثير دمــرو مستقبلهم بعمليات كذب .. |
رد: 【ツ】أحلى تجمع لأحلى حوامل التوائم 【ツ】 الجزء الثالث
هيف
الدكتوره فعلا عطتني موعد متأخر اتقول لي افضل لهم اظلون فتره اطول بدأ العد التنازلي لموعد العمليه تقريبا باقي 6 ايام فقط الله اصبرني عليهم ذابحني الثقل و الم الظهر ما اقدر انام الليل انتظر الموعد بفارغ الصبر تعبت مشكوره حبيبتي و الله ما بضيع لنا اجر ان شاء الله غلا القلب مشكوره حبيبتي ما اتقصرين كلج خير صغيره أحمد الحمد الله رب العالمين انك بخير و ما طعتني هالدكاتره الي ما احاسبون و لا يتأكدون من الي اسوونه .. على بالهم حياه الناس لعبه في ايدهم . حسبي الله و نعم الوكيل .. الله يحمينا ان شاء الله . |
رد: 【ツ】أحلى تجمع لأحلى حوامل التوائم 【ツ】 الجزء الثالث
هيف
تسلمين حبيبتي عالرد يعني في كل الاحوال مافي راحه فالنوم الله يصبرنا ويأجرنا ياكريم وكنت حابه بس اسأل بخصوص حركة الجنين تحت احسها تضايقني يعني الرفسات تكون قريب المهبل او عنق الرحم هل هالشي طبيعي اخاف من كثر الرفس يفتحلي الربط hwaml17 صغيرة احمد جزاج الله خير على النصيحه وربي يعوضج ان شاءالله بأحلى توأم* |
رد: 【ツ】أحلى تجمع لأحلى حوامل التوائم 【ツ】 الجزء الثالث
صغيرة احمد
الحمد لله على سلامتك وربي يعوضك عن مافقدتي يارب والحمد لله انك اصريتي ماتسوين العمليه لان هالدكاتره على انهم رحمه بس الله يكفينا شر اخطاءهم صفا هانت كلها كم يوم وتقومين بالسلامه يارب وتشوفينهم بصحه وعافيه يارب يجي بعدها الدور علينا |
رد: 【ツ】أحلى تجمع لأحلى حوامل التوائم 【ツ】 الجزء الثالث
رامان
اي والله انا مفكره احلفها بالله انها ماتعلم واقولها ماهي حلوه اولد وتتفاجئ هي حسبة امي ماهي غريبه عباير حبيبتي الاسهال مو زين اسم الله عليج يسبب جفاف ومنقوع الزعفران يفتح الرحم ؟؟؟؟ لاتشربينه انتبهي كذا موضوع اقراه اللي تدش التاسع وماولدت تشرب منقوع الزعفران وشربته بالتاسع سببلي اسهال انتبهي تكفين والله يحفظ احنتك ويتمم عليج وكثري سوائل ع قد ماتقدرين مو اقل من 8 اكواب باليوم سواء عصير او ماي صغيره احمد حبيبتي الله يعوضج باحلى توأم اهم شي الحمدالله ع سلامتج والحمدالله انج ماسويتي العمليه ياربي لك الحمد حسبي الله ع الدكاتره مستعجلين يضيعون حياة الاوادم اتفائلي وافرحي وتشجعي لحمل جديد سليم وتام بإذن الواحد الاحد |
رد: 【ツ】أحلى تجمع لأحلى حوامل التوائم 【ツ】 الجزء الثالث
هيف اي والله نفس تفكيري بعلمها لاني معاها بنفس البيت واعزها واحسها بتزعل لو ماقلتلها حرام
مع اني ادري انها بتعلم اعيالها كلهم وحريمهم لكن الله الحافظ واقوى مني ومنهم اللهم آمييين ياربي تمم ع اختنا ام منصور وهون عليها واحفظ اجنتها وقومها سالمه يا ا ا ا ا رب |
رد: 【ツ】أحلى تجمع لأحلى حوامل التوائم 【ツ】 الجزء الثالث
هيف انا سميت الولد تميم
و مثل ما قلت لك البنت سميتها رفيدة و الاثنين اسماء قديمة بس بصراحة عجبتني لانها على اسماء صحابة ربي قومك بالسلامة ان شاء الله و تفرحي بتوينزك |
| الساعة الآن 07:31 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .