منتديات حوامل النسائية

منتديات حوامل النسائية (https://naqatube.com/index.php)
-   منتدى أنواع الحمل (https://naqatube.com/forumdisplay.php?f=32)
-   -   【ツ】أحلى تجمع لأحلى حوامل التوائم 【ツ】 ‏الجزء الثالث (https://naqatube.com/showthread.php?t=50624)

صفاء الروح 06-20-2012 10:36 PM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
الخمائل
اي و الله غرفه الولاده شعور مو طبيعي و لا يوصف .. الله اسهل علينا جميع يا رب

الشرف الرفيع
هههههههههه اكشن قوي فعلا و ما كنت مستعده للموضوع بالمره و ما فكرت اقول لهم
ولدوني . كل شعور اني مرتبكه و خايفه

هيف
اي و الله حبيبتي رعب بس لحظة الي اسمع صوت البيبي ابتسم على طول و ارتاح كأني انا الي والده .الله ابلغنا جميع يا رب .. و ان شاء الله اوصل لموعدي

انا الله مع الصابرين
اي و الله ما قصروا فيني . احنا بدون شي كله خوف و سواس
يا رب امر هالاسبوع على خير و بالسرعه


و عقبال ما انوصل بالسلامه جميع و نحكي لكم قصه اكشن الولاده الحقيقي hwaml7

رامان 06-21-2012 12:39 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
أول شي أهلين بالكروشات
جميعا .... أخباركم الجدد والمخصرمات



صفاء الروح////
ماتشوفين شر الحمدلله طلعتي بجلدك
لايتفلسفون عليك
اليوم جاءتني نفس الآلام اللي قلتيها
بالضبط بس خفت أروح المستشفى
لكن الحمدلله بس شفت أمي إختفت
الالام


هيف////
الله يكتب لك اللي فيه الخير
ما ندري وين الخيرة لنا
ومثل ماربي يسر حملهم
ييسر ولادتهم ولا يحرمنا منهم


أحلى توينز///
بحاول دايم موجوده
من زود الزهايمر أنسى
أنا بأي يوم دخلت آخر مره
هههههه



بناااااات////
ما أدري أنا بقى لي يومين قضا من رمضان
اللي راح ماخلصتهم وولادتي راح تكون
تسعه وشايفين الجو كيف حر نار يعني
اما نستغني عن المويه أخاف أقضيهم
يأثر على البيبهات وأحيانا أقول
أتوكل على الله وأقضي لأن ولادتي
بتكون برمضان وغير كذا أتوقع
يكون علي كفاره صح ياليت
اللي عندها خبره تفيدني

الشرف الرفيع 06-21-2012 02:55 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
والله ياهيف انا ماشيه على كلام الدكتور اساسا مع كل زياره يغير كم حبه اخذ باليوم
احلى تونز تصدققين السابع ارحم من السادس يمكن لان الجسم بدأ يتعود ع التغيرات انا حاسه انه اهون بس احاول ما اتحرك كثير عشان ما اتعب
رامان انا زيك باقيلي يوم لكنن اذا ماقدرت اصومه راح اقضيه بعد رمضان واطعم
الحين انت صومي بعد رمضان اذا ماقدرتي الحين واطعمي عنن كل يوم مسكين ولو بشق تمره والله اعلم هذا اللي اعرفه
ربي رحيم بعباده

عباير 06-21-2012 02:56 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
هلا كروشات

اسفه تأخرت عليكم لظروف

اولا اشكر كل من سال عني أحلى تونز وهيف وكل البنات لبى قلوبكم

ومبروك دخولك السابع يا أحلى تونز وعقبال التاسع

إخباري

اللهم لك الحمد والمنه الورم الليفي مازال صغير بفضل الله ومنته

البيبيات ان شاء الله وبحوله وقوته انهم بخير

طبعا هذ بالحكومي وكانت الدكتورة سعوديه شابه متفهمه الله يسعدها

قالت امشي سونار أشوف النبض وقلت لها ممكن تشوفين الجنس لان بالخاص قالوا ولد وبنت

شافت النبض وطمنتني وقالت احتمال كبير انهم اولاد ؟؟؟؟؟

وعلمهم عند من خلقهم الله يحفظهم لي و خبرت الدكتورة ان دمي واصل 8 قالت سوي تحليل حديد وسكر اللي مدته ثلاث ساعات وليكون السبت القادم والثلاثاء النتيجة

وبخصوص الإبر تصرفت لي حق شهر كامل وقلت لها أني أخذ دفاستون قالت مايضر خصوصا ان الإبر 250 مره بالأسبوع

وهذي اعلومي جعل ربي يطمن قلوبكم كلكم ويطمنا على ام منصور وعلى مكعبات الغند يارب

عباير 06-21-2012 03:20 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
بخصوص اللي سالت عن الفيتامين ب المركب اعتقد انها غلا القلب ان ماصابني زهايمر حمل ههههههه أنا كنت ما امشي من وركي وخذت الإبر ثلاث يوم وراء يوم ممتازه

وبخصوص الحبوب ممنوع اكل الكالسيوم مع الحديد خلي الكالسيوم بعد الفطور والحديد بعد الغداء مثلا

المهم مايكونون مع بعض

صفاء الروح ياحياتي انتي سويتي بروفه اجل الله يهون عليك وعلينا وعلى الجميع

ان الله مع الصابرين
أنا من الهفوف وأراجع عند دكتورة عفت لبمستوصف منبر الهدئ الخاص وعند الحرس الوطني وانصحك تولدين بالتخصصي لانهم متابعين حالتك تحملي اسبوع وخلي احد من اهلك يأخذ شقه ويكون قريب منك

ويارب مع هالاذان يبلغني ويبلغكم دخول الشهر التاسع واحنا وبيبياتنا بخير ويهون علينا الولادة ويرزقنا الخلقه التامه *

الخمائل 06-21-2012 05:27 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
اهلين
بنات بسألكم عن شنطه التوينز للمستشفى ..وش تحطون فيها كم غيار داخلي ومهاد وكذا
وبسأل عن شنطة اغراض الصيدليه بعد ..
اذا الولاده قيصري لاني جربت الطبيعي اتنوم 24واطلع ..
بخصوص الفيتامينات انا قالت لي زيدي الكبسولات من دخلت الخامس مع انها ماسوت تحليل غير الاول
فالحين الفطور كبسوله حديد وعصير برتقال وانام لانها قالت لاتاكلي بعدها ساعتين
والكالسيوم مع الغداء
والمغرب سلطه وحديد ويرتقال
وقبل لا انام كالسيوم
ويارب استمر ع هالنظام
استودعتكم الله

Haif 06-21-2012 06:41 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
صبحكم الله بالخير

انا صايره ادوخ فجأه ولازم انام فيومي كله معفوس الله يقوينا يارب

كروشات عاشقة الروب وام منصور من زمان مادخلو طمنونا عليهم يارب يكونوا بخير وبيبياتهم بخير

انا الله مع الصابرين
لا تولدين الا بالمستشفى اللي تراجعين يه هم عارفين حالتك ووضعك ومثل ماقالت لك عباير احد من اهلك يكون وقتها قريب منك

عباير
الحمد لله ان امورك تمام والورم مازاد عليك
والحمد لله ان صغيراتك بخير
واهم الشيء الخلقه التامه اذا اولاد او بنات كله اللي يجيبه ربي حلووو

ويارب يتمم لنا جميعاً

رامان والشرف الرفيع
اسالوا شيخ عن موضوع الصيااام
واحس انه يوم والا يومين ماتفرق حاولوا تسهرون وتنامون النهار والله يقويكم

رامان متى ولادتك ؟

الخمايل
انا رتبت شنطة البيبيات
حطيت فيهم غيارين كاملين لكل واحد الغيار عباره عن ( بربتوز داخلي - ثوب او بربتوز خارجي - كوفليه ( لفه ) - قبعه - جوارب و قفاز - وخيط لف - ومفرش )
طبعاً غير المناديل المعطره والبامبرز وفازلين و مسحه طبيه او بودرة السر ووو ان شا الله مانسيت شيء

وطبعاً غير ملابسك وادواتك

وحطيت شنطه احتياط فيها غيار واحد للبيبيات اذا احتجته اخلي زوجي يجيبه لي على طول بالمستشفى *

عاشقة الغروب 06-21-2012 07:04 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
السلام عليكم ورحمة الله وبركااااته
شو اخباركم كروشااااات
سوري من زمان مادخلت كنت منومه بالمستشفى مده اسوعين وزياده كان فيني طلق وفاتح الرحم خمسه سانتي لاكن ماولد وني يقلون لسه بدري وانشالله عمليتي الاثنين يارب تسهل علي والله تعبت
طمنوني عنكم انشاءالله كلكم بخير سوري ماقريت الردود من زمااان من التعب

يارب يتمملي ع خير ويتمملكم ع خير
ومع اف سلاااااامه 🌹🌹🌹🌹🌹🌹🌹🌹🌹🌹🌹🌹🌹🌹

الخمائل 06-21-2012 07:14 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
ربي يسعدك ماقصرتي
انا كنت اخذ معي دهن عود احط منه قبل الولاده علشان الجرح يتأقلم مع الروائح والعطور وقت الزياره
واخذ معي قطعه صغيره مره احطها بقارورة مويه اشرب منها لا ولدت علشان شمم الجرح ولت ينفتح ويلتهب الخياط
وطبعا مشط وربطات شعر وفرشاه ومعجون وقصاص اظافر وكريم مرطب
وشرابات ثقيله وطرحة تكون قطن علشان مايدخلك هواء مع الاذن
لان الوالد تكون عرضه للفح الهواء وطول وقتها بغرف تكييف مركزي
فايام حملنا نحس بالحر لكن من نولد نسمة الهواء تأثر فينا
....
بسألكم متى تقرر الطبيبه عمليه او طبيعي ؟
ومتى يحددون تاريخ الولاده؟لو كانت عمليه؟

الخمائل 06-21-2012 07:18 AM

رد: 【ツ】أحلى تجمع لأحلى حوامل التوائم 【ツ】 ‏الجزء الثالث
 
عاشقه الغروب
الله يسهل وضعك ويقومك بالسلامه
استودع الله نفسك ونفسيتك ومافي ارحامك


الساعة الآن 10:57 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .