|
رد: حبيباتى سيدات ليبيا تفضلو لأعرف ما حالكم
ام فراس وينك تعالي نبي ننشدك على هلبه حاجات نوريني الله ينورك
|
رد: حبيباتى سيدات ليبيا تفضلو لأعرف ما حالكم
نفس النفسيه متاعي قبل مانساااافر ...
واحسن حاجه جيتوا في وقت تعدل فيه التوقيت توا المغرب يأذن 7 الا ربع تخيلي نحن اول ماوصلنا يأذن 11 الا ربع ...... ليل والدنيا تضلم 11 وربع ليل ههههههههه نهار مايكملش بكل وساعه 3 تضوي الدنيا .. ورمضان يأذن 10 وربع .. توا نهارهم نفس نهارنا تقريبا قصير... ومازال الشتاااااا يوصل ل4 الا ربع المغرب |
رد: حبيباتى سيدات ليبيا تفضلو لأعرف ما حالكم
موجوده عزيزتي تفضلي تحت امرك
|
رد: حبيباتى سيدات ليبيا تفضلو لأعرف ما حالكم
اه صح وقهـوة ليبيه حتي هي .. كان تحبوهااا جبنا معانا 7 كيلو تقريبآ
ومازلت سادتنا ودارتلنا جو برمضااااان الدبش نصيـــحه ماتكثريش .. هنا روعه دبش الاطفال بس كان كنتي تلبسي في بالطو طويل (جلباب) جيبي معاك من ليبيا لان لي عندنا التركيات احلى هنا ف نيوكاسل مش متوفرات واجد في عباااايات بس.. وفي طبعا شراء من ع نت بس لي عندنا احلى وحتي السعر ارخص بواجد عندنا |
رد: حبيباتى سيدات ليبيا تفضلو لأعرف ما حالكم
تبي الحق انا جارتي في ليبيا باكستانيه ولما حملت بولدي اتوحمت عالبهاراتها نحس فيها قووووووووووويه حشاك تقلب الدماغ ومستحيل اني انطيب بيها والا حتى انشمها طووووووووووووول حشاكم ارجع فمستحيل نستعملها تي هي لما اطيب في شقتها تجيني الريحه تجري لشقتي نقعد غير انسكر في الرواشن وتعلق الريحه حتى في سوانيا كان دوقتها حاجه سبحان الله
|
رد: حبيباتى سيدات ليبيا تفضلو لأعرف ما حالكم
ومانشستر بكل ليبين فيها وااااااااااااااااااااجد
وباكستان طبعا اهل البلاد خخخخخخخ وبهارات سمعت كلام ناس وكريت حرارات وبهارات .. وطلع عندنا بي ليبيا ع قولة زوجي نحن لي معندنش بهارات هههههه سوبرماركت هنا فيه جميع انواع البهارات محون وعيدان واشكال والوان حتي في حاجات جديده |
رد: حبيباتى سيدات ليبيا تفضلو لأعرف ما حالكم
سلمها ياربي والله اعطيتيني معلومات ماكنتش نعرفها بالذان عالجلابيب الحق لاني انا نلبس فيهم هم بس مع محارم تحجب كبار ساده اكيد حتى هم مش متوفرات
|
رد: حبيباتى سيدات ليبيا تفضلو لأعرف ما حالكم
لالا هم عندهم خلاطات خاصه بهم ماناخدش فيهم نقصد..
حرارات .. فلفل اسود .. قرفه .. زنجبيل .. كسبر مطحووون .. كمون حوت لقيته باسم كمون جيرا الناعم .. كركم .. فلفل احمر حار .. فلفل مش حار(بابريكا) .. ثوم بودره والجو هذا لي متعودين عليه نحن في مطحوووون وفي عيدان وطبعا الهيل وعيدان الحرارات والقرفه .. وورق الغااار .. كل حاجه بروحهاااااااااا تنباع خلطات الكاراي وجوهم عمري ماااخترتهن |
رد: حبيباتى سيدات ليبيا تفضلو لأعرف ما حالكم
لا محارم كبار في نيوكاسل ماقابلنيش .. بس الوشاحات وااااااااااااااجد..
دام تلبسي في جلباب جيبي معاك مجموعه .. انا جبت اربعه وقالي زوجي زيدي ونظامهن طواااال وبصراحه في المطار والرحله ترانزيت وشايله الولي وزوجي فروسي وشنطه لاب توبه ولاب توبي تعبنااا بجد ... حسيت روحي انا الوحيده مع مراه عندها 8 عويله ماشاء الله اللي لابسات جلابيب الباقي كاجول واسبورت .. ع اساس كانن يلبسن ف جلابياب ب ليبيا .. استغفر اللله اللهم اني صائمه |
رد: حبيباتى سيدات ليبيا تفضلو لأعرف ما حالكم
وحتي كسكاس فيه شفته ف محل سعودي بس خاص ب بوريك لي يبوخوا فيه انسيت اسمه مندي انضني..
اصلا شروه جماعه اصحاب زوجي وقالو فتحاته واسعات .. مايمسكش الكسكسو والباقي القروب العائلات كل واحد جايب معاه طبعا خودي واحد متوسط عشان يسد عزومه مثلا لو كنتوا حابين تعزموا .. |
رد: حبيباتى سيدات ليبيا تفضلو لأعرف ما حالكم
صح كلامك ام فراس لكن انا مش متعوده عالبهارات القويه زي بهارات الباكستان تحسي بيها تذهب شيرة الماكله وتفقدها بنتها الاصليه لدرجة انك تحسي في روحك انك تاكلي في شئ غريب مع انه مش غريب
|
رد: حبيباتى سيدات ليبيا تفضلو لأعرف ما حالكم
حاجات البيبي يانسون وبابونج وزيت زيتون متوفرات جارتي كركتهن ع الفاضي..
بس كريم ميبو مافش هنا ومايوصفوش فيهااا اصلا .. لانهم مايخيطوش جارتي صارلها تمزق عشان بكريه وخيطوها عطيتها وحده جايبه 2 كنت احتياط وحده لقيتها بعد انحرقت انكبت عليا ميه فايره |
رد: حبيباتى سيدات ليبيا تفضلو لأعرف ما حالكم
بارك الله فيك وان شاءالله في ميزان حسناتك يااااارب واكيد راح نرفع معايا مجموعة جلابيب ومحارم يسدوني عام والكل قالولي البسي سراويل وفانيليات طوال لكن انا قتلهم ابدا على جلابيبي ماراح اتخلى(مش حتنازل عنهم ابدا مهما يكون) حتى ولو مشيت لسند والهند وربي معايا ويقويني على الافكار الجهنميه هههههههههههه
|
رد: حبيباتى سيدات ليبيا تفضلو لأعرف ما حالكم
بس تعرفي هنا حتي الاكراد والعراقيين والايراينين فاتحين محلات عندنـا وكلهم يبيعوا في اكل حلال ومواد غدائيه حتي هم متوفرات عندهم البهارات
ناخدو فيهن من سوبرماركت كبير ومشهور اسمه نيوكاسل حلال اصحابه عراقين وكيف ماتبي تلقي ... وعجائن جاهزه واجبان اشكال والوان ف رمضان حصلنا حتي قمر الدين وكل الاجواء وهذا لي ناخد منه ف بهارات نا وزوجي ونستكشف ديما ف اسامي حاجات ونشم بيش نعرف الحاجه .. وبعدها نرد ناخد من نفس الماركه بعد نلقط اسمها كان مش بالانجلش مكتوب مثلا الحرارات اسمها جارام ماسالا .. وخليط زنجبيل وعيدان حرارات وكسبر وكيف جو حرارتنا مافش بنه قويه ابدا |
رد: حبيباتى سيدات ليبيا تفضلو لأعرف ما حالكم
ام فراس ياريت لو عندك حساب عالفيس تعطهولي لو مافيش احراج لاني نبي نسألك هلبه ونفضل عالخاص لوتكرمتي
|
رد: حبيباتى سيدات ليبيا تفضلو لأعرف ما حالكم
وفيك بارك الله ..
اي صح هكي المسلمه الصح حسب وجهة نظري ربي يحفظك .. توا تجي وتنصدمي في ليبيات ومسلمات بصفه عامه مع ان اغلب الليبيات ماشاء الله الحق بس ف وحدات نسأل الله ربي يهديهن ووحدات مقتنعات ان الجلباب مش استايل ببريطانيا هههههههه ع اساس مش عارف كيف نظرتهن ان كركره مره وحده قالاتي.. تحشمت نقولولها ما كنتي تكركري به ف ليبيا؟بس القناعه اهم شئ هم الانجليز هنا مش مركزين ع لباس دام محرمه مسلمه هذا لي مش فاهمته |
رد: حبيباتى سيدات ليبيا تفضلو لأعرف ما حالكم
رغودة للاسف انا مش من محبات الفيس ماخشليش راس انا واثري هنا بس ماعندنش انظني هههههه
تفضــلي ع الخــاص |
رد: حبيباتى سيدات ليبيا تفضلو لأعرف ما حالكم
معلومات والله الا استفدت منها ومش راح انتعب روحي ونكركر زيكم ههههههههههههههه مش ايقولوا اسال امجرب خلاص انا اخطأك مش راح انكررها ونستفيد منها يا سمحه وصحيتي
المنطقه هلي ساكنه فيها قداش تبعد عالمنشستر عالاقل باش نتلاقوا |
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
ماشالله ام فروسه اورغووووده حمستوني عل اجواء السفر
رغوده ربي ايسخرلكم الحال ويصير من السفره اتريحي واتفرجي عل خاطرك اشويا |
رد: حبيباتى سيدات ليبيا تفضلو لأعرف ما حالكم
اليوم ان شالله صايمه" بماأن الدوره مازلت ماجتنيش" اهي اهي اهي
|
رد: حبيباتى سيدات ليبيا تفضلو لأعرف ما حالكم
شموسه وعليك السلام
كيف حالك وحال الصغار ومبروك عليك السفره تمشي وتجي بالسلامه ياسمحه |
رد: حبيباتى سيدات ليبيا تفضلو لأعرف ما حالكم
هي مانشستر مش بعيده عن لندن 150 كلم ..
نحن في الشمال على نهر التــاين مدينتنا جبليه .. جنب اسكتلندا .. الكليه دارت رحله لها من اسبوعين عدت مراه مع زوجها خفاف ماعندهمش صغار قعدو يومين .. وزوجي مايعيديش مايحبش يسبنااا ويدهور بروحه.. عموما بالطياره اظن نصف ساعه وبالميترو اكثر من ذلك بشوي لان نحن رحلتنا من طرابلس نزلت ف لندن .. مدة الرحله 4 ساعات الا ربع ومن لندن لنيوكاسل ساعه الا ربع هكــي.. اه نسيت بيش تحطوا حاجه تاكلوها لان حتجوا جواعه ههههههههه اول ماوصلنا فندق كلينا تمر فقط حطينا معانا حافظه صغيره وسيبنا الباقي ف باب البحر خخخخ ولقينا نسكافيه وبشكوط ف الجناح .. وطبعا اكل فندق وقتها مافش حلال .. ومانعرفوش جو المطاعم الحلال والديلفري ثاني ليله بيش اتسكشفوا القروب لان كلهم جوااااااعه هههههههههههه |
رد: حبيباتى سيدات ليبيا تفضلو لأعرف ما حالكم
اقتباس:
هو واجعته كلام رجالة قروبه ايامات العمــل قالي كل واحد يحكي ع صبايا ولبسهن وهم شنو توا هنا.. |
رد: حبيباتى سيدات ليبيا تفضلو لأعرف ما حالكم
صحيتي شموسه وربي يسخرلك الحال وتسافري وتغيري جوك
وصيامك في الجنه ان شاءالله اوخيتك يادوب انصيم يوم الوقفه لان الحمل امتعبني شوي الحق مش قادره انصيم |
رد: حبيباتى سيدات ليبيا تفضلو لأعرف ما حالكم
اقتباس:
فعلا حتى لما نمشي بغلقوا عليا لما نلبس بالطوا اومحرمه يسحابوا ان زوجي هو لي شارط عليا "ايقولولي حتى في الصيم اتكركري"بس بلعكس لما الواحد يقتنع بلباس الشرعي خلاص الحاجه الوحيده لي مانلباسش فيها لما انسافر الخمار لا ممنوع عندهم غاادي |
رد: حبيباتى سيدات ليبيا تفضلو لأعرف ما حالكم
اهلا شموسه شن بتديري فطورك حتي نا صااايمه
والدورة مفروض يوم موعدها بس استعمالي لحبوب الحمل لخبطها الشهر لي فاتت وبعد وقفتهن اهو استفدت منهن ف حاجه |
رد: حبيباتى سيدات ليبيا تفضلو لأعرف ما حالكم
ايووووة ماشاء الله عليكي شموسه من ليبيا الي الصين وجلباب يبقى ......
|
رد: حبيباتى سيدات ليبيا تفضلو لأعرف ما حالكم
اه رغوده حكيتلك ع مراه لي عدت وماكملتش هي لي قالتلي ان ليبين اكثر ف مانشستر وحتي ف مكان يتلاقو فيه وهك
انا هنا في ليبين واجد برضه .. بس الحق بيتوتيه وقتي الاول لعيلتي الاولاد وبوهم \ هنا القروب ديما يطلعن الصبايا ودايرات جو .. نا كارسه ع عويلتي ونطلع مع زوجي ديما ولعند توا ماطلعتش بروحــي خصيصا ان كلابهم يخوفن حشاك عندي فوبيا منهن قعدت مش فيران بس خخخخخخخخخخخ |
رد: حبيباتى سيدات ليبيا تفضلو لأعرف ما حالكم
نستأذن توا يا بنااات ..
فروسي بسلامته مطلع الدولايب كلهن للصاله من الكساس للطناجر لعند براد الشاهي ومنزل الخضره لي ف سله ... وحاط الالعاب كلهن بالمطبخ .. نعدي نلعب معاه وندوشله ونغديه قبل ماتنوض الولي في امان الله |
رد: حبيباتى سيدات ليبيا تفضلو لأعرف ما حالكم
يا ام فراس اصلا الرجاله هلي يتكلموا عاللبس البنات تلقي زوجته في لطف ربي في لبسها وفي مكياجها الوحده لما تمشي للعمل تقولي عروس والعياذ بالله والله العظيم امعانا متزوجات يرسموا في عيونهم تقولي ماشيه للعرس والله حتى انا في العرس مانرسم هكي هههههههههههه
|
رد: حبيباتى سيدات ليبيا تفضلو لأعرف ما حالكم
هيا توه بسلامتكم حان وقت الرجوع للبيت وياماما قوليلها وياماما قوليله وخديت قلمي وخديت محايتي ربي يصبرني بسلامه
|
رد: حبيباتى سيدات ليبيا تفضلو لأعرف ما حالكم
فروسه غداي لازانيا " اوشربه اوكفتة دجاج علاشان خاطر زوجي مايحبش اي حاجه فيها بشاميل
|
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
صحه غداااك شموسه..
نا زوجي اليوم عنده مشاوير واجد م الصبح برا ودرت فطوري شــربه وسمبوسه مقليه و بيتزا وكيمياء وسلاطه وبابا غنوووج |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم اليوم صحيتوا فروسة وسوسو والله الا درت كل اللي قلتولي عليه أمس ياسوسو درت مكرونة جارية وكترت التومة ودرتها حارة شوية وشربت عصير برتقال على خاطر فيتامين سي فروسة حتى احنى عندنا الصيدلية في السوبر ماركت تآخدي بروحك عادي بدون صيدلاني ولا وصفة وخديت حبوب مص للحلق وخديت حبوب مسكنات للزكمة وعندنا من قبل حبوب مص للكحاحة جايبهم راجلي مرة لكن ممنوعات للمرضع وباهي اني معاش نرضع فيها خديت منهم ونآخد ونبلع في الحبوب ومافيش فايدة هكي زكمتي اني معروفة من زمان بتآخذ وقتها حتى لو خديت أدوية لكن أول مرة ننزكم بعد تزوجت حتى راجلي استغرب خيرها هكي زكمتي قلتله لا عادي بالنسبة ليا ماتخافش واخدة عليها اسأل أهلي ويخبروك عليها مشهورة بالزكمة الغريبة هههههههه الصبح أول مانضت شربت يانسون كويس يهدي شوية أكثر حاجة نخمم في بنتي تنعدى مني والله نين عييت لما منوكلها والا منشدها نغسل في يدي وندير في مطهر اليدين قاللي راجلي حتي التسليم على وجهها معاش تسلمي لكن مانصبرش هههههه |
رد: حبيباتى سيدات ليبيا تفضلو لأعرف ما حالكم
ماشاء الله فروسة وشموسة صايمات تقبل الله وأجركم حاصل ان شاء الله
والله كان خاطري نصيم لكن الله غالب المرض دارها فيا اني بدواء مش ماشي حالي كيف بلا دواء وراجلي قاللي اشربي اميه هلبة مش مايصيرلكش جفاف أوشي الحبيبة شن أخبارك مبارك تكميلة الحوش والتفريش ان شاء الله بالصحة عليكم فروسة غريبة قاعدة ماطلعتيش بروحك ولا مرة مع ٱنه عندك لغة وتقدري تدبري نفسك في الطلعة أكيد بتشوبي شوية في البداية لكن جربي وتشجعي مرة حتى لمكان قريب بعدين تلقي روحك عااادي كل شوية طالعة وحتى تبي حاجة ناقصة تطلعي بروحك مش لازم تراجي راجلك اني اول ماجينا يقوللي راجلي اطلعي بروحك وعلمني ركوب الباص لكن كنت خايفة قتله مستحيييل لكن بعدها بشهر بس تقريبا نتفكر فيها في رمضان كنت قالقة الصبح وراجلي يروح متأخر قلت منتشجع طلعت وركبت الباص وأحسن حاجة نظام الباصات ساااهل ماتتكلمي مع حد ولا حد يتكلم معاك اول ماتركبي حطي التيكيت في الماكينة وقعمزي واسم كل محطة يوقف فيها الباص ينكتب على شاشة فوق ولما تشوفي اسم المحطة اللي تبي تنزلي فيها رصي البطمة يوقف ااباص وتنزلي تعرفي اني مع انه لغتي نص نص نفهم المحادثات العادية امتاع الشارع وهكي لكن هدرزة على اصولها لااا كان انزنقت وحد تكلم معاي كلام مش مفهوم انقوله آي دونت اندرستاند يو( لا أفهمك ) وخلاص ههههه نفك في روحي م الاخير ههههههه |
رد: حبيباتى سيدات ليبيا تفضلو لأعرف ما حالكم
اليوم راجلي بيعدي يشوف الخروف ويحجزه هو وواحد ليبي عزابي
أما الجماعة المتزوجين اللي نعرفوهم مافيش حد دور ولا دبر راسه عابيين على راجلي امس اتصلوا بيه قالوله كيف يصير ؟قاللهم اني حصلت وتو نشوف الراجل اللي منآخد منا كان عنده نقوللكم مش عارفه ليش مايدوروش ويعبوا على أرواحهم مع إنهم أكبر من راجلي وعندهم عوائل ويعرفوا جماعه ليبييين أكثر منا لكن مستغلين راجلي لانه ليه فترة هنا كل مايبوا حاجة حتى بسيطة وساهلة يقولوله هوا استغفر الله وبس |
| الساعة الآن 04:17 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .