منتديات حوامل النسائية - تجمع حوامل ليبيا

منتديات حوامل النسائية (https://naqatube.com/index.php)

- - تجمع حوامل ليبيا (https://naqatube.com/showthread.php?t=12555)

رد: تجمع حوامل ليبيا

الوقفه الطويله مش باهيه ليك يعطيك السلامه ودرتي هلبه ماشاءالله سهفتنيني
وقصدك بيباتوا معاكم كلهم
ام رتال صحه غداك

رد: تجمع حوامل ليبيا

نظام النساوين الليبيات بعـد ما يروحو من عرس ;;)

1. من هاذي اللي لابسة اسود بذهبي ؟ :-|

2. التقديم زي خلايقهم خيرهم هكي العفو؟ :-|
... ...
3. حتي العصير ماوصلش فينا! شوره تم عليهم :-o

4.بنت شكون هذيكا الى ترقص على كل أعنية! غمتلي قلبي حرام قالت نقعمز! >:-p

5. العرس كله كوم والعشاء كوم ثاني! معقولة هكي مصقع مش عارفة كيف الناس كلاته .. وتلقاها ماسحة الصونية مسح :->

6. شكلها العروسة مأجرة الفيلو! قصدى مسخ من لوطا 8-|

7. فلانة قد ماقالولها نوضي أرقصي مابتش! شكلها حامل...

8. أم العريس تحساب روحها صغيرة! أعطت ولدها ومازال تلبس هكي!!! :-o

9. شفتي علانة؟ قفطانها متع عرس خوها! لبساته مليون مرة =))

10. شفتي العريس محلاه؟ أحلى منها بهلبة ><"

11. مكياجهم يحشممم!! ولا وحدة مكياجها يفتح النفس! مكياجي في الحوش خير منهم :-&

12. شفتي فلانة؟ كيف ولت؟ ضعفت هلبااا! أكيدة رجيم قاسي وتمشي للصالة >>

... وبعد هذا كله تقولك
مادخلناش فيهم، فكينا من الناس .. والقرمة

رد: تجمع حوامل ليبيا

يا بنات بالله بنسالكم عن الرضاعه واني حامل الدكتور قالي عادي لغايه 6 شهور من الحمل ونسمع في الناس والنساوين يقولوا مش باهي يمرض العيل قولولي كيف اندير
اني ماسالتش ماما ولا عزوزتي لاني مش حنقول عالحمل بنخليها مفاجأه هيا جاوبوني ماعنديش غيركم

رد: تجمع حوامل ليبيا

عيون ايه بيباتوا اليوم لين ياجروا شقه

رد: تجمع حوامل ليبيا

يقونة انسوك حبيبتي لكن باهي مدام معاه اتنين معناه يوم ولا اتنين وتفتكي منهم اكبد مش حيسيب جماعته ويجي يقعد معاك ربي يكون في عونك وبنتك افطميها ايقولو مش باهي لان الحليب توا بيتغير عليها وحاتلاحظي انها راح تضعف عليه كان معتمدة عليه وتبدا ديمة تتمرض منه هكي نسمع في النساوين ايقولوا ام رتيل شرفتينا بمنتدانا ممكن نتعرف اكتر قصدي مواليد كم وشن عندك اصغار

رد: تجمع حوامل ليبيا

هههههههههههههه عيون ضحكتيني مانيش عارفه خيرنا هكي مانتحشموش علي وجوهنا مافيش وحده ما نقرموا فيها

رد: تجمع حوامل ليبيا

مروسه اهلين ياغاليه كيف حالك ان شالله ياوخيتي بس راجلي مش حيخليه يمشي توا ايقوله اقعد هنا ما تطلعش خاصه وان البلاد مش مستقره

رد: تجمع حوامل ليبيا

وين ام وسونة شن زعما اخبارها وميمونة عادا مايستحقش نسال عادا زايطة توا عندها اللمة اليوم ريتوها حتي بالكدب لاعزومة لاسوء عيون شن رايك تخطمي عليا ونخطموا علي اية وام وسونة ونطبوا عليها ونخلوها ترفس بروحها ونحصلوها في عشي بروحها تطيبه فالحة غير تتفلح علينا انا درت ودرت شن رايك

رد: تجمع حوامل ليبيا

لالا توا تشوفي اكيد حايقوله انا جاي مع جماعتي ومش حانسيبهم توا تشوفي

رد: تجمع حوامل ليبيا

يقونة ياخوفي المرة الجاية تجيك العزوز بروحها بيش تكمل مرة وحدة