|
|
رد: تجمع حوامــــــــل مصر (ام الدنيا )
هههههههههههههه علشان اشجعك بس
بصى اول ما اتجوزت جوزى طلب منى كذا مرة اعملله كيك وانا مكنتش بعرف فكان بيجيبلى كيكة جاهزة اسمها بيتى كروكر بودرة كده بالفراولة وبتحطلها بيض وميه وزيت وفى الفرن عادى تستوى المهم لما تعلمت بقى كنت هموت واعمل زيها بس لونها بمبمى معرفش تتعمل ازاى لغاية من يومين لقيت واحدة على منتدى لكى اخترعت طريقة علشان تتطلع زى البيتى كروكر ده المهم الفنانة دى عملت ايه كيكة عادية خالص وفى الاخر حطتله بودرة جيلى فراولة وعلى الفرن على طول فطلعت بمبى ونفس طعم البودرة طلعت جميييييلة ماشاء الله لو عايزة اكتبلك المقادير بالظبط |
رد: تجمع حوامــــــــل مصر (ام الدنيا )
اه طبعا بنتفرج عليه انا واخواتى وماما كمان من اول موسم
|
رد: تجمع حوامــــــــل مصر (ام الدنيا )
طيب قوليلى لما نشوف كدة هنجرب المرة ال 1001 هههههههههههه ربنا يسهل وتنجح المرة دى
انا بعمل الكيكات الجاهزة دى وبتطلع حلوة الحمد لله وبزوقها كمان اما الكيكة اللى بتتعمل من اولها دى لى ذكريات كتيييييييييرة معاها |
رد: تجمع حوامــــــــل مصر (ام الدنيا )
برنامج خواطر عرفتة رمضان اللى قبل اللى فات شفت كام حلقة منة وعجبنى وتابعت اغلبة رمضان اللى فات
|
رد: تجمع حوامل مصر (ام الدنيا )
عارفة نزلت امبارح اشترى هدوم بيتى شتوى بس جوزى ضحكنى ضحك لما فطست هههههههههههههههههه
وطبعا التريقة كلها كانت عليا وعلى مقاسى حاجة تكسف هههههههههه لدرجة انة قالى انة هيفصلى بيجامات هههههههههههه بقولة انا مش مقتنعة انى تخنت يقولى امال عاوزة اية يبينلك انك تخنتى الميزان وبيصوت كل ما بتقفى علية والهدوم مش بتتدخل هههههههه |
رد: تجمع حوامل مصر (ام الدنيا )
1 مرفق
والله يابنتى الجاهزة دى كانت بتطلع حلوة معايا بس وشها كان بيطلع ناشف مش عارفة ليه
المقادير 2وربع كوب دقيق 3/4 كوب سكر 1/2 كوب زيت 3 بيضات 1/2 معلقة فانيليا 1/2 معلقة نشا ( بصراحة معرفش ليه ) كوب حليب 2معلقة بيكنج بودر انا حطيت 1/4 معلقة بيكنج صودا بيقولوا بيتخليها تنفش 4 معالق صغيرة بودرة جلى فراولة تقريبا نص باكو طبعا تخلطى الدقيق والبيكنج بودر والنشا والبيكنج صودا مع بعض وتنخليهم والسكر والبيض والزيت واللبن والفانيليا مع بعض وتضربيهم وانا بحط السوائل على الدقيق وتقلبيهم كويس اوى وفى الاخر حطيت الجيلى وتقلبى كويس وبس كده وبالهنا والشفا وادى صورة من كيكتى لحقتهالك قبل ما تخلص |
رد: تجمع حوامــــــــل مصر (ام الدنيا )
للدرجة دى الطريقة طويلة اكتبيها بالتفصيل واوعى تنسى حاجة علشان الكيكة معاية بتتلصم ههههههههه
|
رد: تجمع حوامــــــــل مصر (ام الدنيا )
هههههههههههههه فكرتينى لما نزلت اشترى على طول على xxl دخلنا على اكبر مقاس وجبناه كأننا بنشترى هدوم غوريللا ههههههههههههههههه
وايه الاحراج ده الميزان بيسوط كمان لا ياختى انا مبحرجش نفسى باتوزن عند الدكتورة ومحدش شايف حاجة بس انتى عارفة انا مرضتش ابدا اشترى بيجامات خفت الاستيك بتاعها يضغط على بطنى فاشتريت قمصان طبعا بيجاماتى اللى كنت جايباها من مصر مدخلتش اصلا |
رد: تجمع حوامــــــــل مصر (ام الدنيا )
ماشاء الله الله اكبر فى عينى فى حد يصور كيكة الزمن دة يابنتى الحاجات دى بتتحسد ههههههههههههههه
اية بيكنج صودا هلاقية مع البيكنج بودر والفانيليا اول مرة اسمع عنة هجيبة ممكن يوضع سرة فى اضعف خلقة انا عرفت اية اللى ناقصنى فعلا هههههههههه اجيبة واجرب ان شاء الله لما نشوف اخرتها |
رد: تجمع حوامــــــــل مصر (ام الدنيا )
معلشى اتأخرت فى الكتابة الكلام كله اتلون الا الدقيق والنشا مارضاش ابدا يلونهم اشمعنى بقى معرفش الظاهر مغضوب عليهم هههههههههههه
|
| الساعة الآن 12:59 PM. |
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .