منتديات حوامل النسائية - تجمع حوامل ليبيا

منتديات حوامل النسائية (https://naqatube.com/index.php)

- - تجمع حوامل ليبيا (https://naqatube.com/showthread.php?t=12555)

رد: تجمع حوامل ليبيا

ياسلمها ام ناريز عالذوق والله قفطان احلي هديه صحيتي عليه نلبسه غدوه في اللمه

رد: تجمع حوامل ليبيا

صباح الخيرات كيف حالكم طبعا انا نايضه من الفجر ماليا توا في الطياره ربي يوصلهم سالمين وعقبالكم يارب ياوخياتي في حجه

ام وسونه والله ياحبييتي ثأترت هلبه والله ربي الشاهد علي فكرة اتصلت بيك اكثر من مره نبي نطمن عليك بس انت تاكدي انه مش حمل المهم لو تاكدي ربي يعوضك خيرا يارب ويحفضلك بنيتك وراجلك واهلكم وماتغشاش روحك صحتك بالدنيا يارب مانسمع عليك الا الاخبار الطيبة

رد: تجمع حوامل ليبيا

قــــــصـــــة وعـــــبـــرة

كان ياماكان حكاية صارت زمان ..

مراة اتعاركت مع راجلها ..ودارت روحها حرجانة ..
الراجل فكر ودبر وقرر انه يجيبلها هدية على اساس بيراضيها بيها ..
مشي للسوق وجي ..وخش عليها ب(حولي) ايام ماكان الحولي حاجة مليحة..

المراة خدت الحولي وشافاته وبدل ماتقوله كلمة حلوة قالتله ( هذا لون يجيبوه!!)
الراجل خدي الحولي وصب عليه القاز وحرقه..وحلف لمرته انه عمره في حياته ماعاد يجيبلها هدية..
واتعلمت المراة الدرس..وشعفت..ومن يومها معاد رت هدية..وحتي الحرج نساته

..لهذا نصيحة من الحاجة اللي صايرتلها الحكاية زمان.اللي يخش عليها راجلها بهدية مهما كانت بايخة تكبر بيه وتقوله محلاها وسلمك جياب..خير ماتقعد حطيطة ولا عاد تشوف هدية ولاعاد تتدلع وتحرج..

رد: تجمع حوامل ليبيا

توا سلام نتلاقو علي الخير