|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
مشكورة جدا جدا على التسريحة درتها اتجنن وتوة نكتبلك وانا ماديرتها بارك الله فيك حطينا واحدات اخر المهم يكونن سهلت زى هذى |
رد: دردشة بنات ليبيا , دردشة حوامل ليبيا , تجمع بنات ليبيا
خيرات ياحلوين
ام ورد كيف حالك وربي يسهل عليك ويرزقك بالدريه الصالحه مبروك الحنه ان شاء الله تحنى فى نفاسك اممعاد كيف حالك وحال ميمو وعبدو ربي يخلييهم لكى ميمو كيف حالك ياعروستنا ربي يسهل عليك وتكنى حامل ليبيا قلبي حمد لله ع سلامت شيبانيك ولاباس ع حناك عيون شخبارك وحال سروره وحمودى ههههههههه شكله طلعولك قرون من الشمال ههههههههه ام وسونه الحلوه ربي يخليها لكى وتخاويها يارب ام رفيده الرشيقه ههههههههه ربي يخليلك حزومى وكيف داريره فى الحمل وبارك الله فيك والعقبالك ميرنا كيف حالك وحال عمورى احكينا ع ولادتك وشن شعورك انت وزوجك تو ههههههههه ربي يخليه ليك وتخاويه يارب سوسو الف الف الف مبروك لبنوته وتتربي فى عزك سمى تالين او ليان حتى اسم مزن حلو حتى مرام حلو شموسه الزعاله ير تعالى فكينا من الحرج وحكينا ع الصين وتعرفتى ع حد ولالالا يقونه كيف حالك انت والحمل وفروتى قولى بالحق انت فى الصوره تهبلى انا صدقتها ههههههههه حقه مشيت لمول العرب يهبل ماشيتيله؟ سورى الام المتاليه ههههههههههه كيف حالك وحال نور وساره ههههههههه ولدك نسيت اسمه هههههههه من تانى حى عليا راه ننسه حد ربي يرجعنا يالى بالسلامه هى والبيبيز |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم زهووووره ... كيف حال البيبي ربي يحفضه ومازال ما روحتيش من مصر ؟؟ ردي بالك عالراجل راهو اتزيغ عينه ع شي مصريه كده ولا كده ههههههههه
ولدي يا حنه اسمه فراس واللي هيا جايه من الفراسه وهي الفطنه والذكاء ههههههه قولي من قالك نبي معناه الاسم !! وصحيتي علي تسميتي بالام المتالية ههههه ان شائالله انكون نص متاليه هلبا عليا مثاليه على كبرها ههههههه |
رد: دردشة بنات ليبيا , دردشة حوامل ليبيا , تجمع بنات ليبيا
خير معقوله مافيش حد خش غير سوسو ههههههههه والله عجبتنى مصر هههههه ممكن الاسبوع الجاى نروح لالالا وين رجلى ع رجله هههههه وكاان بيطلع بروحه نقوله خود لولو معاك هههههههه بيش تنكد عليه ويروح هههههه
|
رد: دردشة بنات ليبيا , دردشة حوامل ليبيا , تجمع بنات ليبيا
سوسو ربي ايباركلك في المولوده واتشوفيها من حمله كتاب الله والعاملين به ... وحمدالله على سلامتك من العمليه معليشي ولت موووضه توه ههههههه
وبالنسبه للاسم اني بنقولك حاجه : يا احبيبه سمي الاسم اللي انتي وزوجك مقتنعين بيه وعاجبكم وما ادوريش هل قديم وال جديد والا موضه والا مش عارف شني .. المهم ايكون موجود في جيلها واسم ليه معنى .. اني بصراحه ما انحبش الاسماء النادرة والمكعفصه واللي تقعد البنيه اللي اتقوليله اسمها طووووول ايقولك شن معناه .. نحب الاسم اللي ساهل في نطقه وواضح في معناه اسم عائشه حلو ومن الاسماء اللي انقدروها كلنا ويتسمى في كل وقت زي مريم وفاطمه وآمنه وباهي اللي ما جتش عزوزتك ساسيه والا ارميله والا زيتونه وبصراحه سامحوني حتى مبروكه عارفه فيه هلبا امهات اسماؤهم هكي لكن كل وقت ووقته يا احبيبه ... |
رد: دردشة بنات ليبيا , دردشة حوامل ليبيا , تجمع بنات ليبيا
اني لما جبت سروره كنت تبي انسميها رناد كان عاجبني الاسم هلبااااااااوبالذات لما عرفت معناه (شجره طيبه الرائحه) لكن خوتي وزوجي ما عجبهمش واني سكرت راسي اعليه وقعدت البنيه 12 يوم من غير اسم وبعدين قنعوني بالقرعه وكل واحد حط اسم وطلع ساره مرتين ومره طلع ابتهال امي حاطاته ورناد ما صارش منه الله غالب ومن يومها كرهت القرعه ههههههه
المهم ساره حاطه بوها .. وبعدها فراس من الشهر الخامس وهو وضعيته فارسي وما باش ينقلب بكل .. قلتلهم نبي انسميه فارس قالولي فراس اخف واحلى سميته فراس ونور الصراحه ربي ايسامحني من لما عرفت بروحي حامل واني طايرتلي استغفر الله وكل يوم ندعي ما يكتمل الحمل استغفر الله استغفر الله لذلك حتى لما جبتها ومن كثر ما سمعت من تلقيح الحق ما كنتش سعيدة استغفر الله ان شاءالله اتسامحني ابنيتي.. المهم بوها قالي شن انسموها قتله دبر راسك اختي اقترحت ميس والا يارا وقعدت تتناقش هيا وزوجي قالها نبي انسميها اسم ايعبر عالوقت اللي جت فيه وهو وقت انتصار الثورة .. واتصدقو انه يوم ماشي بيسجل واني مش عارفه الاسم لكن قالي قبل ما ما انسجل انكلمك وانقولك عالاسم .. كلمني وقالي شن رايك في نور الهدي الحق في الاول حسيته قديييم وبالذات كانو يقرو معاي بنات اسمهم هكي .. لكن لما قالي علاش اختاره اقتنعت قالي هالبنيه صارت وحملتي بيها في شهر 2 وهو شهر الثوره وجتنا وانولدت في شهر التحرير شهر 10 لذلك هالبنيه نور ربي نور بيه علي بلادنا وان شاءالله اتكون هكي .. قتله خلاص سمي و سمي والحمد لله مقتنعه باسماؤهم صغاري الثلاثه حتى لو فيه تلقيح من هنا والا من هنا .. المهم ما فيش اسم انفرض عليا والحمد لله وربي ايوفقك في تسميه بنيتك ويجعلها من بنات الوطن الصالحات ...ااااااه والله الا دهشت من الطباعه شورا دوتي هلباااا |
رد: دردشة بنات ليبيا , دردشة حوامل ليبيا , تجمع بنات ليبيا
زهورا ... قداش ليك جايبه توا .. وكيف امدايرا اتعاني في نفاسك بروحك ما معاك حد صح؟
|
رد: دردشة بنات ليبيا , دردشة حوامل ليبيا , تجمع بنات ليبيا
ههههههههه سامحينى كنت نلود فى المنتدى ههههههه والله الفتره الاولى جتنى امى الحمد لله انا جبت 27-3
|
رد: دردشة بنات ليبيا , دردشة حوامل ليبيا , تجمع بنات ليبيا
شن غداك وشن عشاك هههههههه انااليوم مشيت لمول العرب يهبل هو جديد تغديت مشاوى وبطاطا
|
رد: دردشة بنات ليبيا , دردشة حوامل ليبيا , تجمع بنات ليبيا
السلاااااااااااام عليكم ورحمة الله
كيف حالكم توا توا ومشكورات عالنشده كنت في حوش العيله حوش شيبانيا ميرنا يا احبيبه بالصحه اعليك لو جت حاجه ساهله قدامي رح انزلها حتى اني امس مشيت لوحده جايبه وعالسريع درتها وثبتها بالسبراي وطلعت اتجنن ودرت فيها وردتين صغار لون اللبسه وحسيت بالثقه اخخخخخخخخخخ سوريناااااااااام ربي يحفظلك صغيورتك يااااارب سوسو الحمدلله عالسلامه وتتربى في عزك زهورة هيا روحي نبوا العصيده في بنغازي ولا ما اديروش فيها |
| الساعة الآن 05:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .