منتديات حوامل النسائية - تجمع حوامل ليبيا

نحكيلكم ع موقف.. كنت انراجي ف دوري بنخش للعملية ومعاي وحدة ف الدار بدير حقن مهبلي شوي نقصقص فيها من هنا من هنا وين تسكني قالت غريان قتلي وانتي قتلها قصر بن غشير قتلي تعرفي عيلة فلان و عيلة علان وقتلي من واخدينك ...طلعت بنت جيرانهم خخخخخ لساني يبي القطع

المتفاااائلــــه

11-24-2011 08:42 PM

رد: تجمع حوامل ليبيا

اقتباس:

المشاركة الأصلية كتبت بواسطة saly.me.91 (المشاركة 1677313)

الدكتور باسم ابوحميدان بس توا مسافر وموجود خوه فوزي بس كلهم اطباء اكفاء والمعاملة ماشاءالله والنتظار مرات تلقي حد تعرفيه اصلا لما تمشي تقولي الشعب الليبي كله يحمل غادي ههههههه وبالنسبة للتوأم من ربي لان انا شفت وحدة رجعولها ق5 اجنة زيي وحملت بواحد يعني مش زي ماتبي انتي وحسب البويضات فيه اللي رجعولها 2 او 3

فهمتك ... الحمد لله ماشاء الله ربي يسرلك ... باهي خوه اسمه فوزي ابوحميدان والا شني لقبه .. وهادوا ليبيين والا لا ... ونبي نسألك المركز هذا يديروا فيه في تحليل السائل المنوي يعني فيه مختبر .. لأن راجلي بيعاود التحليل ونبو مكان كويس ونتائجه دقيقة وبنغيروا الماكن الأول ... التحليل الأول درناه في مركز الأندلس ... والدكتور اللي دارلكم انتوا الحقن آمتى يرجع من السفر .. والا ماتعرفوش ؟؟؟

المتفاااائلــــه

11-24-2011 08:44 PM

رد: تجمع حوامل ليبيا

اقتباس:

المشاركة الأصلية كتبت بواسطة saly.me.91 (المشاركة 1677328)

ههه .. وانتي يعطيك الهني ان شااء الله علاش تقصقصي .. تعرفي حتى هادي مشكلة ... انك تتلاقي مع حد تعرفيه ... ويشهر بيك ... ان شاء الله ربي يسترنا ..

saly.me.91

11-24-2011 08:45 PM

رد: تجمع حوامل ليبيا

الدكتور نصحني انحول منهم زوز بس انا خفت يكون حرام بس انشالله عقبها خير لاني تاعبة هللبا والايامات الجاية بنمشي انعاين ف الجلاء بالك يرقدوني

المتفاااائلــــه

11-24-2011 08:49 PM

رد: تجمع حوامل ليبيا

اقتباس:

المشاركة الأصلية كتبت بواسطة saly.me.91 (المشاركة 1677337)

ان شااء الله اللي فيه خيرتك ربي يديرهولك وبالنسبة لحرام وحلال كانك سألتي والا قريتي خيرلك .. لأن في لوقت معين من الحمل مافيش حاجة لو الوحدة نزلت لو لمصلحة صحتها .. أما المحرم فهوا من وقت معين ... فيها خيره ان شااء الله وربي يثبتلك ياااارب ويحفظك ... باهي ماقلتيلناش شنو كانت ردة فعل راجلك وكيف كانت فرحته .. وكيف كانت ردة فعل امك ... أكيد فرحت هلللبة انك حامل ..

saly.me.91

11-24-2011 08:50 PM

رد: تجمع حوامل ليبيا

خوه نفس اللقب هدا مركز متخصص والمركز الاصلي فالاردن فايز وفوزي وباسم وثائر وفي ليبيا باسم وفوزي كل مرة يجي واحد ويسافر التاني وفي معاهم د معن وكلهم اردنيين بس انا حبيت باسم اسلوبه حلو مش زي فوزي قاسي

بالنسبة للتحليل عندهم هما احسن شي ننصحك بري افتحي ملف وعايني عندهم

saly.me.91

11-24-2011 08:55 PM

رد: تجمع حوامل ليبيا

مانصدمش هلبا لان من لما رجعولي الاجنة بديت انقوله يابوالشبااب وديما نقوله سلم على صغارك قبل مانعرف روحي حامل وكنت حاسة انهم هلبا ماشا الله

المتفاااائلــــه

11-24-2011 08:55 PM

رد: تجمع حوامل ليبيا

ان شااء الله .. يدير ربي اللي فيها الخيرة ... كان ماصار شي الشهر هذا توا نحاول نقنع راجلي ان نمشوا .. وتوا انقوله ان يمشي ايدير تحليل عندهم ...

باهي آمتى يروح زعما باسم ..

saly.me.91

11-24-2011 09:05 PM

رد: تجمع حوامل ليبيا

والله ماعندي علم قدداش غمرك انتي

المتفاااائلــــه

11-24-2011 09:14 PM

رد: تجمع حوامل ليبيا

آني مواليد 87 في نهااية 87 .. يعني عمري 24 سنة ..

الساعة الآن 10:02 PM.

صفحة 1497 من 2135

1497

عرض 40 مشاركات من هذا الموضوع لكل صفحة

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .