|
رد: تجمع حوامل ليبيا
زوجي مرة حلل وطلع ضعيف فالدكتور طلب عليه جهاز دوبلر موجات يعني ولقي عندة دوالي من الدرجة 2و3 وطلب عملية بس انا خفت منها وقتله نستنو شويا بالك ربي يفرجها واماليه من كتر ما ينقو قلتلهم ان من خوهم..شعب افكاره قديمة ..وبالنسبة ليه نفسيته ادمرت بالدات كل مايشوف اصحابه واقاربه بصغارهم بس انا انصبر فيه وانقوله عادي مازلنا صغار وما الى دلك..والله عانينا هلبا بس الحمدلله ربي ماينسى حد.. وان شاءالله ربي يثبتلي حملي ويكون سليم ويعطي كل محروومة اامييييين ياااارب
|
رد: تجمع حوامل ليبيا
اقتباس:
حبيبتي الحمد لله ربي فرجها عليكم ... يعني الكلام هذا كله ماشاء الله صار الشهر اللي فات ... صح .. ؟؟ باهي ياريت تقوليلي قداش كلفتكم كلها كلها .... يعني بالأدوية والإبر وكل شي ... وشني اسم الدكتور . .. ونبي نسألك هذا المركز هوا اللي مقابل وصحة الأخوة ... صح ...؟ بالنسبة ليا آني .. حاملة همي بروحي وماقلت لحد ... وراجلي مسكين وجعني والله مايستاهل وعلى قولتك آني نصبر فيه ... واللي شجعني اني مانقولش لماليه انهم مايقصقصوش ... سمعت ان عزوزتي سئلت حماتي بش ماتقصقصنيش مباشرة ... وعزوزتي نوعها ترعش هلبا على ولادها فقلنا ياناري غير انرعشوها وناخلوها تخمم .. واماليا آني قلتله مانقولولهمش بش هوا يكون مرتاح وماتأثرش على نفسيته والحمد لله ... وادعيلي اني الشهر هذا ان شاء الله مانشوفش الدورة ونكون حااامل يااارب ... ومانحتاجش للقصص هادي ... ونبي نسألك بالنسبة للتواما انتي طلبتي من الدكتور ان يلقح اربعة بويضات .. |
رد: تجمع حوامل ليبيا
لالا مش مركز فرح هدا اردني ف النوفليين مقابل الاخوة
|
رد: تجمع حوامل ليبيا
اها زبطه في هلبه ناس يشكرو فيه ربي يسهللك يارب ويتمملك علي خير
|
رد: تجمع حوامل ليبيا
ونبي نسألك ياسالي ... هذا المركز موثوق فييه يعني يشكروا فيه ومعاملتهم كويسة ... لأن في ناس خوفوني من المراكز هادي وقالولي انها لازم تكون في ثقة ...نستنا في ردك على اسم الدكتور والتكلفة بالإجمال ..
ونبي نسألك كيف تمشي على الإنتظار وين تستنوا ويكونوا في هلبة ناس لأني خايفة نمشي ونلقى حد نعرفه ... هههه |
رد: تجمع حوامل ليبيا
في حدود ال4000 والحبل ع الجرار
|
رد: تجمع حوامل ليبيا
وماشاء الله تبارك الرحمن .. الحمد لله ان العملية نجحت معاكم من المرة الأولى والله ماتعرفيش قداش فرحت اليوم ... وفرحتلك هللبة والحمد لله ... ان شااء الله ربي يفرحنا كللنا ياااارب ..
|
رد: تجمع حوامل ليبيا
الدكتور باسم ابوحميدان بس توا مسافر وموجود خوه فوزي بس كلهم اطباء اكفاء والمعاملة ماشاءالله والنتظار مرات تلقي حد تعرفيه اصلا لما تمشي تقولي الشعب الليبي كله يحمل غادي ههههههه وبالنسبة للتوأم من ربي لان انا شفت وحدة رجعولها ق5 اجنة زيي وحملت بواحد يعني مش زي ماتبي انتي وحسب البويضات فيه اللي رجعولها 2 او 3
|
رد: تجمع حوامل ليبيا
سالي قداش بالضيط كلفاتك العملية كلها بالابر
|
رد: تجمع حوامل ليبيا
سالي ... ياريت ماتقولي لحد على انك حامل بأربعة توائم .. هما الناس اللي تحمل باثنين وان شاء الله يخلوها في حالها .. ورجي بالك على روحك وكل يوم اقري أذكار الصباح والمساء وعليك بآية الكرسي بش ربي يحفظك ويحفظ اللي في بطنك ...
|
| الساعة الآن 09:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .