|
رد: تجمع حوامل ليبيا
حبيبتي يامتفائلة زوجي عنده دوالي العدد بالك 6 والحركة شبه معدومة والتشوهات قريب98% والدكتور خيرنا بين الدوالي وبين الحقن المجهري وانا اخترت الحقن لان الدوالي يبي من 3 الى 6... شهور باش تتحسن حالته وفي اللي قالو مرات اتسوء مرة وحدة لدلك استخرت ربي ودرت الحقن
|
رد: تجمع حوامل ليبيا
ام وسونه بارك الله فيك وربي يثبتلك حملك وتفرحي بوليداتك
|
رد: تجمع حوامل ليبيا
اان شاالله يامتفائلة تحملي وبتوأم ياارب امين..حبيبتي سؤال وين دارها زوجك العملية وقداش كلفاته
|
رد: تجمع حوامل ليبيا
يقين كيفك قالولي البنات انك بعمري .... انا15.12.1991 وانتي وشكلك تزوجتي صغيرة ماشاءالله قداش عمرك وقتها
|
رد: تجمع حوامل ليبيا
اقتباس:
آآآمين ... ان شاااء الله يااااااااااارب ... ربي يسمع منك ... العملية درناها في تونس العاصمة .... والعملية كلفت تقريبا 1500 تونسي ... يعني في هضاكا الوقت قريب 2000 ليبي لأن درناها وقت الأزمة وكيف كان الدينار الليبي يجيب أقل من دينار تونسي ... باهي نبي نسألك وين درتوا الحقن المجهري .. ومن أول مرة نجح معاكم ونبي نعرف التفاصيل كلها لو سمحت كل كبيرة وصغيرة ... ههه ... لو ماكانش في مانع ... يعني انتي أكيد عطوك منشطات وراجلك اكيد عطوه حاجة وبعدين نبي نعرف هل ساهلة العملية هادي .. ووين درتوها ... نستنا في ردك .... |
رد: تجمع حوامل ليبيا
وقداش كلفكم الحقن المجهري ... ونبي نعرف كيف تعاملتي كيف عرفتي ان راجلك عنده الدوالي .. قلي للعيلة ...والا لا ... وكيف كانت هوا رد فعله
|
رد: تجمع حوامل ليبيا
السلام عليكم
شن حالكم هلا سالي منوره ربي يتمملك حملك علي خير وردي بالك علي نفسك ماشاءالله صغيره ربي يحفظك |
رد: تجمع حوامل ليبيا
بكل سرور حبيبتي... ماصدقت حد دوى معاي خخخخخخخ
العملية درناها في المركز التخصصي للاخصاب والوراثة الاردني في النوفليين ونجحت الحمدلله من اول محاولة مشيت قبل الدورة بايامات دار تحاليل لزوجي ونصحنا زي ماقتلك وقالي ارجعي 2 يوم دورة دارلي تحاليل وفحص بالسونار المهبلي واعطاني ابر 2فالعضل ووحدة تحت الجلد لعند اليوم التاسع فالليل كتبلي ع حقنة تفجير ويوم 11 عملية السحب وخدو من زوجي عينة للسائل وضافولها مواد لتحسينها وحقنو البويضات بغدها ب3 ايام كان يوم 14 رجعولي البويضات الملقحة وقالي ارجعي بعد اسبوعين لاجراء التحليل يعني بعد 14 يوم من الترجيع وانا ماقدرتش نصبر مشيت بعد11 يوم ع خاطر اني وجع ف جنبي شوي شافني ع الجهاز وقاللي حامل..قتله بتمزح يادكتور قالي ديري التحليل باش تتاكدي وحللت وطلعت حاااامل الحمد لله..واي استفسار انا جاهزة حبيبتي |
رد: تجمع حوامل ليبيا
اهلين فيك ميمونة وبكل الحلوات الليبيات اللي ف المنتدى
|
رد: تجمع حوامل ليبيا
هلا بيك قصدك مركز فرح للخصوبه
|
| الساعة الآن 06:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .