المشاركة الأصلية كتبت بواسطة حيفا (المشاركة 2740928)

حبيبتي عسولتي ، انا ما بحب اكون مكتئبة بالعكس معروف عني ابتسامتي الدائمة ومرات بحس حالي هبله قد ما بكون مبتسمة هههه
بس هالشي بصير غصب عني ، مضغوطة من زوجي ، من الناس ، من الملل ، من كل شي ،
نفسي اطلع من هالحاله وارجع لطبيعتي اضحك بنفس ، اتواصل مع الناس اللي قطعتهم ، وما بتتخيلو كم اتصال برفض ارد عليه ، صاحباتي ما عاد احاكيهم ، قرايبي قاطعتهم
نفسي كمان زوجي يروح من عندي اعيش فترة لحالي اتعافى من هاللي انا فيه
ما حدا بحس باللي جواي ، في شي بقلبي صاير يضل مقبوض دايما ، ضيقة نفس ، انا فكرت انه من ادوية التنشيط بيقولو بتعمل حالة نفسية سيئة بس انا صارلي اسبوع عن اخر ابرة يعني بتوقع خلص لازم يروح تأثيرها

انا ما عندي حد احكيله هاللي بحكيلكم ياه ، امي ما بقدر حتى افتح موضوع الحمل قدامها ، لاني بزيدها هم ، ما عندي اخوات ، صاحباتي وقرايبيني انا قطعتهم ومش عارفه اصلا كيف بدي ارجع اتواصل معهم الكل زعلان مني
هيك مخنوقه ومافي مكان اروحله او حد احكيله افضفض ،
ماحدا يتضايق بسببي والله بزيد ضيقتي هاد ، اانا متأكده انه مع الوقت بصير اقوى واعرف اتعامل مع الظروف اللي بتمر فيي بطريقة صح
بس هلاء انا متضايقة .

المشاركة الأصلية كتبت بواسطة حيفا (المشاركة 2740838)

حبيباتي تسلمولي كلكم

بدي اجاوب ع اسألتكم كوم واحد هههههه كسولة انا صايرة او يمكن مع هالاكتئاب اللي صايبني :(

اخدت الابر بمتابعة طبيبة وتحت اشرافها ، تابعت التبويض من اليوم الاول لليوم 14 من الدورة ، والحمد لله ما وصلو البويضات للحجم المفروض ، مع 20 حبة كلوميد وتلات ابر :)

وزني كنت حكيتلكم انه نزل 5 كيلو ، حسيت انهم رجعو مع الابر ، حسيت اني تنفخت منهم ما بعرف يمكن انا نصحت ، لاني مع هالحاله اللي انا فيها وقفت الدايت ورجعت اكل عادي :(
انا مشكلتي ما بلتزم وبزهق بسسسسرعه ، ما عندي خلق ، مع اني الشهر الماضي التزمت بالدايت والعلاج ، والدكتورة انبسطت من التزامي واعطتني امل انه ممكن يصير التبويض هالشهر متل ما بدنا ، بس تفاجئت انه اسوء من الشهر الماضي ، مع كل التعب ، والادوية والمتابعه !!!!!
فوقفت كل شي الا دوا التكيس والفوليك اسيد ودخلت بحاله نفسية سيئة ، زوجي بيقلي مش طبيعية صايرة ، لدرجه اليوم بقول لزوجي ، انا ما بربطك فيي ، اذا بدك ننفصل مشان انا مش قادرة احمل ، وما بقدر استحمل ضرة ههههههه
قالي اخرسي ههههه ، وبلا حكي فاضي ، لا بدي اتزوج ولا غيره ، صار حمل فالحمد لله ، ما صار هاي كتبه ربنا والحمد لله كمان

طبعا هاد كلامه بعد ماشافني قديش مكتئبة وماليش نفس في شي بالدنيا

مش عارفه شو اعمل ، حاسة هالطريق طويلة ، وانا بتعب بسرعة
يا رب رحمتك :(

غموض وعسولة انتو حملتو قبل ولو نزلتو ولو تأخرتو بعدها لتحملو بس في أمل عندكم وان شاء الله ربي بيعوضكم ، انا ما حملت وحتى ما في تبويض عندي وضعي اصعب الحمد لله

مساكم راحة بال :)