|
رد: تجمع حوامل سوريا-دردشة ورود سوريا-دردشة الغاليات
سلامي صبايا
كيفكن وكيف بسابيسكن الحلوين؟ طولت الغيبي بس نايوتا وام جوجو عرفو شو السبب آخ يابنات والله تعبت من بيت حمايي وماعاد فيني اتحمل كل يوم من الصبح لنص الليل وانا عم اشتغل وحماتي لاحأتني عالدعسي وكلامها متل السم مابلحق شيل الفطور الا لاحقني تجهيز العشا ومسح وتنضيف وشيلي وحطي وأديش ماكبرت كمية الطبخ مشان تاني يوم مااطبخ بياكلوها وبدي اطبخ تاني يوم وبيتشهونولي عطبخات صعبين وكلو برأبتي لحالي وشاي وقهوة وفواكه بعمل جاط كبير مشان ماتم اغسل فواكه وقطع ونشف بصحى تاني يوم الصبح بلاقي حماتي قضت عليه وبتكون منشحتلي الطاولي وتعي يامنار نضفي وبيجي الويكند بتجبلي بيت ابنها لعندي والله وكيلكن بتم يومين بنضف وراهن وازا سلفتي بدها تقوم تساعدني بتقلها أعدي هي بتعملهن سألتكن بالله هالشي مو ظلم لأ وشو مابروحوا لعند ابنهن التاني الا مشان مواعيد الدكاترة وبتموا يومين تلاتي ويبرجعوا وسلفتي عندها اهلها وعم بطفشو بيت حمايي مع انو بيتن تلات طوابق وبيقعدوا بطابق لحالن ونحنا بيتنا غرفتين وصالون وهنن آخدين الغرفة الرئيسية الكبيرة ونحنا بالظغيري وأديش ماشافوني مدايقة وتعباني منهن مابهمن لأوشو حماتي عم بتجاكرني بسلفتي لانها دارسي طب مع انو سلفتي عاملي فحماتي وبناتها العمايل هي وامها وهلأ عزماني نست كلشي وصارت هي المنيحة وبقلها جوزي روحي أعدي عندها ازا هي منيحة بتغير الموضوع ومستحيل تروح لان بتعرف كيف هديك بتساوي فيها وهي آعدي عندي بس مشان تزعجني ومن لما عرفت حماتي وسلفتي وامها معي الحمدلله صبي صار شغلن الشاغل يزعجوني ويتعبوني وخاصة حماتي جانن جنونها ولما ابنها التاني يلي ساكن بغير ولاية سألها شو طلع معي غيرت الموضوع وماجاوبتو حتى عمي بعدين جاوبو وانا كل يوم بدعي وبقرا المعوذات مشان الله يكفيني شرها وشر بيت سلفتي بس والله ياصبايا قاتلين فرحتي بحملي وماعم بخلوني اتهنا ولاارتاح وياما من مشاكلها ماعم آكل وعم ضر ابني ومافيني قول لزوجي خليهن يروحو مشتهيي ارتاح ونبقى لحالنا مابتطلع مني لو شو ماصار آخ آخ اهلي بعيدين عني وبالي مشغول عليهن بلدنا عم تنقصف بالطيران وبالدبابات واهلي هلأ ببيتنا بحلب مطمني عليهن شوي بس كمان حلب خطرة واسمن مشردين تاركين بيتن وطالعين مابيعرفو شي عنو الله يحميهن ويحمي كل اهل سوريا الحبيبة ويجمعنا مع اهالينا بخير وسلامي وسعادة ويهلك الطاغية بشار واعوانه وينصر ثورة الشعب عليه لاتآخزوني حكيت كتير وشكيتلكن لاني بعتبركن متل خواتي ومافيني احكي لاهلي حرام همن مكفيهن مابدي اشغل بالن علي بس مشان الله صبايا نصحوني عطوني حل كيف بدي ارتاح من حماتي مابقى فيني اتحمل ولا ابدا نفسيتي بالارض ساعدوني hwaml9 |
رد: تجمع حوامل سوريا-دردشة ورود سوريا-دردشة الغاليات
حبيت سلم عليكن من دون شكي وبكي
نايوتا حبيبة ألبي ماشاءالله على نايا الامورة شو ضحكتها حلوة باين عليها نغشي ونشطة الله يحفظها يارب وتفرحي فيها وبأخواتها انشالله يسلمو حبيبتي عالكبسة كتير طريقتك فيها فن مشان هيك طالعا شهية يمميي كل مابتزكر شكلها بتشط ريالتي انشاءالله بهاليومين رح اعملها بس رز بسمتي يللي عندي غير هالماركات يللي زكرتيهن انشالله يصيركويس وبالنسبي للارمان ياستي اولا بتجيبي بصل حجم كتير ظغير نحنا بنقلو قزح بتقشري وبتتركي عحالو بس تكون كمية كبيري لان هو اساس الاكلي بعدين بتجيبي لحمة بتفرميا قطع راس العصفور بتقليها شوي مع سمنة وبصل ناعم وبتحطيلها بهار وبعدها بتغمريها بالمي مشان تنسلق وقبل ماتستوي بشوي يعني تلات ارباع نضج بتشيلها مع مرقتها وبتفضيها بغرض تاني وبنفس الطنجرة بتحطي لبن وبيضة وشوية نشا وبتخفقيهن بتحطيهن عالنار وبتحركي لحتى يغلو وبعدها بتجيبي من مرقة اللحمة وبتكتيها للبن وبضيفولو البصل القزح وبتتركيهن حتى يستووا وطبعا بتحطي الملح وبس قرب البصل يستوي حطي اللحمة حتى يستووا مع بعضوبتوطي النار وبتغطي الطنجرة وبتعملي جنبها فريكة ورز مفلفل بدون شعيرية وعند الاكل بتسكبي فريكة وفوقها رز وجنبها ارمان مع مخلل لفت وصحة وهنا ولو بعرف نزل صور كنت صورتها ونزلتلك صورها بس هلأ بوجود حماتي مو فاضيي اتعلم شي اصلا قاطعتلي نفسي واليوم عملت شيخ المحشي شي بلبن وشي ببندورة وطلع كتير طيب وانتي شو عم تطبخي بغيابي ههههه بوسيلي نايا الامورة وادعيلي عندي يوم الجمعة التراساوند رباعي مشان فحص الجنين ويتاكدو انه سليم ومافي تشوهات انشاالله وحاسي حماتي عم تدعي عليي وخايفي كتير ادعيلي حبيبتي الله يطمن ألبي ويرزقني ولد بخلقة تامة ويكون سليم وطبيعي |
رد: تجمع حوامل سوريا-دردشة ورود سوريا-دردشة الغاليات
اهلا وسهلا منار والله يامنار عندي مقولة بتئلك مكتوب على ورق الجنة عمرا حماية ماحبت كنة
حماتك اتبطل تزور عندك صعبة إلا ازا جوزك عملها مشكلة وانت مابيهون عليكي يصير جوزك مغضوب جاييكي صبي وكما تدين تدان وسدقيني حماتك طاير عقلها انك رح اتجيبي صبي بس هية بتحب المجاكرة والاستفزاز وانت شكلك سريعة التجاكر وسهل الواحد يستفزك بقلك لايكلف الله نفسا إلا وسعها انت قومي بواجب بيت حماكي على قد استطاعتك ماحدا رح يقطع راسك ازا اشتغلتي على قد مابتقدري وحكي حماتك اتجاهليه ولا تردي هو الحق معك بيدايق الواحد من الاوامر والطلبات بس كلو بثوابو وان شالله الله بيجعلك بضيافتك لبيت حماكي عندك بالبيت اجر كبير وتتسهل ولادك وافرحي وانبسطي انك حامل الحمل الاول إلو نكهة خاصة ولااتحمليها شوفي مصايب اهلنا بسورية بتلاقي يلي انتي فيه نعمة كبيرة وانك تكوني انتي بيتك وحماتك عندك احسن من العكس انك انتي عند حماتك اقليلي انو اصعب وقد ماكان بتضل ضيفة وإلما يجي وقت وتروح مافي شي بيدوم دوام الحال من المحال وانا عندي مبدا بالحياة عامل الناس كما يحب ان يعاملوك وفي متل شامي بيئلك بمااني ام الامتال "الحكي الحلو بيطالع الحية من وكرها "وهية لما تلاقيكي مالك سائلة على مجاكرتا وعم اتعامليها منيح لحالها بتستحي من حالها وبتخف عليكي وطولي بالك كلو بيهووووووووووون بتهووووووووووون |
رد: تجمع حوامل سوريا-دردشة ورود سوريا-دردشة الغاليات
اقتباس:
حبيبتي اسفه بس امس تعبت من السعله و سكرت مع العلم ما نمت للفجر الله وكيلك سفل بطني صار يوجعني لما عم اسعل الله يشفني منها والله تعبت.ز و الف مبروك حبيبتي شو ناويه تسميه بس يجي ان شاء الله؟ |
رد: تجمع حوامل سوريا-دردشة ورود سوريا-دردشة الغاليات
نايوتا صباح الخير
|
رد: تجمع حوامل سوريا-دردشة ورود سوريا-دردشة الغاليات
يسلمو على طريقة الارمان ورح جربا انشالله طبخت ششبرك مبارح ششبرك طلعت كتير لزيزة هههههه
ولاتحطي ببالك انو حماتك عم تدعي علجنين يلي ببطنك ... ازا دعت عليكي بتكون عم تدعي علي ابنا حطي حلقة بإدنك مقام الكنة بالنسبة لبيت الحماة من مقام ابنون قيمي هالوساوس من بالك وانشالله بيكون كلشي تمام يوم الجمعة وانتي عملي جهدك اتطمنينا وهلأ حطي ببالك ملابس البيبي وشوبدك تجيبيلو غراض فجأة اتحولت لحماية هههههههههه بس انا عليي انصحك وانت اعملي يلي بتلاقي مناسب ساعة بتحول لدكتورة ساعة طباخة ساعة حماية ههههههههههه |
رد: تجمع حوامل سوريا-دردشة ورود سوريا-دردشة الغاليات
صباح النور نيهال سلامتك ماعلى قلبك شر وان شالله معافاية
وانا والله مكربة وكريب تقيل والله بس الحمد لله عم خف شوي شوي |
رد: تجمع حوامل سوريا-دردشة ورود سوريا-دردشة الغاليات
الله يسلمك نايوتا انا ما عاد همني الكريب بس السعله هلكتني الله وكيلك* قلي الدكتور عندي الحتقان شديد و ما عم يخف يالله الحمد لله هو على تغيير الجو الناس عم تمرض الله يعافينا و يشفي مرضى المسلمين اللهم امين
|
رد: تجمع حوامل سوريا-دردشة ورود سوريا-دردشة الغاليات
صباحو ..صبايا سورية .....كلكن كلكن كيعكن ...
بسبوووسة ..حبيبتي ..وحياتك حماتك مستحيل تكون مو طاير عقلها لأنو رح تجيبيلها ولي العهد ومستحيل تكون عم تدعي عليه ..بس شكلها هي طبيعتها مدودة..وانتي طيوبة ..اتحمليها .. نايوتا ..شو هي مكتوب عورق الجنة ...طيب بتصدقي اني بحب حماتي متل أمي ؟..وهي كمان ...وصدقيني كنت عم نق ع جوزي يجيبها عالسعودية لعندي هي وبنت حمايي .....وبتمنى لو أنها جنبي ..بيكفي انها جابتلي حبيب قلبي وربتو أحلى ترباية هو وأخواته ...ما بعرف يمكن علاقتي ببيت حمايي غريبة ..أوقات بس اسمع صوتها بحس بدي أبكي ومشتاقتلها كتير .....فطولي بالك ويمكن ازا طنشتي بتتحسن ..أنا برأيي كل ما طلبت شي اعملي حالك تعبانة وعم تتوحمي أصلا أنا بأول أربع شهور ما كنت أقدر أرفع راسي من الوحام ..وهي بس تشوفك هيك ..يا بتطفش ..يا بتشفق عليكي ..اسمعي مني جربيها ....وخبريني ... نيهال ...يييييييييي....متزوجة من عمرك اربع عشرة سنة ...خطيتك ...ههه...أنا تزوجت من سنة ونص كان عمري ستة وعشرين وحسيت لسا بكير ..وكنت لازم أستنى شوي ..خخخخخ... الأرمني ...هاي الأكلة كأنها شاكرية يا بنات مو ؟...بس أنا الشاكرية بعملها بدون نشا ..وبعمل جنبها رز اليوم عندي موعد ...بعد شوي ..الله يستر ...باي |
رد: تجمع حوامل سوريا-دردشة ورود سوريا-دردشة الغاليات
يالله انا رح سكر بدي قوم من الفرشه جسمي تكسر ههههههه اه الحمد لله على نعمة الصحه شوية كريب بهدونا هد الحمد لله على هل حال و كل حال
|
رد: تجمع حوامل سوريا-دردشة ورود سوريا-دردشة الغاليات
شذى شايفه تزوجت صغيره لظروف يعني رميت حالي على المجهول بس الحمد لله الله رزقني بزوج طيوب سبحان الله ما بينسه عبده الحمد لله المشاكل و الهموم بتخليكي تكبري قبل اوانك والله..
|
رد: تجمع حوامل سوريا-دردشة ورود سوريا-دردشة الغاليات
نيهال كلو نصيب سبحان الله نصيبك تتزوجي صغيرة
شذا لكل قاعدة استثناء وفي حموات ظراف وحبابات بس انا قلت هيك عن تجربة ونيالك محظوظة ببيت حماكي وبس ترجعي طمنينا عنك |
رد: تجمع حوامل سوريا-دردشة ورود سوريا-دردشة الغاليات
شذا شلون الشاكرية بلا نشا ؟؟؟
اي الارمني بتشبه الشاكرية بس فيها شوية تغيير عن الشاكرية |
رد: تجمع حوامل سوريا-دردشة ورود سوريا-دردشة الغاليات
السلام عليكم مين هون؟
|
رد: تجمع حوامل سوريا-دردشة ورود سوريا-دردشة الغاليات
عليكم السلام
كيفك نيهال؟ اتحسنت السعلة |
رد: تجمع حوامل سوريا-دردشة ورود سوريا-دردشة الغاليات
بدي اسألك نيهال توقيت الكويت متل توقيت السعودية او انتو سابقينا ساعة متل الامارات
|
رد: تجمع حوامل سوريا-دردشة ورود سوريا-دردشة الغاليات
كيفكن بنات
|
رد: تجمع حوامل سوريا-دردشة ورود سوريا-دردشة الغاليات
|
رد: تجمع حوامل سوريا-دردشة ورود سوريا-دردشة الغاليات
اي نايوتا هون الكويت نفس توقيت السعودية
|
رد: تجمع حوامل سوريا-دردشة ورود سوريا-دردشة الغاليات
يسعد مساكم صبايا
|
رد: تجمع حوامل سوريا-دردشة ورود سوريا-دردشة الغاليات
كيفكن بنات
والله يانايوتا كلامك عراسي وانا نفس الكلام بأولو لحالي بس التطبيق صعب وخاصة انا هون بعيدي ولحالي وضعي صعب ولما بحكي مع اهلي بطول شي ساعة او اكتر وهي دائما بتحاسبني على هالشي وانا مابأدر ماطول يعني بدي اسمع صوت بابا وماما واخواتي بينحرق ألبي ازا مااطمنت عليهن وهي لما بتحكي مع بناتها بطول اكتر مع انو بناتهامو بسوريا ومافي خوف عليهن يعني منكدتلي عيشتي وطالما آعدي بخلقتي مافيني انسا فصولها وكلامها معي لو تبعد عني بس شوي والله مو طالبي اكتر من هيك على كلٍ الله يبعدها عني ويريحني منها صحة وهنا عالششبرك اكلي طيبي بالبرد انا من فترة عملت ششبرك وسمبوسكك انا اليوم ماطبخت عندي من كل اكلي شوي بس رح سخنهن كنت ناويي اعمل مسبحة لانك زكرتيني فيها بس اجلتها لبكرى اليوم خصصتو للراحة |
رد: تجمع حوامل سوريا-دردشة ورود سوريا-دردشة الغاليات
كيفكم بنات انا رح صلي الفجر ونام بس حبيت سلم عليكم
كيفك نايوتا شكلك طباخة ماهرة انا بالشهر بطبخ مرة ههههههههههه كيفك نيهال حبيبتي ما على قلبك شر وان شاء الله الف سلامة حبيبتي بسبوسة زوجها انا ماكتير قصتي بعيدة عن قصتك انا زوجي وحيد وانا كنت ساكنة بغرفة مع اهلو بعدين سكنت فوقهم ومشاكل كل يوم ومع اخواتو غيرة مو طبيعية بس لاني تعودت وصرت طنش وما بكذب عليكي ايام ما بخليها بقلبي وبحكي وبرد عليهم بس اول سنة كنت متلك اسكت حسيت حالي رح موت بس هلاء تعودت وحطيت حدود بينا صح لهلاء بسمع حكي وشو ما عملت مو عاجبتن بس شو بدي ساوي هيك الدنيا وانا رح يضلو معي طول العمر لانو جوزي ما بيسكن بدون اهلو وهنن ما بخلونا نطلع والحمد لله على كل شي وانا بالغربة وبعيدة عن اهلي بس جوزي بدافع عني وما بيخلي حدا يحكي عني لانو صار يعرف غيرتهم ويعرف حركاتن بعرف عم كركر كتير بس حبيت شاركم همي لاول مرة لان فتحتولي جروحاتي هههههههههههههه |
رد: تجمع حوامل سوريا-دردشة ورود سوريا-دردشة الغاليات
مسالخير صبايا ...
شو وينكون كلكون اليوم مشغولين متلي الله يقوينا على هالحياة انا اليوم طبخت فريكة وعملت جنبا سلطة بندورة وخيار ونايا خانم صايرة عم اتعزبني وقصتا قصة بدا ياني على طول جنبا والله مالي عرفانة شو ساوي مع هالبنت بطلت جيب بنات ههههه |
رد: تجمع حوامل سوريا-دردشة ورود سوريا-دردشة الغاليات
بسبوسة عنجد الله يكون بعونك ويحمل معك شو هالحماية شي بجنن على تلفونات
اهلك بتلاحقك فوق مالك بغربة وبلد اجنبي الله يعينك عليها ..ستي احكي ساعتين مع اهلك مو ساعة هية شو يلي مدايقها الفواتير يعني ؟؟؟ روحي اشكيها ل لله الله يصطفل فيها احسن شي |
رد: تجمع حوامل سوريا-دردشة ورود سوريا-دردشة الغاليات
كيفك ام جوجو والله برافو عليكي اعرفتي بعدين دوا بيت حماكي ومنيح انو جوزك معك كمان هادا الشي بيحل
تلت رباع المشاكل |
رد: تجمع حوامل سوريا-دردشة ورود سوريا-دردشة الغاليات
باقي البنات كيفكون
ميار اكيد من طفي الكهربا ماعم نشوفك هون شام - ام ندى كيفكون نيهال كيفك طمنينا اتحسنتي |
رد: تجمع حوامل سوريا-دردشة ورود سوريا-دردشة الغاليات
زهرة اشتقنالك وينك
|
رد: تجمع حوامل سوريا-دردشة ورود سوريا-دردشة الغاليات
مسا الخير للجميييع ....
قلتلكن كان عندي موعد الأربعاء ...ورحت وقالت الدكتورة مفتوح الرحم 2سم ..والبنت راسها بالحوض ..والحمدلله ..والله مو عارفة ..خايفة يفتح أكتر من هيك ومايصير عندي طلق ..ساعتها عالصناعي وبيقولو كتير صعب |
رد: تجمع حوامل سوريا-دردشة ورود سوريا-دردشة الغاليات
hwaml42كيفكم بنوتات مين بتعرف تحول اسابيع الحمل لاشهر
انا بالاسبوع ال 15 ورايحة لل16 بئي شهر انا ؟؟؟؟؟ |
رد: تجمع حوامل سوريا-دردشة ورود سوريا-دردشة الغاليات
بنوتات منتظرة ردكنhwaml13 |
رد: تجمع حوامل سوريا-دردشة ورود سوريا-دردشة الغاليات
سلامي ياحلوين
كيفك نايوتا وكيفها الكربوجي نايا شفتي على حماتي وهاد ابسط شي مع انها ختيارة وفيها الف علة ومابتحل عني بقلها زوجي مرتي من عمر احفادك مابتخجلي تحطي راسك براسا والله عيب! وانتي نيالك خالصة من بيت حماكي هاي نعمة من الله الله يديمها عليكي ويبعد عنك الهم والنكد وعم لمح لزوجي اني مدايقة من قعدتهن عندي وهو مابعرف ازا فهمان قصدي ولا لأ بلكي بروحو لعند ابنن التاني وبرتاح اصلا طول النهار آعدي بغرفتي او بالمطبخ عم مضي يومي متل قلتو كلو نكد وملل وزوجي بصير يحاول معي مشان روح أقعد معن بالصالون وانا مرات بروح كرمالو بس بكون آعدي عنار آخ ياصبايا والله صعبي يكون الواحد آعد ببيتو وبعيد عن اهلو ومو مرتاح ادعولي الله يصرفهن عني بنالكن ثواب عملت اليوم كبة نية بلحمة وكبة ببندورة وجنبن شوربة عدس ومحمرة اكلي طيبة عملوها تضامنا معي ههههههههههههههه |
رد: تجمع حوامل سوريا-دردشة ورود سوريا-دردشة الغاليات
ام جوجو كيفك وكيفو البيبي الف مبروك عالصبي انشاءالله انا وانتي وندى الشام بنولد بنفس الفترة الله يكملها معنا ونأوم بالسلامي ويكونو البيبيات بخير قوليلي شو الفحوصات يللي عم تعمليها وكيف حملك سهل ولاصعب انا الحمدلله كتير سهل بس تعب وخمول
وعندي بكرى فحص التراساوند رباعي مشان يتاكدو من سلامة الجنين لاني هلأ بالاسبوع العشرين ادعولي يطلع جنيني سليم وطبيعي كتير هالفحص موترني وطلبو مني قبل موعد الفحص بساعة اشرب ٣٢ اونص مي يعني اربع اكواب انتو عندكن هيك فحص؟ وبالنسبة لبيت حماكي الله يكون بعونا بس انا الحمدلله بنات حمايي بعاد عني وحدي بالسعودية والتانية بتركيا بس الام مكفاي وموفاي صحيح انتي باي اسبوع؟ |
رد: تجمع حوامل سوريا-دردشة ورود سوريا-دردشة الغاليات
كيفك شذا الله يسهل ولادتك انشاالله وتأومي بالسلامي انتي وكوكي انشاالله وبالنسبي لحماتك الله يديم المحبة بس صدقيني أديش ماكانت منيحة وبتحبك بس أعدت معك وشافت ابنها كيف عم بدللك رح تبلش بالغيرة والنكد بس هلأ لانكن بعاد عن بعض مافي غيري انا لما كنت بسوريا كنت انا وحماتي متل السمنة والعسل كنت قول لحالي ياالله هاي ام مو حمايي وهي كانو بناتها وسلايفي يدايقو منها على قد ماتوصف فيني وتدللني وانا طبعا كنت عاملها لسا احسن وبعدين جيت عامريكا وكانو هنن جايين بعدي بتلات شهور وانا كنت مبسوطة كتير بجيتها وعم انطر اليوم يللي جايين فيه ولما اجو صرت دللها اكتر لانها ببيتي وشيء لايوصف من الاحترام والدلال وشوي شوي صارت تشوف جوزي كيف بحبني وبدللني وكيف عمي بدللني وجن جنونها علي صارت تغار وشو مااعمل مابقى يرضيها وصارت تتفق مع سلفتي عليي ويحاولو يزعجوني بشتا الوسائل
او يمكن تكون حماتك متل ماما الله يخليها ويحفظها لان ماما مع مرت اخي شيء لايوصف من الحنان والدلال لان امي حماتها كانت سيئة معها وماما تقول بس صار عندي كنة رح كون امها مو حماتها وفعلا هيك ماما بس نصيحة مني لاتطلبي من زوجك يجيبها خليها بعيدي عنك اريحلك وبتم المحبي بيناتكن وهالنصيحة عن تجربي |
رد: تجمع حوامل سوريا-دردشة ورود سوريا-دردشة الغاليات
صباح الخير صباايا ** كيفكن ... انا رح حاول ضل معكن كل النهار بالاوقات اللي فيها كهربا ... شو اخباركن بسبوسة الحمد لله ع سلامتك يا حلوة ... شكلك نسيتيني hwaml15 شو اخبارك انتي والبوبوhwaml13 نااايوتا : كيفك شو اخبارك اكيد اكيد شتئتيلي انتي وكنتي ههههه انا شتئتلك اكتررر يلااااااااااا وينكن هههه |
رد: تجمع حوامل سوريا-دردشة ورود سوريا-دردشة الغاليات
راااااجعة انقطعت الكهربا بعد ع ال 1 برجع
باااااااااااي |
رد: تجمع حوامل سوريا-دردشة ورود سوريا-دردشة الغاليات
اناااااااااااااااااااااااااااااااااااااااااااا هووووووووووووووون وينكن
|
رد: تجمع حوامل سوريا-دردشة ورود سوريا-دردشة الغاليات
اهلاااااا وسهلا كيفك ميار وكيفو الزغنوت الزغير
|
رد: تجمع حوامل سوريا-دردشة ورود سوريا-دردشة الغاليات
بنات ليش التطنيش بليز ردو قلبي الصغير لا يحتمل |
رد: تجمع حوامل سوريا-دردشة ورود سوريا-دردشة الغاليات
hwaml8 ناااايووووتاااا انا منيحة ومشتائتلك كتير هنودة بخير بيبوسك انتي ونايا hwaml03 والله اعد جنبي بهالكرسي عم يتفرج ع التليفزيون وابو مهند عند اهلو ... انتي شو اخبارك وكيف الحمل معاكي نشالله مو تعبانة سيريا : حبيتبي اهلا وسهلا فيكي ... بس انا والله ما بعرف احسب الاسابيع لاشهر وماعم نطنش الله يسامحك hwaml12 شو اخبارك شو طابخين اليوم انا عملت جاج وبطاطا وجزر مسلوقين وجنبهن رز |
رد: تجمع حوامل سوريا-دردشة ورود سوريا-دردشة الغاليات
سيريا اكتبي طلبك بموضوع جديد وان شالله البنات بيفيدوكي
هون القسم للدردشة عرفينا عن حالك وابقي نورينا بوجودك معنا هون |
| الساعة الآن 06:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .