|
رد: حبيباتى سيدات ليبيا تفضلو لأعرف ما حالكم
السلام عليكم
اليوم زوجي فاطر مع اصحابة واتفقوا كل واحد يجيب حاجة بس وحسب العدد 6 وانا بنفطر في حوش بوي وبعد الفطور بنمشوا لخوالي وبنباتووووووو عندهم درت خبيزة بالتن والجبنة يلي نزلت طريقتها بدل المفروم ودرت طاجبن برغر مع سويسرول حلو |
رد: حبيباتى سيدات ليبيا تفضلو لأعرف ما حالكم
كمممممممممممملت تصدقوا !!!!!
وحلفت ماني زايده عالي قلت عليه درت السلايط وسلفرتهم بالنايلون والقلعاوي والدلاع والفاكهه وعالثلاجه علي طووول وماصارش طبعا من الطلوع انا ماخاطريش ودرت الرشده وكل شيها جاهز درت حشوه البوريك وكيف بنطلعه من الفريز لانه لازم يطلع قبلها ب5دقايق لكن رديته لان الضئ هرب ويبي كوشه ان شاء الله بناخد بعد مجيبتي كوشة غاز دورين وجهزت سفره الحلو للقهوه ومسحت الرخامات عالخفيف مافيهم شئ وطلعت توه توضيت وبنقرا قران لقبل المغرب |
رد: حبيباتى سيدات ليبيا تفضلو لأعرف ما حالكم
سوسو بنجاوبك قبل
سلفتي مواليد 79عمرها 35تقريبا هي وسلفي بيناتهم شهور هي اكبر منه ب4شهور وهو بدايه 80 ربي يوفقهم بالعكس سوسو انا نحترمها هلبه وبدايه زواجي نمشيلها ونشد فيها اتجيني بس مجرد شديت عليها حاجات في دوتها خلاااااص خليت علاقتي رسميه انودها وانحبها لكن من بعيد وننشد ديما عليها ونحسب فيها وصغارها في كل شئ بالرغم اني مانلقاش في رد بس انا من الاول نبي انودهم مش اردولي وكان تتذكري في وحمي كيف ماطيبتليش الا وجبه وانا 3شهور ربي يهون عليها ويحفظها ويسر امرها |
رد: حبيباتى سيدات ليبيا تفضلو لأعرف ما حالكم
السلام عليكم. مافيش ولا وحده. مشيت مع 6لحوش بوي قطرنا وبسرعة رفعنا خوي لحوالي قعدنا شوي واطلعنا للمحلات جنبهم
|
رد: حبيباتى سيدات ليبيا تفضلو لأعرف ما حالكم
ربي يعطيك صحيح تك جيجي
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاتـــــــــــــــــــــــــه
مرحبتين بالغوالي مين موجـــــــــــــــــــــــــود ؟؟؟؟ |
رد: حبيباتى سيدات ليبيا تفضلو لأعرف ما حالكم
جــــــــــــــــــــــــــي جي
عشت معاك اللحظة وأكثر حاجة وضحتلي مدى الربـــــــــــــــــــكة حكاية تفتحي الثلاجة وتبدي تحكي في راسك ::: شن نبي؟؟؟؟ ربي يعاونك ويرزقك أجر افطار الصائمــــــــــــــــــــــــــــين سوســـــــــــــــــــــــــــــــو مبارك عليكم البنوتة ...قداش عندها سلفتك قبل ؟؟؟ وقريبتكم ولا برانية ؟؟؟ تحقيق خخخخخخخخخخخ جنودة ربي يعاون شن مقررة بديري حلويات العيد أني الحق تيسرت الأمور ومشيت خديت تشكيلة حلويات من هذاك المعمل اللي قتلكم عليه في النجيلة ،،، الحق حاجاته قنينة ومعقولة رتبت منه صفيرة تهبل فيها خمسة أنواع وسلفرتها وحطيتها في الفريز نلقاها واتية باش نرفعها لحوش شيابين أول يوم وأمي خديتلها زي اللي خديته بالظبــــــــــــــــط وحطيتهولها في حفاظات وعيد مبارك أوشي صحتين على قلبك كولي ياحنة وربي يعطيك القادرة علي ردااااااااااااااااانه واغتنام العشر يتأتى حتى بالذكر والاستغفار والدعاء علما أن هناك فتوى للشيخ الألباني بجواز قراءة القرآن للحائض والنفساء ~~~ وأنا واخدة بيها الحق ~~~ وقوليلي كيف لسان العصفور ومكسرات ومش عارفة شني ؟؟ أني نعرف لسان العصفور في الشوربة بـــــــــــــــــــــس ؟؟؟ أم فروسي شكرا على الاهتمام وذكر الوصفات وفكرتيني في """سولان "" زعما نعطيهولها ؟؟؟ كتبتهولها الدكتورة من مدة وقاعد عندي ,,, نعطيها منه هكي من غير معاينة ؟؟؟ وشكرا على نجمة البحر يا نجمة بريطانيا بحالهااااااااااااااااااااااا شموسة مختفية وأم معاذ ،،، أحرف منها وأمولة الله يحفظك ويعينك ويباركلك في حملك نين تشوفي عيلك وتنسي كلللللللللللللللللللل معاناتك والعاقبة لجميع الراغباااااااااااااااااااااات |
رد: حبيباتى سيدات ليبيا تفضلو لأعرف ما حالكم
الســؤال : فــي بلادنــا زكــاة الفطــر تُدفــع مــالاً بحجــة أن المساكيــن لا يريــدون حبوبــاً وغيرهــا ، فمــاذا نفعــل ؟ الجــواب : ليــس الأمــر للمساكيــن ، هــذه عبــادة ، تُنفــذ كمــا جــاءت عــن الرســول صلــى الله عليــه وسلــم ، والــذي لا يريــد الطعــام هــذا ليــس بمحتــاج ، أعطــه للمحتــاج الــذي يريــد الطعــام . العلامــة صالــح بــن فــوزان الفــوزان حفظــه الله . ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~ [ قال الشيخ محمد بن صالح العثيمين رحمه الله : " لا نؤيِّد المظاهَرات، ولا الاعتصامات، أو ما أشبه، لا نؤيِّدها -إطلاقًا-، ويمكن الإصلاح بدونها؛ لكن: لا بُد أن هناك أصابع خفيَّة داخليَّة، أو خارجيَّة تُحاوِل بثَّ مثل هذه الأمور ". |
رد: حبيباتى سيدات ليبيا تفضلو لأعرف ما حالكم
1، ان العيلة تلتم مع بعضهم على شمعة ولا فنار ولا بيلة بدل ماتكون متفرقة كل واحد في دار
2، معرفة نعم الله علينا وقيمتها والمحافظة مستقبلا عليها 3، الشعور باحساس الناس قديما ولا الفقراء منهم 4،استغلال الوقت في ذكر الله والتأمل في ملكوته وعبادته لسكون اﻷجواء 5 تصبب العرق وتخلص الجسم من السموم 6، حنية العيلة على بعض والهدرزة والسؤال على اﻷحوال ومرات حل المشاكل 7/ سرعة انجاز الأعمال خوفا من هروب الضي 8/ الإلتجاء لكتاب الله والتلاوة 9/ الاقتراب أكثر من الساعة ووضع العينين عليها إما ترقبا للانقطاع أو رجاء في العودة 10/ الشعور بنعمة البصر ، والاحساس بمصاب الأعمى 11 الصغار معاش يتحركوا من بحداك 12 / الاقتصاد في استعمال الماء وبالتالي تتحقق تربية النفس 13 المحافظة على الشحن 14/ شعور بالسعادة يومي ودوري حينما تعود الحياة لأسلاك الكهربااااااااااااااااااء 15 الاتصال بالهاتف للسؤال عندكم ضي ؟؟وفيها صلة للارحام من فوائــــــــــــــــــــــــــــــــــــــــــــد هروب الضــــــــــــــــــــــــــــــــــــــــــي !!!! |
رد: حبيباتى سيدات ليبيا تفضلو لأعرف ما حالكم
هل الصلاة بدون جوارب غير جائزة، وهل ستر القدمين واجبة في الصلاة، أو لا؟
المشروع سترهما بالجوربين، أو بإرخاء الثياب إذا أرخت الثياب حصل المقصود ولو ما كان هناك جوربان؛ لأنه جاء في الحديث رواه أبو داوود عن أم سلمة أنها سُئلت -رضي الله عنها-: (أتصلي المرأة في ردع وخمار بغير إزار؟ فقالت: إذا كان الدرع ساتراً يغطي ظهور قدميها)، والجمهور على أن القدمين عورة، وأن الواجب عليها سترهما في الصلاة، فينبغي للمؤمنة ستر القدمين بالجورب، أو بإرخاء الثياب. جزاكم الله خيراً للشيخ عبد العزيز بن باز رحمه الله |
| الساعة الآن 01:09 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .