|
رد: تجمع حــوامل التوائم
السلام عليكم
كيفكم حبايبي وايش اخباركم؟؟ كوثريه الف مبرووك وربي يطمن قلبك على بناتك ويخليهم لك يارب وباقي البنات عسى ربي يتمم علينا حملنا على خير يارب |
رد: تجمع حــوامل التوائم
ميمي الاموره الله يقومك بالسلامه ان شاء الله طمنينا عليك يالغلا
اختي نوره حابه اسألك انتي ليش بالاسبوع ال 21 انتي متى اخر دوره لك بالضبط؟؟ لأني انا آخر دوره لي كانت 9-2-1431 والحين بالاسبوع 19 انا ومعي نارا وحزن بيننا ايام فقط.... وشكرا" |
رد: تجمع حــوامل التوائم
شلونكم كروشات...
أنا هالويك إند تعبت وايد لأني جلست شوي أنظف في البيت وأغسل في الثياب وأكوي وهم ما كملت حبيبتي أم فاطمة.. انتبهت أن محد رد عليكي.. شوفي أبرد عليكي أنتي وحزن الزمان لأن ثنتينكم تقريباً نفس الوضع المستشفى إذا كتبوا لك بندول.. اخذي حبتين باليوم بس وحاولي ما تكثري إلا إذا حرارتك مرتفعة المضاد إذا تقدري تستغني عنه هو وحبوب الزكام أحسن ويفضل انك ما تاخذيه وعليكي بالآتي: كثري السوائل قد ما تقدري فيتامين سي ممتاز.. ويفضل تشربي كثير عصير برتقال وتاكلي برتقال لأن فائدته بالأكل أفضل من العصير وعندك عصير الليمون بالعسل (بدل السكر) واشربي بابونج محلى بالعسل وخلي أكلك بشكل عام يكون كله دافي وسوائل وهذي شوربة يوم مرضت ظليت ويمين أشرب فيها كل ما جعت او حسيت أني أقدر آكل.. والحمد لله صحتني تسلقي الدجاج مع بصل مقطع أرباع (حطي بصلتين) والبصل الأحمر أفضل وأضيفي له شوي كركم وفلفل أسود وملح وخليه يسلق زين.. وبعدين بلحي الدجاج أو قطعيه وخليه مع الشوربة وأخذي شوي شعيرية اللي نسميه (بلاليط) وشوحيه بدون دهن في مقلاه وأضيفيه للشوربة.. ولما يلين .. عليج بالعافية وبالهناء والشفاء ماء سلق الدجاج والبصل مفيد جداً وقاتل للبكتيريا والفيروسات ودافي على المعدة وفي ناس يضيفوا للخليط بيضة مخفوقة ويصبوه فوق الشوربة.. بس أنا ما أحط الشوربة كذا تكفيني وأكثر فيها البصل وكل ما صار البصل لين صارت ألذ كنت أشرب فيها ليل نهار وأضيف لها ليمون شوي قبل لا أشربها وعليكي كمان بالفكس وقت النوم حطي على صدرك وظهرك ورقبتك وتدفي زين.. حتى لو حسيتي بالحر ما عليه حاولي تتدفين وتبعدين عن هواء المكيف ولا تنسي الماء انتي راح تداومي بالحمام مكرمة من كثر السوائل بس صدقيني كلها يومين وراح يخف عليكي كثير وتصيري من أفضل ما يكون أنا كتبولي مضاد قبل شهرين مع بندول عشان كنت مزكومة وبلاعيمي شوي محرحشة وناوية تلتهب بس ما اخذت المضاد واستمريت على هالبرنامج يومين وأنا مثل الحصان :) ------- حبيت أقول للي خايفين مثلي.. يطمنون نفسهم ويفكروا أن الله ميزنا عن الناس وعطانا توأم والله سبحانه وتعالى ما يعطي العبد شي إلا عارف أنه يستحقه وقادر عليه واحنا الحمد لله الله عطانا توأم لأن ربي يعلم أن احنا قادرين على تحمل هالمشاق كلها وحتى لو مرينا بظروف صعبة احنا قدها ونقدر نتجاوزها صلوا على خير الأنام وآله وراح تشوفون كيف الدنيا تصير حلوة وسهلة بمجرد ما تفكروا بإيجابية وتخلوا إيمانكم بالله قوي الله ما يضيع أحد ونعم بالله وربي يحفظكم كلكم ويتمم حملكم ويرزقكم الخير كله وتفرحون بشوفة النونوات --------- عن المشتروات أنا خايفة أشتري أكثر من اللازم.. فلست من كثر ما أمشي بالسوق وكل شي أشوفه أشتريه! ما أعرف أي كثر احتاج ثياب.. بيجامات تقريباً مخلصة (أوفرولات) بس شكثر احتاج ملابس طلعة؟ لحد ألحين أخذت 3 بدلات طلعة باقي لي أشتري أكثر وأشتري أحذية وأبي جواريب طويلة وأبي غطاء راس >>> أخذت قفازات وجواريب قصيرة باقي أغطية راس وملابس داخلية هم بعد احتاج مع كلوتات عشان الفساتين اللي ما معها كلوت يغطي الحفاظ سرير وغيره للحين ما اشتريت كمان يبي لي مفارش وقماطات ولفات كل ما احسب أحس باقي وايد أغراض لازم اشتريها مادري كيف بخلص! وأنا من امشي شوي اتعب |
رد: تجمع حــوامل التوائم
السلام عليكم
اتمني تتقبلوني كاخت جديدة لكم هذا اول حمل لي يارب لك الحمد بعد انتظار الحمد لله سويت اشعه وبين جنينين لكن واحد متاخر عن الثاني باسبوع يعني واحد بالاسبوع 7 والثاني بالاسبوع 6 وحجمة اصغر من الثاني ولكن يارب لك الحمد كلهم فيهم نبض مين صار لها مثل حالتي جنين اصغر من الثاني وبعدين كبر مع الثاني طمنوني الله يطمن قلبكم انا باسوي اشعه قريب بس حبيت استفيد منكم والله يثبت حملكم يارب ويتمم لكم على خير يارب ولي |
رد: تجمع حــوامل التوائم
اقتباس:
توكلي على الله بس والله يتمملك على خير |
رد: تجمع حــوامل التوائم
صباح الخير
|
رد: تجمع حــوامل التوائم
بناات اسمحولي انا مريضة هليومين كثير ... بلاعيمي وصوتي راااايح وماعندي خدامة وحالتي حاله ...
|
رد: تجمع حــوامل التوائم
السلام عليكم
صباح الخير حبايبي انا الحين رجعت من عند الدكتوره وطمنتني ع النونات والحمدلله كل شئ طبيعي وللأسف مابين معها الجنس الموهم هي خوفتني من حاجه قالتلي انه المشيمه وحده فوق والثانيه مرره نازله فيه وحده حصلها نفس الكلام واللى لا ؟؟؟؟؟ طمنوني الله يخليكم وربي مررره خايفه وقلقانه |
رد: تجمع حــوامل التوائم
نارا صباح الخير حبيبتي انتبهي على نفسك ريحي حالك الزم ماعليك صحتك واللي ببطنك
خووخه حياك الله بيننا وانا شاء الله تستفيدي معانا وبالنسبه لسؤالك اتمنى الأخوات يفيدونك حزن سلامتك الف سلامة ماتشوفين شر والله يعينك حبيبتي |
رد: تجمع حــوامل التوائم
اقتباس:
|
| الساعة الآن 01:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .