|
رد: دردشة بنات العراق, دردشة حوامل العراق , تجمع بنات العراق
|
رد: دردشة بنات العراق, دردشة حوامل العراق , تجمع بنات العراق
السلام عليكم
شلووونكم حبيباتي بالبدايه شكرااا لكل اللي سأل عليه واعذروني لعدم التواصل بس مريت بفتره صعبه من الحمل طبعا مبروك للي جابوو والحند لله على سلامتهم ومبرووك للي صااروو حواامل ويااارب رقيه اولهم. واخر اخباري..... قبل 3 اياام. ولدت والحمد لله اجاني ولد( الكرا ر) طبعا ولدت عمليه لان مي الراس قل والدكتوره كالت لازم تلحكين مو زين ع الطفل ومااحجيلكم الخوف والوجع اللي مريت. بي. ولحد هسه لالم بس الحمد لله فرحتي بالنونو . مهونه. عليه يااارب يفرح الكل سلامي للكل |
رد: دردشة بنات العراق, دردشة حوامل العراق , تجمع بنات العراق
سمر حبيبتييييييي
الف الف مبرووووووووووووووووك وربي يتربى بعزكم ويجعله من ابناء السلامه حبيبتي صرتي ام كرار المهم سلامتكم حتى لو عمليه والله فرحتلك كتيير وكان بالي عندك |
رد: دردشة بنات العراق, دردشة حوامل العراق , تجمع بنات العراق
اقتباس:
|
رد: دردشة بنات العراق, دردشة حوامل العراق , تجمع بنات العراق
اقتباس:
وان شاء الله يتربى بعزكم ودلالكم اختج ام مريم تحياتي |
رد: دردشة بنات العراق, دردشة حوامل العراق , تجمع بنات العراق
سمر الف الحمد لله ع سلامتج وميخالف عملية اهم تمامة الخلقة وتكومين بسلامة
قرة عينج بكرار ويتربى بعزكم ام مريم اهلا وسهلا بيج نورتي التجمع احنة خواتج وصديقاتج اعرفج بنفسي اني سرى مواليد 89 خريجة بكالوريوس علوم كيمياء مزوجة صار سنة ونص وحامل بشهر 8 لان اول طفل هذا الثاني الاول مات بطني هلو توتة شلون صرتي ننوشة شلونها شنو رح اتسميها وصوفي شلونة رجعتي لو بعدج بيت اهلج |
رد: دردشة بنات العراق, دردشة حوامل العراق , تجمع بنات العراق
حبيبتي سرى تكومين بالسلامة يارب ويتمملج حملج على خير وان شاء الله تضمينة لحضنج وتشبعين من ريحتة
يمة اتخبل ريحة النونو الجديد احب الطفل اول مايجي نعومي اتشرفت بمعرفتج حبي |
رد: دردشة بنات العراق, دردشة حوامل العراق , تجمع بنات العراق
هلوًو سرى حبيبتي الحمد لله ماشي الحال بس قبل شوي
دخلت الحمام انخرعت بالمسح في نقطه دم والله يبست ومافيه دم بجسمي من الخوف الله يستر وبكره جمعه يارب سلامات لان راح موت خوف انا عند اهلي لان كل يوم شي جديد الحمد لله يارب بس يجي الطفل بالسلامه يارب لسه ما اختاريت اله اسم خلي لوقتها اختارلها اهلا ام مريم منوًًًًره الله يرزقك بلي تتمني |
رد: دردشة بنات العراق, دردشة حوامل العراق , تجمع بنات العراق
حبيبتي شمعة امل نوركم السابق
ان شاء الله مافي شي يخوف اذا كنتي بشهرك الاخير فتكون هذه علامة ويكولون الدم علامة الولد اما اذا كنتي بعدك ماوصلتي شهرك فلازمي الفراش على بين ماتراجعي الدكتورة حتى اتطمنك وماطول دم احمر فلا تخافين الي يخوف اذا صار على لون بني وان شاء الله ماكو شي الله يتمملك حملك بالخير وتكومين بالسلامة يعمري اما بالنسبة الي جنيني نازل ومااكعد راحة اني هسا بالخامس اخر دورة الي كانت 14 بشهر 12 واول بارحة شلت الكاربت والزوالي وغسلت البيت بحيث على اخر شي كمت ازحف وحتى الزحف كوة اني اقل وكفة زري يفلت والم مو طبيعي اسم الله عليكم ومتت خوف على جنيني بس الف الحمد لله والشكر مرت سلامات راسا نمت على ضهري وخليت مخدة جوة حوضي مو كلش عالية ورجليا علكتها عالتخم ورا نص ساعة شفت فرق والحمدلله والله اليستر تحياتي |
رد: دردشة بنات العراق, دردشة حوامل العراق , تجمع بنات العراق
مشكوره ام مريم مقصرتي حبيبتي انا ب7 لله الحمد
لكن منشوله ما بعرف اذا كان سبب لاني نظفت انفي بقوه وبمجرد دحلت بعده الحمام مسحت لاكيت دم نقطه اعتقد من الضغط هسه نايمه ورافعه رجلي وربي يستر ويتمم علي الباقي بالسلامه وع الجميع انتبهي لحالك ودائما ولو س باليوم ارفعي رجلك والله يحفظ جنينك وتكومي انت وهو بالف سلامه حبيبتي اشكرك عع دعواتك الطيبه والك الافضل يارب |
| الساعة الآن 05:21 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .