منتديات حوامل النسائية - تجمع الحوامل اللاتي سيلدن بشهر ربيع الاول 1432 ‏

تنويه:
راح تستغربون عدم وجود اشياء كثيره
تعودنا عليها كعادات متوارثه من الجدات والمهات..
لالهوم ولابخور ولاغيره..
هذا جدولي الخاص اللي استخدمه ولولا اني اطمع بدعواتكم
الطيبه ..واطمع اني اكون قدمت فائده وتيسير لأخواتي المسلمات
كان والله ماطلع من خزانة اسراري لأي مخلوق..
والله ولي التوفيق والله وحده اسأل ان يجعله في موازين اعمالي الصالحه
يوم ****فع مال ولابنون..
***
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور
***
بعض التفاصيل المهمه للإعداد:

1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.

***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
لمزيد من التفاصيل اظغطي هنا
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

مهم

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..
النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
هذا ماعندي باختصار وبدون تعقيد وعند الالتزام به سترون فائده عظيمه
بإذن الله تعالى..
الله ينفعني واياكم بما علمنا..
ويسهل علينا ويسخر لنا ازواجنا
ويهدينا ويثبتنا على الحق الى يوم نلقاه
انه ولي ذلك والقادر عليه..

....

الوقايه والتحذيرات:

هذي الخطوات لأخذ الحيطه والحذر من دخول الهواء لجسمك أو رحمك وبالتالي خراب المناطق الخاصه:
كلمة ممنووووووووع لكل من:

الجوع
الأكلات اللزجه(باميا.بطيخ.ملوخيه.شمام. بصل أخضر.عنب.رمان.مانجو)
الأكلات الحامضه(برتقال.ليمون.لبن.زبادي .جريب فروت.كيوي.أناناس)
البارد(الآيس كريم.الثلج.الموية والعصير الباارد)
المشي على البلاط حافيه
كثرة الاستحمام(أقصد تغطيس الجسم في البانيو أما الدش عاااااادي النظافه صحه)
شرب الغازيات
الأكثار من أكل العلك واللبان.
حمل الثقيل وسحب الأشياء

*مع الأعتناء بلبس البنطلون والشراب طول العشرين الأولى

منقول للافاده

منو جربت هالاشياء و تحس انها مفيده...شو الاكل الي تنصحون فيه وقت النفاس و الي تمتنع عنه وقت النفاس...

انا في ولادتي الاوليه كانت عند الوالده خدامه اندونوسيه..هي كانت تسوي لي الاكل...و منعتني عن الموز و ملوخيه و باميا و اشياء ما اتذكره بس كانت تقول مب زين للحامل انها تسبب امساك..