|
رد: ديوانية البحرين - دردشة حوامل البحرين - البحرينيات
الحمد لله اني لين اتنسى احب الفواكه والخضروات وهالمرة بعد الجبن كاني فار امشي واكل جبن هدا الي يخلي دمي زين لانه اني كله ناقص لانه حامل سكلر
روزة يبي ليي اجي اقعد وياش جم يوم ازيد دمش وامشي خخخخخخخخخخخخخ او تدرين انتين تعالي ويه طفطف اضبط اكلكم لازم اكل سلطة كل يوم لا ما يوقف راسي من الدوران |
رد: ديوانية البحرين - دردشة حوامل البحرين - البحرينيات
اني تاركه الحبوب كنت ومريحه عمري من عوار الراس قام ريلي فضحني قدام الدكتوره البارحه وقالها ادويتها ميمعه ماتشرب شي وتستلمني الدكتوره وتزيد الجيله وتخليها حبتين حديد في اليوم ههههههه جنيت علا عمري
|
رد: ديوانية البحرين - دردشة حوامل البحرين - البحرينيات
اني احب الفواكه والخضره ماعندي مشكله
بس اكلي مو لهناك يعني علا الغدا انقد واقوم مو اكل مال حامل والعشا سندويجات هرار |
رد: ديوانية البحرين - دردشة حوامل البحرين - البحرينيات
روز
شكله ولد إختش نفس إللي عندي هذه غير أخوته لين يبى شي تسوينه تسوينه أمس رجعتنه من الدراز حضرته يبى يبيت في بيت أبويي لأنه شاف إختي يايه ويأولادها وزنط أبوه وهو يسوق باقي شوي ويكسر جامات السيارة ويرد يرجع يسخب أبوه من رقبته وتالي أبوه يقول أخر مره تتلاقون إنتين وإختش ويشوف أولادها وتالي ماسكت إلا في دكان شفيق (قمر بني هاشم ) راح ماخله حلاوة ماإشتراها وطفيت ناره طفطف شفت في دكان شفيق يبيعون نقل مكسر الكيس بدينار إنتين مرة سألتين عن النقل |
رد: ديوانية البحرين - دردشة حوامل البحرين - البحرينيات
لا لازم تنتبهين الى اكلش علشان الجاهل يطلع قوي وبصحه اوويش حلاوته وردي مدخدخ ههههههههههه
|
رد: ديوانية البحرين - دردشة حوامل البحرين - البحرينيات
احلام ام هدا ود اختي مافي الا هو حفيد في البيت ويا بت اخوي وهديك مانشوفها
بس هالمبدل الشر متعلق في ابووي ازيد من ابوه يدلدل في ثيابه ابي انام وياك وكل ليله يبيت ولايروح الروضه |
رد: ديوانية البحرين - دردشة حوامل البحرين - البحرينيات
روز ان شاء الله مافي الا الخير بحق محمد وآل محمد
احلام ام خوش خبر عن النقل اسكتي شفت لقطه مادري وين شي في صحن كانه نقل مقشر وشفيت عليه مره ثانيه لازم اشتري منه مادري عاد حلو لو مر عجيب لنقل على حياة المرحومه امي بالهبل ناكل لين نعيز وكله حلو مادري من وين تييبه رحمش الله يالغاليه يماييي طالعو هالمر خلطت الامور بس يلا ما بمسح شي عشان تترحمون ليها:) |
رد: ديوانية البحرين - دردشة حوامل البحرين - البحرينيات
مشكورين حبيباتي..انتو عيونكم الحلوة..وعن الشبه
بشورري .. صايرة مكس.. وسوري رحت..وتوني ارد..خبركم صرت ماما ههه قصة ولادتي:- الله يسلمكم..قبل بولادتي كنت احس بألآم .. حتى كنت اقول لكم عنها..بس اللي محيرني ان ما نزل مني شي.. وكنت اقول لزوجي الآلام زايدة..عاد الا يقول .. تبيني اساعدج في الولادة ههه قلت له لا مشكور ماقصرت..كفاية الألم اللي احس في يقول لي انتي سمعي كلامي..بعد عدة محاولات رضيت بالأمر خخخ عاد بعد السيكو سيكو.. زادت الآلام..بس مو أثناء السيكو سيكو.. ويوم ثاني تاريخ 20-2 الآلام تروح وترجع..وعلى فترات..بس كنت اتحمل الألم..اقول له قوم نتمشى حاوالين البيوت ونشتري من البرادة مرة وحدة..طلعنا..وانا كلش..امش واوقف من الألم بس مشيت تقريبا ساعة الا ربع وفي هاليوم رقد معاي بس ما سوينا شي خخخ..الموووهم..وتاريخ 21-2 حزة اذان الصبح قعدت فزيت ألم فضيع..قلت بصلي من الألم ماقدرت..قعدت افتر في البيت..ماعرف شاسوي..وحضرات بيتنا وريلي راقدين وانا ماعرف شاسوي..بس ادش الحمام واطلع..وافتر وهذي سالفتي..ولا نزل علي شي.. وارد انسدح على السرير يمكن يخف .. لااا ولا يخف.. تميت على هالحالة لي ساعة 8 الصبح وبعدين رحت غرفة امي .. واشوة كانت قاعدة..اقول لها ألم عدل..قامت سوت لي حليب مع زعفران .. شربته مني وفرغته الصوب الثاني خخخ وقرت علي سورة ياسين..وهفت في صدري.. وشربت ماي زم زم مقري عليه.. الا تقول لي لازم تروحين المستشفى..وانا رافضة الفكرة تماما..اقول لها شلون اروح..وانا ما نزل علي ولا شي تقول اذا زاد عليج اكثر..ما بتعرفيت تتحركين..بتمين مقعدة في مكانج..انا خفت اهني.. قالت لي قولي لريلج..خله يودينا..بعدين لبست دفتي..وانا اون من الألم.. وامي ختمت القرآن في السيارة ههههه عاد وصلنا مستشفى جد حفص..دشيت انا وامي وريلي راح يبركن السيارة..الا يقولون حالة ولادة؟؟ اتقول لهم امي اي..عاد سييييييدة خذو الفايل وجيكو وزني..وجيكو تحت يقولون لي انتي الحين متوسعة 2 سانتي..قالو فصخي ثيابج وعطيهم ريلج..حتى ريلي انصدم يوم دشوني فقيت عيوني..ودخلوني غرف الولادة..ودموعي اربع اربع..اقول بييه شبسون فيني وانسدحت على السرير..وانا اتألم والألم يزيد ..والفترات بينهم تقل..بعدها بربع ساعة..زاد اربع..اقول لهم ابي شي يخفف..تعبت..قالو الحين بنعطيج ابرة..وعطوني وتخدرت جني سكرانة..تغفة عيني واقعد..قالو لي اكا توسعتي 8..رفعو ريولي.. دفعي..اقول لهم ماقدر وانا متخدرة..الله لا يراويكم شكلي.. يقولون دفعي بسرعة اكا نجوف الراس..وادفع..واحس مافيني قوة..لأن الطلق كان ايني كله في بطني..بس ببركات مولد النبي ..صج تألمت بس لما طلعت بنتي ماحسيت فيها..ماعرفت انها طلعت .. يوم شفت ان مافيني دبة..اقول وين راحت..ويابوها..يقولون بنية جوفي هههه..راوني بتاعتها..بس ماعطوني اياها..وقعدو يخيطوني..في البداية ما حسيت فيه..بس بعدين ..حزيت بنغزة الابرة تعور شوي..بس الحمدلله تساهيل من رب العالمين..عاد ريلي رجع امي البيت وانا كنت في المستشفى .. لأن قالو له بتأخر بس ماتأخرت.. ومن يوم وصل قالو له اكا مرتك توها والد.. وكان الساعة 1 الظهر وشي.. وراوه بشورة اول ما طلعت وقالو له..صورها قبل لا انسبحها هه وبس..انا اهني لحين ماكنت مستوعبة الوضع..بعدين يابو بنتي وحطوها يمي ع السرير..وبستها بعد جبدي..واطالعها.. حسيت بأنجذاب لها بعد جبدي..وبعدها نادو سي السيد.. يشوفنا..وفي هاللحظات كان في يده الكاميرا ويصورنا ..وما كان مصدق ان صار ابو..مستانس..وفيه الدمعة.. وتوتة توتة خلصة الحتوته.. عقبال الحمل ان شاء الله..يجوفون ضناهم بصحة وعافية..وما نسيتكم..في كل طلقة اذكركم..واذكر كلامكم..اللي فيها وسواس واللي على وشك الولادة..واللي كانت تحاتي ..كلكم كلكم ذكرتكم..ان الله يسهل عليكم |
رد: ديوانية البحرين - دردشة حوامل البحرين - البحرينيات
الحين ناويه اغير وضعي ويا الاكل هههههه
يالله يبنات بقوم عنكم جت حزة النوم تصبحون علا خير |
رد: ديوانية البحرين - دردشة حوامل البحرين - البحرينيات
الله يرحمها ويرحم جميع المؤمنين والمؤمنات
|
| الساعة الآن 06:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .