|
رد: تجمع حوامل ليبيا
تمورة كيف تقضي في يومك في ماليزيا بروحك اعطينا شويه تفاصيل تتطلعي بروحك للقضية والا كيف
انا جربت المانيا فترة صغيرة 7شهور بس لكن فيسع ماتعودت وحبيت المكان اندير بنتي في كروستها ونطلع بروحي نتمشى عالنهر ونقضي للكوجينه ولما يروح الغالي كان اماخر خلاص نريحوا لان محلاتهم تسكر السبعه ونص كلها وكان هدا نستناه نطلعوا مع بعض احلى ايام حياتي مافيش ارتباطات اجتماعيه ويلي تعرفت معاهم نتلاقى معاهم في البارك خسارة شويه المده تمنيتها اكتر وتوا شاده راجلي نبوا نمشوا 10 ايام محساساته بالدنب قتله الناس كلها سافرت في الازمة لتونس ومصر وتركيا وانا قعدت في الرعايش لاضي لا ميه وصوت القصف مرعب والنو والنفسيه حاله حاشاكم وعلى فكرة احلى شي فيها بعد الطبيعه والمباني الاثريه هو ملابس الاطفال والالعاب خيال محلاهم امالا الماعين وااااااااااااو حاجه تانيه تصدقوا في طناجر يوصل حقهم ل500يورو وعندهم اسماء معينه للماركات للسكاكين والملاعق الله سامحوني خجيت راحتي وطولت بس فعلا حبيتها |
رد: تجمع حوامل ليبيا
ام وســـــــــونة سألتك وماجاوبتيش شكلني بنزعل منك وبنزيد عقوبتك في عرس ميمونة وبنكلفك بالتزغريد بالاضافة للتصفيق المتواصل شن رايك؟؟ ولو مارديتيش توا احتمال نرميك مع قروب العزايز بتع غناوي "البوطويل" هههههههه عرفتيه وشوفي جوك بعدين
|
رد: تجمع حوامل ليبيا
يااااااااارب ياعيون ربي يسمع منك
وخياتي ادعولي اني توا طلعنا مروحيين يارب تبتلي اللي في رحمي واودعتهم امانة عندك ياااااااارب |
رد: تجمع حوامل ليبيا
اسأل الله العظيم رب العرش العظيم ان يبثلك حملك ويفرحك بيه
|
رد: تجمع حوامل ليبيا
توصلي بالسلامه قولي دعاء الخروج
بسم الله توكلت على الله لاحول ولا قوة الا بالله اللهم اني اعود بك ان اضل او اضل او ان اجهل او يجهل علي او ان اظلم او اظلم او ان ازل او ازل الكلمة التانيه بالضمه على الحرف الاول واستودعي الله نفسك وجنينك ومن معك فانه لا تضيع ودائعه |
رد: تجمع حوامل ليبيا
صحيتي وخيتي عيون
تمورة سامحيني ماشفتاش الرد بالنسبة للابر اعطاني جونال f كورس من تلاتة ايباري مع بعض قريب اربعة ايام بعدين بدي ينقصلي للابرة وحدة ومعاها سيتروتيد هادي يبرة باش البويضات ماينزلوش بروحهم واخر يوم اعطاني ابرة التفجير ومن اول يوم في الايباري اعطاني اكياس اسبيجيك مع المية هذا هوا |
رد: تجمع حوامل ليبيا
صحيتي وخيتي ربي يخليك
|
رد: تجمع حوامل ليبيا
تمورة وينك؟
|
رد: تجمع حوامل ليبيا
عيــــــون تعرفي انا ليا 10 شهور تقريبا في ماليزيا اول ماجينا خذيت مع راجلي كورس انجليزي 6 شهور وبعدها راجلي بدا في الاكاديمي وانا كسدت في الحوش الجو حلو والطبيعة احلى وزي ماقلتي مافيش تعقيد ولا ارتباطات والمنطقة اللي ساكنين فيها حي سكني وفيه هلبة عرب وليبيين ماشاء الله مريحة وامان مع هذا مانطلعش بروحي لان الاسواق والابراج الحلوة للتسوق والتدهوير في قلب العاصمة لازم نمشوا بالسيارة توا نجهز للفصل الجاي نبي نسجل ماجستير ان شاء الله انا تخصصي كيمياء ونحب القراية لكن خايفة انا خاطري نواصل العلاج نبي نحمل والكيمياء زي ماتعرفي معاملها غازات ومواد خطيرة لذلك قعدة مترددة وراجلي يشجع فيا وربي يستر
حاليا كساد نمشي لمدرسة تحفيظ قرآن عربية 3 مرات في الاسبوع والباقي كسااااااااد في المطبخ وإلا على السرير اتقولي في المستشفى ناقصني غير ابرة التغذية |
رد: تجمع حوامل ليبيا
وينكم.......................
|
| الساعة الآن 02:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .