|
رد: ديوانية البحرين - دردشة حوامل البحرين - البحرينيات
حالتي حالة اليوم والله يعني بلا نوم طول اللليل
وجايه صايمة والقعده اتيبست على الكرسي وكل ساعه سحاب دم وايد متعب هالتست هههههههه اني من قلتين انش في المركز اليوم قبل لا اقرا السالفه اتوقعت ان هذا انتين لانه قعدت اطالع مفرش بتش حلو ماشاءالله ههههههه مادري توقعت شكلش غير بس حليوه لاتخافين هههههه ولدش الكبير منامي كلو على بعضو هههههه والصغير كسر خاطري يوم طلع من المختبر يدور محل يقعد فيه مادري دار راسه من شوفة الدم هههه يوم اتيين اني واصله قمة التعب ولالي خلق الانتظار في المستشفا كريه وناس اتيي ويقعدون ويمشون واني قاعده جدي ضايق خلقي لو مسولفه وياي جان زين كنت حدي طفشانه ولاعلا بالي الشنطة هههههه فكرت اجزيه المحل صغنون سامحيني اذا جدي ههههههههه ويش توقعتين شكلي هلوون؟؟ اي روحي شوفي بلاوي المستشفيات الخاصه داك الشهر سوي اشعه عشان نطمن علا كل شي سويناه بلي يفتح الله وقالو فيش التهاب وخدو خزعه وكل شي بسعره وكل شي طلع تممام والحمدلله وهالشهر طلعو ليي بقضايا التهاب في الابوال والراس مقدم علا الجسم جننوني واني يحظي موديه عمتي والدكتورة تبربر عن السكر والاكل ونقص الدم قبال عمتي طلعت مضجره حدي لليوم والبارحه ماسكت من الصياح واليوم من الصبح قعدت ويوم خلصت جا زوجي لي اامركز لانه ماقدرت اتزحزح من التعب ودعواااتكم حبيباتي تطلع النتيجة زينة ويرتاح بالي يااارب * |
رد: ديوانية البحرين - دردشة حوامل البحرين - البحرينيات
وينهي طفطف ماليها لوووده
ويش فيها النسيبه |
رد: ديوانية البحرين - دردشة حوامل البحرين - البحرينيات
فلونة يالله زتتي عطينه خبر عنش
|
رد: ديوانية البحرين - دردشة حوامل البحرين - البحرينيات
روز روحي عند دكتورة غير احسن ليش علشان ترتاحين
تصدقين عاااااد اني كان عندي احساس غريب ان بشوف وحده من المنتدي وراح تعرفني من المفرش وتوقعت ام خليل بس شوفي الصدف طلعتين انتين ورب صدفة خيرا من الف ميعاد اي على عمري من شاف القطنة انشحنت دم وايد حتى تنعصر من كثر الدم اهني قام يقول ان قلبه عوره وراسه بعد عمري من جدي قلت اليه اطلع سمعتين صوت ملاك قلعت المكان من لصياح على عمري وعلى سالفة الشنطة عادي المكان يكفيه بس كان يلصق فيني واني عندي ملاك من جدي رحت كرسي ثاني مممممممم ما ادري تخيلت شكلش ضعيفة بس اعتقد كل هذا تنفخ مال الحمل لان اني الحمل بعد نفخني بس الحين ضعفت كلش حتى كرشتي الصلاة على النبي راحت بس ابغي خدود تطلع لي لان مو عاجبني شكلي ان شاء التحاليل تطلع ليش والي ملاك زينه وارتاح وترتاحين انتي بعد ويسرالله على كل حامل جوعاااااااااانه وزوجي للحين ما جه ما تغذيت ابغي عشااااااااء |
رد: ديوانية البحرين - دردشة حوامل البحرين - البحرينيات
هلا حبيباتي
طفلي حياتي وينش اليوم ،مو حليو أفتح الديوانية ولا أشوفش مو من عادتش أني كل شوي أطل وأقول وينها بنت ديرتي عادتها كل حين تطل علينه حتى لوإحنه مافينه خير نسولف واايد وياش يالله دخلي خلنه نشوف طفطوووف وأخر أخبارها روز ماعليش شر حبيبتي ولا تحاتين الله كريم روحي دكتورة أشعه متخصصة ،تذكرين حالتي لمن صورو جنيني الحبل ملتف على رقبته على عمري الله لايعود الشر صرت حالتي حاله دمعتي على خذي ولا ليي بال ولاد ولازوج ولابيت ولا الناس كلهم نفسيتي تعبت خصوصا من أقرأ إن بعيد الشر إلتفاف الحبل يسبب بعيد الشر إختناق الجنين في الرحم ولايمده بأكسجين وأكل تعبت وصرتبس أطلع صدقات عن جنيني ونذرت نذرين وسبحان الله هذيك اليوم وأني موصله حالتي النفسية التب إلا سيد طاق الباب يطلب طلعت صدقة وعطيته الصدقات المتجمعه عندي وقالي ويش تبين أدعي ليكم أني هنيه قمت أصييييح تحته وأقوله أمبيك تدعي لي أني حامل وجنيني في خطر أصيييح وهو يصبرني ويقول إنشاء الله بدعي ليكم وماعليكم شر وأن مسافر العراق عندي أولاد هناك أقعد 6 أشهر وأرجع البحرين وهالفلوس أوديها ليهم وقلدته الدعاء والزيارة ولاينسانه من الدعاء صدقيني في اللليل رحت أعيد التصوير الرباعي وأني كلي هم وألم وخوف عليه ونفس الدكتورة إللي صورتني أول مرة ومن قالت لي الحبل إنزاح من على رقبته والله صحت صياح لو أحد ضاربني ماصحت الحمدلله ياربي حتى الدكتورة قامت تخفف من عليي وتعتذر مني لأنها حاطه اللوم عليهالأنها خبرتني أول مرة بإلتفاف الحبل وااايد طيبه هالدكتورة ربي ييسر ليها أمورها كلها يارب تبعد الشر عن جنيني وأكمل حملي وأولده بالسلامه يااارب وألحيين أمس خبروني إن رحمي مايل على صوب اليمين والله يستر ربي ييسر أمورش وتطمنين |
رد: ديوانية البحرين - دردشة حوامل البحرين - البحرينيات
السلام عليكم
اني اليوم من الصبح طالعه رحت بيت حماتي وتالي الدوار بصراحه غفصه وملل ما استانست هناك وظهري انقص من الوقفه نص ساعه ورجعت.. الله يستر علينا ويسهل امورنا ان شاء الله مسكينه ملوك حقوي هالكثر دم ماخذين منها؟؟ على حساب تحليل ابو صفار؟؟ ان شاء الله يارب مافيها شي ...روز بنت بلادي وشخبارش عفر..باقي البنات ماقدر اعد اسامي بس وشخباركم وحشتوني اليو ماقعدت وياكم |
رد: ديوانية البحرين - دردشة حوامل البحرين - البحرينيات
السلااااااااااااااااااااااااااام اخيرا جيتون استمليت واني احارس ويش احوالكم عفر
|
رد: ديوانية البحرين - دردشة حوامل البحرين - البحرينيات
هلا احلام ام سألت عنش العافيه وهذا عشمي فيكم كلكم ومالي غنا عنكم اصلا
احبكم كلكم واتمنى الخير ليكم مثل ما اتمناه لي بالضبط وعسى ربي يوفقنا للحب والخير جميعا يارب |
رد: ديوانية البحرين - دردشة حوامل البحرين - البحرينيات
هلا ام الساده وشخبارش؟؟ هدحنا يينا حياش بس شكلهم مشو مايندرا
|
رد: ديوانية البحرين - دردشة حوامل البحرين - البحرينيات
ويش دراني صايرين كلش ما تقعدون الا الليل واني صايرة ما اقدر اسهر
|
| الساعة الآن 04:08 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .