|
رد: تجمع حوامــــــــل مصر (ام الدنيا )
والله يا جماعة بما اننا كلنا جدد فى الجواز ... فا كل الحاجات دى طبيبعة .. انا وجوزى كنا مقطعين بعض فى اول 3 شهور مثلا .. وكل اللى اقوله يقولى ده طبيعى فى اول سنة لحد ما كل واحد يفهم ويعرف التانى كويس ويتعود على طبعه ... عاوزة اقولكم والله بعيد عنكم ان شاء الله وعنا جميعا ان انا كنت هتطلق من اول الحمل بسبب الخناق والرد والعصبية ... بس الحمدلله كان مجرد كلام فى وقت زعل لاننا برضه كنا فى تلت شهر جواز اللى المفروض يعنى نبقى فيه كويسين جدا ... بس اهو لازم تحصل خلافات فى الاول ولكن لما هدينا هو بصراحة جه صالحنى وانا اتبغددت فا راح قالب بقى تانى ههههههههههههههههه وسابنى واتخانقنا تانى ... وبعدين انا اللى اضطريت الم الموضوع ونمت لوحدى وقت الخناقة وعملنا حاجات غلط ... فا لما اتصالحنا وانا قعدت مع نفسى لاقيت ان التصرفات دى مش كويسة ابدا وميصحش .. لما هدينا اتكلمت معاه وقلتله مهما حصل بنا اللى اتقال ميتقالش تانى خالص مهما حصل ولا حتى كل واحد فينا ينام فى اوضة ننام جنب بعض حتى لو متخانقين واتفقنا الحمدلله على كده والحمدلله ماشاء الله من بعدها محصلش مشكلة تانى كبيرة كده بنا .... فاللى عندها حاجة تطلعها لان دى فترة تعارف هههههههههههههههه ... والا بعد كده هيقولك انتى اتغيرتى ... وربنا يهدينا ويهديهم جميعاً علينا يارب
|
رد: تجمع حوامــــــــل مصر (ام الدنيا )
بصى يا بنتى حتى لو هو اللى غلطان هيغلطك هيغلطك اسالينى انا وبرنسيس
ولازم تصالحى وتتحايلى وطبيعى تعيطى هههههههههههههههه |
رد: تجمع حوامــــــــل مصر (ام الدنيا )
والله واضح ان كلنا واحد فى موضوع الحساسية ده ... بس زى ما قالت ملك ... فى الاخر مهما عملتى بتبقى غلطانة وبرضه احنا اللى بنبدا بالصلح علشان الجو ميبقاش وحش ونكد
انا هسيبكم شوية واجى .. بس هصحى جوزى وينزل واجيلكم ... بس اوعوا تناااامواااااااااااااا |
رد: تجمع حوامــــــــل مصر (ام الدنيا )
عندك حق يا دودى واهم تتعب الوقتى علشان بعد كدة يفهموا بعض بعدين
|
رد: تجمع حوامــــــــل مصر (ام الدنيا )
والله ياملاك معاكي حق مرة مارضتش اقوله علي حاجة عارفة انها هتزعله ولما عرف بيها من غيري طبعا غلطني انا وقالي ماقولتليش ليه واقوله مارضتش ازعلك يقولي برضه ماقولتليش ليه ياستير دماغهم يابس ههههههههههههه
|
رد: تجمع حوامــــــــل مصر (ام الدنيا )
في انتظارك يااحلي دودي
|
رد: تجمع حوامــــــــل مصر (ام الدنيا )
انتى عارفة يا malak2010 ايه اللى مخلانيش امبارح اتكلم عن اللى مزعلنى غير انى كنت تعبانة
زى ماقلتى كده انى مجرد ما هبدأ اتكلم يعنى لازم اعيط لا اراديا وانا كنت تعبانة اصلا ومش ناقصة عياط وقرف فقلت اوفر مجهودى وانام ههههههههههههه انتوا عارفين انا نفسى فى ايه نفسى اركب جلدة على الحنفية اللى بتسرب فى عينى دى هههههههههههه |
رد: تجمع حوامــــــــل مصر (ام الدنيا )
معلش يا توتة كلنا قاعدين ننصحك واحنا فى الحقيقة بننصح نفسن
والهى يا توتة انا كنت خيبة اووووووووووووووى بس اللى جرالى فى الدنيا كتيييييير انا كنت بعيط لو حد اتكلم بس بصوت عالى مش زعق لا بيتكلم وكنت بخاف اوى على مشاعر الناس بس فى ناس كتير اذتنى الله يسامحهم |
رد: تجمع حوامــــــــل مصر (ام الدنيا )
انا نفسى استعمل اللسان شوية كفاية العنين اتهرت من كتر العياط هههههههههههههه
|
رد: تجمع حوامــــــــل مصر (ام الدنيا )
ماتقوليش يابرنسيسة الحنفية شغالة علي طول مافيش ترشيد استهلاك ابدا ههههههههههه
معلش حبيبتي ملاك الحياة تجارب انا زيك كده بخاف علي مشاعر الناس بس مع مرور الايام بكتشف اني في ناس ماتستحقش المعاملة دي ربنا يصلح الحال |
| الساعة الآن 11:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .