|
رد: تجمع الكروشات اللي ولادتهن في رمضان 1433ه
كروشااااااااات
انا قررت لو حملت مستقبلا بصير فيل بأكل و باكل و بأكل و بخلي البيبي يطلع دب جد تعبت وزن ولدي مو براضي يزيد و مشوار حتى يوصل كيلو و نص فكيف كيلوين الحمد الله على كل حال المهم انه وضعه مستقر و المهم يظل وضعه مستقر صح طفشت بس شي اهون من شي بس جد المره القادمة باكل كل الاكل الي في الكوكب اصير فيل و لا اعاني كذا و يتعب النونو كذا ايوه ، صح انا خفيت فجآة مدري ايش الي جاني الامس بس الان افضل يمكن الفايروس الي يسبب استفراغ و الله اعلم لان المغص مب قريب من الجرح فاكيد مو شمم و ما قرأت كل الردود بس شكراً لكل من سأل عني راجعة من المستشفى محبطه من اسبوع انتظر اليوم علشان اعرف كم زاد وزنه و عندي أمل يزيد 100 جرام و اخر شي بس 30 تحطمممت اذا كل اسبوع 30 مشوااااااااااااااار حتى يصير وزنه 2 كيلو و انا ابغاااه يطلع من الحضانة علشان ارتاح نفسياً و اطمن عليه هناااك تخافي يصير فيه شي لان الاطباء ما يطمنوا و لازم يكون قريب الكيلوين علشان مناعته تصير احسن شوي ما تعرفوا شي ناكله و يصير حليب الام يسمن البيبي ؟ دعواتكم لجواد تخيلت على كذا بيجي شوال و هو بعده بالحضااانة لا لا لا <<< ان شاء الله مو صحيح نور ربي يفرج همك و يارب تكوني احسن آلاس الله يصبرك و جد زعلت عليك لانك عانيتي مع الطلق و باقي الكروشاااات ربي يتمم لكم على خير و يجوا نونواتكم بأوزان حلووووة |
رد: تجمع الكروشات اللي ولادتهن في رمضان 1433ه
ام حماااده بكره موعدها ياارب ياارب ياارب تهون عليها وتقومها بالف صحه وعافيه وتطمنا عنها بعد بكره لان الاحد بننج وتعبببب
|
رد: تجمع الكروشات اللي ولادتهن في رمضان 1433ه
قهرررر دخلت العصر وكتبت رد وش طوله واختفى لان المنتدى معلقhwaml8
هيوف ياقلبي على ام زوجك قطعت قلبي الله يشفيها ويسخر لها خدامه حنونه لان بعضهن شر ماينطاقن والاسعار فعلا صارت جنونيه وشوفي بالخليج رخيصات وهم اغنياء مو مثلنا بس وش نقول غير حسبي الله ونعم الوكيل نسومه مثلي انتي من الطفش ومانمت جهزت الغداء وغرفته الساعه 12 بالضبط رغم ان غدانا الساعه 3 وغرفته بحافظه ودخلت انام وهو لما جا تغدى ونمت ساعتين روقت شوي رغم اني كنت محشوره بس حلفت ماقوم لدوره المياه لاني لاقمت طار النوم بس لما وصلت لمرحله الانفجار هههه شوق الحمدلله الله يعوضك خير ويكتب لك الذريه الصالحه المعافاه ام مهند مبروك مشتريانك للاسف ماطلع لي الا القبوعات بانتظار البقيه تطلع ونشوفها ام عبدالرحمن اسمع من الامهات من سنتين كثرت الشكوى من القمل بمدارس الابتدائي صاير غزو خاصه بالرياض برايي الاولاد يحلقون صفر وترتاحون والبنات يقصرون شعرهم عشان تقدرو تكافحونه اشوف اعلانات وحده تبيع شامبو اسمها ام هاجر والعضوات يمدحونها بعالم حواء بس للامانه مادري عنه شكلي مابدرس بنتي لاكبرت من الحين نخطط هههه اميره ومام سلامتكم واهتموا بالتغذيه وبخاصه العسل لتغذيه البيبي وزياده وزنه والله يقومنا واياكم بالسلامه ميدوري والله انك صادقه احنا خايفات من السمنه ومانفكر بهالاجنه اللي يتغذون منا انا باديه اخفف لما شفت اني دقيت ناقوس الخطر بس بعد كلامك اقتنعت لاحقين على الدايت والشقاء والله يرد جواد لحضنك بالقريب العاجل ويصير نجم العيد كاشخ بتجهيزاته ولبسه وتفرحي فيه ام حماده قلوبنا ودعواتنا لك الله يجيب حماده بالسلامه هيوف خير ماسويتي انك قررتي قيصري افرضي ولدتي واحد طبيعي والثاني عمليه او لاقدر الله تضرر احد الاجنحه بالتتوام اسلم واضمن القيصري والله يجيبهم بالسلامه رنين لاتطلعي من بيتك قولي انا تعبانه وثقيله وخدامتي محتاجتها ومادام بيت اهلك صغير فهذا سبب ثاني للرفض اذا زوجك يعاني من مشكله حلوها سوا لاني مافهمت سبب طلبه الغريب انك تطلعي من بيتك |
رد: تجمع الكروشات اللي ولادتهن في رمضان 1433ه
اقتباس:
فرحت لك من قلبي.. ربي يسمع منك ويستجيب دعواتك ويقومنا سالمات مع بيبيهاتنا والله أنك حرررمة أصيلة مانسيتي العشرة.. |
رد: تجمع الكروشات اللي ولادتهن في رمضان 1433ه
رنين خليه يودي الشغالة بيت أبوه..وأنتي خليكي في بيتك..ليش البهدلة..
أسبوع مابيصير لك شي بدون شغالة..وربي يقويكي ......... أميرة يمكن وزن البيبي قليل بس عادي ماله دخل اهم شي يكون البيبي بخير يارب لأنهم في الشهرين الأخيرة يحسبون عمر البيبي على حسب طوله ووزنه وممكن تكوني انتي أو أبوه قصار فيكون البيبي طالع عليكم..وهم يحسبو العمر على طول عظمة الفخذ والرأس و حجم البطن وعادي أولدي معاية يوم 23 رمضان بزيادة 10 أيام هههههههه |
رد: تجمع الكروشات اللي ولادتهن في رمضان 1433ه
صح كلامكم بنات ومره مشكورين الي ادلو باراءهم
قلتله يكفي التعب الي انا فيه وقلق الولاده كمان تزيدها علي والله يابنات جلست ابكي من الضيق الي ماسكني اليوم حسيت مافي احد بجنبي يشاركني همومي ويسالني عن حالي حتا الشغاله وديناها بيت امه واعطيته حل انه يجلس بالمجلس لين يخلص كل شغله واحنا بالجزء الثاني من الشقه هو يبغا يشتغل عنده محاضرات بيجهزها والعمل ضاغطين عليه عشان دا الشي وحجته قلق الصغار واصواتهم قعدت افكر فيها والله مو اولادي لحالي بصراحه انا كمان ابغا الراحه والنفسيه الزينه لاكن مدري احس الرجال مره مايقدرو ويبغونا احنا نقدر ودي اشرد واهج من البيت ومن الي فيه نفسي اخذ فترة نقاهه احس بجد محتاجه لها الشي |
رد: تجمع الكروشات اللي ولادتهن في رمضان 1433ه
مسى الخيرات والليرات ومسى الفل والياسمين والجوري على احلى صبايا دبدوبات كيفكم؟وكيف بيبياتكم؟ان شالله مساكم كله سعادة وروءان وفرح يا رب...
الاس ربي يعوضك خير ويجعله في ميزان حسناتك ويجعلها شفيعة لكم يوم القيامة والحمد لله على سلامتك... ميدوري الله يجعل جواد من البطابيط ويعطيه الصحة والعافية وان شالله يطلع بسرعة خلي املك بالله كبير... ام حمادة ربي يقومك بالسلامة قلوبنا معك ودعواتنا لك والله يسهلها عليكي يا رب وتصحي وتشوفي احلى عبد الحميد بحدك ياااا رب... ام عبد الرحمن في خبير عنا بالاردن اسمه يوسف الشرفا شاطر كتير على مستوى الوطن العربي عنده وصفة للقمل بس بصراحة لم اجربها وهي زيت اليانسون وكتير ناس عنا بيمدحوها بس انتي حطي عالجوجل وصفة يوسف الشرفا للقمل وشوفي بنفسك... رنين متل ما حكو البنات لااااااااااااااااااااااا تطلعي من بيتك لو شو ما سار... وبقية الكروشات والله قرأت بس مو متزكرة شي اعذروني حبيت بس امسي عليكم قبل ما زوجي ييجي مع العلم انو بالطريق بس ما بقدر استغني عنكم والله تحياتي... |
رد: تجمع الكروشات اللي ولادتهن في رمضان 1433ه
اهلين مون الله يمسيكي بالخير
|
رد: تجمع الكروشات اللي ولادتهن في رمضان 1433ه
السلام عليكم ..
كيفكم حبيباتي اليوم .. ان شاء الله تكونوا باحسن حال شكرا لك وحده دعت لي و ربي يستجيب ان شاء الله المشاكل الزوجيه موجوده ولابد منها بس المفروض ان ازواجنا يراعونا في مثل هاذي الظروف و ربي اني متحمله تعب الحمل والثقل خاصة في الشهر التاسع جدا متعب بس بعد هادا كله تلاقي مضايقات او ما احد يحس فيكي نفسي الرجال اللي في العالم كلهم يجربوا الحمل والولاده وتربية الاطفال و يشيلوا لو نص الهم اللي نشيلوه في روسنا كلكم عارفين اني ما كنت مقضيه ولا شي لولادتي الا بعد ما دخلت التاسع و حسيت ان فعلا مافي وقت .. والسبب ان زوجي ما كان يوديني السوق عشان شغله وغير انا كان عندي اختبارات و بحث تخرج .. بس في النهاية اضطريت اني اروح مع اخويا الصغير لان خلاص مافي وقت بعد كده .. بس طبعا يوم واحد ما يقضي كل شي .. لسه باقي اشياء مهمه ما اخدتها و غير ان المفروض ادهن غرفتي لان من زمان ما دهناها و كنت ابغى اغير فراشي و المرتبه اللي انام عليها ليا سنتين و انا احن عليه من الالام اللي في ظهري عشان عندي التهاب في عضلات الظهر و الدكتور قال لي غيري المرتبه العاديه ما تصلح لك خدي وحده تكون طبيه عشان ما يزيد الوضع سوء بس لا حياة لمن تنادي .. و ابغى اغير موكيت الغرفه كمان لانه من يومه ما غيرناه و انا قلت هادي مناسبه لازم نغير فيها .. وهو ما عنده غير طيب و اوكي وما عليكي .. بس ما عنده اجازه غير يوم الجمعه طول الاسبوع يشتغل من الساعه 8 صباحا الى 11 او 12 في الليل و احيانا يجي الظهر الساعه 2 ويطلع مع صلاة العصر يعني مافي وقت يقعد فيه معانا ابدا .. و لا احسه يفقدنا بس يشتكي انه تعبان من الشغل او الجو حار او متخاصم مع احد في الشغل بس .. ابدا مافي اشتقت لكم او اشتقت لبنتي او ايش سويته اليوم او راح اعوضكم نهاية الاسبوع ولا شي من كده المفروض ان احنا في البيت يعني كاننا في فندق او في اجازه مرتاحين ومبسوطين وخلاص يوم قلت له يوم الجمعه راح يكون عندنا مشاوير كثيره بنقضي الاشياء اللي ناقصه قال ماني فاضي ابغى اغير زيت للسياره وعندي اشياء مهمه اسويها .. اتفاجات برده بس قلت بيني وبين نفسي بخليه يخلص مشاويره اول بعدين يوديني انا حتى لو ما مداني اجيب كل حاجه فشيء خير من لا شيء .. وفعلا جا يوم الجمعه و المفاجاءه انه باعنا بالرخيص وراح يودي اولاد عمه مكه لان يبغوا يسوا عمره وما معاهم سياره قال يا اما يوديهم او ياخدوا سيارته يروحوا فيها .. و قال لي ما عرفت ايش اقول لهم .. تخيلوا بس ان في رجال كده هادا اللي انا معتمده عليه بعد الله .. و مسئول مني ومن عيالي ؟؟؟ يعني ما عرف يقول لهم انا مشغول ويحتاجوني في البيت او عندي ظرف و زوجتي ممكن تولد او عندنا اشياء مهمه ما تتاجل او على الاقل يقول لهم ابغى اقعد مع عيالي و هم يستنوني طول الاسبوع و هادا الوقت من حقهم .. اذا ما يعرف يقول كده فمنه العوض وعليه العوض و ربي يخلف علي .. ليش هم رجال و هو لأ ؟؟ حسبي الله ونعم الوكيل |
رد: تجمع الكروشات اللي ولادتهن في رمضان 1433ه
سامحوني يا بنات ما اقدر ادخل على التجمع لان جهازي عطلان بس راح اتابعكم بالجوال
|
| الساعة الآن 11:03 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .