|
|
رد: تجمع حوامــــــــل مصر (ام الدنيا )
ياجماعه جوزى شكله بيعانى من حرمان عاطفى ههه
وانا فى اجازه عندى البيريود دخل الاوضه التانيه وقالى خليكى قاعده مع صحابك هسيبكم معلش وادخل اكلمه انا واحمد هههههههه احسن يطردنا من البيت |
رد: تجمع حوامــــــــل مصر (ام الدنيا )
الله يسلمك يانورا حبيبتي الصعيد تمام التمام والنونو كمان الحمد لله والله مفتقداها قوي والعروسه وحشها العريس
|
رد: تجمع حوامل مصر (ام الدنيا )
بصوا يا بنات
انا متفقة انا وجوزي اني بعد الولادة ان شاء الله اروح اقعد عند اختي وهو معايا طبعا ممكن اقعد شهر هناك اولا لانها عندها امتحانات وهي تقريبا اقرب لي واحدة في العائلة ومش هتعرف تجيلي المسافة كبيرة فانا هاوفر عليها واقعد عندها واعمل العقبقة ان شاء الله عندها ده اللي متفقين عليه بس هي امتحاناتها نفس الشهر اللي هاولد فيه ان شاء الله هو شهر واحد هي امتحانات الدكتوراة بتاعتها انهاردة كانت عندنا فبتقولي علي المذاكرة وكده وبتقول لحماتي انا كلمت واحدة صاحبتي اني لو معرفتيش اذاكر في الشقة هاروح اقعد عندها علشان اعرف اركز انا تضايقت بس مش بينت وعارفة كويس اووي لو قلت لها مش هاجي هتزعل مني لانها فرحانة اني اروح لها انا متأكدة من كده بس هي برضه عندها امتحانات مهمة وجوزي بقا متردد زي وقالي شوفي انتي عاوزة ايه اعمل ايه افيدوني؟ |
رد: تجمع حوامــــــــل مصر (ام الدنيا )
رنا مأظنش ابدا انه حرام تصويرها قبل اربعين يوم بس اعملى زى جوزك مابيقول علشان ميزعلش
|
رد: تجمع حوامــــــــل مصر (ام الدنيا )
نورا ماشى ياستى مصدقاكى
|
رد: تجمع حوامــــــــل مصر (ام الدنيا )
ياحبيبتي يارنا الحمد لله انك قمتي بالسلامه وربي يخليلك لوجي القمر اما الاكتئاب ده طبيعي علشان الوضع الجديد والمسؤلية لسه جديده عليكي
|
رد: تجمع حوامــــــــل مصر (ام الدنيا )
امل بيتهيالى فى الظروف دى ممكن اختك هى اللى تيجى تقعد عندك ولما تحب تذاكر او وقت الامتحانات ترجع شقتها هيبقى احسن من انكم تروحوا شقتها وهى اللى تمشى منها
|
رد: تجمع حوامل مصر (ام الدنيا )
أمل اختك مكنتش تقصد انك هدايقيها ولا حاجه هى بس كانت بتتكلم بعفويه
وبعدين من كلامك انكوا ملكوش غير بعض يبقى لازم تشيلوا بعض روحى ومتتردديش دى اختك مفيش واحده هتخدمك وهى فرحانه اكتر منها وياستى هى ظبطت نفسها لو معرفتش تزاكر هتروح لصحبتها وترجع تانى تكونى تحت عنيها وتهتم بيكى وبكده هى تكون زاكرت وراعتك هو ده قصدها |
رد: تجمع حوامــــــــل مصر (ام الدنيا )
نورا ماشى ياستى الطيب احسن برده هههههههههههه
|
رد: تجمع حوامــــــــل مصر (ام الدنيا )
امل مش حابه تكوني مضايقه وانا رأي انه من الافضل انك تولدي في بيتك
هاتكوني براحتك اكتر وخاصة ان البيبهات في الاسبوع الاول بيعيطوا كتير من غير سبب وهاتحسي انك متقله علي اختك انا زيك علي فكره اخواتي بيمتحنوا وبعد ماكنت هاولد واقعد عند ماما غيرت رأيي وجيت علي بيتي وبلاش تضايقي ده انتي فاضلك ايام وتشوفي النونو وتخديه في حضنك يلا افرحي بقي وارمي اي حاجه ورا ضهرك |
| الساعة الآن 05:29 PM. |
|
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .