|
رد: تجمع حوامل سوريا-دردشة ورود سوريا-دردشة الغاليات
هلا عاشقة جوجو
وانا بالرياض مخرج 16 وانتووووووووو |
رد: تجمع حوامل سوريا-دردشة ورود سوريا-دردشة الغاليات
هلا حبيبتي انا بعيدة كتير انا قريبة من الهرم جنب العزيزية
دكتورتي يالي رايحة لعندها بكرة بمخرج 14 بالروابي وانا ان شاء الله رح انقل قريب من هنيك قبل ولادتي انتي من وين سيلا من اي منطقة بسوريا |
رد: تجمع حوامل سوريا-دردشة ورود سوريا-دردشة الغاليات
صباح الخير صبايا .....
كيفك سيلا اتشرفت بمعرفتك بدنا صورة لكرومة اول شي وبشترك معكون بالواتس اب ماعندي مشكلة يس عطينا رؤوس اقلام عالقليلة اسماء البنات يلي مشاركين معنا بالواتس كيفك عاشقة جوجو كيفا جوجو انا يابنات ساكنة بشارع الخزان بنص الرياض تماما |
رد: تجمع حوامل سوريا-دردشة ورود سوريا-دردشة الغاليات
سلوووووووووووووووووووووووووووووووووووووولة يا حبيبتي ووينك ززماااااااااااااااااااان عنك لك فوتي طمنينا عنك وعن كرووومة كيفو هالازعر معلش طولي بالك عليه لسعتو صغير لك بكرة بس يكبر شوي بتشوفي النق والسئ وتقولي يا ريتوو يرجع صغير ... الله يحميه ويسلمه بوسيلي يااه ودعيلي قووم بالسلامة انا حاامل الي خمس شهور ورح جيب ببية الله يحمين بيصير عندي بنوتين عقبال عندك وقت تجيبلوو اخوات لكرومة بيك
|
رد: تجمع حوامل سوريا-دردشة ورود سوريا-دردشة الغاليات
مسا الخير للجميع كيفكم
انا وجوجو بخير رحت اليوم عالدكتورة بس ما عرفت نوع الجنين كل شي بخير الحمد لله قبل 15 يوم رحت وكان الجنين بوضعية سجود وما قدرت اعرف بنت ولا ولد واليوم الحبل السري مغطي الاعضاء وانا زاد عندي الفضول يعني شو هالسر يالي ما بدو نعرفو الله يستر ويختار الخير قصة حياتي اليوم |
رد: تجمع حوامل سوريا-دردشة ورود سوريا-دردشة الغاليات
صبآآآآآآآآآآح الخير يا صبايا ... كيفكن ... سيلا : الحمد لله ع السلامة يا عمري ... كيفك وكيف كرومة .. انشغل بالي عليكن ... هههه شايفة كيف ... أنا خبرتو لأبو مهند بقصة البوبو ولذلك قررنا سوا اني ائعد عند اهلي بآخر 3 شهور بالحمل ههههه \\ يلااااا احسن من بلا ... وئلتلو كمان انو ممكن كون حآمل بتوينز ... ئام حسيتو فرح ههههههه .. يلا الله يبعت اللي فيه الخير .. ندى : منوووورة التجمع يا ئلبي ... كيفك وكيف الحمل معك ... شو اخبار الوحآم هههه نايوتا : حبيبتي ام نايا القمر ... كيف حآلك وكيفا الزغنونة ... شتئتلللك كتير كتير ... رح شوف بقية الصفحآت وبرجعلكن .. عاااشقة منووورة التجمع حبيبتي ... والنا الشرف تكوني معنا يلااا راجعة |
رد: تجمع حوامل سوريا-دردشة ورود سوريا-دردشة الغاليات
شذاااا حبيبتي الحمد لله ع سلامتك نورتي التجمع من جديد ... بسبوسة يا عمري شكرا لسؤالك عني يخليلي ياكي .. كيفك يا حلوة انا اسفة اني داخلة وما كريت كتير بس بصراحة كتير مرضانة .. وهنودة لائط الكريب من ابن عمو الزغير .... لذلك انا عم حاول اني ضل معو خطي ... سلامي لكل بنات التجمع وحدة وحدة وبوساتي لقطاقيطكن باااي |
رد: تجمع حوامل سوريا-دردشة ورود سوريا-دردشة الغاليات
مرحباااا كيفكون جميعا
كيفك ميار وانا اشتئتلك كتير كتير عليكي العافية انت وهنودة وماتشوفي شر |
رد: تجمع حوامل سوريا-دردشة ورود سوريا-دردشة الغاليات
كيفك عاشقة والحمد لله اطمنتي على وضع الجنين واهم شي الخلقة التامة ستي البنت والصبي هدية من الله
والله يجعلنا ياهون مرضيين انا وقت نايا للشهر السابع لبينت انها بنت بوسة لجوجو الامورة |
رد: تجمع حوامل سوريا-دردشة ورود سوريا-دردشة الغاليات
كيفك ام كرومة وكيفو كريم او كرم ؟ الامور بدنا صورة مافي مجااااال
ووين ساكنة بالرياض انا بشارع الخزان عرفينا عن حالك اكتر عمرك....؟ من وين انتي من سوريا ..... ؟ |
رد: تجمع حوامل سوريا-دردشة ورود سوريا-دردشة الغاليات
كيفك ام ندى وكيفا ندوش الله يقومك بالسلامة ويلا هانت تقريبا راح النص وباقي شوي وبتولدي بالسلامة
ماحن قلبك علينا وتنزليلنا شي صورة لندوشة |
رد: تجمع حوامل سوريا-دردشة ورود سوريا-دردشة الغاليات
سروؤة
بسبوسة زهرة سورية شذا سلماتي إلكون جميعا |
رد: تجمع حوامل سوريا-دردشة ورود سوريا-دردشة الغاليات
بماانو اجا البرد رحنا مبارح انا وابوالشباب اشترينا لنايا بيجامات شتوية
الجو لسا مقبول علكبار بس الصغار بيبردو الله يحميهون هاتو لشوف شو طابخين ؟؟؟ زكرونا |
رد: تجمع حوامل سوريا-دردشة ورود سوريا-دردشة الغاليات
اقتباس:
تئبشيني يا نايوتا ع الدعوة الحلوة, يا ريتني كنت فاضية متل ما عم تقولي الله وكيلك كل الوقت ركض بالبيت و يادوب ألحق و بفتح النت لحاكي اهلي و مو كل يوم بصرلي حاكين , بس خلص رح حاول اتنشط شوي بالفوتة عالمنتدى هههه و مبروكين بيجاماتا لنيا الامورة تلبسن بالهنا ان شاء الله و بالنسبة للاكل انا عاملة معكرونة بشميل |
رد: تجمع حوامل سوريا-دردشة ورود سوريا-دردشة الغاليات
سلام بنات اشتقتلكن اهلا حبيبتي نايوتة كيفك شو اخبارك تشرفت بمعرفتك انا ام عبد الرحمن من حلب ومتزوجة كويتي عمري 23وعندي صبيين وبنت ومقيمة بالكويت شو كمان امممممم بس
كيفك سلولو اشتقتلك مبروك ام هنوده سلام لباقي البنات احبكم فالله |
رد: تجمع حوامل سوريا-دردشة ورود سوريا-دردشة الغاليات
اهلا وسهلا زهرة كيفك ... والله يبارك فيكي ... صحتين وهنا عالباشميل والله جبتيا انا وزوجي منحبا
خلص رح ساويها ان شالله اتشرفت بمعرفتك شام واللهم صل عالنبي ماشاء الله وكان شكلك مبكرة عالامومة بس كتييير حلو هيك بيكبرو وبيصيرو رفئاتك والله يحميلك ياهون قديش اعمارون ونزيللنا صورون لنشوفون |
رد: تجمع حوامل سوريا-دردشة ورود سوريا-دردشة الغاليات
اي والله ياقلبي تزوجت صغيرة عمري 16وعندي عبد الرحمن عمره 5ومريم4ومحمد2وان شاء الله انزلكن صور قريبا تكرم عينك
|
رد: تجمع حوامل سوريا-دردشة ورود سوريا-دردشة الغاليات
صباح الخير جميعا
صباح الخير ام عبد الرحمن الله يحميلك اطفالك كيفك شو اخبارك .. كيف الجو بالكويت نحنا بالرياض هلا صار الجو كتييير حلو وبرد لطيف |
رد: تجمع حوامل سوريا-دردشة ورود سوريا-دردشة الغاليات
اهلين نايوتة اي والله الجو بيعئد كتتتتير حلو تعي زورينا
|
رد: تجمع حوامل سوريا-دردشة ورود سوريا-دردشة الغاليات
مرحبا صبايا كيفكن
انا نور من حمص متزوجة من سنة و 9 شهور وهلئ انا حامل باول بيبي الله ييسرلي و يحفظو بخير و يجيني بخير يا رب مقيمة حاليا بالأردن و ضايعة ما عرفاني وين روح و شو اعمل ههههه يا الله مافي احلى من بلدو الواحد شو مشتائة ارجع زور سوريا ... يلا الله كريم قريب يا رب الله يتمم عالجميع و نقوم بالسلامي و الخلقة التامة بتمنى تقبلوني بيناتكن hwaml95 |
رد: تجمع حوامل سوريا-دردشة ورود سوريا-دردشة الغاليات
اهلا فيكي ام حمزة شكلو حمزة عالطريق بايا شهر انتي ووين بالاردن
رح عرفك عن حالي نايوتا مقيمة بسعودية عندي نايا عمرا ستة شهور شامية وعمري تمانة وعشرين سنة انت قديش عمرك ؟ |
رد: تجمع حوامل سوريا-دردشة ورود سوريا-دردشة الغاليات
منتشرف ام عبد الرحمن وانت كمان زورينا تعي لعنا عمليلك عمرة والله هلأ العمرة كتير حلوة بهل وقت
الله يطعمنا ياها |
رد: تجمع حوامل سوريا-دردشة ورود سوريا-دردشة الغاليات
مسالخير صبايا ....
وينكون وين غاطين والله اشتئنالكون ميار - شذا - سروؤة - منار - ام ندى - عاشقة جوجو - زهرة سورية - ام كرومة |
رد: تجمع حوامل سوريا-دردشة ورود سوريا-دردشة الغاليات
بنااااااات اليوم عملت تحليل دم *باركوووووولي أنا حااااااامل الحمدلله رب العالمين ألف الحمدلله كتير مبسوطة والله مالي عم صدق أمانة دعولي الله يتممها معي أمانة*
شفتي نايوتا انتي اول وحدة بشرتينيييي ،رايحة السبت ان شاءالله عالدكتورررة *ادعووولي* نوارة اهلا و سهلا فيكي نورتينا* |
رد: تجمع حوامل سوريا-دردشة ورود سوريا-دردشة الغاليات
كيفكن بنات انا بخير بس كنت مشغولة اليوم بيجتمع كل بنات حماي عند امن وانا طبعا لاني فوق حماتي وهلاء راحو
والف مبروك حبيبتي الحمل والله يتمملك على خير بس انتي ريحي حالك ولا تتعبي |
رد: تجمع حوامل سوريا-دردشة ورود سوريا-دردشة الغاليات
الف الف الف مبرووووك زهرة والله يتمملك على خير من قلبي فرحتلك
نصيحتي لا تعملي سونار مهبلي قد ماقالولك آمن بعض الاجسام مابيتحمل الجنين بينزل وازا فيكي تستني ليصير عمر الجنين اربعين يوم بتسمعي النبض بفرد مرة احسنلك وقت نايا انتظرت للشهرين لرحت اسمعت النبض |
رد: تجمع حوامل سوريا-دردشة ورود سوريا-دردشة الغاليات
مافي إلا فايتة طالعة عالمنتدى عم صبح ومسي ههههههه
صباح الخير صبايا .... انا ونايا مشتائينلكون منفترة عم علم نايا عالرضاعة هلكتني مابتعرف ترضع منها انا مشان شربا مي احسن من المعلقة وكمان ازا حبيت شربا عصير مبارح شربت عشرة ميل عصير برتقال للللللليش ههههه |
رد: تجمع حوامل سوريا-دردشة ورود سوريا-دردشة الغاليات
مسا الخير ما شاء الله الله يخليلك نايا يارب
وبعدين شوي شوي بتتعود انا بنتي ما رضعت الا بالببرونة ولهلاء بساويلها رضعة قبل ما تنام رغم انها صبية صارت هههههه صح اتذكرت بدي اسالك انتي ولدتي هون ولا بسوريا والله انا خايفة اولد هون واذا هون باي مشفى لاني لهلاء مو عارفة وين بدي اولد عشان كمل مراجعة الحمل انا من يومين فتت بالخامس صح لسه بكير فكر بس لاني كنت ناوية اولد بالشام ويالي عم يصير خربط افكاري ان شاء الله تنحل الازمة وانزل اولد عند اهلي يارب كل يوم بحكي قصة حياتي تحملوني شو بدنا نساوي لازم نتحمل بعض |
رد: تجمع حوامل سوريا-دردشة ورود سوريا-دردشة الغاليات
اهلين صبايا كيفكن حبيباتي
نايوتا كيفك وكيفها هالامورة يعني ضحكتي علينا بشوية صور للامورة وسكتينا لأ حبيبتي بدي صور كمان الها نزليلي صور لنايوتا باسرع وأت وهاد امر عسكري ههههhwaml27 انا اليوم طابخة أرماني باللبن وفريكة لان جاييني بيت اخو زوجي وانتي شو عم تطبخي هاليومين وشو هالكبسة ياسلام شطت ريالتي عليها ههههههه حبيبتي بدي الطريقة بالتفصيل الممل حتى نوع الرز وكمية المي يللي بتحطيلو اياهاhwaml94 لان ماشاالله طالع مدردر ومو مخبص بنوب انا لما بستعمل رز بسمتي بخبص معي أمت لغيتو من طبخاتي بس طالعة الكبسي يمممميييي شهية |
رد: تجمع حوامل سوريا-دردشة ورود سوريا-دردشة الغاليات
نور
اهلا وسهلا نورتي التجمع بنورك ووجودك تشرفت بمعرفتك بس ماعرفت انتي مقيمي بالاردن ولا نزحتو من سوريا؟وأديش الك حامل؟ انا اسمي منار من ادلب عمري ٢٤ طالبة حقوق س٣ ساكني بامريكا من سنة و٣ اشهر متزوجي من سني ونص حامل بالشهر الخامس |
رد: تجمع حوامل سوريا-دردشة ورود سوريا-دردشة الغاليات
زهرة سوريا انشاءالله الف مليون مبروك الحمل الله يتمملك على خير انشاالله ويأومك بالسلامي مع البيبي انتبهي عحالك حبيبتي ولاتعبي حالك بهالشهرين وبلشي بالفوليك اسيد وانشا الله بس رحتي عالدكتورة بطمنك بالنسبي الي لما رحت اول معايني كنت بالاسبوع السابع وعملتلي سونار مهبلي وشفت الجنين بس الدكتورة انتبهت كتير وكان من برى لبرى وانتي متل ماحكت نايوتا ديري بالك من السونار واسالي الدكتورة و تاكدي منها ويبأى طمنينا عنك
|
رد: تجمع حوامل سوريا-دردشة ورود سوريا-دردشة الغاليات
هلأ اجا دور اخباري احم احم
كان عندي موعد عند الدكتورة يوم الاربعاء وطلع جنس البيبي صبي الف الحمدلله وانا طبعا فرحت لاني كنت حاسي انو بنت بس مباشرة بين الحمدلله صبي الله يخليه ويحميه ويأومنا بخير وسلامي يارب وعندي بعد ٣ اسابيع موعد بالمشفى مشان يعملولي فحص ويتاكدوا من سلامة الجنين انشاءالله بإذن الله بكون سليم ومعافى وطبيعي وخلقة تامة يارب ادعولي بنات هاد اصعب واهم فحص بحياتي دعائكم لابني الله يخليلكن ولادكن ويحفظهن يارب بس مابعرف كيف بكون هالفحص ياريت يللي مجربتو تشرحلي |
رد: تجمع حوامل سوريا-دردشة ورود سوريا-دردشة الغاليات
ماشاء الله تبارك الله ربي يتمم حملك على خير زهورة وربي فرحتلك من قلبي كيف الاوضاع بدرعا طمنيني حبيبتي
|
رد: تجمع حوامل سوريا-دردشة ورود سوريا-دردشة الغاليات
كيفكون صبايا ....
ام جوجو كيفك وكيفا جوجو الحق معك تقلقي مشان وين ولادك اهم شي تكون المشفى يلي رح تولدي فيها مجهزة بغرفة عمليات بركي لاسمح الله صار استعصاء دغري بيحولوكي عالقيسرية وان شالله الله يجمعك بدكتورة فهمانة وشاطرة والله يسهلك ولادتك يارب انا ولدت هون بسعودية بس مو بالرياض بالمنطقة الجنوبية كنت ساكنة هونيك حسب شغل زوجي بتنقل بكل المملكة بدي اسألك انت ولدتي جوجو طبيعي او قيسري؟؟؟ |
رد: تجمع حوامل سوريا-دردشة ورود سوريا-دردشة الغاليات
2 مرفق
كيفك منار مبروك الصبي شو خبرينا اسمو جاهز او بدك تنقيلو اسم
وان شالله الله يقومك بالسلامة ويجيكي احلى ولد كامل مكمل بياخد العقل قولي آمين وبالنسبة للفحص لاتخافي تحاليل بول ودم مشان يعرفو ازا معك زلال لاسمح الله او فقر دم يعني تحاليل مواكتر لاتخافي مافي شي بيخوف كلها مراقبة لوضع الجنين ومشان سلامتك كنت طابخة من يومين شاكرية ورز بطلتا عادت اطبخ كل يوم ههههه بعد ماشرفت نايا خانم بطبخ طبخة على يومين بحب الطبخ وبطبخ كلشي وبساوي حلويات ومعجنات وكبب ومحاشي ويبرق هههههههههه شيف بعجبك عم اعمل لحالي دعاية تكرم عينك مشان وصفة الكبسة بكتبلك ياها وكمان تكرم عينك مشان صورة نايا |
رد: تجمع حوامل سوريا-دردشة ورود سوريا-دردشة الغاليات
كيفك ام عبد الرحمن وكيف ولادك
شو عاملة اليوم ؟ |
رد: تجمع حوامل سوريا-دردشة ورود سوريا-دردشة الغاليات
ميااااااااار وينك صايرة طلاتك عالتجمع متل طلات القمر اشتئنالك طمنينا اتحسنتي من الكريب انت وهنودة
|
رد: تجمع حوامل سوريا-دردشة ورود سوريا-دردشة الغاليات
منار رح اكتبلك طريقة الكبسة ماقلتلك صحتين عالارمني باللبن علميني كيف بالتصير اول مرة بسمع
فيها اكتبيلي عياراتا مع طريقة التحضير رز الكبسة او البسمتي في منو كتير انواع وماركات في ابو كاس وفي رز الشعلان شوفي انتي النوعية الجيدة باميركا واطبخيها اهم شي ماتنقعي الرز كتير من عشر دقائق لربع ساعة اكتر شي و كل كاسة رز كاسة وربع مي وبينجح طريقة الكبسة طبعا في مية نوع كبسة بس انا هي طريقتي بتصير بلحمة او دجاج بس تشيلي الزفرة للحمة او الدجاج بتحطي التالي هيل حب كبش قرنفل او مسمار ورق غار عود قرفة ملعقة كبيرة بهارات الكبسة ملح وبس بعدين بتسلقيها بتفرمي بصلة ناعمة بتقليها بزيت نباتي مو بسمنة لان كمان سر هادا الرز انو بزيت مو بسمنة مشان يكون مهرهر مو ملبص على بعضو وبس تتقلى بتحطي سنين توم مدقوقين وبتقليهون بعدين بتضيفي لكل كاسة رز بندورة وحدة مبشورة يعني ازا بدك تطبخي كاستين رز بندورتين مبشورين وهكزا ... وفيكي تضيفي كمان جزرة مبشورة لكل العيار وبتضيفي فلفل( و لكل كاسة رز ملعقة كبيرة بهارات كبسة ) وبس يغلو بتضيفي النصبة (يلي هية مرقة اللحمة او الجاج ) لكل كاسة رز بسمتي كاسة وربع من المرقة وبس تغلي النصبة بتركزي الملح وبتنزلي الرزات مغسولين ليروح منهون النشا او لحتى تصير المي تبع الرزات شفافة وبتنقعيون من عشر دقائق لربع ساعة اكتر منهيك بيكسر ومابينجح وبتغطي الطنجرة وبس تنشف المي بتحركيون وبترجعي اتخليهون يستوو عالآخر واخر شي بتجلليها يا باللحمة او بالدجاج الدجاج بتدهنيها بالطحينة بعد ماتكون مسلوقة طبعا وبتدخليها الفرن ليحمر وشا وبتصفيهون على وش الرزات وبتضيفي كمان القلوبات المحمصة وصحتين وهنا |
رد: تجمع حوامل سوريا-دردشة ورود سوريا-دردشة الغاليات
مساء الخير لجميع الصبايا ....
الحوامل ان شالله بتقومو بالسلامة وغير الحوامل الله يعطيكون القوة والعافية مشان تربو اطفالكون والله يحميلنا اطفالنا ونشوفون بأعلى المراتب ونفرح فيهون |
رد: تجمع حوامل سوريا-دردشة ورود سوريا-دردشة الغاليات
كيفكم صبايا شو اخباركم اشتقنالكم
كيف نايا الحلوة يسلمو على وصفة الكبسة قريبة من طريقتي اي حبيبتي انا ولدت بنتي قيصري عشان هيك بدي مستشفى منيحة يالله اذا وحدة من الصبايا جربت وولدت هون تخبرنا لنستفيد |
| الساعة الآن 06:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .