|
رد: 【ツ】أحلى تجمع لأحلى حوامل التوائم 【ツ】 الجزء الثالث
هلا كروشات شخباركم
خليني اقولكم اخر الاخبار اليوم رحت للدكتوره وقالتلي ان اوزان البيبيات ماتغيرت من اسبوعين الولد 2100 والبنت 1900 وهذا الوزن ثابت من قبل اسبوعين فخافت ان المشيمه ماصارت تعطي غذاء وسوالي تخطيط وقالتلي حمدالله نبضات القلب كويسه ومافي طلق وعطتني موعد السبت الجاي وقالتلي بشوف الاوزان اذا لسه ثابته وماتغيرت بولدك السبت هذا بعد بكره يعني في تاريخ 23 ابريل وبكون 36 اسبوع و3 ايام بناااااااااااااااااات انا خايفه ان البنت اللي وزنها 1900 تحتاج حضانه وقاعده اوسوس امانه خواتي الحبيبات ادعوووولي وقولولي الاوزان زينه انا مطمئنه ومتوكله على رب العالمين بس غصب علي اخاف |
رد: 【ツ】أحلى تجمع لأحلى حوامل التوائم 【ツ】 الجزء الثالث
مها
الله يطمنك يارب انا دعيتلك والله دعوات كتير وربنا يستجيب باذن الله ولا تقلقي ولا تخافي توكلي علي الله تري اذا المشيمه نشفت هيك لازم تولدين وانا اتنين من صديقاتي حصلهم كده وولدو بالسلامه وعيالهم ما دخلو الحضانه ولا شئ توكلي واحمدي ربك والله يكتبلك انتي وتوينزك كل الخير ان شاء الله |
رد: 【ツ】أحلى تجمع لأحلى حوامل التوائم 【ツ】 الجزء الثالث
مها والله ماعندي اي خبره في الموضوع
بس الله يطمن قلبك وتشوفيهم بحضنك سالمين معافين مو محتاجين لحضانه ولاشي يارب ياكريم سهل على مها وارزقها واطفالها الصحه والعافيه . |
رد: أحلى تجمع لأحلى حوامل التوائم الجزء الثالث
اقتباس:
|
رد: 【ツ】أحلى تجمع لأحلى حوامل التوائم 【ツ】 الجزء الثالث
مها حبيبتي لاتحاتين اذكر محجبه وشازل كان وزن عيالهم 1800 ولله الحمد مااحتاجوا حضانه اهم شي صحتهم كويسه والرئه مكتمله والله يفرح قلبك بشوفتهم وهم بصحه وسلامه
|
رد: 【ツ】أحلى تجمع لأحلى حوامل التوائم 【ツ】 الجزء الثالث
ام منذر لاترجعين الملابس المواليد يحتاجون الى كم طويل قطن سواء كان صيف ولا شتا
غرومه وينك موجود اطلعي طلي علينا رضاك ربي..اناا كنت اسوي بزيت الزيتون والكريم في الشهر السابع شاده حيلي وكانت الطريقه اني اطلع الحلمات على بره صج برزوا وبعدين تركت الطريقه ولما ولدت الا الحلمه ممسوحه بنكي وغرومه..في شاي اعشاب في الصيدليه مخصص يدر الحليب من مكوناته الحلبه والعسل الاسود جربوه توها دكتورتي الفاهيه تقولي عنه |
رد: 【ツ】أحلى تجمع لأحلى حوامل التوائم 【ツ】 الجزء الثالث
كوفي وام منذر وسارونه
مشكورين على الدعوه الحلوه وجزاكم الله الف خير الله يطمن قلوبكم سارونه انا اخاف ان الاوزان بالسونار مو دقيقه ويطلعون اقل من كذا علشان كذا قاعده افكر بس قاعده اقول قل لن يصيبنا الا ماكتبه الله لنا هو مولنا وعلى الله فليتوكل المؤمنون تكفون بعد طمنوني حييل من تجاربكم محتاجه احد يوقف معاي ويطمني |
رد: 【ツ】أحلى تجمع لأحلى حوامل التوائم 【ツ】 الجزء الثالث
اي صح مهاوي انا حمود جبته اقل من الكيلوين ب60 جرام ودودي اقل ب25 تقريبا اذا ماخانتني الذاكره
|
رد: 【ツ】أحلى تجمع لأحلى حوامل التوائم 【ツ】 الجزء الثالث
مهاوي ماراح يصير الفرق في السونار كبير لاتحاتين وفوضي امرك رب العالمين ماقلتي شلون وضعية الاجنه ان شاء الله الروس تحت؟؟حدد لك الدكتوره نوع الولاده؟؟ووين بتولدين؟؟
|
رد: 【ツ】أحلى تجمع لأحلى حوامل التوائم 【ツ】 الجزء الثالث
مهاوي
ياعمري والله حاسه بشعورك .. انا ضاق صدري يومنهم بيطلعوني بدون ولدي .. بس الحمدلله الله رحمني وان شاء الله مايحتاجون عيالك حضانه يارب وتفرحين فيهم والاوزان ماتزيد بالاسابيع الاخيره هذا الي لاحظته ... راجعت دكتورتي بعد 3 اسابيع ووزن عيالي مازاد الا 100 جرام تقريبا والمفروض يزيد اكثر انتي توكلي على الله ومن توكل على الله فهو حسبه .. ولاتحاتين وتوسوسين اهم شي ارقي نفسك واقري على نفسك ادعية تعسر الولاده وان شاء الله ربي بييسرها وامسحي على بطنك بزيت مقري فيه ولا ماء زمزم ودعواتنا وقلوبنا كلها معك ياعمري .. ساره هذاني طليت من زين خشتي عاد .. ابي اصبغ شعري واقصه الصبغه لاقيتها بس القصه مافي غير شوجي وربعها وش اسوي دبريني .. الا تعالي وش اخبار عيالك مع الرضاعه ..؟ يقولون عجايزنا ربي يحفظهم ان البزر اذا مارضع يعني مسقط اي يحتاج تحنيك من ذوي الخبره .. كوفي كلر اخبارك واخبار التعب معك ..؟ والله كلامك عين العقل .. لو يجوني شغالات بيسوون مثل شغالات ساره وغيرها خليني .. على حالي .. هم بيكبرون بالشغاله وبدونها .. وربي يعيني على التعب وربي مايضيع تعبي .. وياجرني على تربيتهم اللهم امين |
| الساعة الآن 11:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .