المشاركة الأصلية كتبت بواسطة mounira (المشاركة 3416323)

color="magenta"]والله انا دي فوا نقول كون غير جيت ما نهدرش لبارح عيطولي قالولي لقينالك فام دوميناج قدام عجوزتي قاتلي ماكانش منها ما تجيبي حتا وحدة ودورت لراجلي قاتلو ما تجيبهالهاش اتصورو ما حشمت ما والو قاتلي تجي ماماك ديرلك الدنيا ولا اختك (مع العلم ماما كانت مكسر من يدها وماما خدامة و اختي في عمرها 12 سنة وهي اللي تعاون ماما مسكينة و زيد راهي تقرا
علابالكم ردتني نغلي قتلها ماش ماما اللي تهز خماج ولدك مسكين غاضني و هو قاعد قريب دربتها ومن بعد حكمت روحي و هي بقات و للدرك راني نغلي الله لا تربحها)[/color]


ما تقوليش هكدا بعيد الشر .... انا راني نسوفري .... راكي ردتي على عجوزتك و حطتيها في بلاصتها و على الاقل هدي يماه ما راهيش برانية .. و ثاني تقدري تحكمي راجلك تهدري معاه و تاثري عليه ... اتخيلي لوكان جيتي ما تهدريش كي حالتي و نفسيتك مدمرة ... و راجلك كي البهلول كل وحدة دووووح بيه من جيه المصيبة الكبيرة لو كان غير اهله نستحمل كي العادة بصصح بنات الل **** في الخدمة ما قدرتش ااااه ... و انتي قلبك محروق و مجروح و راسك راح ينفجر ... الدموع يسيلو ويدان بصصح واحد ما يحس بيك ... و خللي وخللي و خللي حتى باش نسوغ نديفولي شوية ما نقدرش و راجلي كي قلت له هديك -الجملة- بعتهالو ميساااااج

المشاركة الأصلية كتبت بواسطة أمة الرحمان السلفية (المشاركة 3416479)

بعيد شر عليك حنونة رانا نهدرو وماسلكناش وين نولو نشوفو غير بلعين ماتقلقي روحك ماولو ديري لتخرج عليك وخليها تموت بالقنطة هذ هما العجيز مايحبوش خير لولدهم زكارة فينا حنا يحبو خير غير لبناتهم لوكان بنتها لوكان مارقدش من فرح وتسمع قع ناس بلي بنتها درلها رجلها فام دومناج ربي يهدها

المشاركة الأصلية كتبت بواسطة سهام فرنسا (المشاركة 3416543)

متقلقوش روحكم بزاف كل دار فيها المشاكل و أنت يامريم مدام راكي وحدك في دارك ديري اللي في راسك و اللي يحب يهدر يهدر يعني لتحت لتحت هههههههه
و أنت يامنيرة و الله ربي معاك أصعب حاجة أنو راجك يكون هكذا أنت ماعليك غير تقولي في صلاتك يارب سخرلي زوجي مثل ماسخرتالبحر لسيدنا موسى وألنت الحديد لسيدنا داوود و قوليها بخشوع و إن شاء الله ربي يهديه

المشاركة الأصلية كتبت بواسطة سهام فرنسا (المشاركة 3416557)

سلام عليكم البنات

المشاركة الأصلية كتبت بواسطة mounira (المشاركة 3416562)