|
رد: 【ツ】أحلى تجمع لأحلى حوامل التوائم 【ツ】 الجزء الثالث
صغيرة بالعمر تسلمين حبيبتي والله يكتب لي الولادة السهله ويقر عيني انا وزوجي بشوفتهم وانا واهم بصحه وسلامه يااااارب
غريه مشاعر رفيقة دربي انا نفسك احس بالحركه بس جهه اليسار من فوق واحس حركتهم صارت اقل من اول وانا عندي زتحد منهم مقعدي والثاني راسه فوق يعني راح اكون قيصري مع اني نفقسي بالطبيعي بس في نفس الوقت خايفه عليهم وقت الولادة فالله يكتب اللي فيه الخير لي ولهم ان شالله واخر اخباري يا غروبه اليوم التحجر ذااابحني لما يجيني يجي معاه ضيق نفس وكتمه والم في فخوذي والله اني ساعات احس نفسي ببكي ما اعرف شلون اخليه يخف ام عبودي اهلين اخبارك انا والله تعبانه من الثقل والتحجير وضيق النفس ساعات اقول ان شالله اولد بس في نفس الوقت اخاف يحطونهم في حضانه بما انهم ما كملو كيلوين واقول لا خلهم في بطني يكبرون احسن لهم بس والله حمل التوام جدا جدا متعب الله ياجرنا يارب وبالنسبه للاحلام يوووة كل يوم حلقه وكل يوم قصه مرة جاتني ولادة الفجر وامي وامي ما ترد ومرة جاتني ولادة وزوجي دوام ورحت مع ابو زوجي ووووو اقولك كل يوم قصة خخخخ وها بشري خلصتي اغراضك انا الحمدلله بمساعدة امي وخواتي خلصت الحمدلله باقي البنات الجدد اللهم زد وبارك ومرحبا فيكم بينا |
رد: 【ツ】أحلى تجمع لأحلى حوامل التوائم 【ツ】 الجزء الثالث
انا من دخلت الخامس وانا احس نفسي ضايقه ومتنرفزه على اقل شئ
احس بثقل وكنه الرحم مشدود من تحت ربي يهونها البارح نزل علي افراز ابيض ابيض صغير مره مطاطي وخفت منه واليوم طول اليوم منسدحه ضاربه فيني الوساويس خصوصاً اني ماره بمرحلة ولاده مبكره ومنها ماتت بنتي احس هالشئ استغفر الله بس مأثر على النفسيه شوي احيانا اجلس اقول رحمي ماستحمل واحد بيستحمل اثنين استغفر الله بس لكن وربي اني دايم اقول سبحانه اعطاني اياهم هو الكفيل بحفظهم لي لكن الخوف وعمايله ربي يعدي هالشهور على خير ان شاءالله |
رد: 【ツ】أحلى تجمع لأحلى حوامل التوائم 【ツ】 الجزء الثالث
ريماس الله يسهل عليك يارب وتشوفينهم وهم بصحه وعافيه
|
رد: 【ツ】أحلى تجمع لأحلى حوامل التوائم 【ツ】 الجزء الثالث
هلا بطاات
الله يحفظنا ويهون التعب علينا اليوم تشجعت وجهزات شنطة التوينز الله يجيبهم بالسلامه للمستشفى وباقي شنطتي بس النفس خلااااص ماشي من اقل حركه بيغمى علينا |
رد: 【ツ】أحلى تجمع لأحلى حوامل التوائم 【ツ】 الجزء الثالث
صباح الخيييير على الجميييع ..
شلونكم يالغالييين .. الله يحيي حوامل التوائم الجدد .. ويتمم فرحتهم يارب . والله إني اشوف الناس المتقدمه واقوول ماشاء الله تبارك الله ياحظهم ... واشوف الناس اللي توها في الثاني والثالث اقول اللهم لك الحمد والشكر الله يعينهم توهم بادييين ... على الأقل انا قطعت نصف المسافه ولله الحمد هههههههههههههه ياربي يتمم لنا كلنا على خييير ويفرحنا بشوفة اجنتنا وحنا بصحه وعافيه .. ريماس // انا دخلت السنما حقتك من بدري وافلام الأكشن اللي تقولين عنها منذ مبطي وانا اشوفها .. احيانا تكون تخوف واحيانا تكون حلوه ... احيانا اولد ولديين واحيانا اولد ولد وبنت ههههههههههههههههه هذي الأفلام صارت يوميه خخخخخخ حزن // لا توسوسين يا بعدي .. إذا من الأفرازات البيضاء وسوستي وخفتي !! اجل لاقدر الله لو تتعبين شوي وش بتسووين .. والله يا بنات لو سوينا اللي سوينا ما بيصير إلا اللي ربي كاتبه لنا .. حبيبتي ولو نزل حتى دم ماهو افرازات بيضاء والله كاتب إن الحمل يستمر ويتم بصحه وعافيه .. راح يستمر .. هذا هو شرط الأيمان بالقضاء والقدر .. يابنات ريحوو بالكم . ولا تتعبون نفسياتكم .. ترى النفسيه السيئه والزعل والضيقه .. هي الخطر الحقيقي .. من اول ما حملنا وحنا في خوف وقلق .. وماصار شي الحمد لله .. ربكم حاطهم وإختاركم من غيركم .. لانه سبحانه عنده حكمه .. الناس اللي كانت محرومه إن شاء الله ربي يرزقهم ويعوض عليهم ... صبرهم وإإيمانهم بالله تعالى ... والناس اللي عندهم وربي اعطاهم .. اكيد لحكمه فعل هالشي سبحانه .. تفائلوو وخلوو ثقتكم بربكم عاليه جدا .. .. فالله عند حسن ضن عبده به .. كلمه للناس اللي على خط النهايه .. ربي يسهلكم إن شاء الله ويطمن بالكم ويرزقكم فرحه كبيره تعوض صبركم وتعبكم .. الله يسهل لكم اموركم وييسر لكم من امركم رشدا .. ويهيئ لكم ساعه مباركه وناس طيبين من عباده ننتظر ولادتكم على احر من الجمر .. لأنها تعطينا دفعه قويه إلى الأمام وتجعلنا متمسكين بالتوائم اكثر واكثر .. ... الله يفرحكم بشوفة وضمة ابنائكم إلى صدوركم وهم بصحه وعافيه إن شاء الله ... وانتم كذالك .. اخباري .. انا ولله الحمد تمام واموري عال العال ... الله ييسر علينا جميعا الحمل والولاده ويحفظ لنا اجنتنا من اي مكروه .. إنه على كل شي قدييير .. و صل اللهم على سيدنا محمد وعلى آله وصحبه وسلم .. |
رد: 【ツ】أحلى تجمع لأحلى حوامل التوائم 【ツ】 الجزء الثالث
وآاآاآاآااآاآاآاي .. بنات ..!!!!
باركولي .. دخلت الأسبوع العشريييين ههههههههههههه .. اللهم لك الحمد والشكر من قبل ومن بعد .. ياربي لا تضيع لنا تعب .. واحفظ اجنتنا من كل شر وبار ك لنا فيهم يارب العالميين .. اللهم يسر حملهم وولادتهم .. إنه لا يعجزك شي في السماوات ولا في الأرض وانت على كل شي قديير .. ربنا إستودعناك انفسنا وما حوينا في ارحامنا فحفظنا من كل شر .. إنه لا تضيع عندك الودائع .. بسم الله اللذي لا يضر مع اسمه شي في السماوات ولا في الأرض وهو بكل شي علييم وصل اللهم على سيدنا وحبيبنا محمد وعلى آله وصحبه وسلم ... |
رد: 【ツ】أحلى تجمع لأحلى حوامل التوائم 【ツ】 الجزء الثالث
الله يسعد صباحكم يا امهات و يا حوامل
رفيقة دربي ريماس الحمد لله انك خلصتي اغراضك و انا بعدي ما خلصت , باقي السرير و العربية و كرسي السيارة , و كل شغلات الصيدليم بعدي ما جبت منها شيء غربة مشاعر زين انك جهزتي شنطة البيبي و انا كل يوم اقول اليوم بجهز اغراضي و اغراض البيبي , بس التعب عامل عمايلو , اختي حزن الله عوضك ان شاء الله ربي يتمم حملك و يفرحك بضمة توينزك , وكلي امرك لله و استودعيهم الرحمان كل يوم احلى توينز مبروك الاسبوع العشرين , عقبال ما توصلين للشهر التاسع ما فيه وحدة عندها خبر عن ام عائشة , شكلها مشغولة بالتوينز الدور الحين على مين يا بنات ؟؟؟؟ وينهم اللي بالشهر التاسع ؟؟؟؟بغى تجربتهم مع التاسع شلون كانت |
رد: 【ツ】أحلى تجمع لأحلى حوامل التوائم 【ツ】 الجزء الثالث
مساء الحب والهنا لرفيق درب الحمل الله يحفظنا يارب
ام عايشه شكلها دايخه احلى توينز الله يكمل لج بالخيرررر ام عبود وسيف انتي ويماس سابقيني اسبووووع الاسبوع الجاي عندي موعد ان شاء الله تتحدد عمليتي ابا اعرف كم لازم اتحمل الالم قمت اوسوس كل شي يعورني |
رد: 【ツ】أحلى تجمع لأحلى حوامل التوائم 【ツ】 الجزء الثالث
غربة مشاعر ليه عملية ,
على كل انا اسمع ان العملية ما تحسي بشيء نهائي , و اذا صحيتي بيألمك الجرح عادي , و للالم بتاخذ مسكنات على كل كلو يهون لخاطر التوينز طمنيني شو بيصير معك في الموعد |
رد: 【ツ】أحلى تجمع لأحلى حوامل التوائم 【ツ】 الجزء الثالث
انا مشكلتي اني من بداية الحمل اتابع في الخاص و و بالخاص ما فيه توليد , فقالت لي الدكتورة اني لازم اروح افتح ملف في الحكومي اول التاسع يعني الاسبوع الجاي ؟.؟
انا قاعدة افكر اني ما اروح للحكومي الا اذا حسيت طلق او فيه علامات ولادة , اروح للخاص اول التاسع و اعمل سونار و آخذ الصور آخذها معي وقت الولادة مع تحاليلي , شو رايكم يا بنات ؟؟؟؟ |
| الساعة الآن 08:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .