|
رد: تجمع حوامل سوريا-دردشة ورود سوريا-دردشة الغاليات
كيفن الحلوات اليوم وكيف البيبااات انا بخير ومبارح رحت عالدكتورة وخبرتني انو معي بنوتة يعني اخت لندى والحمد لله اهم شي الخلقة التامة وقووم بالسلاامة امممم صار بدي فكررلا باسم بقى للببية القادمة بس المرة الجاية بتاكدلي الدكتورة عالتمام
|
رد: تجمع حوامل سوريا-دردشة ورود سوريا-دردشة الغاليات
نايوتا انا عمري 20 ونص وعم ادرس ادب انكليزي بجامعة دمشق وانتي مالك كبيرة لسعتك صبية وبنوتك حلووة ماشالله الله يحميا وتشوفيا عروس يا رب
|
رد: تجمع حوامل سوريا-دردشة ورود سوريا-دردشة الغاليات
نايوتا
انا متلك مفكرة عااسنتبن احمل واذا هلا حملت بيكون الحمدلله وعاملة مانع طبيعي وطبعا مومضمون لان رفيقتي حملت علي 3 مرات اتا مواليد 88 بدرس ادب عربي سنة تالتة كنت انزل كل سنة ادم امتحان بسوريا بس ااسنة ماضية مشان الاوضاع مانزلت وهلا عم نستنا اافرج ندى مبروكة اابنوتة اهم شي الخلقة التامة وانا بموت عاابنات ان شالله بتشوفيا وهي بصحة وسلامة سدورة كيفك ميار وينك بس اجيت هربتي شذا كيفك وكيف الحمل الله يسرلك عخير يارب |
رد: تجمع حوامل سوريا-دردشة ورود سوريا-دردشة الغاليات
صباحكون سعيد جميعا
ميار شذا ندى سروؤة عاشقة لهلا لساتني اكبر وحدة .... ندى انا قصدي مو كبيرة قصدي اكبر وحدة بيناتكون بعرف حالي لساتني صغيرة كغيييه كغيييبه ههههههه ومبروك البنوتة القادمة منساعدك باسم الها انت شو حاطة ببالك على نفس وزن ندى او بحرف النون او مابتفرق المهم اسم حلو القرار إلك او مشترك انت وزوجك انا وقت نايا كان مشترك لان حبيت اسم ليان وزوجي ماحبو كتير انا حاطة ببالي بعد نايا بدي سمي ماريا ازا جبت بنت شذا ان شالله بتقومي بالسلامة وبتجي كوكي كاملة مكملة سروؤة هاتي لشوف طاير عقلك بجود متلي انا طاير برج من محلو من حركات نايا وسدقي اكتشفت قديشني جدبة لان كنت بصراحة ماكتير إلي مراء بالولاد الصغار وماكتير اتشوقت لصرت ام...... يعني فرحت لما عرفت حالي حامل بس يعني تجربة جديدة وبدي خوضا مو اكتر بس عنجد انا جدبة مووووو هههههههههه مياااار اشتئنالك وين اختفيتي |
رد: تجمع حوامل سوريا-دردشة ورود سوريا-دردشة الغاليات
كيفكن صبايا طمنوني عليكن انا بخيرات والحمد لله رب العالمين شو عاملين شو عم تساوو انا كنت عم اطبخ وساويت محاشي حولواا اهلا وسهلا
|
رد: تجمع حوامل سوريا-دردشة ورود سوريا-دردشة الغاليات
كيفا نايا وام نايا طمنيني عليها انشالله ماعم تعزبك وحبابة بالنسبة للاسم مالي عرفانة ومحتارة بدي اسم معناه حلوو وصغير وناعم وعجبني اسم نايا رح حطو بالقائمة
|
رد: تجمع حوامل سوريا-دردشة ورود سوريا-دردشة الغاليات
كيفا جود الامورة وامها انشالله تماام بوسيلي ياها ومعك حئ البنات مافي احلى منن و الولاد هدية من عند الله وشو ماكانو حلووين الله يكرمنا بصبياان وبنااات كاملين مكملين يارب
|
رد: تجمع حوامل سوريا-دردشة ورود سوريا-دردشة الغاليات
مسالخير جميعا
يسلمو ايديكي ندى عالمحشي وصحتين وهنا ومشان اسم نايا معناتو الغزالة البيضاء |
رد: تجمع حوامل سوريا-دردشة ورود سوريا-دردشة الغاليات
مسا الخير صبايا كيفكن اشتئتلكن كتير*
ام ملاك , سيدرة ،سروءة ،سيلااا،جوري الشاام ،ندى الشام ،مهند عمري ،ام عائشة ،زهرة الحب ،وردة سوريا ،هديل ،عبير اسماعيل ،شام الهوى و الحلوة اللي نسيتا تسامحني لانو صرلي زمان ما فتت ع الدردشة ،واهلا و سهلا بكل الصبايا الجداد اللي بالتجمع* مبررروك للي قامو بالسلامة والله يحفظن و يربو بعزكن يارب و يخليكن فوق راسن و للي عندي بيبيات حلوووين كيفن هالامامير ان شاءالله يكونو بألف صحة و سلامة يارب* انقطعت عنكن *كنت عم غير بيتي و نقل و كركبة الله بعين ،الحمدلله انا منيحة و مشتائتلكن كتييير* |
رد: تجمع حوامل سوريا-دردشة ورود سوريا-دردشة الغاليات
صباح الخير جميعا
كيفكون انا ونايا فايئين بكير والله رح اتجنني هالبنت من الفيئة بكير قد ماسهرت بتفيئ بكير شورو عليي بدي نظما مابعرف ماعم يزبط معي شي شورو عليي ندى وسروؤة اصحاب الخبرة بتفيئ بدها تلعب يعني شبعانة نوم ومروئة ههههه قلولي شو ساوي معا ؟ |
رد: تجمع حوامل سوريا-دردشة ورود سوريا-دردشة الغاليات
اهلين فيكي زهرة عرفيني عن حالك
رح عرفك عن حالي نايوتا عمري تمانة وعشرين سنة متزوجة من سنتين ونص تقريبا عندي بنوتة عمرا ست شهور شامية ومغتربة بسعودية اسم بنتي نايا |
رد: تجمع حوامل سوريا-دردشة ورود سوريا-دردشة الغاليات
مسآ الخير صبآيا .. كيفكن ... مشتاااائتلكن كتير كتير ... آسفة ع الغياب يا حلوات بس والله هلأ لرجع النت عندي وكنت مشغولة شوي بالدوآم وبهنودة وبالبوبو الجديد ... يآ بنات بكرة موعدي عند الدكتورة بس نشالله خير ... بدها تشوف ادي صرلي حامل ونشوف البوبو اذا بين ولا لسا هههه\\ ع اساس هاد اول حمل وما بعرف ..hwaml02hwaml02 أخباري ... هنوووووووودة حبيب ئلبي صاير شب يخزي العين ... بس هلأ طالع بعااادة انو ما بيرضى ينام الا لتصير الساعة 2 يعني عم يسهر كتير وانا بكووووووون ع ال 11 فارطة ههه فلذلك انا عم اتركو مع ابوه ونام ساعة زمان وارجع فيئ ونيمو .. والله هلكت ... أما بالنسبة لابو الشباب ... فلسا ما عرف انو رح يجي اخ او اخت لمهند بس شاااكك ههههه مشالله عليكن كتيييييييير حاكيين بغيابي ... زهرة سووورية يااااا حلوة ... اهليييييييييييييييييييين شتئناااااالك ... كيفك طمنينا عنك .. مبروك النئلة ونشالله بتشوفي ع وشها كل الخير سرووءة : كيفك يا ام جود والله مشتائتلك اد الدنيا .. مشالله اكيد جود صارت صبية الله يخليلكن ياها .. نااااايوتا الحلووووة : كيف حالك يا حلوة وكيف الحلوة نايا ... ع فكرة اسمها حبيت معناه كتير نشالله بتشوفيها باعلى المراتب .... شذااااااااااااااااا : كيفك يا ام كوكي ... شو اخبارك مشتااائتلك كتير كتير ... طمنيني عنك ندى الشام : كيفك يا قمر اشتئتلك كتييييييييييييييير .. كيفا كنتي هههه شو اخبارك ام ملااك & جوري & زهرة الحب & سدورة & سيلا & وردة سورية & وردة حلب & شام الهوى & رنومة & عبورة & ام عائشة & مع الله & هدوووولة& بسبوسة & بيبي سكر ... كيفكن حبيبآتي طمنوني عنكن ... يا بناااات انا صايرة عم جوع كتير وهاد اكيد من الحمل المشكلة هلأ اني بحملي السابق سمنت حوالي ال 10 كيلو ع كتر الاكل .. خيفانة رد اسمن ... بنات انا بلشت بورق ايقاف الدوام :( محروووق قلبي بس ئلت هلا احسن من بعدين وخصوصا انو لغو الدورة التكميلية حاااجتي كريت كتير هههه بوسولي صيصانكن باااي |
رد: تجمع حوامل سوريا-دردشة ورود سوريا-دردشة الغاليات
اليووووم عملت محشي ملفوف ... انتو شو طبختو سروووءة مشالله جود صايرة صبية يخزي العين الله يخليلك ياها نايوتا مشالله ناااايا كنتي كتييييييير حلوة ولزوزة ههههه الله يحميلكن ياااهن يا رب ناااطرين صور بنت ندى الشام هههه |
رد: تجمع حوامل سوريا-دردشة ورود سوريا-دردشة الغاليات
السلام عليكم
كيفكن ياحلوين اشتئتلكن كتير وعلى أولة المصريين وحشتوني كتيييير لاتآخزوني طولت الغيبي كتير بس كنت عم تابع اخباركن يوم بيوم اولا اهلاوسهلا بكل الصبايا الجدد نورتو التجمع ورجعتولو النشاط ما شاء الله لاقوة الابالله شو صايرين ولادكن ياميار وياسروءة كرابيج وحلوين يخزي العين على هنودي وجود كتير حليانين وصايرين شباب الله يحميهن يارب لما شفت صور هنودي تمنيت الله يبعتلي شب متلو حليوة ورجعت لما شفت صور جود تمنيت الله يبعتلي صبيي حلوة متلها ماشاءالله عليهن ميورة مبروك حبيبتي الحمل كتير حلو تجيبي لهنودي اخ او اخت بيربو سوى انشاالله ولازم تفرحي زوجك بهالخبر لشو مخباي عنو أليلو حتى يدللك هههه سروءة كيفك حبيتي ماشاءالله على جود بتاخد العقل شو مرحة ورايقة الله يحميها ندوشي شو سبأتيني وصورتي انشاالله الف مبروك البنت انشاالله تأومي بالسلامي انتي والبنوتي بس كأني مو شايفي صور لبنوتك الله يحميها ويخليها نزليلها شوية صور وبالنسبي الي انا الحمدلله اليوم دخلت بالخامس ادعولي الله يكمل حملي بخير وسلامي ويكون جنيني بخلقة تامي وطبيعية وسليمي انشاءالله انا حبيبتي عندي بعد اسبوع موعد وآلتلي الدكتورة انو ببان انشاءالله جنس البيبي ولما رحت لعندها من تلات اسابيع كان الالتراساوند مشغول وبس سمعتني بجهاز تاني حطتو على بطني نبض ألب البيبي وآلتلي ازا بنتظر تلت ساعة بيفضى الالتراساوند بس كان عنا موعد تنضيف اسنان عند اخو زوجي ومافينا نتأخر بروح الموعد وانتي حبيبتي باي اسبوع بين جنس البيبي وانتي هلأ باي اسبوع وعم تتحرك البنوتي ؟وشو الفحوصات يللي عم تعمليا والفيتامينات يلي عم تاخديها؟انا عم اعرف ميز حركة البيبي وكمان بلشت امشي كل يومين نص ساعة عالتريد ميل مع اني نحفاني خمسي كيلو من شهرين لهلأ هديل كيفك يالبي انا من محمبل بتكون بالنص تماما بين أريحا وجسر الشغور طمنيني شو اخبارك واخبار اهلك انشاالله الكل بخير شذا حداد اهلا وسهلا فيكي الله يأومك بالسلامي انتي وكوكي طمنيني جبتيلها سرير ؟ نايوتا اهلين فيكي ياعيني عليكي محركي التجمع وكتير بفرح لما بشوف التجمع نشيط شو هالامورة ماشاءالله عليها شو كربوجي وخاصة هي ونايمي كتير لذيذي الله يخليلك ياها وهلأ رح عرفك انتي وشذا عن حالي اسمي منار من ريف ادلب عمري ٢٤ ساكني بامريكا من سني ونص الي متزوجي من سني و٨ اشهر تقريبا وزوجي من نفس بلدي عم ادرس حقوق بجامعة حلب سني تالتي بس راحت عليي سني كاملي بسبب هالاوضاع وشكلا هاي السني رح تروح كمان الله يستر يالله هلأ حاجتني كر بهاي الصفحة هلأ بكمل كر بالصفحة اللي بعدها عندي كومة حكي عن وضعي الله يعينكن كلوشكي وبكي طبعا عرفتو عن مين؟؟؟ يتبع.......hwaml5 |
رد: تجمع حوامل سوريا-دردشة ورود سوريا-دردشة الغاليات
مساكن عسل يا صبايا يا حلوووات*
ميار حبيبتي *الله يبارك فيكي يارب عقبال قيامك بالسلامة و الف مبرروك الحمل والله يتمملك ع خير يارب و عجبتني شغلة انو جوزك مانو عرفااان هههه نايوتا حبيبتي تشرفت بمعرفتك يا قلبي *والعمر كلو ان شاءالله والله يخليلك نايا و يحميها و تشوفيا أحلى عروس * انا بقا يا ستي *عمري 25 لادئانية و عايشة بالسعودية و صرلي *سنتين و نص تقريباً متزوجة و لسا رب العالمين ما طعمني *ولاد بدك تقولي شو عم ساووي هوون والله فتت مرة و حبيت الصبايا كتير و علقت بهاللمة الحلوة* |
رد: تجمع حوامل سوريا-دردشة ورود سوريا-دردشة الغاليات
بسبوسة & زهرة
يسعد مساكن يا رب .. شو اخباركن |
رد: تجمع حوامل سوريا-دردشة ورود سوريا-دردشة الغاليات
نورتي ميار والله كتير اشتئنالك وان شالله بتفرحي بهنودة واخو او اختو وبتقري عينك فيهون
والله يعينك على نوم هنودة انا نايا احيانا بتفيق الساعة 2 او 3 شبعانة نوم وبدها تلعب بتلعب شي ساعتين وبترجع بتنام وبترد بتفيق من الستة ونص الصبح نشيطة هههههه وصحتين وهنا عالملغوف كتير بحبا هالاكلة |
رد: تجمع حوامل سوريا-دردشة ورود سوريا-دردشة الغاليات
اتشرفت بمعرفتك زهرة وان شالله الشهر الجاية بتكوني حامل واتمتعي بحياتك هلأ لا تستعجلي
كلو بوقتو حلو |
رد: تجمع حوامل سوريا-دردشة ورود سوريا-دردشة الغاليات
ميار ماقلتيلي شو عم تدرسي وقديش عمرك ههههه مافي مهرب من الاسئلة
|
رد: تجمع حوامل سوريا-دردشة ورود سوريا-دردشة الغاليات
سروؤة وينك انت وشذا اشتئنالكون
|
رد: تجمع حوامل سوريا-دردشة ورود سوريا-دردشة الغاليات
اهلا منار اتشرفت بمعرفتك وان شالله بتقومي بالسلامة وبتفرحي بشوفة البيبي
قليلي قديش الساعة عندك الصبح او المسا |
رد: تجمع حوامل سوريا-دردشة ورود سوريا-دردشة الغاليات
اهلين ميار ويسعد مساكي انتي وهنودي والبيبي الجديد
رح اشكيلكن وابكيلكن شوي تحملوني آخ يابنات لو تعرفو شو صاير فيني بهالغيبي كلها قهر بقهر اولا صرلن بيت حمايي عندي شهر ومقررين مابأى يروحوا لعند ابنن التاني ألتلكن من أبل شوسلفتي عم تعمل فيهن وانا يابنات من بعد العيد صرت اتصل باهلي وطلعت الخطوط الارضية والجوال مقطوعة وانشغل بالي كتير وبعد كام يوم شفت عالجزيرة قصف بلدة محمبل بالطيران الحربي انأطع ألبي رحت عالانترنت شفت انو عم تنقصف ليل نهار وتقريبا ادمرت كلهاوانا هون مابعرف شو صار فيني انهارت اعصابي تماما وحاول اتصل باهلي ليل نهار ومافي فايدة وكل اسمع بالاخبار قصف محمبل وحماتي طبعا انا وبهالحالي عم تكايد فيني وتسمع حكي وتعملي مشاكل على كلشي وانا مارد عليها لان يللي فيني مكفيني وبأيت اربع ايام على هالحال وبقيت من دون اكل وبالاخير غميت ووأعت عالارض وعمي الله يخليه ساعدني وصار يصحلها مشان تساعدوا وهي مو سائلي المهم بعد هيك بكام ساعة أدرت احكي مع اخي بحلب وطمني انو اهلي طلعو بعد القصف بيوم عغير بلد وكل اهل البلد طلعوا هون ارتحت شوي بس شو كنت كتير تعباني واجت حماتي عزمت ابنها التاني لعندي والحت عليه حتى يجي وماأدرّت وضعي الصعب وشو آلتلي اني اعملهن كبب تخيلوا وشو ابن حمايي مع مرتو وولادوه وبيت حماه سبع اشخاص وانا كنت من اسبوع عاملي كبب لحالي وكل الانواع المهم ألتلها مابعمل كبب شو حايجني اعملن آلتلي بعد نقار مشان محمد اسمه محمد ألتلها روحي أولي لمرتو وحماتو يعملولو انا بعمل لجوزي وبلشت فيني لاخلت ولا بأت وعياط وكلام متل الرصاص وانا ياصبايا انهرت تماما وكبرت المشكلي وصارت تأول بدها تروح لعند محمد ألها زوجي وعمي روحي منرتاح منك آمت لما شافت ماحدى بدو اياها خافت تروح لحالها وتعلق عند سلفتي آمت اجت تراضيني وانا مباشرة سامحتها وبست ايدها وبعد هيك بأت عندي ورجعت تزعجني وتكايدني وتحكي علي ومبارح عملتلي مشكلي كتير كبيري وماخلت شي الا وآلتلي اياه ولان زوجي وعمي دافعوا عني جنت وهلأ قررنا انها تروح لعند محمد وكالعادي هلأ عم تنغم لحتى ماتروح وانا هلأ ماعم احكي معاها هاي هي غيبتي شفتو شو صاير فيني يالله حاجتني حكيت كتير ووجعتلكن راسكن سلاماتي الكن |
رد: تجمع حوامل سوريا-دردشة ورود سوريا-دردشة الغاليات
زعلتيني عليكي منار والله صعبة الغربة والحمد لله اطمنتي على اهلك
وحطي حماتك ورا ضهرك سدقيني اريحلك لا تعطيها كتير اكتر من حجما شكلها بتحب المشاكل واجمالا مشاكل بيت الاحمى مالها نهاية ولا وجعتيلنا راسنا ولا شي فشي قلبك بترتاحي |
رد: تجمع حوامل سوريا-دردشة ورود سوريا-دردشة الغاليات
صباح الخير صبايا ....
انا ونايا مناح ومنسلم عليكون ونايا من يومين صارت تناديلي اما او ام بدال ماما منيحة طايرعقلي فيها وزوجي غيران بدو اب او ابا قبلان بدال بابا وانا عم جاكرو انو بتحبني اكتر صغران عقلي كتير والله ههههههه |
رد: تجمع حوامل سوريا-دردشة ورود سوريا-دردشة الغاليات
صبآح الخير يا صبايآ .. كيفكن .. نشالله بخير .. اليوم آنا متنشطة كتير .. فئت شي الساعة 8 وفائ مهند عملتلو قنينة حليب .. \\ خطي كتير عم ازعل عليه انحرم من الرضاعة من صدري ... اييييييييييه المهم عملت فطور ولبست هنودة واعدنا نفطر ومهند اليوم شاركنا الفطور لحستو ملعقتين لبن .. يؤبر ئلبي حبها كتير ... وعم جهز حآلي عندي موعد عند الدكتورة بدي حط ابني عند بنت حمايي بطريقي ... ورح نشوف البوبو هههههه hwaml42hwaml42hwaml42 بتسدئو حاسة انو هالبوبو رح يكون بنت ما بعرف ليش ع اد ما اشتهيت تجيني بنوتة واخترلا اسم نعوم وجهزلا تياب بناتية ... نآيوتا : صبآح الخير يا حلوة .. كيفك .. شو آخبارك .. ههههه اي الام كتير تنبسط وئت تسمع ابنها عم يئول ماما ئبل البابا انا وابو مهند متراهنين ع مهند شو رح يئول بالاول .. بس عم ئلكن من هلأ انو بتحسوه بيحبني وبيحب ابوه بنفس الدرجة ... تخيلو وقت يصحى ويشيلو ابوه بيضل كل النهآر رايق وما بيبكي .. وبس ما يشوفو بيضل منكد كل النهآر ...hwaml17 هههه صحي وبالنسبة للبطآقة الشخصية : الاسم : ميآر العمر : 24 سنة الدراسة : كلية الطب البشري بحمص :) يعني طبيبة مبتدئة هههه ما بعرف حتى اوصف بنادول ههه hwaml9 بس بدي وقف دوآمي مشان الحمل ومشان مهند ههههه شو رايك hwaml7 http://forum.hwaml.com/imgcache2/hwa...971426_678.gif بسبوسة: حبيبتي طولي بالك يااا منار حبيبتي انتي يمكن ما شفتي قصتي مع حمآتي .. الحموآت بشكل عآم ومو شرط كلهن بتحسي انو ما بيعيشو بلا مشآكل .. يعني حمآتي كانت تعمل عزايم ببيتي لولاد حمايي ايام اضطر اطبخ لـ 12 شخص بنفس الوقت وكنت بوقتا بالشهر التاسع .. طولي بالك عليها وتجاهليها ... ومو شرط ترضا عنك لان انا تعلمت من حمآتي انو فعلا اذا تجاهلتا بتناكد فيي لحتى تمل وبتدير ضهرا .. انتي همك هلأ بزوجك وبيتك وتركي كل شي ورا ضهرك وأهم شي تهتمي بحآلك وبأكلك ..لأنو صحتك أهم شي ..hwaml39 وروقي نشالله كل شي بيتصلح ونشالله تكوني انتي واهلك وزوجك وبيتك بألف خير دائما http://forum.hwaml.com/imgcache2/hwa...971427_215.gif زهرة سورية : حبيبتي كيفك .. نشالله بتبشرينا بحمل يااارب .. الله يبارك فيكي يا رب.. اي بدي طبق المقولة : الزوج آخر من يعلم خخخخخ شو آخبارك .. طمنينا عنك .. الغآيبآت : سيلا : ام كرومة وينك يا حلوة طمنينا عنك بليز .. وبس تجي بدنا صوور لكروووومة .. http://forum.hwaml.com/imgcache2/hwa...971425_776.gif أم ملآك ومآلك : وينك يا ئلبي لا عم شوفك ع الايميل ولا ع المنتدى طمنينا عنك يا ئلبي .. http://forum.hwaml.com/imgcache2/hwa...971425_776.gif هدووولة : حبيبتي انتي بالي عندك ولدتي ولا لسا ؟؟ طمنيني عنك وعن رنوووشة كنتي الغالية .. http://forum.hwaml.com/imgcache2/hwa...971425_776.gif عبورة & ام عائشة & ام يويو & شام الهوى & رنووومة& سيدرة & ندى الشام & وردة حلب & بيبي سكر كيفكن حبيباتي وكيف ولادكن ؟؟ طمنونا عنكن ... http://forum.hwaml.com/imgcache2/hwa...971425_776.gif زهرة الحب & وردة سورية وووييييييييييينكن طمنووونا عنكن هنووودة بيبوسكن ... http://forum.hwaml.com/imgcache2/hwa...971425_776.gif جوري الشام : وينك يا ام يزن .. انشغل بالي عليكي .. طمنينا عنك وعن يزونة .. كيفا والدتك واختك الزغنونة http://forum.hwaml.com/imgcache2/hwa...971425_776.gif أنا آسفة اذا نسيت اي اسم كلكن ببالي والله وما بنسى العشرة الحلوة اللي بينا بتمنى نرجع متل زمان نجتمع .. حآجتي حكيت جرايد مو بس جريدة وحدة يلااا سلام يا قمرات ههه وبالمناسبة شو رايكم بتنسيق الرد هاد خخخخ hwaml13 |
رد: تجمع حوامل سوريا-دردشة ورود سوريا-دردشة الغاليات
ياعيني عالنشاط يا ميار وصحتين عالقلب هنودة انا كنت نايا لما كانت بعمر هنودة
ماخلي زوجي ابدا يطعميها شي ولا حتى لحسة صغيرة خاف عليها وبسرعة ناطرينك بس ترجعي من عند الدكتورة طمنينا شو قالتلك ومشان هويتك تسلميلي اتشرفت اكتر بمعرفتك شو ناوية تختصي يمكن الاختصاص عالمجموع ما ولساتني اكبر وحدة بالتجمع ههههههههه يلا معلش مشان تاخدو مشورتي وبعدين شو بيقول المتل بماإني ام الامتال يلي مالو كبير مالو تدبير وتنسيق الرد كتير حلو وانيق وبفرفح القلب والصور كمان حلوة ومعبرة |
رد: تجمع حوامل سوريا-دردشة ورود سوريا-دردشة الغاليات
نآيوتا حبيبتي .. كيفك وكيفا الزغنونة نايا .. والله يا حبيبتي لسا البوبو ما بين بس شافت الكيس وئالتلي تعي بعد شهر مشان نشوف اذا بيبين معنا نبض البوبو ... بس الغريب بأنها شافت كيسين زغار .... حسيت الدكتورة سكتت بس ئالتلي ع العموم تعي الشهر الجايي لنشوف شو القصة وعطتني فيتامينات ورجعت ع البيت ... شو عملتو بغيابي انا اليوم ما طبخت بئا بدي اعمل ظرفين اندومي الي ولابو مهند هههههه |
رد: تجمع حوامل سوريا-دردشة ورود سوريا-دردشة الغاليات
شذاااااااااااااااااااااااااااااااااااااااااااااااا اااااااااااااااااااااااااااااااا وينك ...
بلييييييييييييييييييييييييييز طمنيني عنك بالي عندك :( |
رد: تجمع حوامل سوريا-دردشة ورود سوريا-دردشة الغاليات
اهلين صبايا
نايوتا وميار منورين نايوتا كتير حلو صرتي ماما عنجد هههه والله مافي احلى من الاحرف يللي بأولوها الزغار وخاصة كلمة ماما ومنيح جاكري لجوزك انا بايدك ههههه ومشان التوأيت عندي هلأ الساعة ٢ الضهر الفرأ بيناتنا ١١ ساعة انتو سابأينا فيهن مشان هيك بشارك متأخرة ميار مبروك ليكون معك توأم ؟شو رأيك ولهلأ ماخبرتي زوجك خبري حرام خلي يفرح بالتوأم وتاريكي فناني شو هالتنسيق الحلو حسيت حالي بمعرض فني ههههه! وبالنسبي لحماتي ماعم احكي معاها ومن المقرر ياخدها ابنها التاني بكرى بس شكلها غيرت رأيها بس مارح ارتاح لحتى تروح من خلأتي لان هي دائما هيك بتعمل معي المشكلي هي بتنبسط وانا بنأهر الله لايسامحا أديشا مرة مشكلجية لأ وشو عمرها ٧٤ سني اللي متلها ملتهي بالعمل لآخرتو وهي ملتهيي بأهر الناس وبكرى انشاءالله بخبركن شو بصير معي ورح اعمل اليوم عالعشا عجة بقدونس الي اسبوع عم اتوحم عليها واليوم قررت اعملها تفضلوا جيبو بسابيسكن واركبو الطيارة وتعوا ومنو بيتعرفوا الولاد على بعض ومنجوزن هون شو رأيكن؟hwaml51 |
رد: تجمع حوامل سوريا-دردشة ورود سوريا-دردشة الغاليات
صباح الخير يابنات كيفكون
ميار بيجوز بدك تجيبي توينز انا وقت نايا شافت الكيس مايل وشكلو متل الكلية وكمان سكتت اطمني بتصور كلشي طبيعي وان شالله خير منار صحتين عالعجة شلون بتساويها ببقدونس انا بحط بقدونس بالعجة بس معا بطاطا مبشورة او زهرة وسلماتي للغايبات سروؤة وينك والله اشتقنالك شذا طمنينا عنك بالنا عندك ندى كيفك وكيفا ندوشة ليش غاطين طمنونا عنكون ولو بكلمة |
رد: تجمع حوامل سوريا-دردشة ورود سوريا-دردشة الغاليات
منار انت بأيا ولاية بأميركا معك الجنسية شي انا عندي رفيقة باميركا بكالفورنيا باقيلها سنتين بتاخدا عم تدرس طب ونسيت العربي ههههههههههه بتحاكيني كلمة عربي وعشرة انكليزي صار لسانا تقيل عالعربي هههههههه
|
رد: تجمع حوامل سوريا-دردشة ورود سوريا-دردشة الغاليات
صبــ’آح الخير ياااا حلوات .. كيفكن حبيبآتي شتئتلكن كتييييييييييييير ياااا جمااااعة جاية ع بالي الملوخية وهكذا نستنتج بأنه على ميار التوجه للمطبخ حالا وطبخ الملوخية هههه hwaml11 نايوتا ومنار : مممم توينز اي ممكن بس هييي مارضيت تجزم من هلأ لان كتير بكير ... اديش كنت حابة يكون اول حمل بتوينز ويكونو صبي وبنت ههههه بس ربكن راد يجيني القمر هنودة ... دخيل ربو صار كل حياتي وكل لحظة بيصير اغلى ع قلبي وناطرة اسمع صوتو بكلمة ماما هههه ... كيفك يا نايوتا .. وكيفا حبيبة قلبي نايا ... منار: صحة وهنا ع العجة .. ونشالله مطرح ما يسري يمري .. بالنسبة لحماتك الله يبعدها عنك ويريح بالك يا رب ... بناااااااااااااااااااااااااااات بدي خبر ابو مهند بقصة الحمل بس مترددة هههههههه عم فكر خبره المسا ... اخبار هنودة :هههه بما اني كل يوم بفوت بكركر بالتجمع وبخبركن عن حالي مهند غااار وصار بدو يخبركن خبرياتو ... مهند اليوم صحي قبل الماما والبابا .... وصار يبكي لحتى يزعج ميووورة ( باعتبار هوي ممنوع يقول ماما هههه مشان ما يكبرني بالعمر ) وعملتلو قنينة الحليب وحمام دافي ... وأعد هلأ بالكرسي شبه نايم لأن فرط بالحمام ههههه ... وعم يشمشم روايح الطبخ الجاية من عند الجيران .. نوافيكم بمزيد من اخبار دنجوان أو صهر التجمع .. كما لقبته الصبايا ههههه لاحقا .. بووووساتي للكل وبدي اطمن ع هدولة ولدتي يا ئلبي ولا لسا أمانة فوتي طمنينا شذاااا وينك حبابة فوتي طمنيني ولو بكلمة |
رد: تجمع حوامل سوريا-دردشة ورود سوريا-دردشة الغاليات
وييييييييييييييييييينكن
|
رد: تجمع حوامل سوريا-دردشة ورود سوريا-دردشة الغاليات
مسا الخير صبايا
مساالخير ميار كيفك وكيفو هنودة صحتين عالملوخية اكلة ملوكية انا اليوم ماطبخت جبنا تورتيلا فيش من هيرفي ونايا من دقيقة نامت وطبعا كان اليوم حافل بالعفرتة والكركبة والركد بالمشاية او الكراجة متل ماانا بسميها شذا و سروؤة وندى غاطين ان شالله المانع خير ومنار كيفك اليوم والله زعلانة انو بنتي عم تكبر واحلى فترات عمرها وهية بعيدة عن ماما وبابا بس شو بدنا نساوي ماحدا بيختار حياتو هيك الله راد |
رد: تجمع حوامل سوريا-دردشة ورود سوريا-دردشة الغاليات
عملت صندويشة جبنة و صندويشة حلاوة وعم آكلون عالرضاعة مابعرف طعم الشبع والحمد لله
ماعم يزيد وزني بالعكس تقريبا رجعت لوزني قبل ماجيب نايا |
رد: تجمع حوامل سوريا-دردشة ورود سوريا-دردشة الغاليات
أهلييييييييين نايوتا حبيبتي ..
صحة وهناااا يا رب ... ونوم الهنا لنايا ... والله انا لحد الآن حياتي هادية بس مع مرور الوقت عم حس بدي جن هههه وخصوصا اذا طلعو اللي ببطني توينز ياااا عيني يا سلام عنآ صديقة واخت بالتجمع (( رنومة )) كآنت تئلنا بعد الولادة عنجد صار لازم الوحدة تغني " مافي نوم بعد اليوم " هههه الله يذكرها بالخير جاااي ع بالي كركر هههه أخبار مهند عمري : الان مهند آعد بحضن ميورة ((يعني الماما)) وعم يمصمص اللهاية ... بيبوسكن كلكن |
رد: تجمع حوامل سوريا-دردشة ورود سوريا-دردشة الغاليات
زهرة سورية وينك افضى وحدة فينا وماعاد شفناكي معنا ان شالله بتكوني حامل هالشهر وتلتهي بالوحام
ابقي نورينا بوجودك معنا |
رد: تجمع حوامل سوريا-دردشة ورود سوريا-دردشة الغاليات
كيفكم يا صبايا
سرووءة انا كمان متلك من ريف الشام وبنتي عمرها 3 سنين ونص وانا مواليد 88 انا درست تمريض وتزوجت وصرلي بالسعودية تقريبا اربع سنين وكم شهر الحمد لله الله كتبلي انزل على الشام الصيف الماضي بس هي الصيفية ما نزلت بس والله زهقت ومليت بدي انزل طولت عليكم كل يوم منحكي شوي عشان ما نمل من بعض بسرعة |
رد: تجمع حوامل سوريا-دردشة ورود سوريا-دردشة الغاليات
كيفكن ياحلوييييين
شو اخباركن ؟اشتأتلكن كالعادي بشارك لما بكون التجمع فاضي شو ساوي غربتي غربتين الحمدلله نايوتا حبيبتي انا بولاية كاليفورنيا بسان فرانسيسكو وباخد الجنسية انشاالله بعد سني ونص ليصرني هون تلات سنين ومشان اللغة يعني ماشي حالي بس لسا مانسيت العربي ههه بس عنجد في كلمات بحكيهن هون كتير بالانكليزي وعم انسى لفظن بالعربي بس لازم روح عمدرسة تعليم لغة مشان تصير لغتي كويسي وانا من هواة اللغة الانكليزية يعني ماشي حالي هون ومشان روح عالمدرسي لازم روح بالسيارة ولسا مااخدت شهادة السواقة اجلت الفحص لما طلعت حامل وهلأ انشاءالله ناويي أبل مايكبر بطني آخد الشهادي وصحيح نسيت اسألك رفيأتك وين بكاليفورنيا؟ وكيف نست العربي هي لحالا هون؟ كيفها الزغنوني كنة ميورة؟ وعلى فكرة اذا اجاني بنت رح تصير ضرة بنوتك ورح تكون بنتي مدللي اكتر شي لانها اظغر من بناتكن وميورة وهنودي رح يفضلوها عن بناتكن بأى من هلأ عم ألك حتى ماتغاروا من بنتي hwaml02 |
رد: تجمع حوامل سوريا-دردشة ورود سوريا-دردشة الغاليات
كيفك ميار
كيفو هنودي يللي ممكن يكون صهري شو بعدين عملتي ملوخية ؟آه لو تعرفي أديش مشتهيتا وخالصة من عندي من شهرين ومافي هون منها جبت ملوخية ناشفي من سوريا وماكترت كنت مفكرة اني رح انزل أبل هيك بزمان وماحسبت هالحساب ييي بس كتير شهتيني عليها أماني كلي عني وعن كنتك او صهرك لان اذا جبت صبي رح جوزو بنتك اذا كان البيبي عندك بنتك شو رأيك ياستي وصحيح ليش لهلأ ماخبرتي زوجك ليش مترددي الحمل وتأكدتي منو بأى شو في كمان ناطرة تأليلو مرة وحدي توييينز! بتعرفي شو مبارح بالسهرة كنت فايتي عالمنتدى وزوجي آعد جنبي وكنت عم أتأمل مشاركتك الحلوي وبالاخص الصورة لتاري زوجي كان شايف المشاركي وعاجبتو كتير وعم يبتسم آم شو ألي؟٠٠٠٠ مين سارأ اسم بسبوسة منك !والصورة هاي الك مين سارأها ألتلو مابعرف ألة بنات! خفت يعرفني انا ويشوفني شو كاتبي عن امو بس صايرة انا واياه عم نحكي عليها ولسا ماراحت من عندي بكرى بالويكند ببين معي بنات خايفي تكون حماتي عم تدعي عليي ويجيني لاسمح الله ولد مو طبيعي لانها رايحة تجن من حملي ودلال جوزي وعمي محتارة كيف بدها تعبني وتزعجني خبروني كيف عرفتو ولادكن الله يخليلكن اياهن سليمين وطبيعيين؟ طمنوني خايفي وهالخوف جاييني من أول حملي ادعولي الله يفرح ألبي بولد طبيعي وسليم وخلقتو تامة حاسي حالي متل الدايخة عم ادخل بموضوع واطلع من موضوع بدون مقدمات ونهايات وبدون ترابط hwaml43 بس بتعرفو ليش؟ لان حماتي آعدي أدامي وعم اتكهرب منها الله يخلصني منها عن أريب يالله بنات هلأ رح اتفرج على ذا فويس وعم اشرب متي وعم اتكهرب من حماتي تفضلو عالسهرة والمتي طبعا مو عالكهرباhwaml36 |
| الساعة الآن 06:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .