|
رد: تجمع حوامل العراق واتمنى اكو احد موجود
هلو بنات شلونكم اسفه لانه اتأخرت عليكم بس كان اليوم الاحد دوام وداومت بعد العطله وتعبت هوايه ومن رجعت صارت عندي الام ولويات ونمت ومن كعدت حسيت نفسي احسن..
ايوته حبي شكرا لجوابج والله جنت دايخه بالحفاظات ومااعرف شسوي ويارب يطيبلج يوسف من الانفلونزا هو احنه الكبار ومنتحملهة خطيه حياتي يسوره حبي والله هم حاليا مجبسيهة لرجل الطفله وبعد مااعرف بس استغفر الله الكل يكول هاي من كفر ابوهة لانه يكفر لانه عنده بنيه وبنته جابتله بنيه اخرى عبالك عنده عشر بنات والله عاقبه.. والله يسوره معنوياتي لحد الان زينه بس من افكر بساعة الولاده ادووووووووووخ هههههههههههه امونه حبي مبروك لرضا زوجك ومثل مكتلج حاولي تكسبيه ولتعانديه حتى لوتظغطين على نفسج ويارب يخليلج بنونه الاموره .. رحوبه حبي مشفت صورة فطومه ؟؟ ويارب يكون التغيير والرجوع للبيت يريحج رغم الشغل الي ميخلص ابدا.. زينه حبي شخبار بنتج خطيه بالي يمهة لانه خاله بالسويد تكول لاعبالكم مثلكم بالعراق ابكيفنه ناخذ علاج من الصيدليات.. مهاوي حبي بالعافيه رجعت ابو حمودي وبالعافيه على الدولمه تدرين لافه جدر دولمه وخالته بالمجمده اخاف اشتهيهة اطلعهة واطبخهة قبل ايام كعدت لفيت جدرين سوه هههههههههههه مي يارب يتمملج على خير وتفرحين حبي.. انت روحي يارب تشوفين النونو سليم ومعافى.. كوكي ماكو لازم مجددت الاشتراك..؟؟اشتاقينالهة والله ودقة قلب هم ماكو..وزينب السعدي اختفت وراحت نستنه..ودلوعه هم ماكو وصعوبه ام لسان..مشتاقيلكم وام ديما هم غياب يارب المانع خير |
رد: تجمع حوامل العراق واتمنى اكو احد موجود
صباااح الخير ام ايهم
اشلون ايهم بعده يرفس ولا تخافين من ساعه الولالاده كلها صرخه وايهم بحضنج هههه انتي قويه سوبر مااان ههههههه بس فكري وقت الطلق بملابس ايهم وشلون بتطلع حلوه عليه وسرير وين راح اتخليه وهشغلالالات والله الم يخف ويقل وبسرعه يطلع ايهم هههه اسئل مجربه خبره 4 اطفال وعفيه اشويه دولمه اموت فيها وما اطبخها من العفريت ميخلوني الفهااا يبالها وكت بلفهااا وصوره بلكمبيوتر الثاني معرف اخليها الكم هسه اخليها ان شاء الله بكره وتشوفونهااا |
رد: تجمع حوامل العراق واتمنى اكو احد موجود
هلو بنات شخباركم شكد مشتاقتلكم ومشتاقه لسوالفكم ايه مها نورس ام ايهم ايمان وئام يسرى ام سمر شخبارجن حبايبي؟
البنات الجدد منورات |
رد: تجمع حوامل العراق واتمنى اكو احد موجود
رحوبه وام لسان مشتاقتلكم
|
رد: تجمع حوامل العراق واتمنى اكو احد موجود
طبعا صارت عدي فلاونزه ولولي تمرض اني الحمد لله طبت وهوه خشمه بالنهار يصب صايرات دجله والفرات هع وباليل مسدود وشالع كلبي بس يتفزز
|
رد: تجمع حوامل العراق واتمنى اكو احد موجود
صباح/ مساء الخير عليكم
راسي مصدع اسم الله عليكم صارلي 3 ايام مجاي انام ... مهاوي حبي..ليضل بالج هسه متلكيه الا يدك الباب وتفرحين بجيته تسلمين عمري نجوله الله يخليج .. حبيبتي تسلمين للكلمات الحلوة والله اني هم دااكوله لزوجي عن انه انتي ماشاء الله اكثرنه خبره شكرا غلاتي خجليتيني ...هذا من ذوقج قبل ايام رحنه اشترينه الحفاظات وملكيت بامبرز البيضه الي وصفتيهة وشوفتيني صورتهة مخليت محل مدرورت اخر شي اشتريت الكيس الاصفر لحديثي الولاده وكلت بس تجي مهاوي اسألهة لانه خفت اخذ نوعيه غير بامبرز.. حبي هو ماكو فرق جبير بين بامبرز البيضه والصفره بس البيضه تكون مضغوطه اكثر ونسبة الكريم بيها اكثر يعني حمايه اكثر للطفل ..تدرين حتى عدنا بالامارات اعاني وكوه الكاها بس بالصيدليات الجبيره والمراكز التجاريه المعروفه وللعلم من ولدت محمد مااخذوا مني حفاضات مارضوا حطوا حفاضه فاين اله !! اني بعد الاربعين ارجع احول محمد على بامبرز الصفره... وان شاء الله بأول سفره للامارات اجي ازورج ونطلع نتونس اني اعمام زوجي كلهم هناك بالامارات تجار مابين الصين والعراق بس مستقرين بالامارات..ويارب نتشاوف او انتي تجين للعراق وتنورينه ابيتنه ونفرح بيج وبالاطفال .. ان شاء الله تنورينا بالامارات ونطلع سوه والله افرح واطير من الفرح ههههههههههه والله مهاوي داامشي هوايه بس خايفه وقلقه كل يوم يمر الي بالتاسع يزيد خوفي..والدكتوره بأول ايام بالتاسع قبل العيد فحصتني وكالتلي عندج توسع 70% بالحوض وماعندج التهابات او افرازات بس بقه انه اكمل 10 ايام بشهر التاسع وتعيد الفحص وتشوف الرحم اذا صاير بيه توسه هسه اني صارلي على احساب اخر سونار 11 يوم بالتاسع.. ماشاء الله التوسع كلش زين يعني مهيأه للولاده الطبيعيه ان شاء الله ... ان شاء الله بالفحص الثاني تلكين التوسع صاير اكثر بس انتي امشي واكلي تمر خصوصا بوكت الطلوقه والجماع بهالفتره زين هههههههههههههه يوسع عنق الرحم يعني يسهل الولاده ادعيلي حبي الله يسهلي والله تعبت وفوكاهة امتحاناتي راح تبدي بعد كم يوم.. والله كريم..بوساتي لاحلى شياطين هههههههههههه شوقي ههههههه وملوكه وحمووووودي ربي ييسرها ويسهلها عليج ويجعل ولادتج سهله وهينه اللهم آآمين.. ولا تفكرين بالولاده والامتحانات خليها على ربج ...وحاولي تهدئين اعصابج هالفتره وراجعي جنطتج الخاصه بالولاده وانتبهي لملابس ايهومي تره الدنيا بارده وخليله بجاما +ثوب او اوفر كامل يكون افضل والفانيله الداخليه لا تنسيها ...وملابسج هم لازم تكون ثخينه انتبهي لنفسج زييييييييين... تسلمين عمري وصلت البوسات وللعلم اني كتبت رد على هالكلام من البارحه بس خدامتي جانت كاطعه النت هههههههههههههههههههههههههه |
رد: تجمع حوامل العراق واتمنى اكو احد موجود
يسوره شفت صورة بنتج مااااااااشاء الله عليها طالعه حلوه اكيد على امها ههههههههههههههههههه
ربي يحفظها الج ولأبوها ... ام حمودي الله يوصل زوجج بسلالالالامه ويريت اطمنينا عنه وشلون الجهال وشلونج انتى هلووووووو رحوبه حمدالله ع السلامه ...تسلمين عمري الاطفال كلهم بخيرررر وابو شوق رجع بالسلامه وداوم بشغله عادي والحمدلله انتي شأخبارج نريد نشوف صور العيد ميلاد ههههههههههه ايوته مبروك ع النفنوف ... شوفي اكلي سبانغ هواي حتى يروح منج فقر الدم ولا تاكلين مقليات وهالسوالف واكلي كبده وانتي تكدرين تسوين نظام غذائي الج مثل الريجيم ومايأثر على فقر الدم ابد بس كون تلتزمين بيه هههههههههههههه |
رد: تجمع حوامل العراق واتمنى اكو احد موجود
عافيات على قلبج عذراء ..شلون صرتي ؟ ان شاء الله احسن؟
مي اني بأبني محمد وصل فقر الدم الى 7.5 ومااخذت ابر انطوني بس حبوب حديد واكلت كبد غنم شوي بس مامستوي كلش والحمدلله صرت احسن ونسبة 9.5 زينه طبيعيه تقريبا امونه عمري الحمدلله زوجج تحسن شويه ربي يهديه الج انتي هم حاولي تكسبيه بالكلمه الحلوه والتصرف الزين وانتي ماشاء الله ماينخاف عليج ماتحتاجين نصيحه ودائما اتلكيه بالضحكه وبكلمة الله يساعدك حبيبي وودعيه بالدعاء وشوفي شلون راح يتغير ...وطبعا للاحسن هلا زينه الله يعينج عمري ان شاء الله الشفاء العاجل لبنوتج ..انتي شلونج؟ اخبارج؟ عساج بخيرررر؟ هلا نورس منوره عيوني شلونج ويه الحمل؟ |
رد: تجمع حوامل العراق واتمنى اكو احد موجود
هلو بنات حبيباتي مشتاقتلكم البارحه يوسف منام من وره خشمه
اكولج زنوبه ولدنا نفس الجدريه متشابهين مهاوي عمري والله دا اسوي نفس الشي دا اكل مركه وحدها بدون صمون ومرات الصبح ميعجبني اتريك ومرات اكل بيض مسلوك ومرات بالليل اكل تونه دايت شسوي بعد نجوله حبحب اكولج للاحتياط اني اول مجبت اشتريت كريم سودو مال حفاظات فدشي رهيب مره يوسف صار اسهال وانصلخ جلده من يم المقعد ماكو مرتين حطيتله منه كبل راح وكلش زين وكومه انصح بيه رحوبه ويسوره وامونه والبنات الجدد واشو وئام ماكو بالي يمها |
رد: تجمع حوامل العراق واتمنى اكو احد موجود
مهاوي شخبارج حبيبتي ماكو متبينين اكيد رجع زوجج وملتهية وياه
الحمد لله على سلامتة هلو عمري يسوره لا والله خطيه زوجي كوه اشوفه مجاي الحك وكله سهر ويه محمد والنهار ويه البنات وراسي راح ينفجر اسم الله عليج بحيث هسه ارد عليكم ومحمد بحضني ارضعه وساعه اركض وره شوق حتى اليشوفني مايعرفني كلش متغيره من التعب رحوبه عمري خطيه زوجي عايفته وملتهيه ويه الاطفال بس شويه اشوفه واشوف طلباته .. امونه يلا بشرينا من ترحين للطبيبه يلا نريد اخو لبنونه |
| الساعة الآن 02:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .