|
رد: 【ツ】أحلى تجمع لأحلى حوامل التوائم 【ツ】 الجزء الثالث
غربة مشاعر ،، ماشاء الله الحمدلله اللي وصلك لهالشهر بسلام ..
الله يقويك على الأوجاع والتعب ويصبرك يارب ، احتسبي كل ألم وكل شي لله يهونها عليك بإذنه أنا توني في الرابع واتشكى من كل شيء اقول كيف لو تقدمت في الحمل .. الله يصبرني ويصبر كل الأخوات .. وإن شاء الله تبشرينا بعد كم اسبوع .. تفائلي أنتي وأم عبودي وسيفو والكل hwaml7 بنت الحسب ،، اسأل العظيم أن يشفي ابنك المريض ويرزقه واخوه وامه الصحة والعافية .. خلي أملك بالله كبير وتوكلي عليه .. وادعي كثير .. ربي يسهل امورك يارب ويقدرلك اللي فيه الخير .. ريماس ،، الله يطمن قلبك على أجنتك يارب .. ويطمن قلوبنا إن شاء الله ابى اسأل حد يستخدم دواءpregnacare ولشو استخدامه ؟ دعواتكن أخواتي لي بالصبر .. إن شاء الله بالصبر كل شي يهون |
رد: 【ツ】أحلى تجمع لأحلى حوامل التوائم 【ツ】 الجزء الثالث
السلام عليكم
حبيت ادخل واسلم عليكم لاني بعد حوالي ثلاث ساعات ان شاءالله بدخل المستشفى عشان عملييتي يوم الأحد لاتنسوني من دعواتكم وقلت لولدي اذا ولدت بالسلامة يدش ويخبركم استودعكم الله الذي لا تضيع ودائعه |
رد: 【ツ】أحلى تجمع لأحلى حوامل التوائم 【ツ】 الجزء الثالث
صباح الخير بنات
كيف اموركم ان شاءالله تمام الله يتمم حملكم على خير ويقومكم بصحه وسلامه انتم والتوينزات انا داخله عرض هنا بس حبيت اسألكم انا احس بحركة البيبي بالاسفل مره وفيه شي ساعات بس يضغط على صدري من فوق ويآلمني كنت افكر انه البيبي طالع فوق بس اللي لاحظته انه حركة البيبي دايما تحت ماتتغير ومادري ايش الشي هذا لانه جدا يآلمني ولما سويت الااشعه عند الاخصائيه قالت ولد وهي ركزت بالجهاز عالجنب اليسار بعدين سويت اشعه عند الدكتوره قالت بنت وكانت حاطه الجهاز من اسفل مكان حركة البيبي واحترت معاهم لما قلتلها الاخصائيه قالت ولد قالت اجل ولد لانه اشعتها افضل بعد يومين تذكرت اني حلمت حلم غريب ومادري فسرته انه ممكن يكون الشي اللي يآلمني هو بيبي ثاني يعني تؤام بس معقوله 3مرات اسوي اشعه ومايوضح ادري طولت عليكم بس قلت مالي غيركم لاني بصراحه خايفه من الالم اللي يجيني لدرجة اني ماقدر المس نفس المنطقه احسه شي يضغط عالضلوع والصدر انا الحين في بداية السابع سويت اشعه بالشهرالثاني وبالشهر الخامس وبالشهر السادس |
رد: 【ツ】أحلى تجمع لأحلى حوامل التوائم 【ツ】 الجزء الثالث
نسيت اقولكم انا اراجع في مستشفى حكومي يعني مافي موعد الا بعد شهر
وانا بصراحه بدأت اوسوس من الالم اخاف يكون شي ثاني فياريت اللي ماعندها فكره تدعيلي عالاقل لانه نفسيتي مره تعبانه من كثر مافكر * على فكره الالم مو مستمر يجي فترات ويروح شوي بعدين يرجع نفس الم البيبي لما يتحجر فمكان واحد ويضغط عليكي بس بدون حركه بس هذا بزياده لانه على فوق عالصدر |
رد: 【ツ】أحلى تجمع لأحلى حوامل التوائم 【ツ】 الجزء الثالث
أم عائشة ،، الله يسهل لك أمورك ويقدرلك اللي فيه الخير .. وان شاء الله منتظرين ابنك يبشرنا .. دعواتنا لك وقلوبنا معاك
كثري من الاستغفار بنية تسهيل الامور .. ربي يوفقك إن شاء الله غلاها بس يكفيني ،، صراحة ماعندي فكرة بس ان شاء الله خير .. انا مافهمت وجعك بالضبظ بس تقريبا حسيته مقارب لوجع حسيته امس في جهة اليسار من صدري كنت مشتتة هو وجع هو ضيق هو ألم بعظامي والله مشاكلنا ماصارت مفهومة لنا مابالك بغيرنا .. وجلس تقريبا نص ساعة وبعدها راح والحمدلله أقرأي قرآن على المكان اللي يوجعك وإن شاء الله ماتشوفين شر .. |
رد: 【ツ】أحلى تجمع لأحلى حوامل التوائم 【ツ】 الجزء الثالث
صباحكم ورد
ام عائشه والله قلبي معاج من دخلت المستشفى احاتيج لانهم خبلو فيها ويا موضوع الربط الله يقومج بالسلامه يارب وتقر عينج بشوفتهم بخير ريماس الله خير حافظ لاتحاتين شي الله وياج كروشااات الله يحفظكم والكل ان شاء الله يربي في موعده |
رد: 【ツ】أحلى تجمع لأحلى حوامل التوائم 【ツ】 الجزء الثالث
الله يقوم جميع الحوامل بالسلامة ومشكورة يانقاء الروح على تفاعلك بس ابي منكم أجابه ع سؤالي كم الفرق الطبيعي بين التوائم من حيث الوزن والأسابيع ؟؟؟؟؟
|
رد: 【ツ】أحلى تجمع لأحلى حوامل التوائم 【ツ】 الجزء الثالث
رموسه وكلي الرحيم ويارب يطمن قلبك واقري على بطنك قبل تروحين له
بنوته فديتك ... انا اتخيل نفسي وانا داخله الحرم بزوجي واطفالي بيدي احس اني ابسجد وابكي ابكي ابكي لله شكر وحمد والله تخيلت الموقف الحين وطاحت دمعتي بنوته هو الرحيييييييييييييييييييييم الكرييييييييييييييييم ولن يخيبنا وانا اختك ونحن قد تعلقنا بباب رحمته التي وسعت كل شئ لاتنسيني من دعواتك الحلوه كل مادعيتي لنفسك فتذكري اختك ام عبدالرحمن بظهر الغيب لان الوساويس والافكار جننتني الله لايضيع لنا تعب وانا اختك ولايكسر لنا خاطر ولا لازواجنا ام عائشه استودعناك الله يالغاليه ويارب تبشرينا بتونزك بصحه وعافيه غلاها حبيبتي انا سمعت انه من السابع يبدا يضغط البيبي على عظمة الصدر الله يتمملنا ولك بخير |
رد: 【ツ】أحلى تجمع لأحلى حوامل التوائم 【ツ】 الجزء الثالث
اللهم صلي وسلم على محمد
يارب اني ااسأالك بأن لك الحمد لااله الا انت المنان بديع السموات والارض ياذا الجلال والاكرام ياحي ياقيوم ياحي يوم لاحي ياحي قبل كل حي ياحي بعد كل حي لاتكسر لي ولالزوجي خاطرا وتمم لي حملي ولكل حامل حملها بخير وسعادة ورزق يارب يارب يارب يارب يارب ولاخاب من نادى واستغاث بياااااااااارب استودعناك واستأمناك واستحفظناك ماخلقت بقدرتك وعظمتك ورحمتك مافي ارحامنا فبرد على قلوبنا برؤيتهم احيااااااء اصحااء يرزقون ويلعبون في احضان ازواجنا لااله الا انت سبحانك اني كنت من الظالمين |
رد: 【ツ】أحلى تجمع لأحلى حوامل التوائم 【ツ】 الجزء الثالث
مساء الخير
كيف حالكم ان شاء الله بخير يا حبيباتي اسماء ربي يتمم لج على خير ياقلبي يا رفيقة الدرب خليتيني ورحتي عني يالله ماعليه المهم سلامتج والتوينز ان شاء الله ريماس شحالج ياقلبي يالله هانت الحمد لله ام عاشه ربي يقومج بالسلامه نتريا بارة ولادة بالسلامه ياعيوني رضاك ربي فديت كتكوتاتج الحلوات ربي يحفظهن من كل شر يالله شو تترين خلينا نولد وانتي بشرينا بحملج حبيباتي ولا اقصر بحق وحده فيكم جميع اشتقت لكم وربي يعطيكم الصحه ويهون عليكم ان ششاء الله وعلينا |
| الساعة الآن 01:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .