منتديات حوامل النسائية - تجمع حوامل ليبيا

ماشريت شي امقوم كله لزوم الثلاجة والغدائية
بيجوني صاحباتي بيتغدوا عندي الاسبوع الجاي اقترحوا اعليا شني اندير
هم صاحبات الدراسه وحدة جايتني من صبراته والاخرى ورشفانية من المايه
شنو انطيب وشنو انقدم للقهوة والشاهي والحلووووو

علي حسب جوهم كان يحبوا ويقتنعوا الا بالحاجات الغليظة ديريلهم كسكسي ومعاه امبطن وسليطة...
والا ديريلهم رز خلوط وطاجين لحم محمر وامبطن وسلاطة مشوية وسلاطة طماطم وكان تقدري معاهم ضولمة " يابراك "والا كاليلوني نحبها التركيبة هادي ...
والا كان نوعهم يحبوا الماكلة الجديدة ديريلهم لازانيا وديري معاها شريبة وشكلي سلطة مايونيز ومعاها سليطة والا اثنين ثانيات ..وكان عندك ورق بوريك الورقة ديري بوريك بالجبنة والسلك ..

ياحنا ديريلهم كابتشينو ومعاه شوكلت كيك هذا في العشية .. وبعد الغدي على طول طويسة شاهي خضرا بالنعناع وكعيكات ومكسرات ... طبعا وكان عند فاكهة قبل الشاهي ...

وصحتين عليكم مسبقا ..

ام وسونة

11-21-2011 02:37 AM

رد: تجمع حوامل ليبيا

غير جاوبيني علي اسالتي خيرك كنسلتيني

هههههه وبعدين نعطيك رأيي في عزومتك

ام قصى محمد

11-21-2011 02:37 AM

رد: تجمع حوامل ليبيا

اقتباس:

المشاركة الأصلية كتبت بواسطة يقين (المشاركة 1661722)

ام قصي حي يا حشمتي الناس برانيه استني خلي نستشور شعري شويه بس ولما تجي قدام عمارتنا بيبي ما تخافيش مش حنعطلكم بيبي تو ننقز من البالاكونه

لا ياحنه لا تنطى ولا حاجه hwaml8
نقعد بدل ما نمشى لسلفتىhwaml16 نرفعك للمستشفىhwaml10

ام وسونة

11-21-2011 02:41 AM

رد: تجمع حوامل ليبيا

ماشاءالله متفائلة كفت ووفت

المتفاااائلــــه

11-21-2011 02:42 AM

رد: تجمع حوامل ليبيا

اقتباس:

المشاركة الأصلية كتبت بواسطة ام قصى محمد (المشاركة 1663694)

لا ياحنه لا تنطى ولا حاجه hwaml8
نقعد بدل ما نمشى لسلفتىhwaml16 نرفعك للمستشفىhwaml10

الحمد لله على سلامتكم ان شاءالله اسمعتعتوا ..

قوليلنا أم قصي شني جو طلعتكم اليوم وشني حطولكم ... وكيف حطانهم وسفيراتهم نازكات ومتكمات والا عادي ... وانتوا شنو رفعتولها ... شني رايك في التحقيق ... هه

المتفاااائلــــه

11-21-2011 02:48 AM

رد: تجمع حوامل ليبيا

اقتباس:

المشاركة الأصلية كتبت بواسطة ام وسونة (المشاركة 1663717)

ماشاءالله متفائلة كفت ووفت

شني رايك في التركيبات هادي .. عطينا افكار من عندك نستفيدوا بيها .. كان جت عزومة على غفلة ..

المتفاااائلــــه

11-21-2011 03:01 AM

رد: تجمع حوامل ليبيا

ويييينكم .. شكلي بنوض نررقد ....

ღॐ آية ღॐ

11-21-2011 03:03 AM

رد: تجمع حوامل ليبيا

السلام عليكم كيفكم يا سموحات يا منورات يا سهرنات
الف مبروك علينا شدو المجرم عبد الشيطان البسبوسي الله ينتقم منه اللهم امين
ام وسونه ربي يتبتلك الحمل يارب ومتفائله ربي يسخرلك الحمل في القريب العاجل
اللهم امين ام قصي كيف احوالك وشن مدايرة
عيون الحمد لله على السلامه
ومشاء الله على العسوله سرورة تبارك الرحمن عليها ربي يحفضها ويحميها
نبو صورة حمودي ^_* والمهاري شن اخباره توة انامشيتله قبل رمضان حاله يبكي والله
توة شن اوضاعه ؟؟؟فيه بضاعه ولا منفض وشن اخبار قسم الملابس النسائيه متع الحوش * ^ كانو يجيبو في حاجات خطيرة ونحب نشري منه حاجاته راقيه"
وبنسبه لي عزومة صاحباتك متفائله كفت ووفت "
ليبيا قلبي مبروك على صاحبتك وعقبال كل وحده مخطوبه
يقين ربي يحفضكم ويهني مصر قولو امين "

ღॐ آية ღॐ

11-21-2011 03:06 AM

رد: تجمع حوامل ليبيا

بنسئلكم بنات على سوق المهاري شن اخبار الدور متع الماعين
فتح ولا قعد مسكر ....عنده حاجات للكوجينه حلوة هلبا ؟؟؟؟؟

المتفاااائلــــه

11-21-2011 03:07 AM

رد: تجمع حوامل ليبيا

اقتباس:

المشاركة الأصلية كتبت بواسطة ღॐ آية ღॐ (المشاركة 1663784)

أيووته حبيبتي أهلا وسهلا باهي جيتي نستنا فيك... كيف حالك اليوم ... ؟ قلتلك كلمت اليوم مصحة الفردوس وقالولي ان الدكتور ماعادش يخدم معاهم .. ماعندكمش رقم الدكتور نفسه ..

الساعة الآن 08:53 AM.

صفحة 1424 من 2135

1424

عرض 40 مشاركات من هذا الموضوع لكل صفحة

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .