|
رد: حبيباتى سيدات ليبيا تفضلو لأعرف ما حالكم
اقتباس:
خصيصا مدينه شحات أثارها (قورينا) أجمل مدينه اثريه بالعالم .. اخرتها خشو عليها بكتربيل خخخخخ ..عمومآ القصير حلو صح بس مش استايلي قصير يمكن بدل رسميه بس لللركبه..تحتها بشوي خديت الجوبير الطويل ابيض زوجي قالي الاسود احلي ههههه بعد شريته .. توا يجي ونشوفوا قتله لان خديت كوري الشيفون اسووود..قالي كان خديتي 2 قتله نشوف الاول وبلبنسبه لسؤالك وين بتلبسهم .. ان شاء الله ب ليبيا ... حاجات بسيطه وناعمه للمناسبات البسيطه.. لآن بصراحه دبش السوق وبضاعته قبل ما نسافر عقدتني كله توب ضيق استريتشات دبش مدامات هك كيف مانتخيل نا صح فيه لكن تدهشي بيش تحصلي وحتي خواتي قالنها ليا تواااا .. قالني دبش بكل رايح .. والولي ربي يحفظها .. ان شاء الله نحاول نديرلها نفس ماقلتي انتي واوشـــي .. مع اني صعبه كنت مع فراس وماشاء الله كان يتقبل هههه ماما ديما تقولي حرام عليك اوكال العيل باسل انقولوها كلاويا مازلن مايقدرنش ع تصفيه الملح صغير وهك فراس لعند 11 شهر لاحلو لا مالح .. نظام غدائي صحي طبي ههههه خاص بكل شهـــر.. وامس طلعنا مخصوووص .. وجبنا حاجات لها من سنهااا وتقبلت اصابع بسكوت هاينز واليوم بنجربلها الرز وزوجي حط علبة حليب قال الاحتياط واجب مرات شئ ليله تعاودلها حالة الرفض.. وتقبل الصناعي .. |
رد: حبيباتى سيدات ليبيا تفضلو لأعرف ما حالكم
اقتباس:
اي موديل فظيع .. زوجي العزيز مايساعدش ف الامور هذه وريتهم له قتله محتاره حلوااات كلهن قالي خوديهن كلهن ههههه جابها م الاخير .. بس قلت نسأل بنات ونشوف اذواقكن حيرتني بزياده ..ف وحدات قونات حلوة وف وحدات فوق احلى .. لي عجبتني ان بسيط وراقي واهم شئ بطم من تحت مسكر يدفي الاجناب ع قولة ماما لعند عمرنا 3.4 سنوات تلبس فينا داخلي مبطم من تحت .. وماتحبش العيل الصغير لي ظهره بعد يطبس يبان .. حرام خصيصا بالشتاء اكيد مايدفش.. ونا خديت منها هالفكره وقعدت ديما نركز ع نقطه هذه ف لبس الرضع ونحب القامجوات ف شتاء للجنسين بالحوش يدفن وهناااا حتتي علينا نحن تخيلي ف قامجوات نساء ورجال صيفيه وشتويه اخري من كثر ما متعودين عليهن .. وجسمي الحمدلله زوائد مافش نفس ماقلتلكم قبل زياده متناسقه ومساعد طول .. |
رد: حبيباتى سيدات ليبيا تفضلو لأعرف ما حالكم
اقتباس:
اهلا اوشي والله لا يوريك باس تسلمي وعليش بنكرهك بالعكس التنبيه كويس.. ولولي ماخشتش ع رجاله .. حتي نحن قلناهاا كان هذا قلنا عين والرقيه منزلة في نقالي و ع لاب توب ونستمعلها .. ونشغل فيها ولي حطيتها مابتش تفتح يقولي نوت فاليد وبالنسبه للفاسوخ خوفتيني واللي صار صار هههههه بس قصدك ع جو الجان وهك..؟ بس نا سامعه انا لي عنده جان مايحبش بنة الفاسوخ ..؟ ويقعد يرجع حشاااك..؟ وشفت حاجه هك ع طبيعه مره ... بس كان مش كويس ليش جداتنا وامهاتنا يطلقن فيه للجياب وللمولود الصغير .. مش يعتبر من الطيب .. ؟؟ عادي حتي المسك لي يجي مكعبات نحب بنته نا و زوجي وديما تمسح منها ع دبش العيال داخلي ... يقولوا كويس .. حتي هو .. وحاطه ف كل جهة مكعب ...يقولوا الشيطان اعوذ بالله منه لايطيق رائحته بالنسبه للبيت .. حاليا يذكر فيه الله دائمآ وسكنته مسلمين هذا الاهم ونطمنك ان صاحب الحوش ... المالك يعني (مسلم) |
رد: حبيباتى سيدات ليبيا تفضلو لأعرف ما حالكم
اقتباس:
وربي يحفظك ويهون غربتك .. ويجي البيبي ويونسك .. ان شاء الله يارب بالنسبه للرقيه دايره جهدي .. وان شاء الله خير .. حتي التيلفزون ع قناة السنة النبويه او سعودية القران الكريم حتي الواحد يحس بالنفحات الايمانيه خصيصا مع قرب موسم الحج .. ربي يبارك |
رد: حبيباتى سيدات ليبيا تفضلو لأعرف ما حالكم
اقتباس:
الله لايوريك باس جنوووده ..والحمدلله عدا ع خير .. نرقوا فيها ديما ربي يحفظها ..\ وح نحاول نسقيها نفس ماقلتي مية مرقيه ومبارك الايفوووون ... نزليله برامـــجه بس.. لان ح يقعد أحلى وافضل بهم خصيصا في ليبيا مافيش هذكا النت ع نقال .. ف مايحليه الا برامجه .. وان شاء الله يعيش ويجيبلك زوجك ديما احلى وارقي الهدايا ...وربي يحفظكم لبعض |
رد: حبيباتى سيدات ليبيا تفضلو لأعرف ما حالكم
اقتباس:
في المشيه في استراحه حلوه في دريانه اسمهاالخشمي اكلها حو خذينا منا وجبة سمك وامعاها سلاطات اورز طلعنا يوم الخميس نحنا اواصحاب زوجي 4 وامعاهم زوجاتهم درنا جو ايهبل مشينا ليانبيع روحنا السبت تكينا عل مطعم الكهف مطعم خيالي في شحات وسط الاثار اكلات شعبيه اومشاوي اوبورديم خذينا كسكسو بلتقليا او لحم بورديم اوكبده مشويه وامسير اوخبزه حوش اتهبل جاي في طريق لي تنزلي من شحات مش في الطريق الواعره "الغابه"الطريق الساهله لي عل اليمين مطعم كانك قاعده في كهف خياالي بكل اوقبل خاطري نمشوا درنه خاطري انشوف الشلال اصحاب زوجي قالوا درنه مش امانه ياربي احفظ واحمي ابلادنا "ان شالله مره اخرى انديروا زياره" |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
ان شاء الله اوشي تكملي حوستك علي خير وعلي اكمل وجه وكيف ماتبي بس ماتنسينا في الصور ممكن نسرقوا منك افكار جيجي اكيد الثريات بيطلعوا حلوات حتي هما اختيار الذواقة جيجي شموسة والله لما تحكوا علي الجبل الأخضر تسهفوا فيا احني هنايا في الزاوية فيه شوي تعقيد من ناحية الطلوع للمطاعم لو مش في طرابلس او صبراتة مانقدرش .. والباين عندكم هلبة اماكن تطلعولها وتغيرو فيها جو ... احني ياتونس يا الحوش بصراحة حلوة فكرة الاكياس قدام الباب ام فراس مبادرة كويسة رغم انها في بلد مش مسلم |
رد: حبيباتى سيدات ليبيا تفضلو لأعرف ما حالكم
ام فراس زي شني البرامج الأيفون
حاليا قاعدة مااستخدمته لان زوجي رفع شفرتي حتي يقصها طبعا مدار قاله ه>ه صعب تنقص رغم انه زوجي عنده أيباد وقاصله شفرة ليبيانا |
رد: حبيباتى سيدات ليبيا تفضلو لأعرف ما حالكم
هلا شموسة
وين وصليت في مشوار البني |
رد: حبيباتى سيدات ليبيا تفضلو لأعرف ما حالكم
بكرا عندي فرح صاحبتي واخذينها عرب من شحات "اوشي توصي بيها"ياربي ايهنيها امس طلعت خذيتلها لانجري حلو بكل لونه اسود بلذهبي اليوم ماشيتلها عندها حنه اصغيره اوبكرا الحفله في قاعه في ليلة العمر
توا درت حمام اوبرمت عل روحي ابمكينه ابرون واشويه اخر نبي نبدا بشعري انفكر نلبس فستان تايجرشيفون كم |
رد: حبيباتى سيدات ليبيا تفضلو لأعرف ما حالكم
حلوووووووووو التايقر
اوصفيلنا شكله شموس |
رد: حبيباتى سيدات ليبيا تفضلو لأعرف ما حالكم
اقتباس:
بلنسبه للطلوع لمطاعم مانكذبش عليك مانطلعلهنش لي قي بنغازي لي نطلعلهن اغلبيتهن استرحات او منجعات "زي لاقونا ياام فروسي" اوملاهي لكن في وسط بنغازي ناخذوا اوناكلو في الحوش ههههه |
رد: حبيباتى سيدات ليبيا تفضلو لأعرف ما حالكم
http://forum.hwaml.com/imgcache2/hwa...537561_449.jpg
قريب من التفصيله هذي بس هو من فوق تايجر اومن تحت اسود ورقبة عاليه عند الرقبه فيه ربطه اورده حمره اوركبت عليه كندرا حمره |
رد: حبيباتى سيدات ليبيا تفضلو لأعرف ما حالكم
اقتباس:
كان عندي امال عل العيد انكملوا بس ماضنيش مازال يبي وقت |
رد: حبيباتى سيدات ليبيا تفضلو لأعرف ما حالكم
نمشي انصلي الظهر اوندير غداي اونبد في شعري
ان شالله دايره غدايا" شربة عدس اورز ابيض اودجاج محمر" |
رد: حبيباتى سيدات ليبيا تفضلو لأعرف ما حالكم
اقتباس:
ماشاء الله ع الاجواء السمحه ان شاء الله دوووووووووووم وحلوة اللمه بعد تمشوا مجموعه احلى واحلى ..... بس المطعم وسط الاثاار .. ؟؟ الحق رغم اني مشطين المنطقه تمشيط ماعرفتش ههههه يمكن واحد جاي ع اليمين هك بعد سوسه بفتره.. بس صبينا وغيرنا راينا وحتي نحن نفس الجو زوجي مايحبش يقعمز بيا ف مطعم خخخخخخ يجيب وجباااات وناكلوا حتي اياماااات شهر العسسسسل .. ازوجت صاحبتي باسبوع تقولي نعدوا لفينيسيا وبيزا السفاري سابقآ لي جنب العرب الطبيه وجنبه الروابي ...رغم انهن قريبات وقتها احداث سكنا ف بنغازي اجرنا شقة مفروشه بالفويهات جنبهن ..5 شهور وع مادرت فيه ما اقتنعش بكل نا كنت نبيها ك تغيرة جووو خصيصا في اوقات يفضن وف صاله مخصصه للعائلات زي ما انتي عارفه بس راسه مسكر هههههه يمكن ف فندق المناره بس رقاني للفطور لانه الصاله فوق اخر دور وع الهواء الطلق ومنظر خلاب من فوق اقتنع اشوي ومع ذلك فطرة فوق و 2 يطلب بالدار والعشا والغداا بالدار عمري مانزلت صالة العشاااا.. بس ببريطانيا بعد شاف المطاعم اللبنانيه وجوهن .. وهدوءهن طلعني لمطعم واخيرا هههههههه ومع ذلك مازال الديلفري شغاااال .. قاعده أنزن ع مطعم تركي جنبنا راقي بكل شكله بس ترقيله بدروج عالي يقولي الكروسه الدبل قابينا شئ يركبها ههههه يعني 4 مرات تغديات ف الباشا والسلطان .. لبنانيات ومرتين بمطعم هندي في سنتر الانفاق .. اظطرينا عاد لان جعنا ومافش الا هو حلال يعتبر انجاز مع انه مش حيتكرر ف ليبيا طبعا ف استراحة الحيط عادي لان عارفه نظامهم كيف كل واحد ياكل بعيد ع الاخر وسط السفرتح هذكا تخشي ف عشا والا كوخ هههه |
رد: حبيباتى سيدات ليبيا تفضلو لأعرف ما حالكم
اقتباس:
حلو هذا عندي منه عنابي يشبله بكـــل بس واسع من تحت الخصـــر لتحت ومن الخلف فيه ديل خفيف .. لبسته ايامات حمل فراس ف اكثر مناسبه لانه مريح .. واستايل التايقر (النمر) يجنن .. عندي بلوزه شيفون نمر .. فيها لمسه بسيطه ع الاحمر يعكس بجد عليه ... وايامات الجامعة كانت عندي بلوزة شموا تايقر مميزه جدآ كانت جايبها ليا خالي من ايطاليا وتوا الولي عندها بيجامتين نمر .. باتها بعد تلبسهن يقولوها نيماارا هههههههه ومبارك ع صاحبتك وتغيري جو ان شالله ف فرح ... اه اسهفت بعدك فرح خالتي قرب ... 8 10 وامس نحلم اني عندهم وعايشه اجواء الفرح |
رد: حبيباتى سيدات ليبيا تفضلو لأعرف ما حالكم
اقتباس:
زي مثلآ مصحف كامل بالشرح والتفسير والصوت اي قارئ تبي نزليه وفيه لي جامع اكثر من قارئ,,, \برامج واجد والعاب وتطبيقات ... وبرامج حلوة للصور زي فوتوشوب واحلى برامج طبخ نقالاتي معبيات منهن ههههههه برامج اخري مثل ماتحبي وع اي شئ يخطر ببالك.. مثلآ هنا كنت منزله ف رمضان خواطر شاب وبعد تنزل الحلقه طول يندار تحديث ونقدر نتفرج عليها نفس الشئ اي برنامج او شئ ع القنوات الفضائيه يتنزل بس هذه ماتبيش نت ليبيا لذلك الايفوت في ليبيا يعتبر منظر وبرامج بسس بالنسبه لقص الشفره عادي جنوده كيف لبيانا كيف مدار ايامات حملي بفراس جابلي زوجي ايفون 3 كان اخر اصدار وقتها بالسووووق... ونزلي برامج من محل ببنغازي وقصلي شفراتي الاثنين عادي واحتفظي بالجزؤ المتبقي منها عشان تقدري تركبيها ف نقال اخر.... ومتوفرات بكل هنا تشريهن ورخاص مايكلفنش 4 دينار ليبي قصاصة الشفرات خدينا وحده نلقوهااا .. ونا مازلت ماخديت نراجي ف الاصدار 6 وزوجي خداااها وخدينا آي بود مش اي باااد يعني نفس حجم الايفون بس ارق وماتركبش فيه شفره هذا جو برامج وتطبيقات وهو من شركة ابل نا قلت نلقاه لفروسي ف العاب وجو هذا خصيصا حجمه اقنين مش امسخط |
رد: حبيباتى سيدات ليبيا تفضلو لأعرف ما حالكم
اقتباس:
تقبل الله ... وصحة غداااك نا حاست عندي اليوم شيش طاوووق ومازال ماقليته ولا غلفته امس بيته ف التتبيله بالثلاجه بليل .. ودرت الرز مازلت التقلـــية والسلطاااات |
رد: حبيباتى سيدات ليبيا تفضلو لأعرف ما حالكم
[qu
ونبي نسألكـ نحن في بلد غير مسلم بس متطقتنا تعتبر فيها نسبه مسلمين من جميع بلدان .. مع ان جيراني قدامي وجنبي انجليز ... المهم سؤالي ع موضوع الصدقه ... ومانبيش نكثر حديث عليها وع حبي لها لانها بجد من أجمل الاعمال لدينا خصيصآ بعد تقعد لله خالصه اي تعطيها بيدك اليمين وماتخليش اليسار تشوفها .. كيف نتصدق في هالبلد ...........؟؟؟ في ناس تجي تسأل فينا بس من غير دينا و زوجي نموذج كيف صارلنا امس احد .. وواحد انجليزي جا يمشي ويقنع ف زوجي يبي فلوس واستغفر الله شكله سكير وحتي زوجي قالي السبت والاحد يكثروا عشان بيسكروا اعوذ بالله..وطبعا زوجي هالنماذج مايعطيش فيهم..لان يقول بيسكروا بهن بس مثلآ غير ذلك يعطي عارفتيهم اكيد كيف نظامهم هنااا يجلس ويحط زي العلبه قدامه .. مثلآ يرسم .. او داير مجسمات رمل .. او غيرها هل تعتبر كصدقه ياتري او حتى من باب مساعدة المحتاااج والسائل ؟؟وكيف نتصدق ببلد غير مسلم؟ وكذلك في موضوع مهتمين به هنا وهو من فترة لفتره يحطولنا في البريد متاع الباب اكياس خاصه بالدول المحتااجه والفقيره خصيصا الصومال تحطوا دبش مستعمل غير محتاجيلنه بس في حاله جيده .. طبعا مبادره عجبتني منهم رغم انهم مش اسلام لكن المسلمين ح ينحسبلهم الاجر أكثر .. صحيح ... معليش كان طولت عليك عزيزتي[/quote] مرحبتين ام فروسي كيف حال الوله توا ان شاء الله احسن ؟ حابه نقولك كيف احني نديرو هنابالنسبه لموضوعك بالنسبه للاكياس حتي احني نفس الشئ نلقو فيهم قدام الباب وهما يقولولك حطي اي شئ عندك يعني مايهمش جديد قديم هلبا عادي فالحق نحسه عادي لو تصدقتي بشئ وانتي في نيتك بتساعدي محتاج وخاصة تشوفي في حال الصومال والدول الافريقيه الفقيره اني الحق نفرح لما نحس انه نقدر نوصلهم حاجه بالطريقه هذه بالنسبه للصدقات لو عندكم مسجد قريب منكم تقدرو تحطو فيه وانتم مرتاحين وزيادة يعتبر صدقه جاريه اهني مدايرين صندوق تبرعات في المسجد وحط اي مبلغ ويوم الجمعه تتبرع اي مسلمه يعطيها المسجد دجاج ورز وسلطة وهي اطيبهم واتجهزهم واديرهم وجبات وبعدين يبيعوهم بعد صلاة الجمعه والي يشري هدفه بيساعد الجامعلانه مش سعرها الوجبه فهمتي ومخصصين يوم في رمضان من كل سنه يديرو عشاء مفتوح ويلتمو المسلمين وكل واحد يتبرع بملغ تعرفي ماشاء الله يوصلو الي 70 و 80 الف دولار واقل شئ يجمعو 20 الف وطبعا كله يرجع للجامع صيانه واهتمام يهبل وماشاء الله الليبين هنا اكثر من مهتم بيه في ميزان حسناتهم ان شاء الله ف قصدي نحسه المسجد اكثر شئ مضمون واحق بالصدقه وربي يقدركم ع فعل الخير |
رد: حبيباتى سيدات ليبيا تفضلو لأعرف ما حالكم
ماشاء الله شموسه ربي يهنيك طلعاتك توسع الخاطر وتغير الجو ومبارك ع صاحبتك والقفطان عجبني يهبببببل نحبه الموديل هذا مع انه رقبته واسعه شويا اكيد ح تطلعي حلوة كالعاده ربي يحفظك
|
رد: حبيباتى سيدات ليبيا تفضلو لأعرف ما حالكم
اليوم ان شاء الله متغديين في مطعم ليبي نحب نمشيله اااه نشم عليه في ريحة بلادي
|
رد: حبيباتى سيدات ليبيا تفضلو لأعرف ما حالكم
اقتباس:
حابه نقولك كيف احني نديرو هنابالنسبه لموضوعك بالنسبه للاكياس حتي احني نفس الشئ نلقو فيهم قدام الباب وهما يقولولك حطي اي شئ عندك يعني مايهمش جديد قديم هلبا عادي فالحق نحسه عادي لو تصدقتي بشئ وانتي في نيتك بتساعدي محتاج وخاصة تشوفي في حال الصومال والدول الافريقيه الفقيره اني الحق نفرح لما نحس انه نقدر نوصلهم حاجه بالطريقه هذه بالنسبه للصدقات لو عندكم مسجد قريب منكم تقدرو تحطو فيه وانتم مرتاحين وزيادة يعتبر صدقه جاريه اهني مدايرين صندوق تبرعات في المسجد وحط اي مبلغ ويوم الجمعه تتبرع اي مسلمه يعطيها المسجد دجاج ورز وسلطة وهي اطيبهم واتجهزهم واديرهم وجبات وبعدين يبيعوهم بعد صلاة الجمعه والي يشري هدفه بيساعد الجامعلانه مش سعرها الوجبه فهمتي ومخصصين يوم في رمضان من كل سنه يديرو عشاء مفتوح ويلتمو المسلمين وكل واحد يتبرع بملغ تعرفي ماشاء الله يوصلو الي 70 و 80 الف دولار واقل شئ يجمعو 20 الف وطبعا كله يرجع للجامع صيانه واهتمام يهبل وماشاء الله الليبين هنا اكثر من مهتم بيه في ميزان حسناتهم ان شاء الله ف قصدي نحسه المسجد اكثر شئ مضمون واحق بالصدقه وربي يقدركم ع فعل الخير [/quote] اهلا اموله وصحة غداااك بالمطعم الليبي مقدما حلوة تغيرة جووو .. وبيش تقولينا شن طلبتوا بالضبط .. بالنسبه لموضوع المسجد الحمدلله زوجي بينه وبين نفسه يحط ف الصندوق .. ماكنتش حابه نذكر بس عشان الامور هذه نحبها تكون بالكتمان وماشاء الله اللهم باااااااااااااارك ع فكرة المسجد روعه بجد .. اجمل شئ هذا التبرعات ويوصلوا لمبلغ كبير وفكرة التطيب الاكل جميله جدآ... احلي شئ بعد اتطيبي لناس محتاجه مثلآ ف ليبيا نقدر ندير حاجه هك وتنحط بموائد الرحمان او المسجد بس هنا ما اعتقدش فيه الفكره هذه بمسجد المدينه اسمه لي جنبنااا .. والاكياس فكرتهم روعه وطبقناها ولله الحمد ..كان سؤالي بم ان نحن مسلمين اكيد ح تنحسبلنا صدقة .. وبنسأل ع اعطاء المحتاجين السائلين من غير ديناااا سامعه ع الامور هذه وقاريه ف السيره نبويه وسيره الفاروق عمر بن الخطاب رضي الله عنه وأرضاه اما اعطا اليهودي من بيت مال المسلمين.. هذا كان سؤالي لآن اصحاب زوجي بعد شافوه عطى وحده طلبت منه محتاجه كبيره بالعمر\ قالوله نصابين والجو هذا هذوما ..وهو ماعدلش الحق قال عادي اعتبروها صدقه قالولا لاتجوز الصدقه ع غير المسلمين قاللهم معش تفتوا في الدين بغير علم ..به اعتبروها مساعدة لمحتاج طلبك ..وحرام ترده بس حتي في ليبيا دام الواحد سألك وطلب منك بينك وبين نفسك انت ساعدته وهو بينه وبين له اذا كان محتال .. هذا استفساري رغم معرفتي بالموضوع بس برضه التأكيد كويس والصدقة تدفع البلاء .. |
رد: حبيباتى سيدات ليبيا تفضلو لأعرف ما حالكم
ام فروسي القيت صور في النت لمطعم الكهف انا ماصورتش لاني كنت متنرفزه من عبسي بهدلني في الطريق
https://fbcdn-sphotos-b-a.akamaihd.n...79281647_n.jpg https://fbcdn-sphotos-b-a.akamaihd.n...79281647_n.jpg https://fbcdn-sphotos-d-a.akamaihd.n...56626425_n.jpg |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
هو يا شموسه لي قلت صبينا جنبنا وبرا في رجاله واجد وقتها زوجي حسيته مايبيش ينزل ههه ضحكت وقتله نعدوا فندقنا وخلاص ..
وان شاء الله ح نزوروه بعد نروحوا ,,, وكنه عبسي السموووح عشان الكرسي صح لنقانه تعب .. ايامات فروسي كرسي سيااااره ديما متواجد حتي ف المشاوير البسيطه.. رزم انحطه فيه نجك ليا ف مشيات الجبل نحطوا فيه ف نص لاورا يقعد يبحث وعاجبه الجووو.. وبعد طق سنه غيرناه بواحد لعمره من تشيكوو معاه العاب فيه جو ازعمه الولي اتقبله هههههه بعد سافرنا كانعمرها شهرين ماقعمزتش فيه تعودت ع الكروسه .. توا هي لاني الحق خصيصا بعد انعدي لهلي ببنغازي ويقعد العيل حرك بسلامته صعب اتحكمي فيه قداااام .. بس كيف ما جاش في بالكم ونسيتوه في رحله وطريق طويله هكي... |
رد: حبيباتى سيدات ليبيا تفضلو لأعرف ما حالكم
نبي نمشي لشحاااااااااااااااااااااااااااااااات
حتي راجلي مقتنع بس مستحيل مع الحمل بنصبر للربيع كان ربي اراد وخلاص |
رد: حبيباتى سيدات ليبيا تفضلو لأعرف ما حالكم
اقتباس:
هيا صاح الطلعه حلوه بس زوجي امحول كرسي عبسي امتاع السياره علاشان تعبني اودمرلي كرعيا اوحسيت الطريق معش تبي تكمل لا لا انا اررقبته نفس نظام هذاhttp://forum.hwaml.com/imgcache2/hwa...555747_731.jpg |
رد: حبيباتى سيدات ليبيا تفضلو لأعرف ما حالكم
اقتباس:
قلتها قلت اكيد لما اتشوف ثاني صوره حتجمعه لاني ديما انشوف فيه بس مش خطر عليا من جوه هكي حلو قصة الكرسي انسيناه في سياره لصغيره لي نطلع بيها انا اونحنا مشينا بلسياره الكبيره |
رد: حبيباتى سيدات ليبيا تفضلو لأعرف ما حالكم
اقتباس:
انشجعك تعالي في الرابيع اكييييييد احلى |
رد: حبيباتى سيدات ليبيا تفضلو لأعرف ما حالكم
السلام عليكم كيف حالكم ومساء الورد
حاااااااااالة الضيء مدايرها فينا نحرقنا من النو مع الزباين هههههههههههههههه عمتكم سوسو واحد خاش وواحد طالع جوووووووووووووو |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم يا بنات اااه يابنات مريييضه ومش قادرة نوقف لا نقعمز راسي وحرارة وجسمي كله متكسر وشعور مش قادرة نوصفه أمس الصبح كان مافيا شي مشينا لوحدة ليبية دايرة عملية عالمرارة قعدنا تغدينا عندها وروحنا العشية أمس الجو يا لطيف سييييل مطر خيط من سمي وصقع واني ما لبستش كبوطي مانحسابش الجو هكي والله قريب تجمدت وشكلي كليتها بردة قوية وقاعدة بلا ماكلة وشراب من أمس الغدي مع إني حتي أمس الغدي ماكليتش زين والبركة في سوما المهم والله نضت الصبح بالسيف مندير فطور لراجلي لأنه حتي عشي ما تعشي مسكين علشان ما تعشيتش حتي أني ماباش يتعشى حتي هو وتوا قبل مايعدي شد فيا هلبة عالفطور قالي عالأقل علشان سما قتله تو نفطر غير امشي والله أني ما خاطري نحط حاجة في فمي يااارب وبس تو منحاول انوض ناكل شويه ونتنشط علي شان سوما تبي من يرد باله منها راحت حركية سلامتها وتمرد كل مرة انوض نجيب فيها مرة من المطبخ مرة ماشية تحت الطاولة الله يعيني وبس |
رد: حبيباتى سيدات ليبيا تفضلو لأعرف ما حالكم
الحمد لله فرسة يللي بنتك رضعت
شفتي الموقف؟؟ تبدي تقولي خلاص نرضعها غير ماتسيبنيش .... حاسة بيك خاشة عالسريع توا قريب يجي حد العشية جو متعين الحوازة |
رد: حبيباتى سيدات ليبيا تفضلو لأعرف ما حالكم
جيجي الحمد لله على سلامة أختك ومبارك ماجاكم
اللهم إجعلهم من عباده الصالحين... |
رد: حبيباتى سيدات ليبيا تفضلو لأعرف ما حالكم
ألف لابأس عليك ياغالية
هدية يارووووووووحي بري خودي حاجة سخوووووووووووووووونة بالعسل ادفيك وتنشطي وماتسيبيش الماكلة توا تزيدي تمشي فيها وعلى خاطر سوما زي ماقال راجلك وحاولي تاخدي شاهي اعصري فيه ليمة قاااارصة غصبي على وحك بالسيف وربي يهديك وخلاص عملة درتيها\ بس حتى انا كيف تصلحت ههههه الحمد لله انتسحنتو وبعدين نقولوا مرضنا كنت مزكووووووووووومة وحلق شوية |
رد: حبيباتى سيدات ليبيا تفضلو لأعرف ما حالكم
اقتباس:
ربي يكون في عونكم لنقانه الحمووو مانتحمله توا جو سمح عاد هنا لكن .. مروحه مروحه لجونا الجميل خخخخخخخخخخخخخخ شمس وحمو وقطع ضي فوق هذا كله الله المستعان.. هو مازال يقطعوا فيه الضي.؟؟؟؟؟؟؟؟ لامتس بسسسسسسسس ربي يكون في العون |
رد: حبيباتى سيدات ليبيا تفضلو لأعرف ما حالكم
هدية خودي حليب سخون وعسل
|
رد: حبيباتى سيدات ليبيا تفضلو لأعرف ما حالكم
اقتباس:
ألف لاباس عليك حبيبتي ديري بالك ع روحك عشان بنيتك ما عندها من يعانيها الا انتي وبوها قرايه طول النهار حاسه بك ... بعد نمرض هنا زي ماصارلي برمضان ويوم لية الدورة نفسيتي تتعب بزياده ونبكي من هالغربه.. وندعي ربي يعطيني قوة عشان العويله بسسس.. خودي شاي اخضر بالنعناع كويس لالتهال الحلق والبرد... واكيد عندكم حبوب انفلونزا يساعدنك واااااااااااااااجد والف لاباس عليك انا استغربت بعد ماخشيتيش وقلت ف بالي غريبه هديه مش عوايدها بس قلت يمكن عشااان ويك اند ومقضيته مع زوجها |
| الساعة الآن 11:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .