|
رد: 【ツ】أحلى تجمع لأحلى حوامل التوائم 【ツ】 الجزء الثالث
السلام عليكم
شخباركم خواتي الف مبرؤؤؤؤؤؤؤك لضوء السحر ولسديم اعرف أني غائبة من فترة بس والله كنت مرقدة بالمستشفى اخر موعد لي اكتشفوا انه عندي ضغط وعادولي الفحص 4مرات والضغط كله مرتفع فخافوا علي من تسمم الحمل فرقدوني من يوم الأحد وتوني من شوي طالعة المهم الحمدلله عطوني حبوب للتحكم بالضغط وقالولي تستمرين عليهم كل يوم مرتين وترى بقولكم كروشات. اذا فيكم تنفيخ حاسبوا ليكون من الضغط لانه أنا حدي متنفخة وكلمن يقولي عادي بس طلع موعادي طلع هالتنفيخ من الضغط وانا ولاادري وترى أنا موعدي للولادة 2/5 يعني بقالي أسبوعين. الدور على إحساس رؤؤعة ماادري وينها باريت تدخل تطمنا عليها |
رد: 【ツ】أحلى تجمع لأحلى حوامل التوائم 【ツ】 الجزء الثالث
مرحبا بيكي اختي ....عقبال ما توصلين التاسع علي خير وتفرحي بتؤامك ان شاء الله ....
بالنسبه لابره الرئه دكتورك هو اللي يقرر يعني اذا الوضع بفضل الله مطمئن يمكن ما تحتاجيها...لكن في الغالب الدكاتره يعطوها في اول الثامن من باب الحيطه....اذا كان هناك اعراض ولاده مبكره...ربي يتم حملك وحملنا علي خير اللهم امين... هلافيك بنت مصريه الله يجزاك خير والله يتمملي يارب واوصل التاسع ولو يوم واخايفه من الحين احس اني واولد من كثر الضرب من تحت😥 بنات انا الله يكرمكم لما امسح بالمنديل فيه خفيف دم من او ماحملت والدكتوره تقول عادي مين صارله كذا 😉 وفيه اسئله كثيره بس لما اتعود عليكم😁😁 ومرحباااااااا في كل من رحب فيني 😘😘 |
رد: 【ツ】أحلى تجمع لأحلى حوامل التوائم 【ツ】 الجزء الثالث
الحمدالله ع السلامه يام عائشه ماتشوين شر
|
رد: 【ツ】أحلى تجمع لأحلى حوامل التوائم 【ツ】 الجزء الثالث
هلا اختي عاشقة الغروب والله يسلمك. من كل شر يارب
وبالنسبة للدم أنا كنت نفسك في بداية حملي كنت كل ماادخل الحمام أكرمج الله أشوف شوية دم بس خفيف يعني بالمنديل وفعلا قالي دكتوري عادي اختي انتي اي شهر |
رد: 【ツ】أحلى تجمع لأحلى حوامل التوائم 【ツ】 الجزء الثالث
احلى تونز انا موعد الالتراساوند الاخير كان عند استشاريه الاجنه قبل اسبوعين وكانت استشاريه قلب بس شافت قلب الاجنه ولما قلت لها ما شفتي نموهم قالت مو من اختصاصي انا بس اشوف تكوين القلب
المهم انا توني جايه من موعدي اول ما دخلت قالت لي ضغطك شوي مرتفع وسوت لي تكرمون تحليل بول والحمدلله مافيه زلال وقالت لي يالله عندك تخطيط للجنين وبعد التخطيط عادت لي تحليل الضغط والحمدلله نزل قالت يمكن متوترة وخايفه قلت مادرت عني وعن وسواسي خخخ وسوت لي تحليل سكر لقته مرتفع وبعدها دخلت على الدكتورة وقالت لي ليش الحكومي لما شكو ان فيج سكر ما عطوج حميه لين موعدج اللي بعدة وانا شدراني عنهم ..الحمد لله التخطيط ما بين اي تقلصات او طلق عندي بس واايد تاخرت في قياس الجنين الثاني النايم حتى ما قدرت تاخذ قياسه عدل بس قالت لي الجمله اللي اسمعها كل موعد في فرق بينهم في الوزن صار عندي عادي اول كنت اقعد احاني واوسوس قلت اهم شي انهم يكبرون مو مهم الوزن بس وقالت لي لازم اتابعين معاي كل اسبوعين علشان اتابع الضغط والسكر ونمو الاجنه ونسوي تخطيط وبس |
رد: 【ツ】أحلى تجمع لأحلى حوامل التوائم 【ツ】 الجزء الثالث
ريماس الف الحمدلله انج تطمني عليهم. حتى أنا فيه فرق حوالي400غرام بالوزن بينهم عادي قلبؤ
الا بسالج كم بالعادة يكون عندج الضغط اذا كان مرتفع أنا عالمية كان 160/86عالي صح |
رد: 【ツ】أحلى تجمع لأحلى حوامل التوائم 【ツ】 الجزء الثالث
ام عاتشه اتا اليوم قالت لي الدكتورة اني اتابع السكر والضغظ في البيت ,,,الضغط ما يزيد عن135\90 والسكر لازم بعد الاكل بساعتين ما يزيد عن 120 وعطتني حميه للسكر وان شالله بكرة الصبح بروح الجمعيه وببتدي من بكرة في الحميه
|
رد: 【ツ】أحلى تجمع لأحلى حوامل التوائم 【ツ】 الجزء الثالث
اي صح ضغطج اللي فوق عالي انا اليوم كان 150\86
|
رد: 【ツ】أحلى تجمع لأحلى حوامل التوائم 【ツ】 الجزء الثالث
ام عايشة ما تجوفين شر
ريماس خلي بالج من نفسج ، وترا الحمية ما يبيلها شي ، بس زيادة اهتمام ومتابعة جم طلع عندج السكر لما قاسوه عندج ؟ وكان معاهم حق كان المفروض من شكوا عندج سكر يعطوج حمية ، بس يلا وصلتي لآخر المشوار آنا جارتي أمس صدمتني لما قالت انها بعد ولادة الجنين اكتشفوا ان كان عندها سكر !!! طبعا سكر حمل وراح مباشرة بعد الولادة ، وهذا أكبر دليل على ان السكر مو لهالدرجة خطير اذا كان سكر حمل وما يرتفع وايد بس عاد تعرفين بحمل التوأم يخافون من النسمة الطايرة على قولتهم . وأنا اذا بيتفع السكر بيرتفع وجبة وحدة كل 5 أيام وإذا بس كليت سويتس أو طلعت تعشيت برا وخبصت في الأكل ويلا هانت كلها جم أسبوع وان شاء الله رح يكون الأنسولين مجرد ذكرى ، ادعولي بهالشي . باجر موعدي في الحكومي إن شاء الله .................... دعواتكم |
رد: 【ツ】أحلى تجمع لأحلى حوامل التوائم 【ツ】 الجزء الثالث
اماني مادري كم طلع ما قالت لي الدكتورة بس قالت مرتفع ونفس كلامج قالت اصلا هذا عادي ومتوقع في حمل التوام
والله ييسر لج موعدج بكرة وصيري نفسي في الموعد صادني بروود من كلام الدكتورة قلت لها الله عطاني اياهم والله بيحفظهم وانا بسوي اللي علي والباقي على ربي >>> شعندها البطله خخخخ ..والله صج يعني احنا بنغير كتبت ربنا احنا بندعي لبعض ولربنا وراح نرضى باللي الله كاتبه يالله روحي بكرة وانتي قويه واهم شي طمنينا عنج اول ما نرجعين |
| الساعة الآن 01:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .